05/06/2026
⏰ Oras Sa Leksyon | Repentance and Forgiveness
Lesson 10: May 30-June 5, 2026📌
Memory Text: “If we confess our sins, He is faithful and just to forgive us our sins and to cleanse us from all unrighteousness” (1 John 1:9, NKJV).
Key Verses: Isaiah 61:10; Hosea 6; Acts 3:18, 19; Exodus 34:1–10; Romans 6:23; Matthew 22:1–14
🔑 Key Thought
👉 Ang paghinulsol ug kapasayloan sentro sa relasyon sa tawo ug sa Dios kay ang sala tinuod, apan mas tinuod ug mas dako ang grasya sa Dios alang sa mahinulsulon.
👉 Ang tinuod nga paghinulsol dili lang kasubo tungod sa sala pagbalik usab kini sa Dios nga puno sa pagtoo sa Iyang kapasayloan.
✅Background•
• Ang leksyon niining semanaha naggikan sa masakiton nga kasaysayan sa Israel sa Exodus 32–34.
• Samtang si Moises atua sa bukid uban sa Dios, ang katawhan nawad-an og pailub ug nangita og diyos nga ilang makita.
• Bisan bag-o pa sila nakigsaad sa pagtuman sa Ginoo, dali ra silang mibalik sa idolatriya. Nagpakita kini unsa ka dali mawad-an ang tawo og focus kon ang pagtoo dili malig-on.
• Apan ang sentro sa istorya dili lang ang ilang sala. Ang sentro usab mao ang kalooy sa Dios nga andam mopasaylo sa katawhan nga mobalik Kaniya.
⛔️Punto sa Pagtoon•
🔎 1. Ang sala makapahilayo sa tawo gikan sa Dios.
→ Ang nahitabo sa Israel nagpakita nga ang impatience ug unbelief dali mosangpot sa paglapas.
🔎 2. Ang paghinulsol kinahanglan tinuod ug gikan sa kasingkasing.
→ Dili igo nga masakpan lang; kinahanglan adunay pagbalik ngadto sa Ginoo.
🔎 3. Ang Dios matinumanon sa pagpasaylo sa mahinulsulon.
→ 1 John 1:9 mao ang dakong saad sa tibuok leksyon.
🔎 4. Ang kapasayloan dili pasabot nga gi-ignore sa Dios ang sala.
→ Ang kapasayloan posible tungod sa Iyang grasya ug hustisya diha kang Cristo.
🔎 5. Ang tinuod nga paghinulsol nagdala sa kausaban sa direksyon sa kinabuhi.
→ Acts 3:19 – “Repent… and be converted.”
🔎 6. Ang grasya sa Dios mas dako kaysa sa kapakyasan sa tawo.
→ Romans 6:23 – bisan kamatayon ang bayad sa sala, ang regalo sa Dios mao ang kinabuhing dayon.
🔐Susi sa Pagsabot•
✅ Ayaw ipagaab ang sala, kay seryoso kini sa atubangan sa Dios.
✅ Apan ayaw usab paghunahuna nga wala na kay paglaum tungod sa imong kapakyasan.
✅ Kon ipadayag sa Dios ang imong sala, ayaw pagpalayo. Balik dayon ngadto Kaniya uban sa confession ug pagtoo.
✅ Ang tinuod nga repentance dili lang “sorry, Lord.” Apil niini ang pagbiya sa sala ug pagbalik sa Ginoo.
✅ Saligi nga ang Dios kay andam mopasaylo ug maghinlo sa kasingkasing sa tinuod nga naghinulsol.
✅ Himoa nga sentro sa imong view sa repentance ang gugma ug grasya ni Cristo, dili guilt lang.
Nindot kaayo nga sa pagsugod pa lang niining leksyon, klaro na ang usa ka kamatuoran: oo, makasasala ta. Oo, mapakyas ta. Oo, usahay sama kita sa Israel nga dali kaayo ma-distract ug mapalayo sa Ginoo.
Apan dili kana ang katapusan sa istorya.
