The Roman Catholic Bishop of Tagum, Inc. (Rcbti) - Diocese of Tagum, Obispado de Tagum, Seminary Drive, Magugpo West, Tagum City (2026)

Q: What is the address?

Obispado De Tagum, Seminary Drive, Magugpo West

30/04/2026

|| MAYO 1, 2026 – Biyernes
SAN JOSE, Mamumuo
Memorial

Si San Jose usa ka tawo nga matinud-anon ug maampingo’ng mitipig sa tinagoan nga igabutyag sa Ginoo sa tukmang panahon – ang Diosnong Anak nga lalaki nga uban kaniya sa katloan ka tuig sulod sa iyang panimalay sa Nasaret. Isip tinugyanan sa Hari sa langit ug yuta, si San Jose usa gayud ka tawo nga halangdon, apan sa mga mata sa iyang mga silingan, nagapabilin siyang usa ka yano nga panday sa ilang balangay. Kahalangdon nga gihuptan sa mapaubsanon nga tawo. Mao kini ang kaalam nga tataw kaayo nga iyang natudlo sa iyang sinagop nga Anak. Pinaagi niini nga kaalam, gisalikway ni Jesus ang gahum ug kahalangdon nga gitintal kaniya sa yawa. Pinaagi niini nga kaalam, iyang nasagubang ang mayam irong pagtagad sa iyang mga isigka-nasaretnon kinsa, tungod sa ilang kakulang sa pagtoo, napakyas sa pagsaksi sa dihang gibutyag ang tinagoan.

KINUTLO GIKAN SA BASAHON SA GENESIS (Gn. 1:26 - 2:3)
Unya miingon ang Dios, “Buhaton nato ang tawo sama sa atong dagway. Siya maoy magbuot sa mga isda, sa mga langgam, sa mga kahayopan, ug sa tanang ihalas nga mananap.” Busa gibuhat sa Dios ang tawo, lalaki ug babaye, sama sa iyang dagway; ug gipanalanginan niya sila.
Miingon ang Dios, “Panganak kamog daghan aron malukop ang kalibutan sa inyong mga liwat ug silay magbuot niini; kamoy magbuot sa mga isda ug sa mga Ianggam ug sa tanang ihalas nga mananap.”
Unya miingon ang Dios, “Gihatag ko kaninyo ang tanang matang sa tanom nga may binhi ug ang tanang bunga sa kahoy aron inyong kan-on. Gihatag ko usab sa tanang ihalas nga mananap ug sa kalanggaman ang mga tanum nga lunhaw aron ilang kan-on”—ug nahimo kini.
Nakita sa Dios nga maayo ang tanan nga iyang nabuhat ug nalipay gayod siya. Milabay na usab ang kagabhion ug miabot ang kabuntagon, ug kadto mao ang ikaunom nga adlaw.
Nahuman pagbuhat ang Iangit ug ang yuta ug ang tanang butang nga anaa niini.
Sa ikapitong adlaw, nahuman sa Dios ang tanan niyang gibuhat ug mipahulay siya. Gipanalanginan sa Dios ang ikapitong adlaw ug gibalaan niya kini kay sa maong adlaw natapos niya ang iyang pagpamuhat ug mipahulay siya.

SALMO RESPONSORYO Ps. 90:2, 3-4, 12-13, 14, 16
T. Ginoo, palampusa ang buhat sa among mga kamut.
Sa wala pa ihimogso ang kabukiran ug ang yuta ug ang kalibutan wala pa ianak, sukad sa kahangturan hangtud sa kahangturan Ikaw mao na ang Dios.
T. Ginoo, palampusa…
Gipabalik mo ang tawo ngadto sa abog nagaingon ka, “Balik, O mga anak sa mga tawo.” Kay ang usa ka libo ka tuig diha sa imong atubangan ingon og kagahapon lamang, karon nga kadto milabay na, o ingon og usa ka pagbantay sa gabii.
T. Ginoo, palampusa…
Tudloi kami sa matarong nga pag-isip sa among mga adlaw, aron makakab-ot kami og kaalam sa kasingkasing. Balik na, O Ginoo, kanus-a pa? Kaloy-i ang imong mga sulugoon.
T. Ginoo, palampusa…
Pun-a kami pagkabuntag sa imong kaluoy, aron mosinggit kami tungod sa kalipay ug kasadya sa tanan namong mga adlaw. Makita unta ang imong buhat sa imong mga sulugoon, ug ang imong himaya sa imong mga anak.
T. Ginoo, palampusa…

+KINUTLO GIKAN SA BALAANG EBANGHELYO SUMALA NI SAN MATEO (Mt. 13:54-58)
Unya mipauli si Jesus sa lungsod nga iyang gipuy-an. Nagtudlo siya didto sa ilang sinagoga, ug natingala ang nakadungog kaniya. “Diin man niya kuhaa kining kinaadmana?” nangutana sila.“ Ug unsa may ikasulti nato bahin sa iyang mga milagro? Dili ba siya man ang anak sa panday? Dili ba si Maria man ang iyang inahan ug ang iyang mga igsuon sila si Santiago, si Jose, si Simon, ug si Judas? Dili ba ania man magpuyo dinhi ang tanan niyang mga igsuong babaye? Diin man niya kuhaa kining tanan?” Tungod niini gisalikway nila siya.
Ug miingon si Jesus kanila, "Ang usa ka propeta tinahud bisan diin, gawas sa lungsod nga iyang gipuy-an ug sa iyang kaugalingong panimalay.” Busa wala siya mohimog daghang milagro didto kay wala man silay pagtuo.
----------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

