Ronald Bible Verse

Ronald Bible Verse Nasa Dios Ang Awa Na Sa Tao Ang Gawa

15/09/2024

MAIKA-24 A DOMINGO TI KADAWYAN A PANAWEN
MAIKA-14 TI SEPTIEMBRE TI 2024
UMUNA A MAIBASA :
Isaias 50:4-9
Insuronak ni Apo Dios iti sawek
Tapno mapapigsak ti nabannog.
Binigat a paggagarennak a dumngeg iti isurona kaniak.
Inikkannak ni Apo iti pannakaawat,
Ket diak nagsukir wenno simmina kenkuana.
Intayak ti bukotko kadagiti mangsapht kaniak;
Binay-ak ida a mangpabain kaniak,
Impalubosko a parutenda dagiti barbasko
Ken tupraanda ti rupak.
Ngem saanak a maan-ano iti panangpabainda kaniak,
Ta tultulongannak ni Apo Dios.
Pinapuskolko ti rupak tapno makaibturak.
Ammok a saanakto a maibabain,
Agsipud ta asideg ti Dios kaniak,
Ket ipaduyakyaknanto nga awan basolko.
Siasino ti makaitured a mangidarum kaniak?
No adda, dumatagkami iti pangukoman ket yulina ti darumna.
Ni Apo Dios ti tumulong kaniak —
Siasino ngarud ti makapaneknek a nagbasolak?
Ti Sao ti Apo
SALMO RESPONSORIO :
Salmo 116:1-2, 3-4, 5-6, 8-9
SUNGBAT : Agbiagakto iti imatang ti Apo iti pagnaedan dagiti sibibiag.
wenno : Alleluia!
Ay-ayatek ti Apo, ta ipangagnak;
Denggennak no agkararagak.
Yallingagna kaniak dagiti lapayagna
Tunggal umawagak kenkuana. (sungbat)
Pinulipolandak dagiti tali ni patay;
Natnagak kadagiti palab-og ni tanem;
Napnoak iti buteng ken danag.
Iti kasta, immawagak iti Apo,
"Dawatek, O Apo, nga ispalennak." (sungbat)
Managparabur ken managayat ti Apo;
Wen, manangngaasi ti Diostayo.
Salakniban ti Apo dagiti awan gawayna;
Inispalnak idi nagpeggadak. (sungbat)
Inispainak ti Apo manipud ken patay;
Pinagsardengna dagiti luluak,
Iti pannakapabain, inlisinak.
Ngarud, agbiagak iti imatang ti Apo
Iti pagnaedan dagiti sibibiag. (sungbat)
MAIKADUA A MAIBASA
Santiago 2:14-18
Kakabsatko, ania ti magunggona ti agkuna nga adda pammatina no dina met ipakita kadagiti aramidna? Ti kasta a pammati, maisalakanna ngata dayta a tao? Kas pangarigan ta adda kakabsat a lallaki wenno babbai a makasapul unay iti lupot ken k***n iti inaldaw, ket diyo ikkan ida kadagiti kasapulan ti biag, awan serserbi ti panagkunayo kadakuada, "Bendisionannakayo ti Dios! Agpapudotkayo ken kaaduenyo ti mangan." Kasta met ti pammati: natay no di mabuyogan iti aramid.
Ngem addanto agkuna, "Adda pammati ti maysa a tao; adda met aramid ti sabali." Kunak met: "Ipakitam kaniak no kasano ti kaadda ti parnmati ti siasinoman a di mapakuyogan iti aramid, ket iparangko met ti pammatik babaen iti aramid."
Ti Sao ti Apo
EBANGHELIO :
Marcos 8:27-35
Napan ni Jesus agraman dagiti adalanna kadagiti purok iti Cesarea ni Felipe. "Ibagayo man kaniak," sinaludsod ni Jesus kadakuada idi magmagnada. "Siasinoak kano iti panagkuna dagiti tattao?" "Sika kano ni Juan a Mammuniag," insungbatda. "Kuna dagiti dadduma a sika ni Elias. Adda pay agkuna a maysaka kadagiti profeta." "Ket dakayo met," sinaludsodna, "siasinoak iti panagkunayo?" "Sika ti Cristo," insungbat ni Pedro. Imbilin ni Jesus kadakuada nga awan pangibagbagaanda iti kinasiasinona.
Impakaammo ni Jesus kadagiti adalanna a masapul nga agsagabanto iti napalalo ti Anak ti Tao. Umsiento dagiti panglakayen, dagiti panguloen a papadi ken dagiti mamaestro iti Linteg. Mapapatayto, ngem agungar met laeng kalpasan ti tallo nga aldaw. Nalawag ti panangibagana kadakuada iti daytoy. Isut gapuna nga inyadayo bassit ni Pedro ni Jesus sana binabalaw. Ngem tinaliaw ni Jesus dagiti adalanna ket pinerrengna ida sana inungtan ni Pedro. "Adaywannak, Satanas," kinunana, "ta saan a ti pagayatan ti dios ti pampanuno-tem no di ket ti pagayatan ti tao." Pinaasideg ni Jesus dagiti tattao ken dagiti adalanna. "Ti agtarigagay a sumurot kaniak," kinunana, "masapul a tallikudanna ti bagina, ibaklayna ti krusna ket suro-tennak. Ta ti siasinoman a mangipatpateg iti biagna, mapukawnanto; ngem ti mangyawat iti biagna gapu kaniak ken iti ebanghelio, maisalakannanto."
Ti Ebanghelio ti Apo
KARARAG DAGITI MAMATI
Naindaklan ken manṇakabalin a Dios, intedmo ti pammati kadakami tapno iti daytoy a biag, maammoanmi ti kinapudnom ken Cristo nga Anakmo. Adtoykam nga anakmo nga agdawat a kanayon koma a papigsaem dayta a pammati. Kunatayo iti tunggal panggep:
Apo, degdegam kad ti pammatimi.
Tapno dagiti mangidadaulo ti simbaantayo, ni N., a Santo Papatayo, dagiti obispo ken papadi addaanda a kanayon ti kired ken pigsa a mangiwaragawag ti nakatolikoan a pammati iti sangalubongan. Kumararagtay iti Apo.
Tapno kanayon mabigbig dagiti dadaulo ti gobiernotayo ni Cristo nga isu ti silaw kabayatan ti panangitrabahoda kadagiti programada para ti panagdur-as ti kagimongan a saan ketdi a ti bukodda laeng a pagimbagan. Kumararagtay iti Apo.
Tapno dagiti saan pay a makabigbig ken ni Cristo a Dios, maparaburanda koma ti pammati a mangammo ken mangibag kadagiti pannursurona. Kumararagtay iti Apo.
Tapno dagiti nakurapay ken agsagsagaba gapu iti sakit, gubat ken bisin, maikkanda koma latta ti namnama iti panagbiag ket dumegdeg koma ti pammatida a ni Cristo ti biag ken salakanda. Kumararagtay iti Apo.
Tapno daytoy a gimongtayo, babaen ti pannilaw ti Espiritu Santo, mapasingkedan koma ti pammatitayo babaen ti intay panagbibinnuray iti ayat kadagiti kaarrubatayo kasta met kadagiti makasapul iti tulongtayo. Kumararagtay iti Apo.
Manangngaasi ken managayat unay a Dios, bigbigenmi nga adu pay ti pagkurangan ti pammatimi ngem saanmi nga ipalubos a mapukaw daytoy iti ima ti kabusor. Degdegam dayta a pammati tapno agbalinkami a kanayon a napudno nga annakmo. Dawatenmi dagitoy iti nagan ni Jesus a Cristo nga Apomi. Amen.