Kay ang Dios nga nasakitan sa sala sa Iyang katawhan mao usab ang Dios nga andam mopasaylo sa mahinulsulon.
Mao kana ang kaanyag sa ebanghelyo.
Ang repentance dili lang pagpakaulaw sa kaugalingon. Dili lang paghilak tungod kay napakyas ta. Kini pagbalik sa Amahan nga kahibalo ta nga anaa pa ang Iyang kalooy.
Ug ang forgiveness dili barato nga butang.
Gipalit kini sa dugo ni Cristo. Mao nga ang kapasayloan dili pasabot nga gamay ra ang sala.
Nagpasabot kini nga daku kaayo ang grasya sa Dios.
📮May 31| Sunday:The Rush of Life
Key Verses: Isaiah 64:6; Zechariah 3:4; Isaiah 61:10; Luke 10:40–42; Revelation 7:14
👉 Usahay dili ang dakong rebelyon ang unang makapahilayo nato sa Dios apan ang ka-busy, ka-daghan sa buhaton, ug ang rush of life.
👉 Apan bisan hugaw ang atong kupo tungod sa sala, si Cristo adunay puti nga bisti sa Iyang pagkamatarung aron itabon sa mahinulsulon nga makasasala.
✅Background•
• Ang lesson nagsugod sa usa ka ordinaryo kaayong eksena: daghang bulohaton, daghang kinahanglan asikasuhon, ug hinay-hinay nga nahimong ikaduha na lang ang pinakalabing importante.
• Ang maong hulagway murag si Marta sa Lucas 10. Dili man dautan ang pagserbisyo, apan mahimo kini nga distraction kon mawala na sa sentro si Jesus.
• Ang dakong insight sa lesson mao ni: usahay ang spiritual coldness dili magsugod sa dayag nga pagbiya sa Dios, magsugod kini sa pagkawala sa “one thing needed.”
• Apan human sa pagpakita sa problema, gidala dayon kita sa lesson ngadto sa dakung paglaum sa ebanghelyo: dili kita mahinlo pinaagi sa atong kaugalingong pagkamatarung.
• Ang Isaiah 64:6 nagpadayag nga ang atong kaugalingong righteousness dili pa-igo. Apan ang Zechariah 3:4 ug Isaiah 61:10 nagpakita nga ang Dios mismo maoy nagkuha sa hugaw nga bisti ug nagbisti kanato sa Iyang kaluwasan ug pagkamatarung.
⛔️Punto sa Pagtoon•
🔎 1. Ang rush of life mahimong makapalayo sa kasingkasing gikan sa tinuod nga sentro.
→ Sama kang Marta, pwede kita ma-distract “with much serving.”
🔎 2. Dili tanan nga urgent mao ang pinakalabing importante.
→ Si Jesus miingon nga “one thing is needed.”
🔎 3. Ang atong kaugalingong pagkamatarung dili pa-igo sa atubangan sa Dios.
→ Isaiah 64:6 – ang atong righteousness dili kasaligan nga basihan sa kaluwasan.
🔎 4. Si Cristo maoy nagkuha sa atong kahugaw nga bisti.
→ Zechariah 3:4 – ang Dios nagwagtang sa atong iniquity ug nag-ilis og limpyo nga bisti.
🔎 5. Ang tinuod nga paglaum sa makasasala mao ang righteousness ni Cristo.
→ Isaiah 61:10 – ang Dios nagbisti kanato sa garments of salvation.
🔎 6. Ang paghinulsol nagdala kanato sa cleansing pinaagi sa dugo ni Cristo.
→ Revelation 7:14 – ang kupo nahinloan diha sa dugo sa Cordero.
🔐Susi sa Pagsabot•
✅ Bantayi ang imong kinabuhi batok sa “holy distraction.” Usahay daghang tang gibuhat para sa sakto nga mga butang, apan gamay na lang ang panahon para kang Jesus.
✅ Pangutan-a ang imong kaugalingon kada adlaw: “Unsa man gyud ang one thing needed karon?”
✅ Ayaw pagsalig sa imong pagka-buotan, pagka-relihiyoso, o service record. Kinahanglan gihapon nimo ang pagkamatarong ni Cristo.
