04/04/2026
Ika- Siyam ka Adlaw sa Novena para sa atong Mahal na Patron na mao si S. San Vicente Ferrer
IKASIYAM KA ADLAW
Sa tapus manguros ug pagpangadye sa Ginoo kung Jesucristo, pangadyeon sa adlaw-adlaw nga sakop sa Novena, ang mosunod nga Antifona
Moari Ka, Espiritu Santo, pun-on Mo sa Imong grasya, ang mga kasingkasing sa mga binunyagan ug dagkutan Mo ang mga kalag nila sa kalayo sa Imong gugma; Ikaw ang nagatigum sa mga tawo sa paghiusa sa pagtuo sa nagkalain-lain nga pinulongan.
PAG-AMPO
SA ADLAW NGATANAN NGA SAKOP SA NOVENA
V. Ipakanaug Mo ang Imong Espiritu
ug ang ngatanan mahimo.
R. Ug pagabag-ohon mo ang dagway sa yuta.
Dios ko, nga gitudloan Mo ang mga kasingkasing sa mga binuyagan sa kahayag sa Espiritu Santo tugotan mo kami nga pagtumanon namo ang angay sa Imong Espiritu ug magalipay kami sa gihapon sa himaya nga gikan kaniya, Tungod kang Jesucristo nga among Ginoo. Amen.
PAG-AMPO
NGA IGA-ANDAM SA MGA KASINGKASING TA NGA
PANGADYEON SA TANANG ADLAW SA NOVENA
Mapuangoron nga Dios ug Amahan sa mga kalooy, mibalik na ako kanimo, nga mahinulsolon, sa pagpamulong maingon sa anak nga mausikon. Oh amahan ko! Dili ako takus nga paganganlan nga anak Mo, kay nakasala man ako sa atubangan sa langit ug sa atubangan Mo. Oh pagkadaku sa kaalut ko! Pagkadaku ug kadaghan sa akong mga sala nga nabuhat! Nabuhi man ako sa kalibutan nga walay Dios. Wala ako mag-alagad Kanimo, wala gani mahinumdom Kanimo, ug labot pa wala ako ing mga buhat nga maayo, ko dili lonlon nga mga sala! Ikaw hinuon naga alima kanako maingon sa usa ka anak nga hinigugma, ang mga pagkadautan ko nagatiyabaw batok kanako ug ikaw nagapakabungol; ang akong kabubut-on nga batok Kanimo, nagakadaku usab; gibiyaan ko Ikaw Dios ko, gipalabi ko ang kalipay nga kalibutanaon, ug tungod kanila na wala Ka sa akong kasingkasing. Nahagugma Ikaw kanako, Ginoo, labi sa kinabuhi Mo, kay namatay Ka tungod sa kalag ko. Nan, oh Manunubos ko, unsay igapabayad ko sa ingon ka daghan sa Imong mga kalooy? Buot unta ako nga mamatay sa kasakit tungod sa pagpakasala Kanimo. Dugmokon Mo Ginoo, ang kasingkasing ko sa usa ka matuod nga paghinulsol; kay aron mo-agas sa mga mata ko ang mga luha nga igo ikapanghugas sa kalag ko sa mga buling ngatanan sa sala. Panghilak kamo mga mata ko, panghilak sa walay pahulay. Hatagi ako Ginoo, sa ihibalo nga ika-ila ko Kanimo ug sa buot sa paghigugma Kanimo sa gihapon, tungod sa mga luha nga miagas ug sa dugo nga gi-ula a Cruz sa matam-is kong Jesus. Amen
PAG-AMPO
KATAPUSAN NGA PAG-AMPO NGA IKAPANGAYO SA USA KA
KAMATAYON NGA MAAYO
Ginoo nga makagagahum sa ngatanan ug Dios nga walay sinugdan ug katapusan, nga sa Santos Mong pagbuot nagagikan ang kinabuhi u gang makalilisang nga pagtinga, nagahatag Ka kang San Vicente Ferrer sa ingon sa dakung grasya, nga motabang siya sa mga tawo nga maampoon kaniya, nga mga debotos, sa paglipay kanila ug pag-uban kanila hasta pagpahiluna kanila sa mga kamut mong Diosnon; mangamuyo ako Kanimo Ginoo, tungod sa mga pahanungdan niining mananagna nga magbalantay sa mga kalag nga dili unta mawala, ngani nga dili unta mahamutang sa katapusan nga kadaut ang kalag ko niadtong dili kalikayan nga kalisod nga pagpilok, ug kay kutob karon Santos ko, modanggop Kanimo, ipahibalo ko Kanimo kon daw masayud Ka kon hiabutan ako sa ahat nga kamatayon ug itunol MO sa iyang magbubuhat aron mahiagum siya nga uban Kanimo sa paghimaya sa langit. Amen.