05/05/2023

MAIKA-4 A BIERNES TI PANAGUNGAR TI APO
MAIKA-05 TI MAY TI 2023

UMUNA A MAIBASA
Aramid 13:26-33

[Idi dimteng ni Pablo iti ili ti Pisidia, idiay Antioquia, simrek iti sinagoga ket kinunana:] "Kakabsatko, dakayo a nagtaud iti kaputotan ni Abraham ken dakayo a dadduma nga agdaydayaw iti Dios, datayo ti nakaitedan ti mensahe ti pannakaisalakan. Ta saan nga ammo idi dagiti tattao nga agnaed idiay Jerusalem ken dagiti panguloda a ni Jesus ti Mangisalakan. Dida met naawatan ti sao dagiti profeta a maibasbasa iti tunggal Aldaw a Panaginana. Nupay kasta, tinungpalda ti sao dagiti profeta babaen ti panangukomda ken ni Jesus. Ket uray no awan nasarakanda a pakaigapuananna a makedngan a matay, dinawatda ken Pilato a papapatayna. Idi naaramiddan ti amin a kuna ti Nasantoan a Surat maipapan kenkuana, imbabada iti krus sada intanem. Ngem pinagungar ti Dios. Adu nga aldaw a nagparparang kadagiti kinakuykuyogna a napan idiay Jerusalem manipud Galilea. Isuda itan dagiti saksina kadagiti tattao.

"Ket addakami ditoy a mangyeg kadakayo iti Naimbag a Damag nga inkari ti Dios nga aramidenna kadagiti ammatayo. Tinungpalnan ita kadatayo a kaputotanda babaen ti panangpagungarna ken ni Jesus. Kas nailanad iti maikadua a Salmo:

'Sika ti Anakko;
Ita nga aldaw, nagbalinak nga Amam.'"

Ti Sao Ti Apo


SALMO RESPONSORIO
Salmo 2:6-7, 8-9, 10-11

Sungbat: Sika ti anakko, ita nga aldaw nagbalinak nga amam.
wenno : Alleluia, alleluia, alleluia!

Insaadko ti arik idiay Sion a nasantoan a turodko.
Ipakaammok ti imbilin ti Apo.
Sika ti anakko, kinunana kaniak.
Ita nga aldaw, nagbalinak nga amam. (sungbat)

Dumawatka ket itedko amin a nasion kenka;
Kukuamto ti amin nga adda ditoy daga.
Dadaelem ida babaen ti sarukod a landok,
Burakemto ida a kasla banga. (sungbat)

Ngarud, dakayo nga ar-ari denggendak;
Dakayo a turayen ipangagdak!
Agserbikayo a sibubuteng iti Apo;
Sipipigergerkayo nga agrukbab kenkuana. (sungbat)

EBANGHELIO
Juan 14:1-6

Kinuna ni Jesus kadagiti adalanna:

"Saankayo madanagan wenno mariribukan;
Mamatikayo iti Dios,
Mamatikayo met kaniak.
Adu ti pagyanan idiay balay ni Amak,
Ket innak mangisagana iti pagyananyo.
Diak koma ibaga daytoy kadakayo no saan a pudno.
Kalpasan ti ipapanko panangisagana iti pagyananyo,
Umaykayto alaen tapno addakayo met iti yanko.
Ammoyo ti dalan nga agturong iti papanak."

"Apo," kinuna ni Tomas, "saanmi nga ammo no sadino ti papanam; kasano ngarud nga ammomi ti dalan?" Kinuna ni Jesus:

"Siak ti Dalan, ken ti Pudno ken ti Biag;
Awan ti makapan iti Ama di magna kaniak."

Ti Ebanghelio ti Apo

26/04/2023

MAIKA-3 A HUEBES TI PANAGUNGAR TI APO
MAIKA-27 TI ABRIL TI 2023

UMUNA A MAIBASA
Aramid 8 : 26-40

Kinuna ti maysa nga anghel ti Apo ken ni Felipe, "Agsaganaka a mapan iti abagatan, iti dalan nga agturong idiay Gaza nga aggapu idiay Jerusalem." (Saanen a madaldalanan daytoy a kalsada.)