✅ Kon mapansin nimo nga nabusy ka na ug nalayo ang imong kasingkasing sa Ginoo, ayaw pagpadayon sa guilt lang. Balik dayon Kaniya.
✅ Ang solution sa hugaw nga kupo sa sala dili self-improvement lang. Si Jesus mismo ang mag-ilis niini pinaagi sa Iyang grasya.
✅ Himoa nga ang adlaw-adlaw nga relasyon uban sa Ginoo mao ang priority.
Kini nga leksyon kay duol kaayo sa atong tinuod nga kinabuhi. Kay sa tinuod lang,
daghan man gyud ta og mga buhaton.
Naay trabaho. Naay panimalay.
Naay pamilya. Naay mga urgent nga kinahanglan dayon buhaton.
Ug usahay, dili gani dautan ang mga butang nga nakakuha sa atong oras. Mao gani ang naka palisod. Kay ma-justify nato sila.
Apan sa kalit lang,nahitabo nga ang pinakalabing importante nahimong pinaka-nalimtan.
Si Jesus. Ang presensya sa Dios.
Ang paglingkod sa Iyang tiilan. Ang “one thing needed.”
Ug dili lang kay napalayo kita. Makita usab nato nga ang atong kaugalingong pagkamatarung
dili gyud pa-igo.
Bisan unsa pa nato ka-busy sa maayong mga butang, dili gihapon kana kayang malimpyohan ang kahugaw sa sala.
Apan mao kini ang maayong balita: Si Jesus wala lang mosulti nga hugaw imong bisti. Siya usab ang magkuha niini. Siya usab ang mobisti nimo sa Iyang righteousness.
Mao nga kon ang imong kasingkasing karon
nabug-atan, na-busy, ug murag nahilayo sa Ginoo, ayaw kahadlok pagbalik.
Kay ang Manluluwas nga nakakita sa imong kahimtang mao usab ang andam mo-sul-on kanimo sa Iyang puti nga bisti.
📮June 1, 2026| Monday: Holy Spirit Promptings
Key Verses: Hosea 6; John 16:8; Luke 11:13; John 15:4; Ephesians 4:30
👉 Ang tinuod nga paghinulsol dili lang magsugod sa atong kaugalingong konsensya kasagaran magsugod kini sa malumo nga pagduso sa Balaang Espiritu sa atong kasingkasing.
👉 Ang Balaang Espiritu dili mo-convict aron pildi-on ta mo-convict Siya aron ibalik kita ngadto sa Dios.
✅Background•
• Ang lesson nagsugod sa usa ka ordinaryo apan tinuod nga kasinatian: kabalo ka nga sayop ka, pero dali ra kaayo ka nga ma-usab gikan sa pagka-remorseful ngadto sa pag-justify sa imong sayop.
• Mao usab kini sa atong relasyon sa Dios.
Usahay ang Espiritu Santo magpahinumdom sa atong sala, apan imbes nga kita motugyan, mangita hinaon kita og depensa sa kaugalingon.
• Ang usa sa importanteng bulohaton sa Balaang Espiritu mao ang “pag-convict sa kalibutan mahitungod sa sala.”
→ John 16:8
• Sa Hosea 6, makita nato ang mapa-inubsanon nga tawag sa Dios sa Iyang katawhan nga mobalik ngadto Kaniya. Dili Siya nagpakita isip ma***to nga Hari nga gusto lang manimalus, apan isip Dios nga gusto mo-ayo, mabalik ang relasyon, ug magpasig-uli sa Iyang katawhan.
⛔️Punto sa Pagtoon•
🔎 1. Ang Balaang Espiritu nagdala’g conviction sa sala.
→ John 16:8 – usa kini sa Iyang balaang buhat sa atong kinabuhi.
🔎 2. Ang Dios sa Hosea 6 nagatawag sa katawhan nga mobalik ngadto Kaniya.
→ “Come, let us return to the Lord”
🔎 3. Sa Iyang appeal for repentance, ang Dios nagpakita sa Iyang kaugalingon nga mahinigugmaon ug andam magheal.
