St John the Baptist Parish Dambanang Kawayan

16/08/2026

𝑫𝑨𝑲𝑰𝑳𝑨𝑵𝑮 𝑲𝑨𝑷𝑰𝑺𝑻𝑨𝑯𝑨𝑵 𝑵𝑮 𝑴𝑨𝑳𝑼𝑾𝑨𝑳𝑯𝑨𝑻𝑰𝑵𝑮 𝑷𝑨𝑮-𝑨𝑨𝑲𝒀𝑨𝑻 𝑲𝑨𝒀 𝑴𝑨𝑹𝑰𝑨 𝑺𝑨 𝑳𝑨𝑵𝑮𝑰𝑻

Noong ika-15 ng Agosto 2026, ginunita natin ang Dakilang Kapistahan ng Maluwalhating Pag-aakyat kay Maria sa Langit. Nagsama-sama ang ating mga mananampalataya upang makiisa sa Banal na Misa na pinangunahan ng ating Kura Paroko, 𝑹𝒆𝒗. 𝑭𝒓. 𝑮𝒍𝒆𝒏𝒏 𝑩. 𝑮𝒂𝒂𝒃𝒖𝒄𝒂𝒚𝒂𝒏.

Sinundan ito ng isang Maringal na Prusisyon na lumibot sa mga pangunahing lansangan ng Katipasan, bilang pagpapakita ng ating pagmamahal, pananampalataya, at debosyon sa Mahal na Birheng Maria.

Taos-puso po ang aming pasasalamat sa lahat ng nakiisa at tumulong upang maging maayos at makabuluhan ang pagdiriwang na ito. Nawa’y patuloy tayong akayin ni Maria palapit sa kanyang Anak na si Hesukristo.

Mahal na Birheng Maria, ipanalangin mo kami! 🙏💙

12/08/2026

𝑫𝑨𝑲𝑰𝑳𝑨𝑵𝑮 𝑲𝑨𝑷𝑰𝑺𝑻𝑨𝑯𝑨𝑵 𝑵𝑮 𝑴𝑨𝑳𝑼𝑾𝑨𝑳𝑯𝑨𝑻𝑰𝑵𝑮 𝑷𝑨𝑮-𝑨𝑨𝑲𝒀𝑨𝑻 𝑲𝑨𝒀 𝑴𝑨𝑹𝑰𝑨 𝑺𝑨 𝑳𝑨𝑵𝑮𝑰𝑻

Malugod po naming inaanyayahan ang lahat na makiisa sa pagdiriwang ng Dakilang Kapistahan ng Maluwalhating Pag-aakyat kay Maria sa Langit. Narito po ang talatakdaan ng ating mga gawain:

📅 AGOSTO 12–14 | TRIDUO
🕔 5:00 N.H. – Rosaryo at Nobena
🕕 6:00 N.G. – Banal na Misa

📅 AGOSTO 15 | SABADO
🕠 5:30 N.H. – Rosaryo
🕕 6:00 N.G. – Banal na Misa
⛪ Susundan ng Maringal na Prusisyon na lilibot sa mga pangunahing lansangan ng Tipas.

Inaanyayahan po ang bawat isa na makiisa sa panalangin at pagdiriwang bilang parangal sa Mahal na Birheng Maria.

“Nasa kanan mo yaong reyna, palamuti’y gintong lantay sa damit na suot niya.”
— Awit 45:10

09/08/2026

📣 ANNOUNCEMENT 📣

The recruitment for new members is officially CLOSED!

We are grateful to everyone who answered the call to serve. The aspirants of our Ministry is already under going a series of formations, orientations, and preparations as they continue their journey toward becoming faithful servants at the altar.

04/08/2026

𝑴𝑨𝑳𝑰𝑮𝑨𝒀𝑨𝑵𝑮 𝑲𝑨𝑨𝑹𝑨𝑾𝑨𝑵 𝑵𝑮 𝑴𝑮𝑨 𝑷𝑨𝑹𝑰! 🙏

Ngayong araw, kasabay ng paggunita sa Kapistahan ni San Jean Marie Vianney, ang patron ng mga kura paroko at mga pari, ating binabati ang lahat ng ating mga kaparian ng isang Maligayang Araw ng mga Pari!

Maraming salamat sa inyong tapat na paglilingkod, sa walang sawang paggabay sa sambayanan ng Diyos, at sa patuloy ninyong pagsasabuhay ng Ebanghelyo sa pamamagitan ng pagdiriwang ng mga Sakramento at pagmamalasakit sa bawat mananampalataya.

Nawa'y patuloy kayong pagpalain ng Panginoon ng lakas, karunungan, kabanalan, at masaganang biyaya upang maipagpatuloy ninyo ang inyong banal na misyon sa paglilingkod sa Simbahan.