Nagsagana ngarud ni Felipe ket napan. Iti dalan, adda maysa nga eunoko a taga-Etiopia, maysa nga ofisial nga agay-aywan iti amin a sanikua ni Candace a reyna ti Etiopia. Napan nagdaydayaw idiay Jerusalem ket agawid idin a situtugaw iti luganna. Basbasaenna ti libro ni profeta Isaias. Kinuna ti Espiritu Santo kenni Felipe, "Umasidegka kenkuana." Iti kasta, nagtaray ni Felipe nga immasideg kenkuana ket nangngegna ti ofisial nga agbasbasa iti libro ni profeta Isaias. Sinaludsod ni Felipe, "Maawatam kadi ti basbasaem?" Simmungbat ti ofisial, "Kasano ti pannakaawatko no awan mangipalawag kaniak?" Ket inawisna ni Felipe a makilugan kenkuana. Daytoy a paset ti Nasantoan a Surat ti basbasaenna:

"Kasla karnero a maipan iti pagpartian,
Kasla urbon ti karnero a naulimek no mapukisan,
Ket awan a pulos ti saona.
Iti pannakairurumenna, naikkat ti kalinteganna.
Awanto ti makaibaga iti maipapan iti kaputotanna,
Ta naggibusen ti biagna ditoy daga."

Kinuna ti ofisial ken Felipe, "Sinno kadi ti sarsaritaen ti profeta? Ti bagina met laeng wenno sabali?" Nagsao ni Felipe ket manipud iti daytoy a paset ti Nasantoan a Surat, sinaritana ti Naimbag a Damag maipapan ken Jesus. Bayat ti panagtultuloyda iti dalan, dimtengda iti lugar nga adda danum. Kinuna ti ofisial ken ni Felipe, "Adtoy ti danum. Ania ti makatiped iti panagbuniagko?" [Kinuna ni Felipe, "Mabalin a buniaganka no mamatika iti amin a pusom." "Wen, mamatiak," insungbat ti ofisial. "Patiek nga Anak ti Dios ni Jesu-Cristo."] Pinagsardeng ngarud ti ofisial ti lugan. Napanda a dua iti danum ket binuniagan ni Felipe.

Ket idi makasang-atdan, impanaw ti Espiritu ti Apo ni Felipe ket saanen a nakita ti ofisial. Intuloy ti ofisial ti nagawid a siraragsak. Idi agbalaw ni Felipe, adda gayamen idiay Azoto. Inkaskasabana ti Naimbag a Damag kadagiti amin nga a napagnaanna ingganat nakasangpet idiay Cesarea.

Ti Sao Ti Apo
SALMO RESPONSORIO
Salmo 66:8-9, 16-17, 20

Sungbat: Dakayo amin a tattao, agdaydayawkayo iti Dios ket agdir-ikayo.
Wenno : Alleluia, alleluia, alleluia!

Dakay amin a pagilian,
Agdaydayawkayo iti Diostayo;
Ti pannakaidaydayawna idir-iyo.
Inaywananna ti biagtayo,
Ket dina impalubos a matnagtayo. (sungbat)

Umaykay agdengngeg,
Dakay amin a managbuteng iti Dios
Ta saritaek ti inaramidna kaniak.
Nagdawatak kenkuana a tulongannak;
Idaydayawko babaen dagiti kantak. (sungbat)

Idaydayawko ti Dios,
Gapu ta impangagna ti kararagko
Ket dina imbabawi ti di agbalbaliw nga ayatna kaniak. (sungbat)
EBANGHELIO
Juan 6:44-51

Kinuna ni Jesus kadagiti tattao:

"Awan ti makaumay kaniak
No saan a guyugoyen ti Ama a nangibaon kaniak;
Ket pagungarekto inton maudi nga aldaw.
Insurat dagiti profeta:
'Isuronto ti Dios dagiti amin a tattao.'
Umay kaniak ti dumngeg iti Ama
Ken makasursuro kenkuana.
Saan a kayat a sawen daytoy
Nga addan nakakita iti Ama.
Ibagak kadakayo ti pudno:
Ti mamati adda biagna nga agnanayon.
Siak ti tinapay ti biag.
Nangan dagiti ammayo iti mana idiay let-ang,
Ngem natayda met laeng.
Ngem saan a matay ti uray siasino
A mangan iti tinapay nga aggapu sadi langit.
Siak ti sibibiag a tinapay a naggapu sadi langit.
No k***n ti siasinoman daytoy a tinapay,
Agbiagto nga agnanayon.
Ket ti tinapay nga itedkonto isu ti lasagko.
Wen, itedko tapno agbiag ti lubong."

Ti Ebanghelio ti Apo

26/04/2023

FIESTA TI NUESTRA SEÑORA DE BUEN CONSEJO
MAIKA-26 TI ABRIL TI 2023

UMUNA A MAIBASA
Isaias 9:2-4; 6-7

Dagiti tattao a nagna iti kasipngetan
Nakitada ti lawag a nagpaidumat' raniagna!
Nagnaedda iti daga dagiti anniniwan
Ngem ita agraniag kadakuada ti lawag.

Kasta unay ti ragsakda, O Apo;
Inyegmo ti rag-oda.
Gapu iti inaramidmo, agragsakda
A kas kadagiti tattao a naragsak no agan-anida
Wenno bingbingayenda dagiti sinamsamda.

Inikkatmo ti sangol a dadagsenda,
Tinukkolmo ti pang-or a nangparigat kadakuada.
Pinarmekmo ti pagilian a nangidadanes
Ken nanggundaway kadagiti tattaom
A kas iti panangparmekmo iti armada
Ti Midian idi un-unana.

Naipasngay kadatayo ti maysa nga ubing!
Adda ubing a lalaki a naited kadatayo!
Ket isunto ti mangituray kadatayo!
Maawaganto iti, "Nakaskasdaw a Mammagbaga,"
"Mannakabalin a Dios," "Agnanayon nga Ama,"
"Prinsipe ti Kappia."

Dumakkelto a dumakkel ti bilegna a kas ari;
Adanto latta kappia iti pagarianna.
Isunto ti sumukat ken ni Ari David nga agturay.
Ibataynanto ti turayna iti kinapudno
Ken kinalinteg manipud ita ingganat' inggana.
Aramiden nga aramiden amin daytoy
Ti APO a Mannakabalin-amin.

