18/05/2026
ANG KAMATAYON UG PAGKABANHAW NI YAHVAHSHUA
Leksyon no. 20
May 23, 2026
Basahon sa Kasulatan: Lucas 23:44-56
Piniling Teksto: Marcos 16:6
1. Sa kamatayon ni YaHVaHshua, unsang adlawa siya gilubong? Unsa ang gibuhat ni Jose nga taga-Arimathea?
Marcos 15:42-46;
42 Ug sa pag-abut na sa kahaponon, tungod kay kadto adlaw man sa Pangandam, nga sa ato pa, adlaw nga pagasundan sa adlaw nga igpapahulay,
43 si Jose nga taga-Arimatea, usa ka talahurong sakop sa Sanhedrin, nga nagpaabut usab sa gingharian ni YaHVaH,nangahas sa pag-adto kang Pilato sa pagpangayo sa lawas ni YaHshua.
44 Ug si Pilato wala maniguro nga siya namatay na; ug sa natawag niya ang kapitan, iyang gipangutana kon si YaHshua patay na ba.
45 Ug sa nasayran niya sa kapitan nga siya patay na, gihatag niya ang lawas ni YaHshua ngadto kang Jose.
46 Ug kini siya nagpalit ug panapton nga lino, ug sa nahugos na siya niya, iyang gilimisan siya sa panapton nga lino ug gipahimutang sa usa ka lubnganan nga kinubkob diha sa kilid sa pangpang; ug iyang giligid ang usa ka bato ug gisap-ong kini sa pultahan sa lubnganan.
Lucas 23:50-53
50 Ug dihay usa ka tawo nga ginganlan si Jose nga taga-Arimatea, usa ka lungsod sa mga Judio. Siya sakop sa Sanhedrin, ug usa siya ka tawong maayo ug matarung,
51 nga wala mouyon sa ilang gilaraw ug gibuhat, ug siya nag-paabut sa gingharian ni YaHVaH.
52 Kining tawhana miadto kang Pilato ug kaniya iyang gipangayo ang lawas ni YaHshua.
53 Ug kini iyang gihugos, ug gilimisan niyag panapton nga lino, ug gipahimutang sa usa ka lubnganan nga kinubkob diha sa kilid sa pangpang, nga wala pa gayud kalubngi.
Nota: Ang mga iskolar sa Bibliya nagpahayag nga ang gihisgutang Adlaw sa Pangandam mao kadtong pangandam alang sa Dakong Adlaw (High Days) sumala sa gihisgutan sa Juan 19:31.
2. Kinsa pa man ang mga nakasaksi sa pagpahiluna ni YaHVaHshua? Unsa usab ang ilang gibuhat?
Lukas 23:54-56
54 Adlaw kadto sa Pangandam ug nagsugod na ang adlaw nga igpapahulay.
55 Ug misunod ang mga babaye nga nanguyog kaniya sukad pa sa Galilea, ug ilang nakita ang lubnganan, ug kon giunsa sa pagpahiluna ang iyang lawas;
56 ug unya namauli sila, ug nangandam silag mga pahumot ug mga ighahaplas. Ug sa adlaw nga igpapahulay, namahulay sila sumala sa sugo.
Nota: Ang balaod sa tinuig nga Igpapahulay sama sa “walay bisan unsa nga bulohaton nga pagabuhaton” (Yearly Sabbath- see Leviticus 23:1-44) gikuha gikan sa balaod nga anaa sa sinemanang Adlawng Igpapahulay (Weekly Sabbath) nga anaa diha sa Napulo ka sugo (Exodo 20:10).
3. Unsa ang gisaysay diha sa sinulat ni Marcos mahitungod sa pagpamalit sa mga babaye ug mga pahumot aron ilang haplasan ang lawas ni YaHVaHshua?
Marcos 16:1
Ug sa pag-agi na sa adlaw nga igpapahulay, si Maria Magdalena, ug si Maria nga inahan ni Santiago ug si Salome, nanagpamalit ug mga pahumot aron ilang adtoon ug haplasan ang lawas ni YaHshua.
Nota: Diha sa teksto nga “…Ug sa pag-agi na sa adlaw nga igpapahulay…”, adunay managkalahi nga saysay mahitungod sa adlaw sa pagpamalit nga anaa sa sinulat ni Lucas (“…Adlaw kadto sa Pangandam ug nagsugod na ang adlaw nga igpapahulay… ug unya namauli sila, ug nangandam silag mga pahumot ug mga ighahaplas…-see Lucas 23:54-56). Ang mga nagatuki mahitungod niini nagpahayag nga adunay duha ka managlahing Adlaw nga Igpapahulay nga gihisgutan niini nga mga teksto. Una, ang Lucas nagsaysay nga susama diha sa Juan 19:31 nga nagtumong sa Tinuig nga Adlawng Igpapahulay sa Dakong Adlaw (High Days) nga mao ang Piyesta sa Tinapay nga walay Lebadura. Ug ang Ikaduha, mao ang Sinemanang Adlawng Igpapahulay nga maoy gihisgutan sa Marcos 16:1.
