YAHVAH's NAME Believer- Worldwide Study Center

19/07/2026

04/06/2026

ANG ADLAW SA PAGKABANHAW NI YAHVAHSHUA

Leksyon no. 22 June 6, 2026

Basahon sa Kasulatan: Mateo 28:1-7
Piniling Teksto: Lucas 24:21

1. Unsay mga saysay mahitungod sa Adlaw sa Pagkabanhaw ni YaHVaHshua sumala sa sinulat ni Mateo?

Mateo 27:62-66,
62 Ug sa pagkasunod nga adlaw, sa ato pa, tapus sa adlaw sa Pangandam, ang mga sacerdote nga punoan ug ang mga Fariseo nanagtigum sa atubangan ni Pilato,
63 ug miingon kaniya, "Senyor, nahinumdom kami nga kadtong limbongan, sa buhi pa siya, nag-ingon, `Tapus sa tulo ka adlaw, mabanhaw ako."
64 Busa magsugo ka nga ang lubnganan pabantayan pag-ayo hangtud sa ikatulong adlaw, kay tingali unyag adtoon ug kawaton siya sa iyang mga tinun-an ug unya manugilon sila sla mga tawo nga manag-ingon, `Nabanhaw siya gikan sa mga patay,` ug ang ulahing limbong molabaw pa unya hinoon kangil-ad kay sa nahauna."
65 Ug si Pilato miingon kanila, "Pagkuha kamog mga bantay nga sundalo; lumakaw kamo ug himoa ninyo kini nga malig-on sumala sa inyong mahimo."
66 Ug sila nanglakaw ug ilang gilig-on ang lubnganan pinaagi sa pagtimri sa bato ug pagbutang didtog mga bantay.

Mateo 28:1-14
1 Ug sa paghilabay na sa adlaw nga igpapahulay, sa nagbanag pa ang nahaunang adlaw sa semana, si Maria Magdalena ug ang usang Maria miadto sa pagtan-aw sa lubnganan.
2 Ug tan-awa, miabut ang usa ka dakung linog; kay dihay manolunda ni YaHVaH nga mikunsad gikan sa langit ug miabut ug iyang giligid ang bato, ug milingkod siya niini.
3 Ang iyang dagway sama sa kilat, ug ang iyang sapot maputi sama sa nieve.
4 Ug tungod sa kalisang nila kaniya, ang mga bantay nangurog ug nahimong daw mga patay.
5 Apan ang manolunda miingon sa mga babaye, "Ayaw kamo kalisang; kay nasayud ako nga nangita kamo kang YaHshua nga gilansang sa krus.
6 Wala na siya dinhi; kay siya nabanhaw, sumala sa iyang giingon. Umari kamo, tan-awa ninyo ang dapit nga iyang nahimutangan.
7 Ug dumali kamo pagpanglakaw ug suginli ninyo ang iyang mga tinun-an nga nabanhaw siya gikan sa mga patay, ug tan-awa, moadto siya nga magauna kaninyo sa Galilea; didto igakita ninyo siya. Tan-awa, gibalitaan ko na kamo."
8 Ug sila midali pagpahawa sa lubnganan uban sa kahadlok ug dakung kalipay, ug nanalagan sila aron sa pagsugilon ngadto sa iyang mga tinun-an.
9 Ug tan-awa, si YaHshua misugat kanila ug miingon, "Komusta kamo!" Ug sila miduol ug ilang gigakos ang iyang mga tiil ug ilang gisimba siya.
10 Ug si YaHshua miingon kanila, "Ayaw kamo kahadlok; lumakaw kamo ug ingna ninyo ang akong mga kaigsoonan sa pag-adto sa Galilea, ug didto igakita nila ako."
11 Ug samtang nanagpanglakaw sila, tan-awa, ang pipila sa mga bantay nangadto sa siyudad ug ang mga sacerdote nga punoan ilang gibalitaan sa tanang nahitabo.
12 Ug sa nanagkatigum sila uban sa mga anciano ug nagkasabut, ilang gihatagan ug kuwarta ang mga sundalo
13 ug giingnan, "Isulti ninyo kini sa mga tawo, `Ang iyang mga tinun-an mitungha sa kagabhion, ug siya ilang gikawat samtang nanagkatulog kami.`
14 Ug kon mahidangat kini sa mga dalunggan sa gobernador, kami ray mahibalong moayom-ayom kaniya ug mahigawas kamo sa kasamok."

2. Matud pa sa manulonda, “…kay nabanhaw Siya, sumala sa Iyang giingon…”. Unsa nga mga padayag ang una nang giingon ni YaHVaHshua?

Mateo 12:39-40;
39 Apan kanila mitubag siya nga nag-ingon, "Basta kaliwatan nga dautan ug mananapaw mangita gayud ug ilhanan; apan walay laing ilhanan nga igahatag ngadto niini gawas sa ilhanan nga mao si Jonas nga profeta.
40 Kay maingon nga si Jonas didto sa tiyan sa dakung isda sulod sa tulo ka adlaw ug tulo ka gabii, maingon man usab ang Anak sa Tawo adto sa kinapusoran sa yuta sulod sa tulo ka adlaw ug tulo ka gabii.

Mateo 16:4,
Basta kaliwatan nga dautan ug mananapaw mangita gayud ug ilhanan, apan walay laing ilhanan nga igahatag kanila gawas sa ilhanan nga mao si Jonas." Ug iyang gibiyaan sila ug milakaw siya.

verse 21;
Sukad niadtong panahona gisugdan ni YaHshua ang pagpahayag ngadto sa iyang mga tinun-an nga kinahanglan moadto siya sa Jerusalem ug mag-antus sa daghang mga pagsakit nga pagahimuon kaniya sa mga anciano ug sa mga sacerdote nga punoan ug sa mga escriba, ug pagapatyon siya, ug sa ikatulo ka adlaw pagabanhawon siya.

