Shield of Faith Cathedral - Tagum

Shield of Faith Cathedral - Tagum Take up the Shield of Faith, with which you can extinguish all the flaming darts of the evil one. —𝘌𝘱𝘩𝘦𝘴𝘪𝘢𝘯𝘴 6:16

Kung mangandam ka para sa imong kalan-on, tinguhaa nga andam usab ka sa imong espirituhanong bahin. Kay kining atong gip...
19/08/2026

Kung mangandam ka para sa imong kalan-on, tinguhaa nga andam usab ka sa imong espirituhanong bahin. Kay kining atong gipangandaman para sa atong lawas mapuslanon lamang sa mubo nga panahon, apan ang atong pagpangandam sa espirituhanong bahin molungtad gayud hangtod sa kahangturan.

Ang tinuod nga panalangin dili materyal nga mga butang aning kalibutana; ang tinuod nga panalangin mao ang espirituhanong panalangin. Kay ang Ginoo magauban sa Iyang mga hinigugma ug Iyang suplayan ang ilang mga gikinahanglan. Anaa ang kalipay, kalinaw, ug katagbawan. Aduna man mga problema, apan tungod kay anaa ang Ginoo, Siya magpanalipod kanato sa tanang panahon.

“Human, mao kini ang kataposan sa tanan: Kahadloki ang Diyos ug tumanon ang iyang mga sugo, kay mao kini ang katungdanan sa tanan.”
Ecclesiastes 12:13 (APD)

Si Hesus ang Maayong Magbalantay nga naghatag sa Iyang kinabuhi alang sa Iyang mga karnero—kanato. Kita ang Iyang mga hi...
13/08/2026

Si Hesus ang Maayong Magbalantay nga naghatag sa Iyang kinabuhi alang sa Iyang mga karnero—kanato. Kita ang Iyang mga hinigugma ug inatiman sa matag adlaw. Walay laing Chief Shepherd sa atong kinabuhi gawas Kaniya.

Dili kita ang unang nagpili Kaniya; Siya ang unang nagpili kanato. Busa, lig-ona ang imong relasyon sa Diyos, pamalandongi ang Iyang Pulong, ug sunda ang paggiya sa Balaang Espiritu. Dili gayod ka Niya pasagdan tungog kay bililhon ka sa Iyang mga mata.

“Ako mao ang maayo nga magbalantay sa mga karnero. Ang maayo nga magbalantay andam nga magpakamatay alang sa iyang mga karnero.”
‭‭Juan‬ ‭10‬:‭11‬ ‭APD‬‬

Kung ang tawo nagtinguha sa langitnong mga butang, adunay gisaad ang Ginoo nga Iyang giandam alang sa tawo—ang kinabuhin...
30/07/2026

Kung ang tawo nagtinguha sa langitnong mga butang, adunay gisaad ang Ginoo nga Iyang giandam alang sa tawo—ang kinabuhing walay katapusan.

Busa, pagmatngon ug dili magkumpyansa. Gawas sa pagdawat kang Hesus isip Manluluwas ug Ginoo, kanunay tinguhaa ang mga butang nga langitnon—sama sa pagpaminaw sa pulong, pagtuon, ug pagtuman niini. Simba kanunay ug apil sa mga buluhaton sa simbahan. Paningkamoti nga aduna kay ikatabang alang sa gingharian sa Ginoo. Higugmaa ang isig ka igsuon. Siguroha nga kanunay mainiton imong paghigugma ug relasyon sa Ginoo. Ayaw ibaylo ang kaluwasan sa mga butang niining kalibutan. Ayaw tugoti nga makawat ang imong panahon sa mga butang nga lumalabay lamang. Kay ang gugma ug pabor sa Diyos, anaa sa mga tawo nga nagtinguha Kaniya.

“Ayaw ninyo higugmaa ang kalibotan o ang kalibotanon nga mga butang. Kon gihigugma ninyo ang kalibotan, wala kamo naghigugma sa Amahan. Kay ang tanan nga kalibotanon, nga gipangandoy sa tawhanong pagbati, nga gikaibgan sa mga mata, ug gipasigarbo sa mga tawo, dili gikan sa Amahan kondili iya sa kalibotan.”
‭‭1 Juan‬ ‭2‬:‭15‬-‭16‬ ‭APD‬‬

Ikalipay ang pagtawag sa Ginoo. Kung anaa ka sa Iyang buluhaton, pagmalipayon. Walay makatandi sa bili sa pag-alagad Kan...
24/07/2026

Ikalipay ang pagtawag sa Ginoo. Kung anaa ka sa Iyang buluhaton, pagmalipayon. Walay makatandi sa bili sa pag-alagad Kaniya. Kay ang tinuod nga kalipay dili makita sa kalibutan, kondili anaa sa saad sa Ginoo pinaagi sa Iyang Pulong. Kung anaa na kita diha sa Ginoo, dili kita alaot, kay anaa kita sa Iyang grasya ug gugma.