→ Ang tawag sa paghinulsol dili lang warning apab appeal usab sa kalooy.
🔎 4. Dili tanang kasubo repentance.
→ Ang tinuod nga paghinulsol dili lang kasakit sa resulta sa sala, apan kasubo nga nakapasakit kita sa Dios.
🔎 5. Ang conviction sa Espiritu dapat tubagon dayon, dili i-suppress.
→ Kon sige nato kini i-justify, mahimong mahimomg gahi ang kasingkasing.
🔎 6. Ang pagtubo sa relasyon sa Dios dili posible kon atong gigakus ang “known sin.”
→ John 15:4 – ang abiding relationship nagkinahanglan og limpyo ug responsive nga kasingkasing.
🔐Susi sa Pagsabot•
✅ Kon ang Balaang Espiritu magpahinumdom sa imong sala, ayaw dayon pagdepensa sa imong kaugalingon.
✅ Kat-oni ang pag-ingon, “Oo, Ginoo, sayop ko.”
✅ Ayaw hulata nga mo-dako pa ang distansya tali nimo ug sa Dios usa ka maghinulsol.
✅ Hinumdomi nga ang conviction dili rejection.
Invitation kini sa pagbalik.
✅ Pangayoa adlaw-adlaw ang malumo ug sensitibo nga kasingkasing ngadto sa tingog sa Espiritu Santo.
✅ Ayaw pasub-a ang Balaang Espiritu pinaagi sa padayon nga pag-justify sa sala. Tubaga ang Iyang tingog pinaagi sa confession ug surrender.
Usahay kabalo na kita nga sayop.
Kabalo na ta nga ang atong gisulti sakit.
Kabalo na ta nga sayop ang atong gibati.
Kabalo na ta nga ang atong gibuhat dili maka-pahimuot sa Ginoo.
Apan unsa man kasagaran atong buhaton?
Mangita dayon ta og rason. Mangita ta og depensa. Atong i-justify ang atong kaugalingon.
Mao kana ang delikado kaayo nga bahin sa kasingkasing sa tawo.
Kay ang Balaang Espiritu malumo kaayo makig-husay. Apan kon tandugon na ang atong kasingkasing, kana nga conviction usa ka grasya.
Ngano man?
Kay nagpasabot kana nga wala kita gibyaan sa Dios. Nagpasabot kana nga gusto pa Siya mag-reconcile kanato. Nagpasabot kana nga
anaa pay dalan balik ngadto sa presensya sa Ginoo.
Sa Hosea 6, nindot kaayo ang tawag:“Come, let us return to the Lord.”
Dili kay: “Magpalayo kita.”
Dili kay: “Wala na’y paglaum.”
Apan: Mobalik na kita. “Umari kamo Kanako. Ako ang maga-ayo kaninyo. “Mao kana ang kasingkasing sa Dios mahitungod sa repentance.
📮June 2, 2026| Tuesday: Real Repentance
Key Verses: Acts 3:18, 19; Romans 2:4; 1 John 1:9; 2 Peter 3:9; Acts 20:21; John 15:2; Matthew 3:8
👉 Ang tinuod nga paghinulsol dili lang kasubo tungod nasakpan ta kini tinuod nga pagbalik sa Dios ug pagbiya sa sala.
👉 Ang repentance dili lang emotion decision usab kini sa kasingkasing nga motugyan ug mausab.
✅Background•
• Ang kalibutan nagtudlo og independence, self-justification, ug “okay ra ko as I am.”
• Apan ang unang mensahe ni Juan Bautista ug ni Jesus pareho ra: Repent!
• Nagpasabot kini nga ang paghinulsol dili daan nga mensahe lang. Kini present truth gihapon sa matag tawo nga gustong maglakaw uban sa Dios.
• Sa Acts 3:18, 19, ang call sa repentance konektado sa forgiveness ug “times of refreshing.”
• Busa, ang repentance dili para lang mapabug-atan ang tawo. Gidapit kita niini ngadto sa refreshing, forgiveness, ug spiritual growth.