Mateo 17:9,
Ug sa nanaglugsong sila sa bukid, gibaoran sila ni YaHshua nga nag-ingon, "Ayaw ninyo isugilon ang panan-awon kang bisan kinsa, hangtud nga ang Anak sa Tawo mabanhaw na gikan sa mga patay."

verse 22-23;
22 Ug samtang nanagkatigum sila sa Galilea, si YaHshua miingon kanila, "Ang Anak sa Tawo igatugyan ngadto sa mga kamot sa mga tawo,
23 ug ilang pagapatyon siya, ug sa ikatulo ka adlaw pagabanhawon siya." Ug nanagsubo sila sa hilabihan gayud.

Mateo 20:19;
ug igatugyan ngadto sa mga Gentil aron pagabugalbugalan ug pagahampakon ug ilansang sa krus, apan sa ikatulo ka adlaw pagabanhawon siya."

Mateo 26:31-32
31 Unya si YaHshua miingon kanila, "Karong gabhiona kamong tanan managpanibog tungod kanako, kay nahisulat kini nga nagaingon, `Pagasamaran ko ang magbalantay, ug magakatibulaag ang mga karnero sa panon.`
32 Apan tapus ako mabanhaw, mouna ako kaninyo sa pag-adto sa Galilea."

3. Unsa ba pod ang mga saysay ni Marcos, Lucas, ug Juan mahitungod sa Adlaw sa Pagkabanhaw ni YaHVaHshua? Pareho lang ba, o adunay managkalahing Adlaw sumala sa ilang mga sinulat?

Marcos 8:31;
Ug unya iyang gisugdan ang pagsugilon kanila nga ang Anak sa Tawo kinahanglan magaantus sa daghang mga butang, ug nga igasalikway siya sa mga anciano ug sa mga sacerdote nga punoan ug sa mga escriba, ug nga pagapatyon siya, ug nga tapus sa tulo ka adlaw mabanhaw siya.

Marcos 9:30-31;
30 Ug sila mipadayon sa paglakaw gikan didto ug miagi latas sa Galilea. Ug dili siya buot nga adunay mahibalo niini;
31 kay nanudlo man ugod siya sa iyang mga tinun-an, ug nag-ingon siya kanila, "Ang Anak sa Tawo igatugyan ngadto sa mga kamot sa mga tawo, ug ilang pagapatyon siya; ug sa mapatay na siya, mabanhaw siya human sa tulo ka adlaw."

Marcos 10:32-34;
32 Ug diha sila sa dalan, nanagtungas paingon sa Jerusalem, ug naglakaw si YaHshua nga nag-una kanila; ug nahibulong sila ug nangahadlok ang mga nanagsunod. Ug sa napinig na usab niya ang Napulog-Duha, iyang gisugdan sila sa pagsugilon mahitungod sa iyang dadangatan.
33 Siya miingon, "Tan-awa, nagatungas kita karon padulong sa Jerusalem; ug ang Anak sa Tawo igatugyan ngadto sa mga sacerdote nga punoan ug sa mga escriba, ug ilang pagahukman siya ngadto sa kamatayon ug igatugyan ngadto sa mga Gentil;
34 ug siya ilang pagabugalbugalan, ug pagalud-an, ug pagahampakon, ug pagapatyon; apan mabanhaw siya human sa tulo ka adlaw."

Marcos 14:27-28;
27 Ug si YaHshua miingon kanila, "Kamong tanan managpanibug; kay nahisulat man kini nga nagaingon, `Pagasamaran ko ang magbalantay, ug ang mga karnero magakatibulaag.`
28 Apan tapus ako mabanhaw, mouna ako kaninyo sa pag-adto sa Galilea."

Marcos 16:1-14;
1 Ug sa pag-agi na sa adlaw nga igpapahulay, si Maria Magdalena, ug si Maria nga inahan ni Santiago ug si Salome, nanagpamalit ug mga pahumot aron ilang adtoon ug haplasan ang lawas ni YaHshua.
2 Ug sayo kaayo sa nahaunang adlaw sa semana, nangadto sila sa lubnganan sa diha nga nakasubang na ang Adlaw.
3 Ug nasig-ingon sila sa usag usa, "Kinsa may atong paligiron sa bato gikan sa pultahan sa lubnganan?"
4 Ug sa paghangad pa nila, ilang nakita nga ang bato naligid na; kay kini daku man kaayo.
5 Ug sa paghisulod nila sa lubnganan, ilang nakita ang usa ka batan-ong lalaki nga naglingkod dapit sa too, nga nagsapot sa bisti nga maputi ug hataas; ug sila nakulbaan.
6 Apan siya miingon kanila, "Ayaw kamo kahadlok; kamo nangita kang YaHshua nga Nazaretnon nga gilansang sa krus. Nabanhaw siya, wala na siya dinhi; tan-awa ninyo ang dapit nga ilang gibutangan kaniya.
7 Apan lumakaw kamo ug suginli ninyo ang iyang mga tinun-an ug si Pedro nga siya moadto nga magauna kaninyo sa Galilea; didto igakita ninyo siya sumala sa iyang giingon kaninyo."
8 Ug nanggula sila ug nanalagan gikan sa lubong; kay nangurog sila, giabut ug kahibulong; ug wala silay gikasulti kang bisan kinsa, kay nangalisang man sila.
9 Ug sa pagkabanhaw Niya sa kaadlawon sa nahaunang adlaw sa semana, Siya mitungha pag-una kang Maria Magdalena, ang iyang gipagulaan ug pito ka mga demonyo.
10 Kini siya miadto, ug sila nga mga nanagpakig-uban kang YaHshua iyang gisuginlan samtang nagminatay ug nagpanghilak sila.
11 Apan sa ilang pagkadungog nga siya buhi ug nga iyang nakita siya, wala sila motoo niini.
12 Tapus niini, sa lain nga dagway siya mitungha sa duha kanila samtang naglakaw sila sa dalan paingon sa balangay.
13 Ug mibalik sila ug nanugilon sa uban, apan sila wala nila toohi.
14 Ug unya mitungha siya sa Napulog-Usa samtang nanaglingkod sila tambong sa kan-anan; ug iyang gisaway sila tungod sa kakulang nilag pagtoo ug sa kagahi nilag kasingkasing, kay wala man ugod sila motoo sa mga nanagpakakita kaniya tapus mabanhaw siya.