Ti Sao ti Apo!
SALMO RESPONSORIO
Salmo 14:20-27

SUNGBAT : Naragsakka no ibukbokmo ti pa-nawenmo iti Kinasirib

Naragsakka no ibukbokmo ti pa-nawenmo iti Kinasirib
Ket aramatem ti panunotmo. (sungbat)

Siasinoman a mangadal kadagiti wagas ti kinasirib
Maammoanna met dagiti palimedna.
Birokem ti Ki-nasirib a kas iti mangnganup
Nga agbir-birok iti anupenna. (sungbat)

Sumiripka kadagiti tawana
Ket dumngegka kadagiti rua-nganna.
Agnaedka iti asideg ti balayna
Ket agtaengka iti kapintasan a lugar. (sungbat)

Ipasdekmo ti balaymo sadiay
Ket na-talgedka iti pannalaknib
Dagiti sangana ken malinonganka
Iti pudot ti init. (sungbat)

EBANGHELIO
Juan 2:1-11

Kalpasan ti dua nga aldaw, adda boda idiay Cana, maysa nga ili ti Galilea. Adda sadiay ti ina ni Jesus, ket naawis met ni Jesus ken dagiti adalanna. Idi naibusen ti arak, kinuna ti, ina ni Jesus kenkuana, "Naibusandan iti arak " "Babai," e insungbat ni Jesus, "saan a masapul nga ibagam ti aramidek. Saan pay a dimteng ti orasko."

Kinuna ti ina ni Jesus kadagiti ag-serserbi, "Aramirdenyo ti aniaman nga ibagana kadakayo." Adda alagaden dagiti Judio maipapan iti panagbuggo. Isut' gapuna nga adda innem a burnay sadiay nga aglaon ti tunggal maysa iti agarup 100 a litro.

"Punnoenyo dagiti burnay iti danum," kinuna ni Jesus kadagiti agserserbi. Pinunnoda ngarud dagiti burnay. "Ita," kinunana kadakuada, "tumakokayo ket ipanyo iti agaywan iti padaya."

Kasta ti inaramid dagiti agserserbi. Idi naramanan ti agaywan ti danum a nagbalin nga arak, inayabanna ti nobio. Saanna nga ammo ti naggapuan ti arak (nupay ammo dagiti agserserbi, ta isuda ti timmako iti danum).

Kinunana iti nobio, "Ugali dagiti tattao nga ipasango nga umuna ti kaimasan nga arak sadanto ipasango ti ordinario nga arak no adun ti nainum dagiti sangaili. Ngem sika, inyud-udim nga im-pasango ti kaimasan nga arak!" Inaramid ni Jesus daytoy umuna a milagro idiay Cana, maysa nga ti Galilea. Impakitana ti dayagna sadiay, ket namati kenkuana dagiti adalanna.

Ti Ebanghelio ti Apo

19/04/2023

HUEBES MAIKA-2 A LAWAS TI PANAGUNGAR TI APO
MAIKA-20 TI ABRIL TI 2023

UMUNA A MAIBASA
Aramid 5:27-33

Inserrek dagiti agbambantay dagiti apostoles ket pinagtakderda ida iti sangoanan ti Sanhedrin. Kinuna ti Kangatoan a Padi kadakuada, “Nainget ti panangbilinmi kadakayo a dikay mangisuro iti nagan daytoy a tao. Kitaenyo ti aramidyo! Nagwarasen ti pannursuroyo iti entero a Jerusalem, ket kayatyo pay nga ipabasol kadakami ti ipapatayna.

Simmungbat ni Pedro ken dagiti dadduma nga apostoles:" Ad-adda nga agtungpalkami iti Dios ngem iti tao. Ti Dios dagiti ammatayo pinagungarna ni Jesus a pinapatayyo babaen ti panangilansayo iti krus. Intan-okna iti makannawanna, kas pangulo ken Mangisalakan, tapno ikkanna dagiti Israelita iti gundaway nga agbabawi kadagiti basbasolda tapno mapakawanda. Dakami ti makapaneknek kadagitoy, kasta met ti Espiritu Santo nga inted ti Dios kadagiti agtulnog kenkuana.

Kasta unay ti pungtot dagiti kamkameng ti Sanhedrin a nakangngeg iti daytoy ket inkeddengda a mapapatay dagiti apostoles.

Ti Sao Ti Apo
SALMO RESPONSORIO
Salmo 34:1.8,16-17, 18-19

Sungbat: Umawag dagiti nakapuy iti Apo ket sungbatanna ida.
Wenno : Alleluia, alleluia, alleluia!

Iti amin a tiempo agyamanak iti Apo
Diakto agsardeng a mangidayday kenkuana.
Padasenyo ti kinaimbag ti Apo!
Nagasat ti tao nga agkamang kenkuana. (sungbat)

Dagiti agaramid iti dakes, busorenna,
Ket awanton makalagip kadakuada inton matayda.
Umawag dagiti nalinteg iti Apo ket ipangagna ida;
Tulonganna ida kadagiti amin a pakarigatanda. (sungbat)

Umasideg ti Apo kadagiti maupay;
Isalakanna dagiti awanen a pulos namnama.
Adu ti pakariribukan ti tao a nalinteg
Ngem isalakan ti Apo kadagiti amin a pakarigatanna. (sungbat)
EBANGHELIO
Juan 3:31-36

Kinuna ni Jesus kadagiti adalanna:

"Natantan-ok ngem iti isuamin
Ti umay nga aggapu iti ngato.
Taga-daga ti agtaud iti daga,
Ket sawenna dagiti naidagaan a bambanag.
Nangatngato ngem ti isuamin
Ti umay nga aggapu sadi langit.
Paneknekanna ti nakitaken nangngegna,
Ngem awan umawat iti mensahena.
Ti siasinoman nga umawat iti mensahena,
Pasingkedanna a pudno ti Dios.
Ta ti imbaon ti Dios sawenna dagiti sao ti Dios;
Ta inted ti Dios kenkuana ti Espirituna.
Ti Ama ayatenna ti Anakna
Ket impaimana kenkuana dagiti isuamin.
Ti siasinoman a mamati iti Anak
Maaddaan iti biag nga agnanayon.
Siasinoman a di agtulnog iti Anak,
Dinanto maragpat ti biag,
No di ket agtaeng kenkuana ti pungtot ti Dios."