Pangadyeon ug tulo ka amahan namo ug tulo ka Maghimaya ka Maria ug tulo ka Himaya sa Amahan, etc., ugmangamuyo ang tagsa-tagsa sa Iyang kaugalingon kang San Vicente ferrer sa kalooy nga gitinguha niya niining novena.
PAG-AMPO
SA ADLAW NGATANAN NGA SAKOP SA NOVENA
Mahigugmaon uyamut nga Amahan ug manlalaban nga maglilipay sa mga tawo nga may debosyon kanimo nga tungod sa kaayohan nila, nagduaw ikaw kanila gikan sa langit; ikuha mo ako sa gipangayo ko kanimo niining novena. Naga-ampo ako kanimo, Santos ko, nga tungod sa pag-uswag sa pagtuo namo nga santos; nga tungod sa pagdait sa mga haring kristianos; tungod sa pagkalaglag sa mga bisyo ug pagtubo sa mga birtudes; tungod sa mga kinahanglan ngatanan niining lungsod; ug tungod sa mga kalag nga makalolooy sa Purgatorio; ug tungod kanako Santos ko, mao ray pangayuon ko ang angay unta kanako sa labing dakung dungog ug himaya sa Dios og kanimo, Amen.
PAG-AMPO
NGA GIPANGADYE NI SAN VICENTE NGA IKADANGAT SA MAAYONG KAMATAYON SA ADLAWNG TANAN SAKOP SA NOVENA
Kalooy nga gipangayo ko Kanimo, Dios ko, ug patalinghugi ang mapuangoron nga pag-ampo ko; kaloy-I ako Ginoo, kay ang kalag ko nasakit, ug maluya kaayo. Ngani hapit na mawala ang mga birtudes. Kaloy-I ako Ginoo, kay akong gidumtan ang mga sala nga nagtinguha aron sakpon ako sa katarungan Mo, nahadlok ako ug nangurog ang tibuok kong lawas. Kaloy-I ako, Dios ko, ingon sa kadaku sa pagpapuangud Mo. Kaloy-I ako, Dios ko, kay gidasmagan ako sa mga yawa, misukol sila kanako ug nagatintal sa tibuok nga adlaw. Kaloy-I ako, Ginoo, kay nagatawag ako kanimo, adlaw-adlaw. Paglipayun Mo ang kalag sa ulipon Mo, kon nagatinguha ang kasingkasing ko a pagtuman sa mga buhat nga maayo. Gloria sa Amahan, etc. Ginoo kong Jesucristo, nga kutob nga anaa Kanimo, buot Ikaw gayud nga palangit ang mga tawong tanan ug dili mahimo nga pangayuan ikaw sa walay malig-on nga paglaum sa pagdangat sa Imong kalooy kay ikaw gayud nga miingon sa dalaygon Mo uyamut nga baba; “ang tanan nga pangayuon ninyo, sa ngalan Ko, ngadto sa Amahan Ko nga langitnon, itugot kaninyo’’; nangamuyo ako Kanimo, tungod sa Santos Mong ngalan, ug tungod sa mga pahanungdan sa ulipon Mo, nga si San Vicente Ferrer, nga sa katapusan ngapagpilok sa kinabuhi ko, sa mahusay nga pagpamulong ug madayag nga tingog ug sa usa ka dakung kasakit ug paghinulsol sa mga sala ko, usa ka buhing pagtuo, usa ka malig-on ug maayong paglaum, usa ka hingpit nga gugma aron sa usa ka ulay ug putling kasingkasing, makaingon unta ako, Ginoo, sa mga kamut Mo, itugyan ko ang akong kalag, kay ikaw ang dalaygon ug mahimayaon sa mga tuig sa katuigan nga tanan. Amen.