Lucas 9:22;
Ug siya miingon, "Ang Anak sa Tawo kinahanglan magaantus sa daghang mga butang, ug igasalikway siya sa mga anciano ug sa mga sacerdote nga punoan ug sa mga escriba, ug pagapatyon, ug sa ikatulo ka adlaw pagabanhawon siya."

Lucas 18:31-33;
31 Ug sa napinig niya ang Napulog-Duha, siya miingon kanila, "Tan-awa, nagatungas kita padulong sa Jerusalem, ug pagatumanon na ang tanang butang nga gisulat sa mga profeta mahitungod sa Anak sa Tawo.
32 Kay siya igatugyan ngadto sa mga Gentil, ug pagabugal-bugalan ug pakaulawan ug pagalud-an;
33 siya ilang pagahampakon ug pagapatyon; apan sa ikatulo ka adlaw, siya mabanhaw."

Lucas 24:1-7,
1 Apan sa pagkaadlaw na nga nahiuna sa semana, sayo sa kaadlawon, sila ngadto sa lubnganan, dinala ang mga pahumot nga ilang giandam.
2 Ug ilang nakita ang bato nga giligid na gikan sa lubnganan,
3 apan sa pagsulod nila, wala silay nakaplagang lawas.
4 Ug sa nangalibog sila tungod niini, tan-awa, tupad kanila dihay nanagtindog nga duha ka lalaki nga may bisti nga masilaw;
5 ug sa nangalisang sila ug nanagduko sa yuta, kanila miingon ang mga lalaki, "Ngano nga ang buhi anha man ninyo pangitaa diha sa mga patay? Wala siya dinhi, kondili nabanhaw.
6 Hinumdumi ang iyang gisulti kaninyo sa didto pa siya sa Galilea,
7 nga ang Anak sa Tawo kinahanglan igatugyan ngadto sa mga kamot sa mga tawong makasasala ug igalansang sa krus, ug sa ikatulo ka adlaw mabanhaw siya."

verse 44-46;
44 Ug unya miingon siya kanila, "Kini mao ang akong mga pulong nga gisulti ko kaninyo kaniadto sa kauban pa ako kaninyo, nga kinahanglan gayud matuman ang tanang nahisulat mahitungod kanako diha sa kasugoan ni Moises ug sa mga profeta ug sa mga salmo."
45 Ug iyang gibuksan ang ilang mga salabutan aron makatukib sila sa mga kasulatan,
46 ug miingon kanila, "Sa ingon niini nahisulat, nga ang Messiah kinahanglan gayud magaantus, ug sa ikatulo ka adlaw mabanhaw siya gikan sa mga patay,

Juan 2:13-22;
13 Ug nagkahiduol na ang Pasko sa mga Judio, busa si YaHshua mitungas ngadto sa Jerusalem.
14 Ug sa sulod sa templo iyang nakita ang mga nanagbaligyag mga baka ug mga karnero ug mga salampati, ug ang mga tigpangilis ug salapi nga diha sa ilang pamatigayon.
15 Ug nagbuhat siyag latigo nga pisi ug iyang giabog silang tanan, uban ang mga karnero ug mga baka, ngadto sa gawas sa templo; ug iyang giyabo ang mga salapi sa mga tigpangilis ug iyang gipanglintuwad ang ilang mga lamisa.
16 Ug siya miingon sa mga nanagbaligyag mga salampati, "Kuhaa ninyo dinhi kining mga butanga; ang balay sa akong Amahan ayaw ninyo paghimoang merkado."
17 Ug ang iyang mga tinun-an nahinumdom nga ang kasulatan nagaingon man, "Ang kamaampingon alang sa imong balay magaut-ot kanako."
18 Busa ang mga Judio miingon kaniya, "Unsa man ang ilhanan nga imong ikapakita kanamo nga ikaw may pagbulot-an sa pagbuhat niini?"
19 Ug si YaHshua mitubag kanila, "Gubaa ninyo kining templo, ug patindugon ko kini sulod sa tulo ka adlaw."
20 Ug ang mga Judio nanagpanubag, "Kining temploha gitukod sulod sa kap-atan ug unom ka tuig, ug imong patindugon kini sulod sa tulo ka adlaw?"
21 Apan ang templo nga iyang gipasabut mao ang iyang kaugalingong lawas.
22 Mao man gani nga sa pagkabanhaw na niya gikan sa mga patay, ang iyang mga tinun-an nahinumdom sa iyang pagsulti niini; ug sila nanagpanoo sa kasulatan ug sa pulong nga gisulti ni YaHshua.