• Ang importante usab nga insight mao ni: ang tinuod nga repentance dili mopadayon sa pag-amuma sa sala. Kini modala sa reformation ug changed direction.
⛔️Punto sa Pagtoon•
🔎 1. Ang repentance importante para mapapas ang sala.
→ Acts 3:19 – adunay forgiveness ug blotting out of sins.
🔎 2. Ang repentance nagdala og “times of refreshing” gikan sa presensya sa Ginoo.
→ Dili kini puro kasakit; nagdala usab kini og kahumpayan ug renewal.
🔎 3. Ang kaayo sa Dios maoy nagdani sa tawo ngadto sa paghinulsol.
→ Romans 2:4
🔎 4. Ang tinuod nga repentance adunay duha ka bahin:
→ kasubo tungod sa sala
→ ug desisyon sa pagbiya sa sala
🔎 5. Ang repentance kasagaran konektado sa forgiveness.
→ 1 John 1:9 – confession, forgiveness, ug cleansing.
🔎 6. Ang tinuod nga repentance nagdala og bunga sa kinabuhi.
→ Matthew 3:8 – “fruits worthy of repentance.”
🔎 7. Ang Dios mapailubon, kay gusto Niya nga ang tanan makaabot sa repentance.
→ 2 Peter 3:9
🔐Susi sa Pagsabot•
✅ Ayaw i-confuse ang guilt ug true repentance.
Dili tanan nga nasakitan, naghinulsol na.
✅ Kon tinuod ang imong repentance, adunay kausaban sa direction sa imong kinabuhi.
✅ Ayaw paglangan sa pagbalik sa Dios kon gi-convict ka sa Espiritu Santo.
✅ Ang repentance dili kaaway sa joy.
Dalan kini paingon sa refreshing ug peace gikan sa Ginoo.
✅ Tugoti ang Dios nga “mag-prune” sa imong kinabuhi aron mas motubo kita diha kang Cristo.
Daghang tawo ang masayud unsa ang guilt.
Apan dili tanan nakasabot unsa ang real repentance.
Kay pwede man diay nga nasakitan ka tungod sa resulta sa sala, apan wala gihapon tinuod nga pagbalik sa Dios.
Pwede kang maulaw. Pwede kang mahadlok sa consequence.Pwede kang mohilak.
Apan ang pangutana mao gihapon:
Mibalik ba ko sa Ginoo?Gibiyaan ba gyud nako ang sala? Naa bay kausaban sa direksyon sa akong kinabuhi?
Mao gyud na ang tinuod nga repentance.
Dili lang kini pagbati. Turning point kini.
Dili lang kini sorrow. Pag-Surrender kini.
Dili lang kini confession. Conversion kini.
Ug nindot kaayo nga ang Biblia nag-ingon
nga ang repentance nagdala og “times of refreshing.”
Mao nga ang paghinulsol
dili lang paghubo sa sala pagdawat usab kini ka kapasayloan, ug bag-ong kinabuhi gikan sa Ginoo.
📮June 3, 2026| Wednesday: Sufficient Grace
Key Verses: Exodus 34:1–10; Psalm 103:8; Luke 18:13; Revelation 3:20; Zechariah 3:4; Romans 6:23; Romans 5:20, 21; Romans 5:8
👉 Ang grasya sa Dios paigo para sa tinuod nga makasasala nga moangkon ug mobalik Kaniya. Dili ang atong sala ang pinakadako apan ang grasya sa Dios pinaagi kang Cristo mas labaw pa.
Kon tinuod ang atong confession, andam ang Dios sa pagpasaylo, pagbayaw sa atong palas-anon, ug pag-ilis sa atong pagkahugaw sa Iyang pagkamatarung.
✅Background•
• Ang Exodus 34 nahitabo human sa dakung kapakyasan sa Israel sa pagsimba sa bulawang nating baka.