Karon basahon ang mga Milagros nga nagsunosunod kay aron kita masayud sa pagkamakagagahum sa Santo; mahimo unta nga ang atong pagtuo buhi kayo ug ang pagpangadye ta kaniya pauban unta sa usa ka labing dakung paglaum.
MGA MILAGROS
Ang usa ka Señora, si Doña Angeles ang ngalan, gikan siya sa usa adlaw nga nagaduaw kang San Vicente, kay gidevocionan niya ug daku; gibuhian siya sa usa ka pusil sa mga kaaway niya aron sila mahimong manununod sa iyang mga bahandi, giigo nila pag-ayo ug nahasulod sa kilid niya ang duha ka bala ug daghang mga perdegones. Gihibulong sa mga mananambal ug wala nila hikaplagi, busa gibiyaan nila kay gipakaingon nila nga mamatay nagyud. Ang masakiton nangayo sa reliquias sa Santo ug naga-ampo siya; nagpakiyta kaniya ang maong Santo ug gikuhaan siya sa mga bala ug sa mga perdegones sa lawas niya ug naayo siya.
Sa tuig usa ka libo, unom ka gatus ug kapitoan ug unom, sa siyudad sa Mallorca ang usa ka tawo nagpakalaki, migula sa iyang balay sa usa ka gabii kay nahunahuna siya nga moadto sa lain nga balay sa pagsaad ug pagtuman sa mangil-ad niya nga buot. Miagi siya sa atubangan sa usa ka larawan ni San Vicente nga nagawali sa napulo ug lima ka adlaw nga nagasunod, ug sa pag-ampo niya gitan-aw niya ang nawong sa Santo nga maligutguton kayo. Niining milagro naghinulsol siya sa mga sala a iyang nahimo ug mibalik siya a balay. Ug unya nasayud siya nga naghulat ang iyang mga kaaway didto sa balay, nga buot unta niyang adtuon, sa pagpatay kaniya.
Ang usa ka komersiyante nagpaingon sa usa ka lungsod sa adlaw nga tabo o sa tyangi ug sa pagkawala na niya sa balay ang asawa niya nakasala ug nanamkon siya. Nagahinulsol siya sa iyang sayop ug nag-ampo kang San Vicente. Sa pag-uli na sa iyang bana nga nagdala sa pila kabuok nga kabayo, gisugat sa Santo ug gibugaw niya ang maong kabayo sa paghadlok kanila sa iyang kappa. Ang mga mananap nanagkatibulaag sa kamingawan ug ang komersiyante nadugay sa pagtigum kanila sa panahon nga igo aron makag-anak angiyang asawa. Ug sa ingon niiini gigawas sa Santo kining babaye sa kaulaw ug sa katahap nga kuhaan siya sa iyang kinabuhi sa iyang bana.
Sa lungsod sa Picasin, ang usa ka tawo nga ginganlan ug Juan Milla, maalampoon kang San Vicente, nagabaton sa iyang sulod sa usa ka kwarto nga tiauran sa larawan sa Santo, gipangadyean niya gihapon sa takna sa iyang paghigda. Sa usa ka gabii nakita niya ug sa iyang asawa nga ang kwadro nagalihok ug nagatoktok sa bongbong; namahawa sila sa ilang balay ug diha diha nahugno ug napukan ang balay ug sa human ang pila ka adlaw, hingkaplagan nila ang mga baboy, manok, ug uban pang mga binuhi sa balay nga walay kabilinggan ug buhi gayud.
Sa siyudad sa Bañes, duha ka ulitawo nagasakay sa usa ka diyutay nga sakayan sa mabalod pa ang dagat gikan sa usa ka unos sa lawod, ug nagasaad sila sa pagduaw sa gilubngan ni San Vicente ug pagpamisa a pila ka misa, ug gilayon giabutan sila sa kalinaw ug nakadunggo sila sa daplin.
