26/01/2018
Ang 666 ay ibabaon, at ang numero nito ay itatago sa isang chip na pipilitin kayong tanggapin gaya ng pagtanggap nyo sa anumang bakuna.
Biyernes, June 1, 2012 8:15 pm
Pinakamamahal Kong anak, inihahanda na ng antikristo ang kanyang planong pangkapayapaan, na kanyang ihahain pagkatapos na pagkatapos maging laganap ang mga giyera sa Middle East, at pag ang pasakit at sobrang dalamhati ay nagbabadya ng kawalang-pag-asa.
At bigla na lang siyang susulpot at ihahayag ang kanyang sarili sa mundo bilang tao ng kapayapaan, isang makinang na hiyas, na magniningning sa gitna ng kadiliman. Sa paglutang niya, ituturing siyang pinaka-karismatik na pinuno sa pulitika sa buong kasaysayan. Ang kanyang maganda, kaakit-akit at magiliw na personalidad ay lolokohin ang karamihan. Magpapakita siya ng pagmamahal at malasakit, at ituturing siyang isang Kristiyano. Sa katagalan, aakit siya ng maraming alagad, na lalago ang bilang kaya siya’y magiging katulad Ko, ang Mesiyas. Ituturing siyang tagapagtaguyod ng pagkakaisa ng lahat ng bansa, at mamahalin siya g bawat bansa sa mundo. At pagkatapos ay ituturing siya na may angking mga galing na makalangit. Maraming maniniwala na siya’y sinugo ng Aking Ama, at siya ay Akong si Jesucristo, ang Tagapagligtas ng Mundo. Mananalangin sila sa kanya, mamahalin siya at ibibigay ang kanilang buhay sa kanya. At pagtatawanan naman niya sila at lalaitin pag siya’y di nila nakikita. Ito na ang magiging pinakamalaking panloloko sa buong kasaysayan, at ang plano ay nakawin ang inyong mga kaluluwa, para mailayo kayo sa Akin.
Siya at ang pekeng propeta, na uupong parang hari sa Luklukan ni Pedro, ay palihim na paplanuhin ang isang relihiyong one-world. Magmumukha itong isang uri ng relihiyong Kristiyano, na nagtataguyod ng pagmamahal. Kaya nga lang, hindi pagmamahalan ang itataguyod nito, na galing sa Diyos. Bagkus, pagmamahal at katapatan sa antikristo, at pagmamahal sa sarili, ang itataguyod nito. Ang kasuklam-suklam na bagay ay hindi pa hihinto doon, dahil pag naakit na nila ang mga anak ng Diyos, saka pa lang magsisimula ang pag-atake.
Biglang-bigla na lang sasabihan ang lahat, na tanggapin nila ang pang-one-world na Tatak ng Katapatan, isang nagkakaisang mundo, na kailangang salihan ng lahat ng tao. Kokontrolin nito ang inyong pera, ang inyong pagkukunan ng pagkain, at ang estilo ng inyong pamumuhay. Magkakaroon ng maraming kautusan, na ang ibig sabihin ay, kayo’y magiging mga preso. Ang susi sa inyong selda, na pananatilihin kayong nasa ilalim ng kanilang kontrol, ay ang Tatak ng Halimaw. Ang 666 ay ibabaon, at ang numero nito ay itatago sa isang chip na pipilitin kayong tanggapin, gaya ng pagtanggap nyo sa anumang bakuna. Sa sandaling maibaon ito, lalasunin na nito, di lamang ang inyong isip at kaluluwa, kundi pati na rin ang inyong katawan. Dahil magdadala ito ng salot na ginawa para lipulin ang malaking bahagi ng populasyon ng mundo.
Kinakailangang huwag nyong tatanggapin ang Tatak. Sa halip, tuturuan Ko kayo kung ano ang inyong dapat gawin. Maraming tatanggap sa Tatak dahil akala nila’y wala na silang magagawa.