29/04/2026

|| ABRIL 30, 2026 – Huwebes
IKAUPAT NGA SEMANA SA PASKO SA PAGKABANHAW

Sa dihang gihugasan ni Jesus ang mga tiil sa iyang mga tinun-an, wala kini tugbang nga balos. Iya lamang gipakita ngadto sa iyang mga tinun an ang tinuod nga diwa sa pag-alagad ug kon unsa ang mahimong iyang mga sumusunod. Ang tinguha dili aron molabaw ang mga tinun-an sa Magtutudlo, apan aron ilang sondugon, ug musunod sa mga tunob sa ilang Magtutudlo. Ang Iyang paagi mao ang pag-alagad ug pagpaubos. Kon tawgon kita sa pagsunod kang Cristo, dili kita mahimong mga magtutudlo. Ang pagsunod Kaniya mao na ang panalangin mismo. Kon himoon nato siya nga panig-ingnan mas maduol kita sa kasingkasing ni Cristo nga atong Magtutudlo uban ang paglaom nga usa ka adlaw niana, pinaagi sa Iyang grasya, mahiusa kita Kaniya, sa Amahan ug sa Espiritu Santo.

KINUTLO GIKAN SA MGA BUHAT MGA APOSTOLES (Acts 13: 13-25)
Si Pablo ug ang iyang mga kauban milawig gikan sa Papos ug miabot sa Perga sa kayutaan sa Pampilya; apan si Juan Marcos mibulag kanila didto ug mibalik sa Jerusalem. Gikan sa Perga miadto sila sa Antioquia sa Pisidia; ug sa Adlaw’ng Igpapahulay misulod sila sa sinagoga ug milingkod didto. Human sa pagbasa sa usa ka bahin sa Balaod ni Moises ug sa sinulat sa mga propeta gipasugoan sila sa mga kadagkoan sa sinagoga, nga nag-ingon, “Mga igsuon, kon aduna kamoy mensahe nga maka-dasig niining mga tawo, mahimong isulti ninyo karon.” Mitindog si Pablo, ug gisinyasan niya sila sa iyang kamut, ug giingnan,
“Mga igsuong Israelita ug tanan dili Judio nga nagtuo sa Dios: pamati kamo! Ang Dios niining nasud sa Israel nagpili sa atong mga katigulangan ug naghimo kanila nga dakong nasud sa panahon sa pagpuyo nila nga mga langyaw sa yuta sa Ehipto.
Pinaagi sa iyang dakong gahum, ang Dios nagpagawas kanila gikan sa Ehipto, ug sulod sa kap-atan ka tuig siya nagpailob kanila didto sa kamingawan. Gilaglag niya ang pito ka nasud sa yuta sa Canaan, ug gihatag kini kanila ug gipanag iya nila kini sulod sa upat ka gatos ug kalim-an ka mga tuig.
“Human niini, gihatagan niya silag mga maghuhukom hangtod sa panahon ni propeta Samuel. Ug sa diha nga nangayo silag hari, gihatag sa Dios kanila si Saulo, ang anak ni Cis, sa banay ni Benjamin, aron maoy maghari kanila sulod sa kap-atan ka tuig. Sa dihang gipapahawa siya sa trono, si David gihimo sa Dios nga ilang hari. Kini ang giingon sa Dios mahitungod kaniya: Nakita ko nga si David anak ni Isai, nakapahimuot kanako, ug magbuhat sa tanan nga isugo ko kaniya. Si Jesus nga kaliwat ni David mao ang gipili sa Dios aron magluwas sa katawhan sa Israel sumala sa iyang gisaad. Sa wala pa moanhi si Jesus, nagwali si Juan ngadto sa tanang mga tawo sa Israel nga kinahanglan mag hinulsol sila ug magpabunyag. Ug sa hapit na si Juan mamatay, miingon siya sa katawhan, ‘Kinsa ba ako sa inyong hunahuna? Dili ako ang inyong gipaabot. Apan sunod kanako may moanhi, ug dili ako takus bisan gani paghubo sa iyang sandalyas.

SALMO RESPONSORYO Ps. 89:2-3,21-22, 25, 27
T. Hangtod sa kahangturan awiton ko ang kaayo sa Ginoo.
Ang mga kaayohan sa Ginoo awitan ko sa gihapon; latas sa tanang kaliwatan magsangyaw ang akong ba-ba sa imong kamatinud anon. Kay nag-ingon ka, “Ang akong kaluoy nagabarog sa kahangturan”, sa langit imong gilig-on ang imong kamatinud-anon.
T. Hangtod sa kahangturan…
Hikaplagan ko si David, akong sulugoon; sa akong balaan nga lana ako siyang gidihogan. Aron ang akong kamut mag-uban kaniya kanunay, ug ang akong bukton magalig-on kaniya.
T. Hangtod sa kahangturan… Ang akong kamatinud-anon ug akong kaluoy mag-uban kaniya, ug sa akong ngalan mabayaw ang iyang gahom. “Moingon siya kanako, ‘Ikaw ang akong Amahan, ang akong Dios, akong Bato, akong Manluluwas.’
T. Hangtod sa kahangturan…