Ti Ebanghelio ti Apo

19/04/2023

MIERKOLES MAIKA-2 A LAWAS TI PANAGUNGAR TI APO
MAIKA-19 TI ABRIL TI 2023

UMUNA A MAIBASA
Aramid 5:17-26

Napalalo ti apal ti Kangatoan a Padi ken dagiti kakaduana, dagiti kamkameng ti bunggoy dagiti Saduceo, ket nagtutulaganda ti aramidenda. Pinatiliwda ngarud dagiti apostoles sada pinaibalud ida.

Ngem iti dayta a rabii, maysa nga anghel ti Apo ti nanglukat kadagiti ruangan ti pagbaludan ket inruarna dagiti apostoles. Kinunana kadakuada, "Inkay idiay Templo ket ibagayo kadagiti tattao ti amin a maipapan iti daytoy baro a biag." Nagtungpal dagiti apostoles. Idi bumigaten, simrekda iti Templo ket nangisuroda.

Inummong ti Kangatoan a Padi ken dagiti kakaduana dagiti amin a panglakayen a Judio iti maysa a miting ti entero a Sanhedrin. Kalpasanna, pinaayabanda dagiti apostoles iti pagbaludan tapno maiparangda iti Sanhedrin. Ngem idi dumteng dagiti ofisiales itu pagbaludan, dida nasarakan dagiti apostoles. Nagsublida ket impakaammoda iti Sanhedrin, "Itay sumangpetkami iti pagbaludan, nakitami a nakandadoan a naimbag dagiti ruangan ket agbambantay dagiti guardia. Ngem itay luktanmi dagiti ruangan, awan nasarakanmi iti uneg!" Idi mangngeg daytoy ti kapitan dagiti guardia ti Templo ken dagiti panguloen a papadi, nasdaawda no ania ti napasamak kadagiti apostoles. Dimteng ti maysa a lalaki a nagkuna kadakuada, "Denggenyo! Adda idiay Templo dagiti lallaki a pinaibaludyo ket madamada a rnangisursuro kadagiti tattao."

Napan ngarud ti kapitan ken dagiti sddadona idiay Templo, ket innalada dagiti apostoles. Dida pinilit ida ta masamakda amangan no uboren ida dagiti tattao.

Ti Sao Ti Apo
SALMO RESPONSORIO
Salmo 34:1-2, 3-4, 5-6, 7-8

Sungbat: Umawag dagiti nakapuy iti Apo ket sungbatanna ida.
Wenno : Alleluia, alleluia, alleluia!

Iti amin a tiempo, agyamanak iti Apo
Diakto agsardenga mangidaydayaw kenkuana.
Idaydayawkonto gapu iti inaramidna;
Amin a maidaddadanes dumngeg ken agragsak koma. (sungbat)

Danggayandak a mangitan-ok iti Apo;
Wen, agmaymaysatayo a mangidaydayaw iti naganna!
Immawagak iti Apo ket sinungbatannak;
Pinukawna dagiti amin a pagbutngak. (sungbat)

Kumita kenkuana dagiti maidaddadanes ket maragsakanda;
Pulos a didanto mabainan.
Umawag dagiti nakapuy iti Apo ket sungbatanna ida;
Isalakanna ida kadagiti amin a pakariribukanda. (sungbat)

Aywanan ti anghel ti Apo dagiti agbuteng kenkuana.
Ket ispalenna ida iti amina pagpeggadanda.
Padasenyo ti kinaimbag ti Apo.
Nagasat ti tao nga agkamang kenkuana. (sungbat)
EBANGHELIO
Juan 3:16-21

"Gapu iti kasta unay a panagayat ti Dios iti lubong.
Intedna ti kakaisuna nga Anakna
Tapno ti siasinoman a mamati kenkuana
Saan a matay no di ket agbiag nga agnanayon.
Ta saan nga imbaon ti Dios ti Anakna ditoy lubong
Tapno ukomenna ti lubong, no di ket tapno isalakanna.
Saan a maukom ti siasinomana mamati iti Anak.
Ngem naukomen ti di mamati agsipud ta saan a namati
Iti kakaisuna nga Anakti Dios.
Daytoy ti pakaukoman:
Immayen ti silaw ditoy lubong,
Ngem agsipud ta dakes dagiti aramid ti tao,
Kinaykayatda ti sipnget ngem ti lawag.
Ti siasinoman nga agaramid iti dakes, kagurana ti lawag
Ket saan nga umasidegiti silaw agsipud
Ta dina kayat a maipakita dagiti dakes nga aramidna.
Ngem ti agbiag iti kinapudno, umasideg iti silaw
Tapno maipakita a mayannurot iti Dios dagiti aramidna.”

Ti Ebanghelio ti Apo

18/04/2023

MARTES MAIKA-2 A LAWAS TI PANAGUNGAR TI APO
MAIKA-18 TI ABRIL TI 2023

UMUNA A MAIBASA
Aramid 4:32-37

Sangsangkamaysa idi iti puso ken nakem dagiti mamati. Awan nagkunaa bukbukodna ti aniaman a kukuana, no di ket ti kukua ti maysa, kukuada amin.

Babaenti naindaklan a pannakabalin, pinaneknekan dagiti apostoles ti panagungar ni Apo Jesus; ket nawadwad a parabur ti inted ti Dios kadakuada amin.

Awan nagkurangan ti uray maysa kadakuada. Dagiti addaan iti talon wenno balay inlakoda dagitoy a kukuada sada inted ti naglakoanda kadagiti apostoles. Naibunong ti kuarta kadakuada, segun ti pakasapulan ti tunggal maysa.

Adda idi maysa a Levita nga agnagan Jose a nayanak idiay Chipre ken pinanaganan dagiti apostoles iti Bernabe (a kayatna a sawen, "Anak a Mangliwliwa"). Inlakona ti talonna ket intedna ti kuarta kadagiti apostoles.

Ti Sao Ti Apo
SALMO RESPONSORIO
Salmo 93:1, 1-2, 5

Sungbat: Agarin ti Apo, nakawesan ti dayag.
Wenno : Alleluia, alleluia, alleluia!