• Human sa ilang rebelyon, pwede unta silang pasagdan sa Dios. Apan sa maong higayon, gipadayag sa Dios ang Iyang kaugalingon isip:
• maloloy-on
• mapuanguron
• mainantuson
• ug madagayaon sa kalooy
• Kini importante kaayo kay nagpakita nga ang repentance ug forgiveness wala nakabase sa pagkamaayo sa tawo nakabase kini sa kinaiya sa Dios.
• Ang Cross ni Cristo mao ang pinakadaku nga ebidensya nga ang Dios both just ug gracious.
Wala Niya gi-ignore ang sala, apan Iyang gihatag ang Iyang Anak aron ang makasasala adunay dalan pabalik Kaniya.
⛔️Punto sa Pagtoon•
🔎 1. Ang Dios sa Exodus 34 mao ang Dios nga maloloy-on ug puno sa grasya.
→ Human sa kapakyasan sa Israel, Iyang gipadayag ang Iyang kalooy.
🔎 2. Ang confession sa sala magdala kanato sa tiilan sa krus.
→ Sama sa publikano sa Luke 18:13, ang mahinulsulon moingon, “Ginoo, kaloy-i ako.”
🔎 3. Si Jesus dili layo sa makasasala nga naghinulsol.
→ Revelation 3:20 – Siya nagatindog sa pultahan ug nagtuktok.
🔎 4. Si Cristo maoy nag-ilis sa atong hugaw nga bisti sa Iyang righteousness.
→ Zechariah 3:4
🔎 5. Ang bayad sa sala kamatayon, apan ang gasa sa Dios kinabuhing dayon.
→ Romans 6:23
🔎 6. Kon nagkadaghan ang sala, mas nagalabaw ang grasya sa Dios.
→ Romans 5:20, 21
🔎 7. Ang pinakadaku nga ebidensya sa grasya mao ang kamatayon ni Cristo alang sa makasasala.
→ Romans 5:8
🔐Susi sa Pagsabor•
✅ Kon mabug-atan ka sa imong sala, ayaw paghunahuna nga layo na kaayo ka sa Dios.
✅ Dili kinahanglan limpyo na ka una bago moduol kang Jesus. Duol una, ug Siya maoy maghinlo nimo.
✅ Ayaw pagsalig sa imong sariling righteousness aron mahimong acceptable sa Dios.
✅ Ang tinuod nga paglaum sa makasasala naa sa grasya ni Cristo, dili pinaagi sa self-repair.
✅ Kon mag-confess ka, buhata kini uban sa pagtoo nga andam ang Dios mopasaylo.
✅ Himoa nga personal ang pagsabot sa grasya:
dili lang “gracious ang Dios sa uban,” apan ingna Ang imong kaugalingon: “gracious ang Dios kanako.”
Usahay kon ato nang mabati ang gibug-aton sa atong sala, naa dayon tay tendency nga molikay sa Dios.
Mahadlok ta. Maulaw ta. Ug usahay maghunahuna ta:
👉 “Murag dili na ko angay moduol.”
👉 “Grabe na kaayo akong kapakyasan.”
👉 “Murag gikapoy na tingali ang Dios kanako.”
Ang Dios nga nagpakita sa Iyang kaugalingon sa Exodus 34 nga dili Siya Dios nga dali mapul-an sa pagpasaylo sa tinuod nga mahinulsulon.
Siya maloloy-on. Siya mapuanguron. Siya mainantuson. Siya madagayaon sa kalooy.
Ug ang krus ni Cristo mao ang pinakadakong pamatuod nga dili Niya gusto nga mamatay ang makasasala sa iyang sala.
Busa, kon bug-at ang imong kasingkasing karon,
ayaw pagpalayo.
When we are still sinners; Christ died for us.
📮June 4, 2026| Thursday: The Most Expensive Robe
Key Verses: Matthew 22:1–14; Revelation 19:8; Ephesians 5:27; Genesis 3:7; Zechariah 3:4
👉 Ang pinakabililhon nga bisti dili atong sariling pagka-matarung apan ang kupo sa pagkamatarong ni Cristo.