Ang Tatak ng Diyos na Buhay, ang Aking Krusada ng Panalangin (33) ang inyong panagip-buhay na lubid
Pag tinanggap nyo ang Aking Tatak ng Proteksyon, na ibinibigay sa inyo ng Aking Amang Walang-hanggan, hindi nyo kailangang tanggapin ang Tatak. Hindi kayo magagalaw. Ang inyong tahanan ay di makikita, masasaliksik o mata-target dahil ito’y di makikita ng mga mata ng hukbo ni Satanas. Kailangan nyong magtago ng pagkaing tatagal ng ilang taon. Kailangan nyong magtanim ng inyong halaman, mag-imbak ng inyong tubig at mag-ingat ng lahat ng Banal na bagay sa inyong paligid. Ang Aking Natitirang Simbahan ay lalago at kakalat, at kayo’y bibigyan ng makakanlungan kung kinakailangan. Maraming pagpaplano ang kinakailangan na ngayon.
Yung mga pagtatawanan ang inyong ginagawa, o sasabihing, siguro naman ay hindi kayo sasabihan ni Jesus na gawin ito? Di ba nagbibigay Siya sa Kanyang mga alagad sa panahon ng kanilang pangangailangan? Kahit isa lang tinapay at isang isda ay pwedeng paramihin. Kaya di na mahalaga kung konti lang ang pagkain nyo, dahil poprotektahan Ko kayo at kayo’y magiging ligtas. Taimtim nyong ipanalangin yung mga kaluluwang di magagawang iwasan ang Tatak.
Maliligtas naman yung mga inosenteng kaluluwa na nasa kalagayan ng grasya sa panahon na sila’y pinilit tanggapin ang chip. Ang natitira sa inyo ay kailangang planuhin nyo na protektahan ang inyong pamilya at ang inyong katapatan sa Banal na Eukaristiya at sa Misa. Pag nilamon na ng antikristo lahat ng relihiyon, ang mga armas na lamang na di niya kayang labanan ay ang Banal na Misa at ang Transubstantiation ng tinapay at alak para ang mga ito’y maging Aking Katawan at Dugo, sa Banal na Eukaristiya. Kailangang magpatuloy ang Aking Mga Misa. Yung ilan sa inyo na alam ito ay kailangang marami kayong magsama-sama at simulan ang mga paghahanda. Kung mas maaga kayong maghahanda, mas maraming grasya ang ibibigay sa inyo para dumami ang inyong hanay
Pero pag natapos na ang pang-uusig, ang Aking Natitirang Simbahan at ang Aking bayang hinirang ay ipatatayong muli ang Templo, at bababa ang Aking Bagong Jerusalem mula sa Langit. Bababa siya sa kaluwalhatian. Ang mga trompeta ay sabay na maririnig sa Langit at sa lupa.
At pagkatapos, Ako’y darating. Ikaw, anak Ko, ang mag-aanunsyo ng Aking pagdating, at maraming magpapatirapa sa lupa at luluha sa kaginhawahan, pagmamahal at napakalalim na kaligayahan. Dahil, sa wakas, ito na ang sandaling kanilang pinakahihintay. Magliliwanag ang kalangitan, kukulog, at aawit ang mga koro ng mga anghel, nang napakaganda at sabay-sabay, habang lahat ng anak ng Diyos ay mapagmahal na tinatanggap ang Tunay na Mesiyas. Akong si Jesucristo ay darating para Maghukom. At ang Langit at ang Lupa ay magsasanib at magiging isa na lamang. Ang bagong maluwalhating kaningningan, ang binagong lupa, ay susulpot, at sasakupin ng Bagong Paraiso yung lahat na ang mga pangalan ay nasa Aklat ng Mga Nabubuhay, at sila’y magkakaisa. At samantalang ang lumang lupa, na narumihan ng mantsa ng kasalanan, ay natapos na, ang Bagong Panahon naman ay nagsisimula pa lamang.
Ito ang dapat nyong pagsikapan. Ito ang inyong karapatan bilang bahagi ng inyong likas na mana, basta’t tutukan nyo lang ang pagliligtas ng lahat ng kaluluwa.
Ito ang dahilan kung bakit kailangan nyong bale-walain ang mga balakid na ibinibigay sa inyo, ang pag-usig, ang hapdi, ang kilabot ng kasamaan, sa mga kamay ng iba. Ang mahalaga lamang ay ang pagliligtas ng mga kaluluwa.
Ang inyong Tagpagligtas na Jesucristo