Juan 20:1-9
1 Ug sa nahaunang adlaw sa semana, si Maria Magdalena miadto sa lubnganan sayo sa kaadlawon samtang mangitngit pa, ug iyang nakita nga ang bato nakuha na gikan sa lubnganan.
2 Busa midalagan siya ug miadto kang Simon Pedro ug sa usang tinun-an nga hinigugma ni YaHshua, ug miingon kanila, "Si YaHshua ilang gikuha gikan sa lubnganan, ug wala kami masayud kon diin siya nila ibutang."
3 Busa si Pedro migula uban sa usang tinun-an ug nangadto sila sa lubnganan.
4 Ang duha nanagdalagan, apan si Pedro hing-unhan sa usang tinun-an, ug kini siya unang nahiabut sa lubnganan.
5 Ug sa pagtikubo niya aron sa paglili, iyang nakita ang mga panaptong lino nga nahimutang didto, apan wala hinoon siya mosulod.
6 Unya miabut si Simon Pedro nga nagsunod kaniya, ug siya misulod sa lubnganan. Ug iyang nakita ang mga panaptong lino nga nahimutang didto,
7 ug ang panyo nga giputos sa iyang ulo wala mahiuban sa mga panaptong lino, hinonoa naglain kini nga linukot sa usa ka dapit.
8 Ug ang usang tinun-an, ang nahaunang abut sa lubnganan, misulod usab ug nakakita ug mitoo;
9 kay sila ugod wala pa man gihapon makasabut sa kasulatan, nga kinahanglan mabanhaw siya gikan sa mga patay.

Nota: Diri sa teksto nga “…Ug sa pagkabanhaw Niya sa kaadlawon sa nahaunang adlaw sa semana…” (diha sa ROSNB- “And arising early, on the first of the week…” Mark 16:9), - adunay nagkalain-laing komentaryo ang mga Iskolar sa Bibliya. Matud pa, nga ang mga sinulat sa griyego walay mga punctuation ug posible nga ang pagkasulat mao kini… “Karon sa Iyang pagkabanhaw (posible nga dinhi nga parte adunay paghunong kadyot sa istorya) sa sayo sa unang adlaw sa semana Siya nagpakita ug una ngadto kang Maria Magdalena”. Ang uban usab nagpahayag nga si Marcos igo na lamang naghisgot sa pagkabanhaw (verse 9), ayha pa niya gisulti ang pagpakita ni YaHVaHshua pag-una kang Maria Magdalena. Tungod kay diha sa Marcos 16:1-8, wala nay nahikaplagan nga lawas sila Maria Magdalena didto sa lubnganan sa ilang pag-adto.

4. Walay natala sa Bibliya nga adunay nakakita sa pagkabanhaw ni YaHVaHshua didto sa lubnganan hangtud sa Iyang paghigawas niini tungod kay sa dihang miduaw ang mga babaye nga sila si Maria Magdalena, si Maria nga inahan ni Santiago ug si Salome sa lubnganan, sirado pa kini ug ila pang nakita ang usa ka manulonda nga maoy miligid sa bato. Unsay nakaplagan sa mga babaye diha sa ilang pagduaw sa lubnganan?

Mateo 28:1-6
1 Ug sa paghilabay na sa adlaw nga igpapahulay, sa nagbanag pa ang nahaunang adlaw sa semana, si Maria Magdalena ug ang usang Maria miadto sa pagtan-aw sa lubnganan.
2 Ug tan-awa, miabut ang usa ka dakung linog; kay dihay manolunda ni YaHVaH nga mikunsad gikan sa langit ug miabut ug iyang giligid ang bato, ug milingkod siya niini.
3 Ang iyang dagway sama sa kilat, ug ang iyang sapot maputi sama sa nieve.
4 Ug tungod sa kalisang nila kaniya, ang mga bantay nangurog ug nahimong daw mga patay.
5 Apan ang manolunda miingon sa mga babaye, "Ayaw kamo kalisang; kay nasayud ako nga nangita kamo kang YaHshua nga gilansang sa krus.
6 Wala na siya dinhi; kay siya nabanhaw, sumala sa iyang giingon. Umari kamo, tan-awa ninyo ang dapit nga iyang nahimutangan.

5. Unsay gibati ug mga panghuna-huna ni Maria Magdalena mahitungod sa pagkawala sa lawas ni YaHVaHshua? Nagpakita ba kaniya ang Manluluwas?

Juan 20:11-18
11 Apan sa gowa sa lubnganan, si Maria nagtindog nga naghilak, ug samtang naghilak siya, mitikubo siya aron sa paglili sa lubnganan.
12 Ug didto iyang nakita ang duha ka mga manolunda nga nanagsapot ug maputi, nanaglingkod sa dapit nga nahimutangan sa lawas ni YaHshua, ang usa diha sa ulohan ug ang usa diha sa tiilan.
13 Ug sila miingon kaniya, "Babaye, nganong nagahilak ikaw?" Siya miingon kanila, "Kay ila mang gikuha ang akong Agalon, ug wala ako masayud kon diin siya nila ibutang."
14 Sa pagsulti niya niini, siya miliso ug nakita niya si YaHshua nga nagtindog, apan wala siya mahibalo nga kadto mao si YaHshua.
15 Ug si YaHshua miiingon kaniya, "Babaye, nganong nagahilak ikaw?" Kinsa may imong gipangita?" Sa pagdahum niya nga kadto mao ang magbalantay sa tanaman, si Maria miingon kaniya, "Senyor, kon ikaw man ang nagkuha kaniya, tug-ani ako diin mo siya ibutang, ug ako siyang kuhaon."
16 Si YaHshua miingon kaniya, "Maria." Siya milingi ug miingon kaniya sa pinulongan nga Hebreohanon, "Raboni!" (nga sa ato pa, Magtutudlo).
17 Si YaHshua miingon kaniya, "Ayaw na ako pagkupti, kay wala pa ako makasaka ngadto sa Amahan. Apan adtoa ang akong mga kaigsoonan ug suginli sila nga mosaka ako ngadto sa akong Amahan ug inyong Amahan, sa akong El ug inyong El."
18 Ug si Maria Magdalena miadto ug ang mga tinun-an iyang gisuginlan nga nag-ingon, "Nakita ko si YaHshua." Ug gisugilon niya nga kadtong mga butanga gisulti ni YaHshua kaniya.