+KINUTLO GIKAN SA BALAANG EBANGHELYO SUMALA NI SAN JUAN (Jn. 13:16-20)
Human si Jesus makahugas sa tiil sa iyang mga tinun-an miingon siya: “Sultihan ko kamo: walay ulipon nga labaw sa iyang agalon; ug walay sinugo nga labaw sa nagsugo kaniya. Karon nga nasayod na kamo sa maong kamatuoran, bulahan kamo kon inyo kining buhaton!”
“Wala ako magsulti mahitungod kaninyong tanan, nakaila ako sa akong gipili. Apan kinahanglan matuman ang Kasulatan nga nag-ingon, ‘Ang tawo nga misalo kanako sa pagkaon nahimo nga akong kaaway.’ Gisultihan ko kamo niini sa wala pa kini mahitabo aron inigkahitabo na niini, motuo kamo nga ‘Ako mao Ako’. Sultihan ko kamo: ang modawat kang bisan kinsa nga akong ipadala, modawat usab kanako; ug ang modawat kanako, modawat usab sa nagpadala kanako.”
----------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

25/04/2026

|| ABRIL 26, 2026 –
IKAUPAT NGA DOMINGO SA PAGKABANHAW
GOOD SHEPHERD SUNDAY
WORLD DAY OF PRAYER FOR VOCATION

Kaabag: Karon, atong paminawon ang pamalandong nga gihatag kanato gikan sa Komisyon sa Liturhiya sa diyosesis sa Tagum.

Ang ikaupat nga Domingo sa Pagkabanhaw gitudlo sa Simbahan nga “Domingo sa Maayong Magbalantay sa mga karnero.” Alang kanato ang Maayong Magbalantay walay lain kondili si Jesucristo mismo. Siya ang atong modelo sa usa ka pangulo nga mohatag sa kaugalingon sa pag-alagad alang sa mauswagong kinabuhi sa katawhan.

Ang imahe sa usa ka maayong magbalantay sa karnero nahimong hulagway ni Jesus tungod kay diha kaniya anaa ang mga kalidad sa usa ka tawo nga maampingon ug maalagaron sa iyang panon. Sama sa usa ka buotang magbalantay, si Jesus makaila ug magbantay sa kada usa kanato. Mangulo siya kanato pinaagi sa iyang maayong panig-ingnan. Puno siya sa pailob ug pagkamapasayloon. Ug labaw sa tanan, si Jesus andam magsakripisyo ug motahan sa iyang kinabuhi alang sa atong kaayohan ug kaluwasan. Tungod niini, angay lamang nga kita mosunod sa mga pagtulun-an ug sa kinabuhi ni Cristo.

Halos kitang tanan adunay papel sa pagkamagbalantay. Ang mga pari ug relihiyoso adunay tahas sa pagpangulo sa mga tawo sa ilang paglawig padulong sa Gingharian sa Langit. Samtang ang mga lederes sa gobyerno adunay kaakohan sa pagtrabaho alang sa kaayohan ug t ing-usbawan sa katawhan nga ilang gialagaran. Diha sa pamilya, ang mga ginikanan maoy magbalantay sa ilang mga anak. Diha sa tulunghaan, ang mga magtutudlo maoy magbalantay sa mga estudyante. Ug diha sa mga gagmay ug dagkong kapunungan, ang mga opisyales maoy magbalantay sa ilang mga ginsakpan. Apan, ang pangutana: Unsa man kitang matanga sa magbalantay?

Kon kita mag-alagad lamang kon dunay kwarta, ganti, o dungog nga mapaabot, mahisama kita sa gitawag ni Cristo nga “mga kawatan ug tulisan.” Kon mapahitas on kita sa pagpangulo sa katawhan o kon wala kitay pakigdait ug pakigsandurot sa atong gialagaran, wala kitay pulos nga magbalantay. Kon kita mag alagad lamang kon walay kahasol, dili kita maayong magbalantay.

Ang tinuod nga magbalantay, sama sa gipakita ni Cristo, andam nga makalimot sa kaugalingon ug magsiguro sa kabulahanan sa uban.

UNANG PAGBASA (Acts 2:14, 36-41) Gitawag kita sa pagsunod kang Kristo. Sa Pentekostes, gitawag ni Pedro ang mga Hudiyo sa pagsunod kang Cristo kinsa ilang gilansang. Pinaagi sa Bunyag mapasaylo sila, mahisakop kaniya ug sa iyang katilingban.