Didto miingon ang usa kanila; “tana sa pagtuman sa atong mga gisaad;” apan ang usa ningtubag sa dakung katawa: “wala ako magkinahanglan kang San Vicente,” apan sa takulahaw napukan siya sa yuta nga himalatyon ug naglisod tungod sa kasakit sa tanang bahin sa iyang lawas. Nakaila siya sa iyang sala, ug nakigpasaylo sa Santo; gihatud siya sa gilubngan ni San Vicente ug naayo siya dayon. Daghan man ang mga tawo nga nakakita ug nakakaplag sa mga hiyas nga nawala nga gipangkawat kanila sa pagsaad lamang kang San Vicente sa bisan unsang saad. Sa ingon niini hingkaplagan sa usa ka tawo ang usa ka baso nga salapi nga binulawanan; ang usa ka platero nakakaplag sa pila ka pesos ug uban pangsalapi nga nawala. Duha ka babaye nakakaplag sa duha ka kopa nga salapi; lain nga babaye na nakakita sa pila ka kabayo nga nawala; ug ang usa ka Pari nga ereligo nakakita sa iyang pangadyeon nga nawala sa dugay na, lima ka tuig sa paghalad sa Santo; ug laing pangadyeon nga binuhat sa tawo.
Alabado sea el Señory y bendita sea la Inmaculada Concepcion de Maria Santisima. Amen.
Karon pangadyeon kining mosunod nga
GOZOS
Kay mag-alampo ka nga tinuod
Ug manlalaban ka man namo.
Kami Vicente sa Dios ig-ampo
Kami nga kanimo managlaum.
Ang Birhen ug si San Juan Ebanghelista
Sa wala pa ngani matawo ka,
Kanamo daan siya misaad
Sa pagkatawo mo nga bulahan
Ug sa kalipay ginabantug
Sa kalipay himayang daku.
Kami Vicente sa Dios ig-ampo etc.
Natawo ka nga katingalahan
Kay sa pagmilagro maalam ka,
Nagbuot ikaw sa ngatanan
Ug nahadlok man ang impiyerno
Sa nawong mong maligdong.
Kami Vicente sa Dios ig-ampo etc.
Sa siyam ka tuig ang edad
Gibuhi mo ang usa ka bata
Nga nahimo nga saksi nga dayag,
Sa katingalahan mo sa grasya
Ug nagmatuod kining milagro
Nga higala kang daan ni Jesus.
Kami Vicente sa Dios ig-ampo etc.
Ni Santo Domingo giduaw ka,
Ug sa bisti nga sagrado niya
Nahimo kang tumong ug sama
Sa suga nga kanimo nag-iwag
Ginganlan ka ni Kristo nga Apostol
Ug mag-uuna nga matuod.
Kami Vicente sa Dios ig-ampo etc.
Daghanan uyamut nga judios,
Ang gipabalik mo sa Dios
Ug walo ka libong moros
Gibuhat mo sila nga kristianos
Erehes dili maisip gayud
Ang ginakabig mo kang Kristo.
Kami Vicente sa Dios ig-ampo etc.
Ingon ikaw ug Anghel nga langitnon
Nagwali ka sa Valenciano
Ug Nagkalainlain nga nacion
Nanagkasabot sa imong gipamulong
Mahitingala unta ang mga kristianos
Sa pagtan-aw ning lucero.
Kami Vicente sa Dios ig-ampo etc.
Ang usa ka babayeng buang
Nagapatay sa iyang anak,
Kay iya man gihunahuna
Nga pagakan-on unta niya,
Giluto niya nga tinadtad
Ug buhi giuli mo kaniya.
Kami Vicente sa Dios ig-ampo etc.
Kapin sa tulo ka libong tawo
Sa diyutay nga pan gibusog mo,
Nianang Milagros gibutang mo
Ang imong pagkasantos nga daku
Busa Vicente naamigos mo
Ang adunahan ug mamumuo.
Kami Vicente sa Dios ig-ampo etc.
Nga ang Anghel ka imong gisaysay
Ug ang usa ka tawo nga minatay
Bisan nga matuod nga patay
Ang gisugo mo iyang gisumay
Sa kinabuhi niya gibalik mo
Hasta sa nadugay nga tiempo.
Kami Vicente sa Dios ig-ampo etc.