4. Kung atong gamiton ang mga pangalan sa adlaw diha sa semana, mao kini ang saysay gikan sa kamatayon ni YaHVaHshua hangtud sa Iyang pagkabanhaw: Ang mga babaye namauli human nga nakalantaw sa lubnganan ni YaHVaHshua sa kahaponong dapit sa adlawng miyerkules. Sila mipahulay sa Dakong Adlaw nga Igpapahulay (High-Day Sabbath) gikan sa miyerkules sa gabii hangtud sa huwebes. Sila namalit ug mga pahumot posibleng diha sa mga adlaw nga huwebes o biyernes sa buntag, ug ila kining gi-andam sa biyernes sa wala pa ang pagsalop sa adlaw, ug unya mipahulay sa Sinemanang Adlawng Igpapahulay (Weekly Sabbath) gikan sa pagsalop sa biyernes hangtud sa pagsalop sa adlawng sabado. Dayon, sa sayong adlaw sa dominggo sa wala pa ang kaadlawon, “…sayo sa kaadlawon samtang mangitngit pa… Juan 20:1”, Sila miadto sa lubnganan aron haplasan ang lawas ni YaHVaHshua. Unsa ang nasaksihan sa mga babaye didto sa lubnganan? Anaa pa ba ang lawas ni YaHVaHshua?
Mateo 28:1-6;
1 Ug sa paghilabay na sa adlaw nga igpapahulay, sa nagbanag pa ang nahaunang adlaw sa semana, si Maria Magdalena ug ang usang Maria miadto sa pagtan-aw sa lubnganan.
2 Ug tan-awa, miabut ang usa ka dakung linog; kay dihay manolunda ni YaHVaH nga mikunsad gikan sa langit ug miabut ug iyang giligid ang bato, ug milingkod siya niini.
3 Ang iyang dagway sama sa kilat, ug ang iyang sapot maputi sama sa nieve.
4 Ug tungod sa kalisang nila kaniya, ang mga bantay nangurog ug nahimong daw mga patay.
5 Apan ang manolunda miingon sa mga babaye, "Ayaw kamo kalisang; kay nasayud ako nga nangita kamo kang YaHshua nga gilansang sa krus.
6 Wala na siya dinhi; kay siya nabanhaw, sumala sa iyang giingon. Umari kamo, tan-awa ninyo ang dapit nga iyang nahimutangan.
Marcos 16:2-6
1 Ug sa paghilabay na sa adlaw nga igpapahulay, sa nagbanag pa ang nahaunang adlaw sa semana, si Maria Magdalena ug ang usang Maria miadto sa pagtan-aw sa lubnganan.
2 Ug tan-awa, miabut ang usa ka dakung linog; kay dihay manolunda ni YaHVaH nga mikunsad gikan sa langit ug miabut ug iyang giligid ang bato, ug milingkod siya niini.
3 Ang iyang dagway sama sa kilat, ug ang iyang sapot maputi sama sa nieve.
4 Ug tungod sa kalisang nila kaniya, ang mga bantay nangurog ug nahimong daw mga patay.
5 Apan ang manolunda miingon sa mga babaye, "Ayaw kamo kalisang; kay nasayud ako nga nangita kamo kang YaHshua nga gilansang sa krus.
6 Wala na siya dinhi; kay siya nabanhaw, sumala sa iyang giingon. Umari kamo, tan-awa ninyo ang dapit nga iyang nahimutangan.
5. Unsa usab ang gisulti diha sinulat ni Lucas? Maka-ingon ba kita nga ang mga babaye nangadto sa lubnganan human sa Sinemanang Adlawng Igpapahulay (Weekly Sabbath) ug ilang nakaplagan nga wala na diha ang lawas ni YaHVaHshua?
Luke 24:1-3
1 Apan sa pagkaadlaw na nga nahiuna sa semana, sayo sa kaadlawon, sila ngadto sa lubnganan, dinala ang mga pahumot nga ilang giandam.
2 Ug ilang nakita ang bato nga giligid na gikan sa lubnganan,
3 apan sa pagsulod nila, wala silay nakaplagang lawas.
Nota: “…Apan sa pagkaadlaw na nga nahiuna sa semana…” kini nagpasabot nga miagi na ang ikapitong adlaw o Adlawng Igpapahulay sa semana.
6. Sumala sa mga teksto nga atong gitun-an, nagpamatuod lamang nga ang Manluluwas anaa diha sa lubnganan tulo ka adlaw ug tulo ka gabii. Unsa ang gipadayag ni YaHVaHshua nga timailhan sa Iyang pagka-Messiah?
Mateo 12:40
Kay maingon nga si Jonas didto sa tiyan sa dakung isda sulod sa tulo ka adlaw ug tulo ka gabii, maingon man usab ang Anak sa Tawo adto sa kinapusoran sa yuta sulod sa tulo ka adlaw ug tulo ka gabii.
7. Unsa ang gisulti diha sinulat ni Jonah?
Jonah 1:17
Ug giandam ni YaHVaH ang usa ka dakung isda nga molomoy kang Jonas; ug si Jonas diha sa sulod sa tiyan sa isda totolo ka adlaw ug totolo ka gabii.