KINUTLO GIKAN SA MGA BUHAT SA MGA APOSTOLES (Acts 2:14, 36 41)
Unya mitindog si Pedro uban sa napulog-usa ka apostoles ug sa makusog nga tingog miingon kanila, “Mga igsuon kong Judio, ug kamong tanan nga nagpuyo sa Jerusalem, pamati-a ninyo ang akong isulti karon.”
“Busa ang tanang mga tawo sa Israel kinahanglan masayod nga kining maong Jesus nga inyong gilansang sa krus gihimo sa Dios nga Ginoo ug Mesiyas!”
Sa pagkadungog niini sa mga tawo, natandog sila pag-ayo ug giingnan nila si Pedro ug ang ubang mga apostoles. “Mga igsuon, unsa may among buhaton?” Unya miingon si Pedro kanila, “Ang tagsatagsa kaninyo kinahanglan maghinulsol, ug magpabunyag sa ngalan ni Jesucristo aron pasayloon ang inyong mga sala, ug madawat ninyo ang gasa sa Dios nga mao ang Espiritu Santo. Kay ang saad sa Dios alang man kaninyo ug sa inyong mga anak, ug sa tanan nga atua sa layo— tanan nga pagatawgon sa atong Ginoong Dios.” Nangaliyupo si Pedro kanila ug mi-agda nga nag-ingon, “Luwasa ninyo ang inyong kaugalingon sa silot nga ipahamtang niining dautang katawhan!” Daghan kanila mituo sa iyang mensahe ug nagpabunyag. Mga tulo ka Iibo ka tawo ang nahidugang sa pundok sa mga magtotoo niadtong adlawa.

SALMO RESPONSORYO Ps. 23:1-3, 3-4, 5,6
T. Magbalantay kanako ang Ginoo, wala nay magmakulang pa kanako.
Magbalantay kanako ang Ginoo, wala nay magmakulang pa kanako. Sa lunhaw nga sibsibanan iya ako nga gipapahulay; Sa daplin sa malinawon nga tubig iya akong gidala; iyang gihupay ang akong kalag.
T. Magbalantay kanako…
Iya ako nga gitultolan sa matarong nga mga agianan tungod sa iyang ngalan. Bisan kon maglakaw ako sa walog nga mangitngit wala akoy kahadlokan nga dautan; kay anaa ka man sa akong kiliran. Sa imong igbubugaw ug sungkod gihatagan mo ako og kaisog.
T. Magbalantay kanako…
Gihikyaran mo ako og lamesa sa akong atubangan samtang nagtan-aw ang akong mga kaaway; Gidihogan mo ang akong ulo og lana; nagaawas gayod ang akong imnanan.
T. Magbalantay kanako…
Ang kaayo lamang ug kaluoy maoy nagasunod kanako, sa tanang mga adlaw sa akong kinabuhi; Ug magpuyo ako sa balay sa Ginoo sa mga katuigan nga umaabot.
T. Magbalantay kanako…

IKADUHANG PAGBASA (1 Pt. 2: 20-25) Naluwas kita sa atong Magbalantay. Diha sa kalibotan nga puno sa mga pag-antos, bation nato nga sama kita sa mga nahisalaag nga karnero. Apan si Jesus, diha sa paghatag niya sa t ibuok niyang kinabuhi alang kanako, nahimo siyang atong magbalantay.

KINUTLO GIKAN SA UNANG SULAT NI SAN PEDRO (1 Pt. 2: 20-25)
Kay dalaygon ba kon mag antos kamo sa kastigo nga angay kaninyo tungod kay nakabuhat kamog dautan? Dili gayod! Apan kon giantos ninyo ang mga pagdaug-daog bisan pa sa inyong pagbuhat sa maayo, manalangin ang Dios kaninyo tungod niini. Gitawag kamo sa Dios aron mag-antos, kay si Cristo nag antus man tungod kaninyo ug naghatag kaninyog panig-ingnan aron inyong sundon. Wala siya makasala ni mamakak. Sa dihang gibugalbugalan siya, wala siya mobalos sa pagbugalbugal; sa dihang gisakit siya, wala siya manghulga; hinonoa iyang gisalig ang tanan sa Dios, ang matarong nga Maghuhukom. Didto sa krus gidala ni Cristo diha sa iyang lawas ang tanan tang mga sala aron dili na kita magpakasala kondili magkinabuhi nga matarong. Pinaagi sa iyang mga samad nangaayo kamo. Kamo kaniadto sama sa mga karnero nga nahisalaag; apan karon gidala kamo pagbalik aron mag-sunod sa Magbalantay ug Tigpanalipod sa inyong mga kalag.

+KINUTLO GIKAN SA BALAANG EBANGHELYO SUMALA NI SAN JUAN (Jn. 10:1-10)
Si Jesus miingon ngadto sa iyang mga tinun-an, “Sultihan ko kamo: ang tawo nga dili moagi sa pultahan inigsulod niya sa toril ug mokatkat hinoon sa laing bahin niini, kawatan ug tulisan. Apan ang magbalantay sa mga karnero mosulod agi sa pultahan. Ug ang pultahan ablihan sa portero aron makasulod siya. Mamati ang mga karnero sa iyang tingog inigtawag niya sa ilang tagsa tagsa ka ngalan, ug mag-una siya kanila sa ilang paggula. Kon atua na sila sa gawas, mag-una siya kanila ug ang mga karnero mosunod Kaniya kay nakaila man sila sa iyang tingog. Apan dili sila mosunod sa laing magbalantay. Managan hinoon sila, kay wala man sila makaila sa iyang tingog.”
Gisaysay ni Jesus kanila kining sambingaya, apan wala sila makasabot sa iyang gisugilon kanila. Busa miingon si Jesus pag usab, “Sultihan ko kamo: ako ang pultahan sa mga karnero. Ang tanan nga mianhi una kanako mga kawatan ug mga tulisan, ug busa wala mamati kanila ang mga karnero. Ako ang pultahan; ang mosulod agi kanako maluwas; mosulod siya ug mogula ug makakaplag siya’g masibsib. Apan ang kawatan moanhi aron lamang pagpangawat ug pagpatay ug paglaglag. Mianhi ako aron makabaton kamo og kinabuhing madagayaon.
----------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