Agarin ti Apo;
Nakawesan iti dayag
Ken nakagayan iti pigsa. (sungbat)

Pudno unay nga impasdekmo ti lubong;
Pulos a dinto magunggon.
Impasdekmo ti tronom, O Apo, manipud punganay;
Addakan sakbay ti panangrugi ti panawen. (sungbat)

Agnanayon dagiti lintegmo, O Apo,
Ket pudno a nasantoan ti ternplom,
Iti agnanayon nga awan inggana. (sungbat)
EBANGHELIO
Juan 3:7-15

Kinuna ni Jesus ken Nicodemo: "Dika masdaaw no kunak kenka, 'Masapul a mayanakkayo manen.' Agpuyupoy ti angin iti sadinoman a kaykayatna. Mangngegmo ti awerna, ngem dimo ammo ti paggapuan wenno pagturonganna. Kasta a mayanak iti Espiritu." "Kasano ti pannakabalinna a maaramid daytoy?" sinaludsod ni Nicodemo. "Ania?" kinuna ni Jesus. "Maysaka a maestro iti Israel ket dimo maawatan daytoy? lbagak kenka ti pudno: Sawenmi ti ammomi ket ibagami ti nakitami; ngem diyo patien ti pammaneknekmi. Ibagbagak kadakayo dagiti naindagaan a bambanag, ngem dikay mamati. Kasano ngarud ti panamatiyo kaniak no sawek dagiti nailangitan a bambanag? Ket awan ti immuli sadi langit malaksid ti Anak ti Tao a bimmaba manipud langit. Kas iti panangibayog ni Moisesiti sinan-uleg idiay let-ang, masapul ti pannakaibayog met ti Anak ti Tao, tapno agbiag nga agnanayon ti siasinoman a mamati kenkuana."

Ti Ebanghelio ti Apo

15/04/2023

MAIKADUA A DOMINGO ITI PANAGUNGAR TI APO
Ti Domingo ti Nasantoan nga Asi

MAIKA-16 TI ABRIL TI 2023

UMUNA A MAIBASA
Aramid 2:42-47

Inaramat dagiti mamati ti tiempoda a nagsursuro kadagiti apostoles. Nakikadkaduada kadakuada, nagkakapanganda iti tinapay ken nagmaymaysada iti panagkarkararag.

Gapu kadagiti adu a milagro ken datdatlag nga inaramid dagiti apostoles, timmaud kadagiti tattao ti dakkel a panagraem. Nagmaymaysa dagiti amin a mamati iti nadekket a panagkakadua ket nagraranudanda ti sanikuada. Inlakoda dagiti dagdaga ken dadduma pay a sanikuada, ket imbunongda ti naglakoanda, segun ti kasapulan ti tunggal maysa. Inaldaw a mapanda a sangsangkamaysa iti Templo; nagkakapanganda kadagiti balbalayda a siraragsak ken sipapakumbaba. Indaydayawda ti Dios ket nagraern kadakuada dagiti amin a tao. Tunggal aldaw, innayon ti Apo iti bilangda dagiti tattao a maisalakan.

Ti Sao Ti Apo
SALMO RESPONSORIO
Salmo 118 : 2-4,15-18, 22-24

Sungbat: Agyamankayo iti Apo, ta isu naimbag; ta agnanayon ti di agbalbaliwnga ayatna.
Wenno : Alleluia, alleluia, alleluia!

Kuna ngarud dagiti Israelita,
"Agnanayon ti di agbalbaliw nga ayatna."
Kuna ngarud dagiti papadi ti Dios,
"Agnanayon ti di agbalbaliw nga ayatna."
Kuna ngarud dagiti amin nga agbuteng iti Apo,
"Agnanayon ti di agbalbaliw nga ayatna." (sungbat)

Aramid daytoy ti nabileg a pannakabalin ti Apo!
Pinagballiginatayo ti pannakabalinna.
Saanakto a matay no di ket agbiagak.
Tapno ipakaammok dagiti aramid ti Apo.
Nupay nakaro ti panangdusana kaniak,
Dina impalubos a matayak. (sungbat)

Ti bato a kasla awan serserbina
Nga imbelleng dagiti agipatpatakder,
Nagbalin a kangrunaan a bato.
Aramid daytoy ti Apo,
Anian a nakaskasdaaw iti imatangtayo!
Daytoy ti nakaskasdaaw nga aldaw nga inkeddengti Apo.
Agragsak ken agrambaktayo. (sungbat)

MAIKADUA A MAIBASA
1 Pedro 1:3-9

Madaydayaw ti Dios ken Ama ni Apotayo a Jesu-Cristo! Gapu iti dakkel a kaasina, naipasngaytayo iti baro a biag babaen ti panagungar ni Jesu-Cristo. Sibibiag a namnama ti impaay kadatayo daytoy baro a biag. Namnamaentayo ngarud a tawidentayo dagiti nawadwad a bendision a di agrupsa, di madadael wenno mapukaw nga iduldulin ti Dios sadi langit a maipaay kadagiti tattaona. Agpaay dagitoy kadakayo. Babaen ti pammati addakayo iti aywan ti pannakabalin ti Dios agingga a dumteng ti pannakaisalakan a naisagana a maipaduyakyak iti kamaudianan a tiempo.

Agrag-okayo iti daytoy, nupay masapul nga agliday kayo ita iti apagbiit gapu kadagiti nadumaduma a sagabaenyo. Nairanta dagitoy a pangpaneknek iti kinapudno ti pammatiyo. Uray pay ti balitok a madadael, magugoran iti apuy; ket ti pammatiyo a napatpateg ngem balitok, masapul met a masuot tapno makaibtur. Iti kasta, awatenyonto ti pannakaidayaw, dayag ken tan-ok inton maiparangarang ni Jesu-Cristo. Ay-ayatenyo nupay diyo nakita. Uray ita, mamatikayo kenkuana nupay saanyo a makita, ket agrag-okayo iti dakkel ken nagloriaan a ragsak a di mayebkas, ta gapu iti pammatiyo, magun-odyo ti pannakaisalakan dagiti kararuayo.

Ti Sao ti Apo.