👉 Walay tawo nga angay motindog sa atubangan sa Dios pinaagi sa iyang kaugalingong “fig-leaf righteousness.” Si Jesus ra ang makabisti kanato sa bisti nga angay sa gingharian.
✅Background•
• Sa parable sa wedding feast sa Mateo 22, daghan ang gidapit sa kasal sa hari.
• Ang importante nga detalye mao ang wedding garment. Dili igo nga present ka lang sa feast. Kinahanglan sab nga nakasuot sa bisti nga haum alang sa maong okasyon.
• Ang tawo nga walay wedding garment wala gyud mahimo’g ikatubag. Nagpasabot kini nga nasayud siya nga kinahanglan ang bisti,
apan wala niya kini dawata ug gisul-ob.
• Sa biblical symbolism, ang limpyo ug puti nga bisti nagtudlo sa righteousness ni Cristo.
• Sugod pa sa Eden, makita na nato kining kamatuoran: si Adan ug Eva misulay og tabon sa ilang kaugalingon pinaagi sa fig leaves apan ang Dios mismo ang naghatag og mas sakto nga tabon
⛔️Punto sa Pagtoon•
🔎 1. Dili igo nga “motambong” lang sa gingharian kinahanglan magbisti kita sa righteousness ni Cristo.
→ Matthew 22:1–14
🔎 2. Ang wedding garment dili human-made righteousness.
→ Dili kini atong sariling effort, morality, o religious performance.
🔎 3. Si Cristo nagtanyag sa Iyang limpyo ug walay buling nga karakter ngadto sa motoo Kaniya.
→ Revelation 19:8; Ephesians 5:27
🔎 4. Sukad sa Eden, ang tawo nagsulay nga motabon sa iyang kaugalingon, apan dili kini pa-igo. → Genesis 3:7
🔎 5. Ang Dios mismo maoy nagkuha sa hugaw ug nag-ilis og limpyo nga bisti.
→ Zechariah 3:4
🔎 6. Ang pagdawat sa robe ni Cristo nagkinahanglan og humility, repentance, ug faith.
→ Dili kini makuha pinaagi sa garbo o self-sufficiency.
🔐Susi sa Pagsabot•
✅ Ayaw pagsalig sa imong own goodness aron mahimong acceptable sa Dios.
✅ Dili igo ang church attendance, ministry, o religious image kon wala si Cristo sa sentro.
✅ Adlaw-adlaw pilia ang pagdawat sa righteousness ni Jesus pinaagi sa pagtoo ug surrender.
✅ Kon makit-an nimo ang imong spiritual nakedness, ayaw paghimo og fig leaves.
✅ Ang “pagbisti kang Cristo” nagpasabot nga ang imong identity, paglaum, ug standing anaa Kaniya, dili sa imong performance.
✅ Himoa nga ang matag adlaw usa ka conscious choice: “Ginoo, dili akong righteousness, apan anh Imoha.”
Kay usahay abi nato nga okay na ta
basta naa ta sulod sa simbahan, basta active ta,
basta kabalo ta sa kamatuoran, basta present ta sa “feast.”
Apan si Jesus nag-ingon nga adunay usa ka tawo
nga naa sa sulod sa kasal, apan wala diay siya sa husto nga bisti.
Unsay pasabot ana? Posible diay nga duol ka sa mga butang sa Dios, apan wala pa gihapon nimo dawata ang tinuod, ang righteousness ni Cristo.
Ang tawo nga walay wedding garment wala’y ikatubag. Kay sa sulod sa iyang kasingkasing,
kabalo siya nga dili angay ang iyang gisul-ob.
Ug tinuod sab kana kanato.
Kon atong saligan ang atong sariling kaayo,
atong church work, atong title, atong moral effort, o atong pagka-relihiyoso—
murag nagbisti ra gihapon ta og fig leaves.
Apan dili kana ang makapahimo kanato nga makabarug sa atubangan sa balaan nga Dios. Si Jesus ra. Ang Iyang righteousness ra. Ang Iyang dugo ra. Ang Iyang grasya ra.