6. Diha sa sinulat ni Lucas, ang usa nga ginganlan ug Cleopas samtang nanaglakaw sila paingon sa Emaus nagsulti mahitungod sa iyang nahinumduman sa kaagi ni YaHVaHshua gikan sa pagtugyan Kaniya sa mga sacerdote nga punoan hangtud sa pagkabanhaw. Unsay mga saysay mahitungod niini? Pila ka adlaw na ang milabay s**ad kining mga panghitaboa iyang nahibaloan?

Lucas 24:13-21
13 Sa maong adlaw duha kanila nanaglakaw paingon sa usa ka balangay nga ginganlag Emaus, nga mga napulog usa ka kilometro gikan sa Jerusalem,
14 ug nagsultihanay sila mahitungod niining tanang mga butang nga nahitabo.
15 Ug samtang nagsultihanay ug nagpangutan-anay sila, si YaHshua miduol ug mikuyog kanila.
16 Apan ang ilang mga mata nahipugngan aron dili sila makaila kaniya.
17 Ug siya miingon kanila, "Unsa ba kining inyong gisultihan samtang nanaglakaw kamo?" Ug sila mihunong, sa panagway nga masulob-on.
18 Ug ang usa kanila, nga ginganlan si Cleopas, mitubag kaniya, "Ikaw ra ba ang bugtong dumuloong sa Jerusalem nga wala mahibalo sa mga butang nga nanghitabo didto sulod niining mga adlawa?
19 Siya nangutana kanila, "Unsa bang mga butanga?" Ug sila miingon kaniya, "Mahitungod ba kang YaHshua nga Nazaretnon, nga usa ka profeta nga gamhanan sa buhat ug sa pulong sa atubangan ni YaHVaH ug sa tanang mga tawo;
20 siya gitugyan sa among mga sacerdote nga punoan ug sa among mga pangulo aron pagahukman sa silot sa kamatayon ug ilansang sa krus.
21 Ug nanaglaum unta kadto kami nga siya mao gayud ang magtubos sa Israel. Oo, ug labut pa niining tanan, ikatulo na ka adlaw karon s**ad sa pagkahitabo niining mga butanga.

Nota: Diha sa teksto nga “…ikatulo na ka adlaw karon s**ad sa pagkahitabo niining mga butanga… (verse 21)”, si L.D. Snow nagpahayag nga diha sa Berkeley Version, kini mabasa nga “However, three days have already passed since all those events occurred…(in Cebuano- “Hinoon, tulo na ka adlaw ang milabay s**ad kining tanan nga mga butang nahitabo…”

7. Nahibalo na bang daan si YaHVaHshua sa Iyang mahiaguman dinhi sa kalibutan sumala sa Kasulatan? Unsa ang iyang padayag ngadto nila ni Cleopas samtang kini sila nanagsugilon sa mga panghitabo?

verse 25-27
25 Ug si YaHshua miingon kanila, "O mga tawong boangboang, kinsang mga kasingkasing hinayan nga motoo sa tanang gikasulti sa mga profeta!
26 Dili ba kinahanglan man nga ang Messiah magaantus gayud niining mga butanga ug unya magasulod Siya sa iyang himaya?"
27 Ug sugod kang Moises ug sa tanang mga profeta, iyang gisaysay kanila ang mga butang sa tibuok nga kasulatan mahitungod sa iyang kaugalingon.

26/05/2026

ANG KAMATAYON NI YAHVAHSHUA- SA ADLAW SA PANGANDAM ALANG SA DAKONG ADLAW

Leksyon no. 21 May 30, 2026

Basahon sa Kasulatan: Leviticus 23:1-4
Piniling Teksto: Juan 19:31

1. Unsang adlawa nahitabo ang pagpa-atubang kang YaHVaHshua ngadto kang Pilato?

Juan 19:9-14
9 Ug siya misulod pag-usab sa palasyo ug miingon kang YaHshua, "Tagadiin ba ikaw?" Apan si YaHshua wala motubag kaniya.
10 Busa si Pilato miingon kaniya, "Dili ka motingog kanako? Wala ka ba mahibalo nga may gahum ako sa pagbuhi kanimo ug may gahum ako sa paglansang kanimo sa krus?"
11 Si YaHshua mitubag kaniya, "Wala unta ikaw ing kagahum batok kanako kon wala ka pa hatagi niini gikan sa kahitas-an; busa labaw pa kadakug sala ang nagtugyan kanako nganhi kanimo."
12 Tungod niini si Pilato naninguha sa pagbuhi kaniya, apan ang mga Judio misinggit nga nanag-ingon, "Kon imong buhian kining tawhana, dili ka diay higala ni Cesar. Ang tanan nga magapakahari nagapakigbatok kang Cesar."
13 Sa pagkadungog ni Pilato niining mga pulonga, iyang gidala si YaHshua sa gawas ug milingkod siya sa hukmanan, sa usa ka dapit nga ginganlan ug Plataforma nga Bato, ug sa Hebreohanon, Gabata.
14 Ug kadto adlaw sa Pangandam alang sa Pasko, sa may ikaunom ang takna. Ug siya miingon sa mga Judio, "Tan-awa, ania ang inyong Hari!"

2. Sa susamang adlawa, unsa kadtong matanga sa Adlaw nahitabo ang kamatayon ni YaHVaHshua?

Juan 19:30-31
30 Sa nakainom na si YaHshua sa s**a, siya miingon, "Tapus na." Ug siya, dinuko ang ulo, mitugyan sa iyang espiritu.
31 Ug kay kadto adlaw man sa Pangandam, ug aron ang mga lawas dili magpabilin sa kahoy sa adlaw nga igpapahulay (kay kadtong adlawa nga igpapahulay daku man nga adlaw), gihangyo sa mga Judio kang Pilato nga balibalion ang mga bitiis sa mga tawong himalatyon ug ipakuha ang ilang mga lawas.