“Ikaw ay pari magpakailanman ayon sa orden ni Melquisedec.” (Hebreo 7:17)

Maligayang Araw ng mga Pari! 🙏

31/07/2026

𝑯𝑨𝑷𝑷𝒀 9𝑻𝑯 𝑺𝑨𝑪𝑬𝑹𝑫𝑶𝑻𝑨𝑳 𝑨𝑵𝑵𝑰𝑽𝑬𝑹𝑺𝑨𝑹𝒀, 𝑷𝑨𝑫𝑺! 🤍🙏

Buong galak nating batiin ang ating minamahal na Kura Paroko, 𝑹𝒆𝒗. 𝑭𝒓. 𝑮𝒍𝒆𝒏𝒏 𝑩. 𝑮𝒂𝒂𝒃𝒖𝒄𝒂𝒚𝒂𝒏, sa kanyang Ika-9 na Sacerdotal Anniversary.

Sa loob ng siyam na taon ng tapat na paglilingkod bilang pari, naging daluyan kayo ng pag-ibig, awa, at biyaya ng Diyos sa pamamagitan ng pangangaral ng Kanyang Salita, paggabay sa mga mananampalataya, at walang sawang paglilingkod sa Simbahan. Maraming salamat po sa inyong pagiging mabuting pastol na patuloy na umaakay sa aming pamayanan tungo kay Kristo.

Tulad ni San Juan Bautista, na buong kababaang-loob na inihanda ang daan ng Panginoon, nawa'y patuloy kayong maging tapat na tagapaghatid ng Mabuting Balita at inspirasyon sa marami sa pamamagitan ng inyong buhay at bokasyon.

Dalangin namin ang patuloy na paggabay ng Panginoon, mabuting kalusugan, at mas marami pang taon ng mabunga at pinagpalang paglilingkod sa Kanyang ubasan.

Maligayang Ika-9 na Sacerdotal Anniversary, Pads!

Ad multos annos!

30/07/2026

30/07/2026

09/07/2026

𝑷𝑨𝑻𝑵𝑼𝑩𝑨𝒀 𝑺𝑨 𝑨𝑻𝑰𝑵𝑮 𝑲𝑨𝑳𝑼𝑺𝑼𝑮𝑨𝑵 🩺❤️

Bilang bahagi ng ating pagmamalasakit sa kalusugan ng bawat isa, magkakaroon po ng Medical Mission at Laboratory Services sa ating parokya sa darating na Hulyo 26, 2026 (Linggo), mula 5:00 ng umaga hanggang 10:00 ng umaga sa St. John the Baptist Parish Formation House.

Sa halagang ₱350.00, maaaring mapakinabangan ang iba't ibang laboratory examinations na makatutulong upang masubaybayan ang ating kalusugan. Mayroon ding mga karagdagang pagsusuri na maaaring kunin ayon sa pangangailangan.

Inaanyayahan po namin ang lahat na makiisa at samantalahin ang pagkakataong ito upang mapangalagaan ang ating kalusugan, sapagkat ang isang malusog na pangangatawan ay mahalagang biyaya ng Diyos.

📌 First Come, First Served

Para sa karagdagang impormasyon, makipag-ugnayan lamang sa ating Parish Office.

“Para sa kampanteng kinabukasan, estado ng kalusugan ay alamin at alagaan.” 🙏💙

09/07/2026

𝑷𝑨𝑹𝑰𝑺𝑯 𝑬𝑪𝑪𝑳𝑬𝑺𝑰𝑨𝑳 𝑴𝑬𝑬𝑻𝑰𝑵𝑮

Noong ika-4 ng Hulyo 2026, ginanap sa ating parokya ang Parish Ecclesial Meeting na pinangunahan ng ating Kura Paroko, 𝑹𝒆𝒗. 𝑭𝒓. 𝑮𝒍𝒆𝒏𝒏 𝑩. 𝑮𝒂𝒂𝒃𝒖𝒄𝒂𝒚𝒂𝒏, bilang paghahanda sa nalalapit na Parish Pastoral Visit.

Sa nasabing pagpupulong ay ibinahagi ang mahahalagang tagubilin, mga alituntunin, at mga kinakailangang paghahanda upang maging maayos, organisado, at matagumpay ang pagbisita sa ating parokya.

Maraming salamat po sa lahat ng mga ministry, organisasyon, at mga lingkod ng simbahan na nakiisa sa pagpupulong. Nawa'y maging gabay natin ang diwa ng pagkakaisa at pagtutulungan sa paghahanda para sa nalalapit na Parish Pastoral Visit.