EBANGHELIO
Juan 20:19-31

Idi rumabiin iti dayta met la nga umuna nga aldaw ti lawas, naguurnong dagiti adalan. Imbalunetda ti balay gapu ta mabutengda kadagiti Judio. Napan ni Jesus ket nagtakder iti yanda. "Adda koma talna kadakayo,' kinunana, sana impakita kadakuada dagiti ima ken bakrangna. Kasta unay ti ragsak dagiti adalan iti pannakakitada iti Apo. Kinuna manen ni Jesus kadakuada, "Adda koma talna kadakayo, kas ti panangibaon kaniak ti Ama, kasta met ti panangibaonko kadakayo."

Idi masaoan daytoy, sinang-awanna ida ket kinunana.

"Awatenyo ti Espiritu Santo.
No pakawanenyo ti basol dagiti tattao, mapakawanda.
No saanyo ida a pakawanen, saanda met a mapakawan."

Idi nagparang ni Jesus kadagiti adalan, awan ti maysa kadakuada, ni Tomas a maaw-awagan iti "Singin." Impadamag ngarud dagiti dadduma nga adalan kenkuanaa nakitada ti Apo. Kinuna ni Tomas kadakuada, "No diak makita ken maarikap ti nagdalanan ti lansa kadagiti imana, wenno masagid ti bakrangna, diakto mamati.

Kalpasan ti maysa a lawas, naguurnong manen dagiti adalan iti uneg ti balay, ket adda ni Tomas. Nakabalunet dagiti ruangan, ngem immay ni Jesus ket nagtakder iti yanda. "Adda koma talna kadakayo," kinunana kadakuada; sana kinuna ken Tomas, "Ikabilmo ta ramaymo ditoy, ket kitaem dagiti imak; igaw-atmo met ta imam ket arikapem toy bakrangko. Pukawem ta duaduam ket mamatika!" "Apok ken Diosko!" kinuna ni Tomas. Kiinuna ni Jesus kenkuana,

"Mamatika kadi ta nakitanak?
Nagasat dagiti mamati nupay didak nakita"

Adu pay ti nakaskasdaaw a pagilasinan nga inaramid ni Jesus iti imatang dagiti adalanna, ngem saan a naisurat iti daytoy a libro. Dagiti nailanad iti daytoy a libro, naisuratda tapno patienyo a ni Jesus isu ti Cristo nga Anak ti Dios, ket babaen daytoy a pammati, maaddaankayo koma iti biag gapu kenkuana.

Ti Ebanghelio ti Apo

KARARAG KADAGITI MAMMATI

Apo Jesus a Cristo, imbukbukmo ti daram iti krus ket nagungarka iti tanem tapno ispalem ti tao iti basol ket agbiag a maikari iti Pagariam Denggem ngarud dagiti tattaom a makasapul ti mangpapigsa ti pammatida. Tunggal panggep, kumararagtayo:

Apo, parsuaem ti baro nga espiritu kadakami.

Agpaay iti Simbaan tapno agtultuloy ti pannakaummong ti arbanna ket mapapigsa ti pammati ken pannakaiturong ti inaldaw a panagbiagda. Kumararagtayo.

Agpaay kadagiti mangitururong ti gobierno nasional ken lokal tapno maikkanda iti grasia a mangibaklay iti takem nga intalek kadakuada ti Dios ket sarakenda ti pagsayaatan ti kaaduan saan ket a dagiti bukodda a pagnam-ayan. Kumararagtayo.

Agpaay kadagiti napanglaw ken agsagsagaba tapno ti koma nagungar nga Apo ti kanayon a salaknib ken mangwayawaya kadakuada, ket dida mapukaw ti namnama ken tured iti kaasi ken kinalintegna. Kumararagtayo,

Agpaay it lubongtayo tapno maragpattay koma kappia ken talna babaen ti pannakikaysatayo iti panagtutuok, ipapatay ken panagungar ti Apo. Kumararagtayo.

Agpaay kadagiti kakabsattayo a simiasi ti pammatida tapno masarakanda ti Kinapudno ket maiturongda a mangtakuat napudpudno a simbaan. Kumararagtayo.

Agpaay kadagiti Filipino a trabahador iti ballasiw taaw tapno agbalinda a saksi ti nacristianoan a pammati kadagiti pagtrabahoanda. Kumararagtayo iti Apo.

Apo Jesus a Cristo, inyawatmo ti bagim nga agsagaba ken matay gapu iti napalaus nga ayatmo kadakami. Agtultuloy koma ti panagbiag mi kenka bayat ti pannakaamirismi a dagiti ngatmi isuda ti gubbuayan ti biag. Amen.

14/04/2023

BIERNES ITI OCTABA TI PANAGUNGAR TI APO
MAIKA-14 TI ABRIL TI 2023

UMUNA A MAIBASA
Aramid 4:1-12

Madama pay la nga agsasao da Pedro ken Juan (kalpasan ti pannakapaimbag ti pilay a lalaki) idi mapan kadakua dadagiti papadi, dagiti Saduceo ken ti kapitan dagiti guardia iti Templo. Napalalo ti rurodda ta isursuro dagitoy nga apostoles kadagiti tattao a nagungar ni Jesus ket daytoy ti pammaneknek nga agungarto dagiti natay. Tiniliwda ngarud ida, ket agsipud ta rumabiin, imbaludda ida inggana iti sumaruno nga aldaw. Ngem adu ti namati kadagiti nakangngeg iti mensahe da Pedro ken Juan. Agiimaribu ti bilang dagiti lallaki.

Kabigatanna, naguummong idiay Jerusalem dagiti agtuturay a Judio, dagiti panglakayen ken dagiti mamaestro iti Linteg. Nakimitingda kada Anas a Kangatoan a Padi, da Caifas ken Juan, ni Alejandro ken dadduma pay a kamkameng ti famifia ti Kangatoana Padi. Pinatakderda da Pedro ken Juan iti saklangda sada sinaludsod, "Ania a pannakabalin wenno ania a nagan ti inaramatyo a nangaramid iti daytoy?" Simmungbat ni Pedro a sipupunno iti Espiritu Santo: "Appo nga agtuturay ken panglakayen, no mausisakami gapu iti imbag a naipaay iti pilay ken iti pannakapaimbagna, rebbengyo amin nga ammoen, kasta met dagiti amin a tattao Israel, a sitatakder ita iti imatangyo daytoy a tao a pudno a naimbaganen babaen ti pannakabalin ti nagan ni JesuCristo a taga-Nazaret nga inlansayo iti krus ngem pinagungar ti Dios. Daytoy a Jesus ti sarsaritaen daytoy a paset ti Nasantoan a Surat:

'Ti bato nga imbellengyo,
Dakayo nga agpatpatakder,
Nagbalin nga isu ti kangrunaan a bato.'