Nagawali ang imong larawan
Sa duha ka tangkod nga semana
Ug daghang tawo nahigawas
Sa mga sayup ug kasal-anan
Ang mga sala nagkadiyutay,
Ug ang paglumay nga bakakon.
Kami Vicente sa Dios ig-ampo etc.
Sa pagmilagro nagabagting ka
Ug ang mga tawonga maluya
Sa mga kasakit nga daghanan,
Ngatanan imong gilipayan,
Ang kasakit sa silot gitambalan
Sa imo lamang nga pagtambong.
Kami Vicente sa Dios ig-ampo etc.
Ang mama, ang buta ug bakul
Ang pi-ang ug ang tawo nga bungol
Gitambalan mo, u gang miabut
Sa paghalok sa tiil mong santos
Ngani ang mao nga punoan mo,
Ikaw gayud ang gipamilagro.
Kami Vicente sa Dios ig-ampo etc.
Mananabang ka sa mga mag-alanak,
Ingon man sa dili makag-anak,
Pagkakuhaan mo sa kabilingan
Aron dayon mahimo nga inahan,
Ang pobres nga makalooy ug hangol,
Gibuhat mo ang kabus o datu.
Kami Vicente sa Dios ig-ampo etc.
Minatay kap-atan ug unom
Ang gipanggawas mo sa lubong
Kay gibuhi mo sila pag-usab
Ug sa kalibutan giuli mo
Ug kay nawala sa ngalan mo
Ang lalang sa bitin nga maitom.
Kami Vicente sa Dios ig-ampo etc.
Ang usa ka umol nga dugo
Sa reliquias mo gitongtong
Ug gilayon gayud nahimo
Ang usa ka bata nga maanindot
Mao ra usab ang nahitabo
Sa anak sa usa ka kaballero.
Kami Vicente sa Dios ig-ampo etc.
Doctor man Anghel ug Propeta
Birhen ug Apostol ginganlan ka
Ug gibuhat mo ang imong paglaban
Sa mga debotos mong ngatanan,
Sa pagpangamuyo na nimo
Sa pagtabang mo sa kamatayon.
Kami Vicente sa Dios ig-ampo etc.
Kay mag-alampo ka nga tinuod
Ug manlalaban ka man namo.
Kami Vicente sa Dios ig-ampo
Kami nga kanimo managlaum.
ANTIFONA
Tabangan mo kami, San Vicente, niining
walog nga luhaan ug ihatud mo kami kang
Kristo sa dalan nga pagalaktan mo.
V. Ig-ampo mo kami, Amahan
nga si San Vicente.
R. Aron kami mahimong takus ug
makadangat sa mga gisaad ni Jesucristo.
PAG-AMPO
Dios nga nalooy Ka sa kadaghanan nga mga tawo
aron sila managpakaila sa ngalan Mo gikan sa
katingalahan nga pagwali ni San Vicente nga ulipon
Mo, tugutan Mo kami nga mahimo unta nga magbalus kanamo sa langit,
Si Jesucristo nga Ginoo namo, nga gibalaod Niya nga moanhi
Siya sa kalibutan sa paghukom kanamo Amen.
Ika- Siyam ka Adlaw sa Novena para sa atong Mahal na Patron na mao si S. San Vicente Ferrer
IKASIYAM KA ADLAW
Sa tapus manguros ug pagpangadye sa Ginoo kung Jesucristo, pangadyeon sa adlaw-adlaw nga sakop sa Novena, ang mosunod nga Antifona
Moari Ka, Espiritu Santo, pun-on Mo sa Imong grasya, ang mga kasingkasing sa mga binunyagan ug dagkutan Mo ang mga kalag nila sa kalayo sa Imong gugma; Ikaw ang nagatigum sa mga tawo sa paghiusa sa pagtuo sa nagkalain-lain nga pinulongan.
PAG-AMPO
SA ADLAW NGATANAN NGA SAKOP SA NOVENA
V. Ipakanaug Mo ang Imong Espiritu
ug ang ngatanan mahimo.