24/04/2026

|| ABRIL 25, 2026 – Sabado
SAN MARCOS, Ebanghelista
Piyesta

Ang atong nahibaw-an kang San Marcos, ang nagsulat sa ikaduhang Ebanghelyo, gikan sa Bag-ong Testamento ug sa tradisyon sa unang mga Kristiyanos. Siya gituohan nga mao si “John Mark” nga gihisgotan sa Buhat sa mga Apostoles. Siya kauban ni Maria nga taga-Jerusalem (Acts 12:12), kinsang balay maoy ginatapukan sa nga apostoles. Gituohan usab nga ig agaw sila ni San Barnabas (Col 4:10), nga usa ka Levita.
Si San Marcos mikuyog kang San Pablo ug San Barnabas sa ilang Unang Pagmisyon sa Antioch niadtong 44 A.D. Sa dihang nahiabot sila sa Cyprus, ang tradisyon nagkanayon nga mibiya siya ug mibalik sa Jerusalem. Kining panghitaboa maoy hinungdan nga nakapangutana si San Pablo kung maayo ba siyang misyonero. Mao usab kini ang hinungdan nganong nag-away si San Pablo ug San Barnabas tungod kay gidid-an ni Pablo nga mouban pa kanila si San Marocs sa ilang ikaduhang pagmisyon sa mga simbahan sa Cilicia ug sa Asya Minore. Hinoon, kining away ni San Pablo ug ni San Marcos wala magdugay tungod kay sa dihang unang nakulong si San Pablo, si San Marcos, nga anaa sa Roma ug nagplano nga mobisita sa Asya Minore, si San Marcos usa sa gihisgotan ni San Pablo nga iyang gipagkatiwalaan nga sulugoon (Col 4:10).
Ang Tradisyon usab naghisgot nga suod nga higala ni San Pedro si San Marcos. Gani diha sa unang sulat ni San Pedro (5:13) iyang giila si San Marcos nga iyang “anak”. Si San Clemente sa Alexandria, San Ireneo ug si Papias nag-ingon nga si San Marcos ang taga-hubad ni San Pedro. Nagpuyog dugay sa Alexandira si San Marcos ug namatay nga martir pinaagi sa pagguyod kaniya sa kadalanan.

KINUTLO GIKAN SA UNANG SULAT NI SAN PEDRO (1 Pt. 5:5-14)
Naghangyo ako sa mga pangulo diha sa inyong simbahan, ingon nga ako pangulo usab sama kaninyo. Saksi ako sa mga pag-antus ni Cristo, ug makaambit ako sa himaya nga ipadayag unya. Naghangyo ako kaninyo nga bantayan ninyo pag ayo ang katawhan nga gitugyan sa Dios kaninyo. Atimana sila dili tungod kay gipugos kamo kondili tungod kay inyo mang kabubut on sumala sa ipabuhat sa Dios kaninyo. Pagtrabaho kamo dili tungod lamang sa suhol kondili tungod sa tinguha sa pag-alagad gayod. Ayaw paghari-hari kanila nga gipiyal kaninyo aron inyong atimanon, kondili ipakita kanila ang maayong panig-ingnan. Ug inigpadayag na unya sa Pangulong Magbalantay, makadawat kamo sa mahimayaong korona nga dili molubad.
Kamo usab nga mga batan-on kinahanglan motahud sa mga magulang kaninyo. Pagpaubos kamong tanan ug pag-alagad sa usag-usa kay ang Kasulatan nag ingon, “Kontra sa Dios ang mga garboso, apan maluoy siya sa mga mapaubsanon.” Busa pagpailalom kamo sa gahum sa Dios, aron siya magtuboy kaninyo sa panahon nga iyang gitagal. Itugyan kaniya ang tanan ninyong kabalaka kay siya nag-atiman kaninyo.
Pagbantay ug pagtukaw kamo kay ang inyong kaaway nga mao ang Yawa naglibotlibot kaninyo sama sa liyon nga nagngulob, nangita og tukbonon. Lig-ona ang inyong pagtoo ug suklii siya, kay nasayod kamo nga ang inyong isigkamagtotoo sa tibuok kalibutan gisulayan sa samang alantuson. Apan human sa inyong pag-antos sa mubong panahon, ang Dios nga tinubdan sa tanang grasya ug maoy nagtawag kaninyo sa pagpakig-ambit sa iyang walay katapusang himaya uban kang Cristo, maghingpit ug maghatag kaninyo og kalig-on, kusog, ug sukaranan nga dili matarog. Iya ang gahum hangtud sa kahangturan! Amen.
Sa pagsulat ko niining mubong sulat, gitabangan ako ni Silvano nga giisip kong buotang igsuon. Dasigon ko kamo sa pagsalig niini kay kini mao ang grasya sa Dios.
Ang inyong igsuong simbahan didto sa Babilonia, nga pinili usab sa Dios, nangumosta kaninyo, ingon man si Marcos nga akong anak. Pagpangumostahay kamo uban sa halok sa Kristohanong gugma.
Hinaut unta nga ang pakigdait mag-uban kaninyong tanang iya ni Cristo.