Busa, tinguhaa ug tun-i ang langitnong mga kinaiya: ang pagkamapainubsanon, pagkamahigugmaon, pagkamaluloy-on, pagkamatinabangon, pagkamasinabtanon, pagkamapasayluon, ug pagkamahinatagon. Kung unsa ang mga kinaiya nga makapahimuot sa Ginoo, mao kana ang atong paningkamotan nga makat-onan. Kay sa dihang mag-ampo kita ug magkinabuhi sumala sa Iyang kabubut-on, maminaw ang Ginoo ug malipay Siya sa atong kinabuhi.

“Unya, miingon si Jesus sa mga Judio nga mituo kaniya, “Kon magpadayon kamo sa pagtuman sa akong mga gitudlo, tinuod gayod nga kamo akong mga tinun-an.”
‭‭Juan‬ ‭8‬:‭31‬ ‭APD‬‬

Si Hesus mao ang kamatuoran. Gipadala Siya sa Diyos Amahan aron mahatod kita mahibalik nganha sa Iya. Ang kamatuoran, ma...
23/07/2026

Si Hesus mao ang kamatuoran. Gipadala Siya sa Diyos Amahan aron mahatod kita mahibalik nganha sa Iya. Ang kamatuoran, mao usab ang pulong. Mao kini ang atong giya sa atong pagabuhaton sa matag adlaw isip anak sa Diyos.

Tuod man, usahay sakit ang kamatuoran. Apan kung ato kining dawaton uban sa pagpaubos, ayuhon ug usbon kita sa Ginoo. Mao nga tinguhaon nato nga mapuno kita sa Balaang Espirito, kay kung anaa ang Balaang Espirito, anaa ang Espirito sa Kamatuoran, nga maoy mugiya kanato sa pagpangita sa pulong ug sa insaktong dalan. Pinaagi sa Espirito, mabat-unan nato ang kasing kasing nga mapainubsanon ug madinawaton, ug mahiayon ang atong mga laraw ug buhat sa kabubut-on sa Diyos.

“Mitubag si Jesus kaniya, “Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako.”
‭‭Juan‬ ‭14‬:‭6‬ ‭APD‬‬

Usahay, adunay mga katalagman ug mga dili maayong panghitabo tungod kay nagbuhat ang tawo ug mga butang na supak sa sugo...
14/07/2026

Usahay, adunay mga katalagman ug mga dili maayong panghitabo tungod kay nagbuhat ang tawo ug mga butang na supak sa sugo sa Diyos. Sa dihang nakabsan ta sa himaya sa Diyos, misulod ang kasubo, dismaya, diskorahi, kabalaka, ug sa katapusan, kamatayon.

Ang pagdawat ug pagtuo kang Kristo ang gikinahanglan sa tawo aron makabaton Siyag kadaogan ug kalampusan sa mga pagsulay niining kalibutan. Tungod kay pinaagi kang Kristo, mahibalik ang relasyon sa tawo ngadto sa Diyos Amahan. Anaa ang Iyang himaya sa mga tawo nga matinud-anong nagatuo Kaniya, ug sila makadawat sa kinabuhing walay katapusan.

“Ang inyong mga sala mao ang nagpahimulag kaninyo gikan sa Dios. Mao kini ang hinungdan nga mitalikod siya kaninyo ug dili na mamati sa inyong mga pag-ampo.”
‭‭Isaias‬ ‭59‬:‭2‬ ‭APD‬‬

Sa kinabuhi, daghan ug mga dalan nga kapaingnan sa tawo; sama sa mga dalan nga makapahatod sa kalibog, kabalaka, kahadlo...
13/07/2026

Sa kinabuhi, daghan ug mga dalan nga kapaingnan sa tawo; sama sa mga dalan nga makapahatod sa kalibog, kabalaka, kahadlok, ug kadiskurahi. Apan adunay usa ka dalan nga nagahatag sa tawo ug paglaom. Mao Kini ang maghatod kanato ngadto sa kaluwasan: si Hesu Kristo.

Si Hesus lamang ang Dalan, ang Kamatuoran, ug ang Kinabuhi. Walay makaadto sa amahan gawas lamang Kaniya. Ang Iyang grasya gitanyag Niya alang sa tanan nga motuo Kaniya.