(Nota: Ang Dakong Adlaw o gitawag usab kini nga “High Days” mao ang matag-tuig nga Balaang Adlawng Igpapahulay sumala diha sa Leviticus 23 nga ginasaulog sa mga Hudiyo gawas sa sinemanang adlawng igpapahulay o adlawng sabado. Matunong kini usahay ug Sabado o bisan unsang adlawa diha sa semana. Ang matag-tuig nga mga Adlawng Igpapahulay mao ang: Unang adlaw ug ikapitong adlaw sa Piyesta sa Tinapay nga walay lebadura, Pentecostes, Trumpeta, Adlaw sa pagtabon-sa-sala, unang adlaw ug katapusang adlaw sa Pista sa tabernaculo.)

3. Unsay sugo ni YaHVaH ngadto sa mga Israelitas mahitungod sa mga Adlawng Igpapahulay sa mga Tinuig nga Kapistahan?

Leviticus 23:1-44
1 Ug misulti si YaHVaH kang Moises, nga nagaingon:
2 Isulti mo sa mga anak sa Israel, ug ipamulong mo kanila: Ang tinudlo nga mga fiesta ni YaHVaH, nga igamantala ninyo ingon nga balaan nga mga pagkatigum, bisan kini mao ang akong mga fiesta nga tinudlo.
3 Sa unom ka adlaw pagabuhaton ang mga bulohaton: apan sa ikapito ka adlaw maoy usa ka adlaw nga igpapa-hulay sa balaan nga pagpahulay, ang pagkatigum nga balaan: walay bisan unsa nga bulohaton nga pagabuhaton ninyo kini mao ang usa ka adlaw nga igpapahulay alang kang YaHVaH sa tanan ninyo nga mga puloy-anan.
4 Kini mao ang tinudlo nga mga fiesta ni YaHVaH, bisan ang mga pagkatigum nga balaan, nga igamantala ninyo sa ilang tinudlo nga panahon.
5 Sa nahaunang bulan, sa ikapulo ug upat ka adlaw sa bulan, sa taliwala sa duruha ka hapon, mao ang pasko ni YaHVaH.
6 Ug sa ikapulo ug lima ka adlaw niining bulana mao ang fiesta sa mga tinapay nga walay levadura alang kang YaHVaH: pito ka adlaw magakaon kamo sa mga tinapay nga walay levadura.
7 Sa nahauna nga adlaw kamo adunay usa ka balaan nga pagkatigum: walay bisan unsa nga bulohaton nga inalagad nga pagabuhaton ninyo.
8 Apan maghalad kamo kang YaHVaH sa halad-nga-ginasunog sulod sa pito ka adlaw; sa ikapito ka adlaw mao ang usa ka balaan nga pagkatigum: walay bisan unsa nga bulohaton nga pagabuhaton ninyo sa inalagad.
9 Ug misulti si YaHVaH kang Moises, nga nagaingon:
10 Isulti mo sa mga anak sa Israel, ug ipamulong mo kanila: Sa pagsulod ninyo sa yuta nga akong ihatag kaninyo, ug magaani kamo sa abut niini, nan magadala kamo ngadto sa sacerdote ug usa ka binangan nga inunahan sa mga unang bunga sa inyong pag-ani;
11 Ug itabyog niya ang binangan sa atubangan ni YaHVaH, aron kini paga-dawaton alang kaninyo. Sa pagkaugma sa tapus ang adlaw nga igpapahulay ang sacerdote magatabyog niana.
12 Ug sa adlaw nga igatabyog ninyo ang binangan, magahalad kamo ug usa ka lakeng carnero nga usa ka tuig ang panuigon nga walay ikasaway, alang sa usa ka halad-nga-sinunog kang YaHVaH.
13 Ug ang halad-nga-kalan-on niini mao ang duruha sa napulo ka bahin sa usa ka epha sa harina nga fino nga sinaktan sa lana, halad nga pinaagi sa kalayo alang kang YaHVaH, alang sa usa ka kahumot; ug ang halad-nga-ilimnon, mao ang vino ang ikaupat ka bahin sa usa ka hin.
14 Ug kamo dili magakaon ug tinapay, ni lugas nga sinanglag, ni uhay nga hilaw, hangtud niining maong adlaw, hangtud nga makahalad kamo sa halad sa inyong Elohim: kini mao ang usa ka balaod nga walay katapusan ngadto sa inyong mga kaliwatan sa tanan ninyo nga puloy-anan,
15 Ug manag-isip kamo alang kaninyo s**ad sa adlaw nga mosunod sa adlaw nga igpapahulay, s**ad sa adlaw nga managdala kamo sa binangan sa halad-nga-tinabyog; hangtud nga matangkod ang pito ka adlaw nga igpapahulay:
16 Manag-isip kamo ug kalim-an ka adlaw hangtud sa adlaw nga mosunod sa ikapito ka adlaw nga igpapahulay: ug unya managhalad kamo ug bag-o nga halad-nga-kalan-on alang kang YaHVaH.
17 Gikan sa inyong mga puloy-anan managdala kamo ug duruha ka tinapay nga sa halad-nga-tinabyog, nga mao ang duruha sa napulo ka bahin sa usa ka epha; kini hinimo sa harina nga fino nga linuto nga adunay levadura, nga sa mga inunahan alang kang YaHVaH,`
18 Ug magahalad kamo sa tinapay uban sa pito ka nating carnero nga usa ka tuig ang panuigon, nga walay ikasaway, ug usa ka lakeng vaca nga nati, ug duruha ka lakeng carnero; kini mao ang halad-nga-sinunog alang kang YaHVaH, uban sa ilang halad-nga-kalan-on ug sa ilang mga halad-nga-ilimnon; bisan ang halad nga hinimo pinaagi sa kalayo, alang sa usa ka kahumot kang YaHVaH.
19 Ug managhalad kamo ug usa ka lakeng kanding sa halad-tungod-sa-sala, ug duruha ka lakeng nati sa carnero nga usa ka tuig ang panuigon, alang sa mga halad-sa-pakigdait.
20 Ug ang sacerdote magatabyog niini sa halad-nga-tinabyog sa atubangan ni YaHVaH uban ang tinapay sa mga inunahan; ug ang duruha ka nating carnero: kini mao ang butang bga balaan kang YaHVaH alang sa sacerdote.