Isu laeng ti pakasarakantayo iti pannakaisalakan; ta iti entero a lubong, awan sabali a nagan nga inted ti Dios kadagiti tattao a mabalintayo a pakaisalakanan."

Ti Sao Ti Apo
SALMO RESPONSORIO
Salmo 118:1-2.4,22-24, 25-26

Sungbat: Ti bato nga imbelleng dagiti agipatpatakder, nagbalin a kangrunaan a bato.
Wenno : Alleluia, alleluia, alleluia!

Agyamankayo iti Apo, ta isu naimbag;
Ta agnanayon ti di agbalbaliwnga ayatna.
Kuna ngarud dagiti Israelita:
"Agnanayon ti di agbalbaliw nga ayatna."
Kuna ngarud dagiti aminnga agbuteng iti Apo,
"Agnanayon ti di agbalbaliw nga ayatna." (sungbat)

Ti bato a kasla awan serserbina
Nga imbelleng dagiti agipatpatakder
Nagbalin a kangrunaan a bato.
Aramid daytoy ti Apo,
Anian a nakaskasdaaw iti imatangtayo.
Daytoy ti nakaskasdaaw nga aldaw nga inkeddeng ti Apo.
Agragsak ken agrambaktayo. (sungbat)

Apo, isalakannakami;
Dawatenmi kenka a parang-ayennakami.
Nagasat ti umay iti nagan ti Apo.
Bendisionannakayo manipud iti balayna. (sungbat)
SEQUENTIA

Dakay a Cristiano, umaykay amin.
Ta ni Cristo intay daydayawen.
Isu a Pagpaskuaantayo naipatlin.

Kas Urbon sinubbotna dagiti lallakaya karnero.
Ni Cristo,kas di namulitan a Kordero,
Iti Ama inyamona ti nakabasol a tao.

Nakaskasdaaw ti inda panagdangadang
Ti biag ken ti patay a nakas-ang;
Natay met ngem sibibiag nga agari itan.

Ibagam man, Maria, ti nakitam
Idi a titanemna inka sinarungkaran.
Daydi kasta unay a sinangsangitam!

Nakitak ti tanem daydi Sibibiagen,
Ti raniag daydi nalpas a Nagungaren,
Daydi naumsi ken nairurumen

Sinaksian daytoy dagiti Angheles,
Ken daydi imbungonda Kenkuana nga ules.
Agraman dadduma pay nga inna pinagkawes.

Nagungaren ni Cristo a pangnamnamaak;
Sadiay Galilea inkay ket a di agtaktak
Tanapan sadiay ket mangragragsak.

Ammomi a nagungarka kadagiti natay;
Cristo, nagballigikan ken patay!
O Ari, yetnagmo ti pakawan saranay.
Amen. Alleluia.
EBANGHELIO
Juan 21:1-14

Nagparang manen a mismoni Jesus kadagiti adalanna iti Dan-aw ti Tiberias. Kastoy ti panagparangna: Naummong da Simon Pedro, Tomas a maaw-awagan iti "Singin," Natanael a taga-Cana nga nga ili idiay Galilea, dagiti annak ni Zebedeo, ken dua pay nga adalan ni Jesus. Kinuna ni Simon Pedro kadagiti kaduana, "Innak agkalap." "Umaykami met," kinunada kenkuana. Napanda ngarud ket limmuganda iti bilog. Ngem pulos nga awan ti naaladaa nagpatnag.

Idi lumlumgaken ti init, nagtakder ni Jesus iti igid ti dan-aw, ngem saan a nailadagiti adalan. Kinuna ngarud ni Jesus kadakuada, "Babbaro, adda kadi nakalapanyo?" "Awana pulos," insungbatda.

Kinunana kadakuada, "Iwayatyo ti iketyo iti makannawan ti bilog, ket adda maalayo." Inwayatda ngarud ti iket, ket saandan a maisang-at gapu iti kaadu ti maalada nga ikan. Kinuna ti adalan a dinungdungngo ni Jesus ken ni Pedro, "Isu daytoy ni Apo!"

Idi nangngeg ni Simon Pedro nga isu ti Apo, nagbado (ta nakauksob idi) ket timmappuak iti danum. Ngem nagbati dagiti dadduma nga adalan iti bilog a mangisangsang-at iti iket a napno iti ikan. Saanda unay nga adayo iti sang-at. Agsangagasut a metro laeng. Idi nakasang-atdan, nakitada sadiay ti dumardara nga beggang ken ti matuntuno nga ikanken sumagmamano a tinapay. Kinuna ni Jesus kadakuada, "Mangyeg kayo iti ikan a kaal-alayo." Napan ni Simon Pedro iti bilogket insang-atna ti iket a napn oiti dadakkel nga ikan. Sangagasut limapulo ket tallo amin. Ngem nupay adu unay ti ikan saan a nabsang ti iket. Kinunani Jesus kadakuada, "Umaykayo mamigaten." Awan kadagiti adalan ti nakaitured a nagsaludsod kenkuana iti kinasiasinona ta ammodan nga isu ti Apo. Iti kasta, immasideg ni Jesus ket innalana ti tinapay ken ti ikan sana inted kadakuada. Daytoy ti maikatlo a panagparang ni Jesus kadagiti adalanna kalpasanti pannakapagungarna.

Ti Ebanghelio ti Apo

Address

Ag-aguman Tagudin Ilocos Sur
Tagudin
2714

Website

Alerts

Be the first to know and let us send you an email when Ronald Bible Verse posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Ronald Bible Verse:

Shortcuts

Share

Category