SALMO RESPONSORYO Ps. 89:2-3, 6-7, 16-17
T. Sa gihapon awitan ko ang kaayo sa Ginoo.
Ang mga kaayohan sa Ginoo akong awitan sa gihapon; latas sa tanang kaliwatan magsangyaw ang akong ba-ba sa imong kamatinud anon. Kay nag-ingon ka, “Ang akong kaluoy nagabarug sa kahangturan”; diha sa langit imong gilig-on ang imong kamatinud-anon.
T. Sa gihapon awitan…
Ang kalangitan nagasangyaw sa imong mga katingalahan, O Ginoo, ang imong kamatinud- anon, diha sa katilingban sa mga santos. Kay kinsa diha sa kapanganoran ang makalabaw sa Ginoo? Kinsa ang sama sa Ginoo diha sa mga anak sa Dios?
T. Sa gihapon awitan…
Bulahan ang mga tawo nga nahibalo sa masadya nga singgit; diha sa kahayag sa imong nawong, O Ginoo, nagalakaw sila. Sa imong ngalan nagsadya sila sa t ibuok adlaw, ug pinaagi sa imong katarong gibayaw sila.
T. Sa gihapon awitan…

+KINUTLO GIKAN SA BALAANG EBANGHELYO SUMALA NI SAN MARCOS (Mk. 16:15-20)
Si Jesus miingon sa iyang mga tinun-an,” Panglakaw kamo sa tibuok kalibutan ug isangyaw kining Maayong Balita ngadto sa tanang mga tawo. Ang motoo ug magpabunyag maluwas, apan ang dili motoo, silotan. Ug kini ang mga t imaan sa gahum nga mabatonan nila nga motoo: sa akong ngalan maghingilin sila’g mga yawa ug manulti sila’g lainlaing sinultihan; kon makakupot sila’g mga halas o makainom sila’g hilo, dili sila maunsa, itapion nila ang ilang mga kamut sa mga masakiton ug mangaayo sila.”
Human makigsulti kanila ang Ginoong Jesus, gidala siya ngadto sa langit ug milingkod sa tuo sa Dios. Ug nanlakaw ang mga tinun an ug nagsangyaw sa Maayong Balita sa tanang dapit. Ang mitabang gayod kanila mao ang Ginoo, ug midason sa katinuod sa ilang giwali pinaagi sa paghatag kanila sa mga timaan sa gahum.
----------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

23/04/2026

|| ABRIL 24, 2026 – Biyernes
IKATULONG SEMANA SA PAGKABANHAW

Si Jesus isip mao ang Pan sa Kinabuhi nagtanyag sa iyang kaugalingon nga kalan-on nga motagbaw sa tawhanong kagutom sa kahulogan sa kinabuhi, tawhanong kagutom sa Ginoo. Sa katapusang bahin sa Ebanghelyo miingon si Jesus nga ang pan nga iyang ihatag mao ang iyang unod aron mabuhi ang kalibutan. Sama nga gihatag ni Jesus ang Iyang lawas alang sa kinabuhi sa kalibutan, kita, usab, gidapit nga mahimong pan ngadto sa uban. Padayon kitang mangayu sa grasya sa Ginoo nga ang atong pagdawat sa Eukaristiya magagiya kanato nga makakita Kaniya dinhi sa atong kinabuhi ug nga kita usab, mahimong pan alang sa uban.

KINUTLO GIKAN SA MGA BUHAT SA MGA APOSTOLES (Acts 9.1-20)
Niadtong higayona, nagpadayon si Saulo sa mapintas nga panghulga sa pagpatay sa mga tinun-an sa Ginoo. Miadto siya sa Pangulong Pari, ug nangayog mga sulat nga magpaila kaniya sa mga sinagoga sa Damasco nga gitugotan siya pagdakop sa mga sumusunod sa Dalan nga iyang makit-an didto, lalaki ug babaye, ug pagdala kanila balik sa Jerusalem.
Sa iyang pagpaingon sa Damasco, ug sa duol na siya sa siyudad, sa kalit may kahayag gikan sa langit nga midan-ag libot kaniya. Natumba siya ug nadungog niya ang tingog nga nag ingon, “Saulo, Saulo! Nganong gilutos mo man ako?” “Kinsa ka ba, Ginoo?” nangutana siya. Ang t ingog miingon, “Ako si Jesus nga imong gilutos. Apan bangon ug lakaw ngadto sa siyudad ug didto sultihan ka kon unsay imong buhaton.”
Ang mga tawo nga kauban ni Saulo nanghunong nga wala makatingog; nadungog nila ang tingog apan wala silay tawo nga nakita. Mibangon si Saulo ug gibuka niya ang iyang mata, apan dili na siya makakita. Busa ila siyang giagak ug gidala ngadto sa Damasco. Sulod sa tulo ka adlaw dili siya makakita ug niining panahona wala siya mokaon ni moinom.
Didto sa Damasco may usa ka t inun-an nga ginganlag Ananias. Pinaagi sa panan-awon giingnan siya sa Ginoo, “Ananias!” Ug mitubag siya, “Ania ako, Ginoo.”
Ang Ginoo miingon kaniya, “Lakaw ngadto sa daIan nga ginganlag TuI-id nga Dalan, ug pangitaa didto sa balay ni Judas ang usa ka tawo nga taga-Tarso nga ginganlag Saulo. Nag-ampo siya, ug sa panan-awon nakita ni Saulo ang usa ka tawo nga ginganlag Ananias nga misulod ug unya mipandong kaniya sa iyang kamut aron makakita siya pag-usab.”
Si Ananias mitubag, “Ginoo, daghan ang nagsulti kanako mahitungod kaniya ug sa mangilngig nga mga butang nga iyang gibuhat batok sa imong katawhan didto sa Jerusalem. Ug karon ania siya sa Damasco ug gihatagag gahum sa mga kadagkoan sa mga pari pagdakop sa tanan nga nag-sangpit sa imong ngalan.”
Ang Ginoo miingon kaniya, “Adtoa siya kay gipili ko siya aron mag-alagad kanako, ug sa pagpaila sa akong ngalan ngadto sa mga dili Judio ug sa mga hari ingon man sa katawhan sa Israel. Ug ipakita ko kaniya ang tanan nga iyang paga-antuson tungod kanako.”
Busa miadto si Ananias sa balay ug gipandong niya kang Saulo ang iyang mga kamut. Unya miingon siya, “Igsuong Saulo, ang Ginoong Jesus nga nagpakita kanimo didto sa dalan sa imong pagpaingon nganhi nagpadala kanako aron makakita ka pag-usab ug mapuno sa Espiritu Santo.” Dihadiha may nangahulog na daw mga himbis sa isda gikan sa mata ni Saulo ug nakakita siya pag-usab. Mitindog siya ug gibunyagan, ug human siya makakaon, nabaskog siya.
Nagpabilin si Saulo sa Damasco sulod sa pipila ka adlaw uban sa mga tinun-an. Miadto siya sa mga sinagoga ug nagsangyaw nga si Jesus mao ang Anak sa Dios.

