13/07/2026
"Bibigyan ka ni Allah ng mabibigat na pagsubok upang basagin ang iyong pagmamalaki at turuan kang magpakumbaba, pagkatapos ay ihihiwalay ka Niya upang muli kang buuin. Pagkatapos, ibabalik Niya sa iyo ang lahat nang sampung beses pa upang patunayan sa iyo na Siya ay totoo at ang lahat ng bagay ay nangyayari nang may malalim na dahilan."
Isang napakagandang paalala para sa ating lahat tungkol sa plano at pagmamahal ng Allah ุณูุจูุญูุงูููู ููุชูุนูุงููููฐ kapag tayo ay dumarating sa mga matitinding pagsubok sa buhay.
Minsan, hinahayaan ng Allah na makaranas tayo ng matinding kabiguan o kabigatan. Ang layunin nito ay hindi para saktan tayo nang walang dahilan, kundi para alisin ang ating "pride" o pagmamalaki. Ipinapaalala nito sa atin na hindi natin hawak ang lahat, at palagi nating kailangan ang Kanyang gabay.
May mga panahon din na pakiramdam natin ay nag-iisa tayo pwedeng lumalayo ang mga tao o nakakaramdam tayo ng lungkot. Ang pag-iisa na ito ay hindi parusa, kundi proteksyon at panahon ng paghahanda. Inilalayo tayo ng Allah sa mga ingay ng mundo para mapalapit tayo sa Kanya, at para muli nating mabuo ang ating sarili nang mas matatag.
Pagkatapos ng hirap, laging may kasunod na ginhawa. Kapag natuto na tayo sa leksyon at handa na ang ating puso, ibabalik ng Allah ang mga nawala sa atin pero mas hihigitan pa Niya ito nang sampung beses o higit pa.
Sapagkat walang nangyayari sa Kanyang Qadr nang nagkataon lamang at nang walang Kanyang pahintulot. Ang sakit na naramdaman mo noon ay may malalim na layunin para ihanda ka sa mas malalaking biyaya.
Tandaan natin na ang bawat pagsubok ay may dalang layunin alinman sa itinataas nito ang antas ng ating pagkatao, o tinuturuan tayo ng mahalagang leksyon sa buhay.
Alhamdulillah sa lahat ng pagkakataon na dumadating na pagsubok na natututo tayo. Ipinapakita nito na nauunawaan natin na ang bawat hirap ay hindi parusa, kundi isang paraan ng Allah upang linisin ang ating mga puso, palaguin ang ating kaalaman, at ilapit tayo sa Kanya. Walang nasasayang na luha o pagod kapag ang puso ay natututo at nagtitiwala sa Kanyang karunungan.
Nawa'y panatilihin ng Allah ุณูุจูุญูุงูููู ููุชูุนูุงููููฐ ang katatagan at karunungan sa ating mga puso sa lahat ng oras. Nawa'y pagkalooban tayo ng Allah ng sapat na Sabr at patuloy na patatagin ang ating pananampalataya sa mga panahon ng pagsubok. Nawa'y laging maging bukas ang ating mga puso na magtiwala sa Kanyang mas magandang plano para sa atin.