📮June 5, 2026| Friday: Further Thought
Key Verses: Hosea 10:12; Philippians 2:12, 13; Deuteronomy 4:3, 4; Matthew 6:13
👉 Ang paghinulsol ug kapasayloan dili one-time event lang adlaw-adlaw kini nga pag-andam sa kasingkasing aron modawat sa buhat sa Dios.
👉 Kita gitawag sa pagbuak sa gahi nga yuta sa atong kasingkasing apan ang Dios maoy magpaulan sa Iyang pagkamatarung ibabaw kanato.
✅Background•
• Ang leksyon nagtapos sa hulagway sa uma ug yuta. Ang kasingkasing sa tawo sama sa yuta:
• pwede nga mahumok
• pwede nga gahi
• pwede nga andam
• ug pwede sab nga napasagdan
• Sa Hosea 10:12, ang tawag mao ang pagtanum sa pagkamatarung, pag-ani sa kalooy, ug pagbuak sa “fallow ground.”
• Nagpasabot kini nga ang paghinulsol dili lang pag-angkon sa sala. Apil niini ang pag-abli sa kasingkasing aron ang Dios makalihok pag-usab.
• Ang leksyon nagpakita usab nga ang relasyon sa Dios usa ka partnership. Gitawag ta sa pagtubag, pagduol, ug pagkapit Kaniya. Ug ang Dios maoy magbuhat sulod nato sa Iyang balaang buhat.
• Busa, ang repentance ug forgiveness dili lang theory nga atong tun-an. Kini buhing experience sa tawo nga mopili sa pagduol sa Ginoo adlaw-adlaw.
⛔️Punto sa Pagtoon•
🔎 1. Ang kasingkasing kinahanglan andamon alang sa buhat sa Dios.
→ Hosea 10:12 – “break up your fallow ground”
🔎 2. Ang tawo gitawag sa pagpangita sa Ginoo samtang aduna pay higayon.
→ “It is time to seek the Lord”
🔎 3. Ang paghinulsol ug pagtubag sa Dios adunay human side ug divine side.
→ Philippians 2:12, 13 – kita motubag, apan ang Dios maoy nagabuhat sulod nato.
🔎 4. Ang pagduol sa Dios mao ang sikreto sa kinabuhi ug pagbarug sa langitnong prinsipyo.
→ Deuteronomy 4:3, 4 – ang midikit sa Ginoo nagpabilin nga buhi.
🔎 5. Ang pag-ampo batok sa tentasyon kinahanglan regular nga bahin sa atong kinabuhi.
→ Matthew 6:13 – “Lead us not into temptation, but deliver us from evil.”
🔎 6. Ang robe of righteousness ni Cristo konektado sa tinuod nga paghinulsol ug cleansing.
→ Dili lang kita pasayloon; ginatabonan usab kita sa Iyang righteousness.
🔐Susi sa Pagsabot•
✅ Ayaw pasagdi nga magpagahi kanunay ang imong kasingkasing pinaagi sa dugay nga repentance.
✅ Himoa nga regular ang pagpangita sa Ginoo, dili lang sa panahon sa crisis.
✅ I-ampo pirmi ang proteksyon batok sa tentasyon ug sala.
✅ Kat-oni ang adlaw-adlaw nga paggunit sa Dios pinaagi sa pagtoon sa Pulong, pag-ampo, ug pag-surrender.
✅ Ayaw lang admire-a ang robe of righteousness ni Cristo dawata ug isul-ob kini pinaagi sa pagtoo.
✅ Himoa nga conscious ang imong cooperation with God: Ikaw motugyan, Siya maoy mag-usab.
Nindot kaayo ang pagtapos sa lesson sa hulagway sa uma. Kay ang kasingkasing nato usahay sama gyud sa yuta.
Naay higayon nga humok. Naay higayon nga uga.
Naay higayon nga gahi. Naay higayon nga daghan na kaayog sagbot.
Apan sa sulod niining tanan, ang Dios maoy magpaulan sa Iyang righteousness. Siya mao Ang mag-usab sa kasingkasing. Siya mao Ang maghatag sa kusog nga dili nato makuha sa kaugalingon.