SALMO RESPONSORYO Ps. 117:1, 2
T. Panglakaw kamo sa tibuok kalibutan, ug isangyaw ang Maayong Balita.
Dayga ang Ginoo, kamong tanang mga nasod; himayaa siya, kamong tanang katawhan.
T. Panglakaw kamo sa…
Kay makanunayon ang iyang kaluoy alang kanato, ug ang kamatinud-anon sa Ginoo nagalungtad sa kahangturan.
T. Panglakaw kamo sa…

+KINUTLO GIKAN SA BALAANG EBANGHELYO SUMALA NI SAN JUAN (Jn. 6:52-59)
Nakahaling kini ug mainit nga panaglalisay sa mga Judio. “Unsaon man niining tawhana paghatag kanato sa iyang lawas aron kan-on?” nangutana sila. Si Jesus miingon kanila, “Sultihan ko kamo: kon dili kamo mokaon sa unod sa Anak sa Tawo ug dili moinom sa iyang dugo, dili kamo makabaton og kinabuhi. Ang mokaon sa akong unod ug moinom sa akong dugo may kinabuhing walay katapusan ug banhawon ko siya sa katapusang adlaw. Kay ang akong unod mao ang matuod nga kalan-on, ug ang akong dugo mao ang matuod nga ilimnom. Ang mokaon sa akong unod ug moinom sa akong dugo magpuyo dinhi kanako ug ako diha kaniya. Ang buhing Amahan maoy nagpadala kanako ug tungod kaniya nabuhi usab ako. Sa samang pagkaagi, ang mokaon kanako mabuhi tungod kanako. Busa kini mao ang pan nga gikan sa langit; dili kini sama sa pan nga gikaon sa inyong mga katigulangan ug unya nangamatay gihapon. Ang mokaon niining maong pan mabuhi sa dayon.” Gisulti kini ni Jesus samtang nagtudlo siya didto sa sinagoga sa Capernaum.
----------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

22/04/2026

|| ABRIL 23, 2026 – Huwebes
IKATULONG SEMANA SA PAGKABANHAW

MASABTAN KUNG GITUDLOAN: Taliwala sa atong tawhanong pagpaningkamot, dili igo ang tanan. Nagkinahanglan pa gihapon kitag laing tawo o butang aron matabangan kita nga masayran ang tanan. Mao kini ang kasinatian sa Yunoko nga taga-Etiopia diha sa unang pagbasa. Nagbasa siya sa basahon gikan kang Propeta Isaias apan wala siya makasabot. Sa tabang ni Felipe, iyang nasabtan ug sa katapusan siya nabunyagan. Sa kalibutan karon, daghan ang mga tawo nga nagkinahanglan og tabang aron makasabot sila— sa ilang kinabuhi ug sa ilang pagtuo. Ang pangutana, abli ba ang atong hunahuna ug kasingkasing aron mas makasabot kita?