21 Ug himoon ninyo ang pagmantala niining maong adlaw; may usa ka bala-an nga pagkatigum alang kaninyo: wa-lay bisan unsa nga bulohaton nga inala-gad nga pagabuhaton ninyo: kini maoy usa ka balaod nga walay katapusan sa sulod sa tanang mga puloy-anan, ngadto sa inyong mga kaliwatan.
22 Ug sa magaani kamo sa abut sa inyong yuta, dili mo paghutdon sa pag-ani ang daplin sa imong uma, ni paghagdawan mo ang imong ani: ibilin mo kini alang sa mga kabus ug alang sa dumuloong. Ako mao si YaHVaH nga inyong Elohim.
23 Ug misulti si YaHVaH kang Moises, nga nagaingon:
24 Isulti mo sa mga anak sa Israel, nga magaingon: Sa ikapito nga bulan, sa nahauna nga adlaw sa bulan mao ang usa ka balaan nga pagpahulay alang kaninyo, usa ka handumanan sa paghuyop sa mga trompeta, usa ka balaan nga pagkatigum.
25 Walay bisan unsa nga bulohaton nga inalagad nga pagabuhaton ninyo; ug managhalad kamo ug halad nga hinimo pinaagi sa kalayo alang kang YaHVaH.
26 Ug misulti si YaHVaH kang Moises, nga nagaingon:
27 Apan sa ikapulo ka adlaw niining bulana nga ikapito mao ang adlaw sa pagtabon-sa-sala: kini mao ang balaan nga pagkatigum, ug sakiton ninyo ang inyong mga kalag; ug magahalad kamo ug halad nga hinimo pinaagi sa kalayo alang kang YaHVaH.
28 Ug kamo dili managbuhat ug bisan unsang bulohaton niining adlawa; kay kini mao ang adlaw sa pagtabon-sa-sala, aron sa pagbuhat sa pagtabon-sa-sala alang kaninyo sa atubangan ni YaHVaH nga inyong Elohim.
29 Kay bisan unsa nga kalaga nga dili magapasakit sa iyang kaugalingon niining adlawa, pagaputlon siya gikan sa iyang katawohan.
30 Ug bisan unsang kalaga nga magabuhat ug bisan unsa nga bulohaton niining adlawa, pagalaglagon ko kana gikan sa taliwala sa iyang katawohan.
31 Kamo dili magbuhat ug bisan unsa nga bulohaton kini maoy usa ka balaod nga walay katapusan ngadto sa tanan ninyo nga kaliwatan sa inyong tanan nga mga puloy-anan.
32 Kini alang kaninyo mao ang adlaw nga igpapahulay sa balaan nga pahulay, ug managpasakit kamo sa inyong mga kalag: sa hapon, sa ikasiyam ka adlaw sa bulan, gikan sa hapon hangtud sa hapon, magabantay kamo sa inyong adlaw nga igpapahulay.
33 Ug misulti si YaHVaH kang Moises, nga nagaingon:
34 Isulti mo sa mga anak sa Israel, nga magaingon: Sa ikapulo ug lima ka adlaw niining ikapito ka bulan mao ang fiesta sa mga tabernaculo kang YaHVaH sulod sa pito ka adlaw.
35 Sa nahauna nga adlaw adunay usa ka balaan nga pagkatigum: walay bisan unsa nga bulohaton nga inalagad nga pagabuhaton ninyo.
36 Pito ka adlaw magahalad kamo ug halad nga hinimo pinaagi sa kalayo alang kang YaHVaH: sa ikawalo ka adlaw kamo may usa ka balaan nga pagkatigum; ug kamo magahalad ug halad nga hinimo pinaagi sa kalayo alang kang YaHVaH: kini mao ang pagkatigum nga katapusan; kamo dili magabuhat sa bisan unsa nga bulohaton nga inalagad.
37 Kini mao ang mga fiesta nga tinudlo ni YaHVaH nga inyong igamantala nga mabalaan nga mga pagkatigum, aron sa paghalad ug halad nga hinimo pinaagi sa kalayo alang kang YaHVaH, usa ka halad-nga-sinunog, ug usa ka halad-nga-kalan-on, usa ka halad, ug mga halad-nga-ilimnon, ang tagsa ka halad sa iyang kaugalingon nga adlaw,
38 Labut pa sa mga adlaw nga igpapahulay ni YaHVaH, ug labut pa sa inyong mga hatag, ug labut pa sa tanang mga panaad ninyo, ug labut pa sa tanan ninyong mga halad-nga-kinabubut-on nga igahatag ninyo kang YaHVaH.
39 Apan sa ikapulo ug lima ka adlaw sa ikapito ka bulan, sa diha nga makatigum kamo ug bunga sa yuta, bantayan ninyo ang fiesta ni YaHVaH sulod sa pito ka adlaw sa nahauna nga adlaw maoy usa ka pahulay nga balaan, ug sa ikawalo ka adlaw mao ang usa ka pahulay nga balaan.
40 Ug sa nahauna nga adlaw magakuha kamo ug mga bulig nga adunay bunga sa kahoy nga maanindot, mga sanga sa mga palma, ug mga sanga sa mga kakahoyan nga masiut, ug mga tangbo sa sapa, ug magakalipay kamo sa atubangan ni YaHVaH nga inyong Elohim sulod sa pito ka adlaw.
41 Ug magbuhat kamo ug fiesta alang kang YaHVaH sulod sa pito ka adlaw sa tagsa ka tuig: kini maoy usa ka balaod nga walay katapusan ngadto sa inyong mga kaliwatan: sa ikapito ka bulan pagabuhaton ninyo kini.
42 Sa mga payag magapuyo kamo sulod sa pito ka adlaw: ang tanan nga natawo sa Israel magapuyo sa mga payag:
43 Aron manghibalo ang inyong mga kaliwatan nga sa mga payag gipapuyo ko ang mga anak sa Israel, sa pagkuha ko kanila gikan sa yuta sa Egipto. Ako mao si YaHVaH nga inyong Elohim.
44 Ug gisulti ni Moises sa mga anak sa Israel ang mga fiesta nga tinudlo ni YaHVaH.