Kon anaa si Hesus sa atong kinabuhi, dili ta biyaan ni isalikway sa Diyos Amahan. Kay si Kristo mao man ang atong manluluwas, manlalaban, ug paglaom. Ang tanan nga musalig ug modawat kang Hesus isip manluluwas makabaton ug kinabuhing walay katapusan.

"Ako mao ang dalan, ang kamatuoran, ug ang kinabuhi. Walay makaadto sa Amahan kon dili pinaagi kanako."
Juan 14:6 APD

Ang mga kalisdanan sa kinabuhi adunay katuyoan. Gitugot kining tanan sa Ginoo tungod kay anaa Siyay mga plano— mga plano...
07/07/2026

Ang mga kalisdanan sa kinabuhi adunay katuyoan. Gitugot kining tanan sa Ginoo tungod kay anaa Siyay mga plano— mga plano nga mas dako kaysa sa atong mga tinguha.

Sa matag-adlaw, sulayon gayod ang atong emosyon, kasingkasing, panghunahuna, ug mga pagbati. Importante nga hunahunaon nato nga ang matag pagsulay gitugotan sa Ginoo aron mapino ang atong pagtuo, sama sa bulawan nga giulay sa kalayo.

Ayaw tugoti nga ang kahadlok o kabalaka maoy mopuli sa imong pagsalig. Pabilin nga lig-on sa pagtuo ug pag-alagad, kay nakita sa Diyos imong mga pagpaningkamot, ug dili Niya pasadgan ang Iyang mga anak.

Busa, unsa ang atong ginapas-an niining kinabuhia—mga kabalaka, mga pangandoy, ug mga panginahanglan—itugyan kini tanan sa Ginoo. Kay Siya mao ang atong Ginoo sa tanang mga butang. Siya ang Diyos nga magahatag kanato'g kusog ug magatagbo sa atong mga panginahanglan.

Gisulti ko kining mga butanga kaninyo aron aduna kamoy kalinaw tungod sa inyong pagtuo kanako. Paantuson kamo sa mga tawo sa kalibotan, apan ayaw kamo kahadlok tungod kay gidaog ko na ang gahom sa kalibotan.”
‭‭Juan‬ ‭16‬:‭33‬ ‭APD‬‬

Dili matugkad ang paghigugma sa Diyos kanato. Tungod Niini, gipadala Niya ang Iyang pulong pinaagi sa Iyang mga alagad. ...
03/07/2026

Dili matugkad ang paghigugma sa Diyos kanato. Tungod Niini, gipadala Niya ang Iyang pulong pinaagi sa Iyang mga alagad. Ug labaw sa tanan, gipadala Niya ang Iyang bugtong anak sa kalibutan aron luwason Kita, ug aron tudluan kita sa pagkinabuhi nga matarong.

Ang atong Diyos matinud-anon sa Iyang mga saad. Molabay man ang tanang mga butang, apan ang Iyang Pulong magapabilin ug dili madunot.

Maong isip mga pinili ug anak sa Diyos, atong paningkamotan ang pagpamati ug pagpamalandong sa Iyang pulong, kay mao kini ang Iyang kalipay ug ang Iyang kabubot-on.

“Sa sinugdanan, anaa na ang Pulong. Ang Pulong kauban sa Dios, ug ang Pulong mao ang Dios.”
‭‭Juan‬ ‭1‬:‭1‬

Walay luna ang mga unodnong kinaiya sa Gingharian sa Langit. Maong sa dihang mabawtismohan kita, mahugasan ug mahinloan ...
01/07/2026

Walay luna ang mga unodnong kinaiya sa Gingharian sa Langit. Maong sa dihang mabawtismohan kita, mahugasan ug mahinloan kita sa atong karaang mga kinaiya. Pinaagi kang Kristo ug sa Balaang Espirito Santo, kita giisip na sa Diyos nga mga bag-ong binuhat.

Ang Ginoo puno sa gugma, grasya, kaluoy, ug pagpasaylo. Gikinahanglan lamang gayod ang pagkamapainubsanon ug pagkamadinutdoton Kaniya. Pinaagi niini, Siya moreporma sa atong mga kinabuhi, aron mamahimong sama ang atong kasing kasing Kaniya, ug mahiuyon atong kinabuhi sa Iyang kabubot-on.

“Si bisan kinsa nga anaa kang Cristo bag-o na. Wala na ang iyang daan nga pagkatawo, kay bag-o na siya.”
‭‭2 Mga Taga-Corinto‬ ‭5‬:‭17‬

Address

Purok Cape, National Highway
Tagum City
8100

Website

Alerts

Be the first to know and let us send you an email when Shield of Faith Cathedral - Tagum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category