KINUTLO GIKAN SA MGA BUHAT SA MGA APOSTOLES (Acts 8:26-40)
Usa ka anghel sa Ginoo miingon kang Felipe, “Lakaw ngadto sa habagatan, didto sa dalan nga gikan sa Jerusalem paingon sa Gasa.” (Kining dalana wala na gamita.) Busa milakaw si Felipe. Niadtong higayona may usa ka yunoko nga taga-Etiopia nga nagpanaw pauli sa ila. Siya usa ka sinaligang opisyal ug tesorero ni Candace, Rayna sa Etiopia. Miadto siya sa Jerusalem aron pagsimba sa Dios, ug sa iyang pagpauli nga nagsakayg karwahi, nagbasa siya sa basahon nga sinulat ni propeta Isaias. Ang Espiritu Santo miingon kang Felipe, “Adtoa ug abayi ang karwahi.” Busa midagan si Felipe ngadto kaniya ug hidunggan niya ang yunoko nga nagbasa sa basahon nga sinulat ni propeta Isaias. Unya nangutana kaniya si Felipe, “Nakasabot ka ba sa imong gibasa?”
Ang opisyal mitubag, “Unsaon nako pagkasabot niini kon walay motudlo kanako?” Ug iyang gipasakay si Felipe sa karwahi ug gipalingkod tupad niya. Kini ang bahin sa Kasulatan nga iyang gibasa: “Sama siya sa karnero nga gidala aron ihawon, Sama sa nating karnero nga dili gayod motingog samtang alotan. Wala siyay gisulti bisan usa ka pulong. Gipakaulawan siya ug gihikawan sa hustisya. Walay makasubay sa iyang kaliwatan, kay ang iyang kinabuhi dinhi sa yuta natapos na man.”
Ang opisyal miingon kang Felipe, “Sultihi ako kon kinsa ang gihisgotan sa propeta niining bahina sa Kasulatan. Ang iya bang kaugalingon o lain ba?” Busa gisaysayan siya ni Felipe sa Maayong Balita mahitungod kang Jesus, sugod gayod niining bahina sa Kasulatan. Ug samtang nagpanaw sila nahiabot sila sa usa ka dapit nga may tubig, ug ang opisyal miingon, “Ania may tubig, nganong dili mo man ako bunyagan?”
Busa gipahunong sa opisyal ang karwahi ug silang duha nanaog ug miubog sa tubig, ug gibunyagan siya ni Feiipe. Sa paghaw-as nila sa tubig, ang Espiritu sa Ginoo misakmit kang Felipe ug wala na siya igkita sa opisyal. Apan ang opisyal mipadayon sa iyang panaw nga malipayon kaayo. Unya nakamatngon si Felipe nga didto na siya sa Asoto ug nagwali siya sa Maayong Balita sa tanang lungsod hangtud nahiabot siya sa Cesarea.

SALMO RESPONSORYO Ps. 66:8-9, 16-17, 20
T. Ang tibuok kalibutan mosinggit unta sa kalipay ngadto sa Dios.
Dayga ninyo ang atong Dios, kamong katawhan. Isinggit sa makusog ang iyang kadayganan; Iyang gihatagan og kinabuhi ang atong mga kalag, ug wala niya itugot nga ang atong mga tiil madalin-as.
T. Ang tibuok kalibutan…
Pamati-a karon, kamong tanan nga mahadlokon sa Dios, samtang akong itug an ang iyang gibuhat alang kanako. Sa pagpangamuyo nako kaniya diha sa mga pulong, ang pagdayeg diha sa tumoy sa akong dila.
T. Ang tibuok kalibutan…
Dayga ang Dios nga wala magtungina kanako sa akong gipangayo o sa iyang kaluoy.
T. Ang tibuok kalibutan…

+KINUTLO GIKAN SA BALAANG EBANGHELYO SUMALA NI SAN JUAN (Jn. 6:44-51)
Si Jesus miingon ngadto sa katawhan, “Walay makaari kanako gawas kon ang Amahan nga nagpadala kanako magdani kaniya, ug banhawon ko siya sa katapusang adlaw. Ang mga propeta nagsulat nga ‘Ang tanang tawo tudloan sa Dios.’ Ang mamati sa Amahan ug makakat-on gikan kaniya, moari kanako. Apan wala kini magpasabut nga may nakakita sa Amahan; siya nga gikan sa Dios mao lamay nakakita sa Amahan. Sultihan ko kamo: ang motoo may kinabuhing walay katapusan. Ako ang pan nga naghatag sa kinabuhi. Ang inyong mga katigulangan mikaon sa mana didto sa kamingawan, apan nangamatay gihapon sila. Ang mokaon sa pan nga gikan sa langit dili mamatay. Ako ang pan nga gikan sa langit nga naghatag sa kinabuhi. Ang mokaon niining pan dili gayod mamatay. Ug ang pan nga akong ihatag mao ang akong unod aron mabuhi ang kalibutan.”
----------

----------
𝐒𝐭𝐚𝐲 𝐈𝐧𝐟𝐨𝐫𝐦𝐞𝐝! 𝐒𝐭𝐚𝐲 𝐔𝐩𝐝𝐚𝐭𝐞𝐝!
𝐿𝑖𝑘𝑒, 𝐹𝑜𝑙𝑙𝑜𝑤 & 𝑆ℎ𝑎𝑟𝑒 𝑜𝑢𝑟 𝑆𝑜𝑐𝑖𝑎𝑙 𝑀𝑒𝑑𝑖𝑎 𝐴𝑐𝑐𝑜𝑢𝑛𝑡𝑠

The Roman Catholic Bishop of Tagum, Inc. (Rcbti) - Diocese of Tagum

30/04/2026

29/04/2026

25/04/2026

24/04/2026

23/04/2026

22/04/2026

Address

Telephone

Website

Alerts

Contact The Place Of Worship

Shortcuts

Share

Category