4. Unsa ba pod ang gikasulti sa Kasulatan mahitungod sa Adlaw sa Pangandam? Unsay paga-andamon sa wala pa moabot ang Adlawng Igpapahulay?

Exodo 16:23
Ug siya miingon kanila: Kini mao ang giingon ni YaHVaH: Ugma mao ang balaan nga pagpahulay, ang adlaw nga igpapahulay ngadto kang YaHVaH: ang pagalutoon ninyo, lutoa ninyo karon, ug ang pagalung-agon ninyo lung-aga ninyo karon; ug ang tanan nga makapin kaninyo, tipigan ninyo hangtud ugma sa buntag.

(Nota: Si YaHVaH naghatag na ug mga sugo mahitungod sa adlaw sa pangandam ngadto sa mga Israelitas sa wala pa sila nakaabot sa Bukid sa Sinai. Ug sa ngadto-ngadto, ang mga Hudiyo nagahuna-huna nga importante kaayo ang mga Kapistahan nga diin kining mga Adlawng Igpapahulay usab, kinahanglan nga pagatagan-an ug Adlaw sa Pangandam.)

5. Sa dihang namatay na si YaHshua sa kahaponong takna sa Adlaw sa Pangandam, unsay gibuhat ni Jose nga taga-Arimatea?

Marcos 15:42-46
42 Ug sa pag-abut na sa kahaponon, tungod kay kadto adlaw man sa Pangandam, nga sa ato pa, adlaw nga pagasundan sa adlaw nga igpapahulay,
43 si Jose nga taga-Arimatea, usa ka talahurong sakop sa Sanhedrin, nga nagpaabut usab sa gingharian ni YaHVaH,nangahas sa pag-adto kang Pilato sa pagpangayo sa lawas ni YaHshua.
44 Ug si Pilato wala maniguro nga siya namatay na; ug sa natawag niya ang kapitan, iyang gipangutana kon si YaHshua patay na ba.
45 Ug sa nasayran niya sa kapitan nga siya patay na, gihatag niya ang lawas ni YaHshua ngadto kang Jose.
46 Ug kini siya nagpalit ug panapton nga lino, ug sa nahugos na siya niya, iyang gilimisan siya sa panapton nga lino ug gipahimutang sa usa ka lubnganan nga kinubkob diha sa kilid sa pangpang; ug iyang giligid ang usa ka bato ug gisap-ong kini sa pultahan sa lubnganan.

6. Unsa usab ang gibuhat ni Nicodemo nga diin mitabang siya sa pagkuha sa patayng lawas ni YaHVaHshua?

Juan 19:39-42
39 Ug usab si Nicodemo, siya nga kaniadto mao gani ang nakigkita kang YaHshua sa takna sa kagabhion, miadto nga nagdalag mga kalim-an ka kilo nga sinakot nga mirra ug aloe.
40 Ug ilang gikuha ang lawas ni YaHshua ug gibugkosan kinig mga panapton nga lino lakip ang mga pahumot, sumala sa batasan sa mga Judio sa paglubong.
41 Ug sa dapit diin didto siya ilansang sa krus, diha ang usa ka tanaman, ug sa tanaman diha ang usa ka bag-ong lubnganan nga wala pa gayud kalubngi.
42 Ug tungod kay adlaw man kadto sa Pangandam sa mga Judio, ug ang lubnganan haduol ra man, ilang gipahiluna si YaHshua didto.

7. Kinsa pa man ang mga nangadto sa lubnganan, ug unsa ang ilang gibuhat?

Lucas 23:53-56
53 Ug kini iyang gihugos, ug gilimisan niyag panapton nga lino, ug gipahimutang sa usa ka lubnganan nga kinubkob diha sa kilid sa pangpang, nga wala pa gayud kalubngi.
54 Adlaw kadto sa Pangandam ug nagsugod na ang adlaw nga igpapahulay.
55 Ug misunod ang mga babaye nga nanguyog kaniya s**ad pa sa Galilea, ug ilang nakita ang lubnganan, ug kon giunsa sa pagpahiluna ang iyang lawas;
56 ug unya namauli sila, ug nangandam silag mga pahumot ug mga ighahaplas. Ug sa adlaw nga igpapahulay, namahulay sila sumala sa sugo.

(Nota: Niini nga mga teksto, kung gilubong si YaHshua sa hapon nga bahin sa Adlaw sa Pangandam, mabanhaw usab siya human sa tulo ka adlaw sa kahaponong bahin usab ug dili sa kaadlawon.)