R. Ug pagabag-ohon mo ang dagway sa yuta.
Dios ko, nga gitudloan Mo ang mga kasingkasing sa mga binuyagan sa kahayag sa Espiritu Santo tugotan mo kami nga pagtumanon namo ang angay sa Imong Espiritu ug magalipay kami sa gihapon sa himaya nga gikan kaniya, Tungod kang Jesucristo nga among Ginoo. Amen.
PAG-AMPO
NGA IGA-ANDAM SA MGA KASINGKASING TA NGA
PANGADYEON SA TANANG ADLAW SA NOVENA
Mapuangoron nga Dios ug Amahan sa mga kalooy, mibalik na ako kanimo, nga mahinulsolon, sa pagpamulong maingon sa anak nga mausikon. Oh amahan ko! Dili ako takus nga paganganlan nga anak Mo, kay nakasala man ako sa atubangan sa langit ug sa atubangan Mo. Oh pagkadaku sa kaalut ko! Pagkadaku ug kadaghan sa akong mga sala nga nabuhat! Nabuhi man ako sa kalibutan nga walay Dios. Wala ako mag-alagad Kanimo, wala gani mahinumdom Kanimo, ug labot pa wala ako ing mga buhat nga maayo, ko dili lonlon nga mga sala! Ikaw hinuon naga alima kanako maingon sa usa ka anak nga hinigugma, ang mga pagkadautan ko nagatiyabaw batok kanako ug ikaw nagapakabungol; ang akong kabubut-on nga batok Kanimo, nagakadaku usab; gibiyaan ko Ikaw Dios ko, gipalabi ko ang kalipay nga kalibutanaon, ug tungod kanila na wala Ka sa akong kasingkasing. Nahagugma Ikaw kanako, Ginoo, labi sa kinabuhi Mo, kay namatay Ka tungod sa kalag ko. Nan, oh Manunubos ko, unsay igapabayad ko sa ingon ka daghan sa Imong mga kalooy? Buot unta ako nga mamatay sa kasakit tungod sa pagpakasala Kanimo. Dugmokon Mo Ginoo, ang kasingkasing ko sa usa ka matuod nga paghinulsol; kay aron mo-agas sa mga mata ko ang mga luha nga igo ikapanghugas sa kalag ko sa mga buling ngatanan sa sala. Panghilak kamo mga mata ko, panghilak sa walay pahulay. Hatagi ako Ginoo, sa ihibalo nga ika-ila ko Kanimo ug sa buot sa paghigugma Kanimo sa gihapon, tungod sa mga luha nga miagas ug sa dugo nga gi-ula a Cruz sa matam-is kong Jesus. Amen
PAG-AMPO
KATAPUSAN NGA PAG-AMPO NGA IKAPANGAYO SA USA KA
KAMATAYON NGA MAAYO
Ginoo nga makagagahum sa ngatanan ug Dios nga walay sinugdan ug katapusan, nga sa Santos Mong pagbuot nagagikan ang kinabuhi u gang makalilisang nga pagtinga, nagahatag Ka kang San Vicente Ferrer sa ingon sa dakung grasya, nga motabang siya sa mga tawo nga maampoon kaniya, nga mga debotos, sa paglipay kanila ug pag-uban kanila hasta pagpahiluna kanila sa mga kamut mong Diosnon; mangamuyo ako Kanimo Ginoo, tungod sa mga pahanungdan niining mananagna nga magbalantay sa mga kalag nga dili unta mawala, ngani nga dili unta mahamutang sa katapusan nga kadaut ang kalag ko niadtong dili kalikayan nga kalisod nga pagpilok, ug kay kutob karon Santos ko, modanggop Kanimo, ipahibalo ko Kanimo kon daw masayud Ka kon hiabutan ako sa ahat nga kamatayon ug itunol MO sa iyang magbubuhat aron mahiagum siya nga uban Kanimo sa paghimaya sa langit. Amen.
Pangadyeon ug tulo ka amahan namo ug tulo ka Maghimaya ka Maria ug tulo ka Himaya sa Amahan, etc., ugmangamuyo ang tagsa-tagsa sa Iyang kaugalingon kang San Vicente ferrer sa kalooy nga gitinguha niya niining novena.
PAG-AMPO
SA ADLAW NGATANAN NGA SAKOP SA NOVENA
Mahigugmaon uyamut nga Amahan ug manlalaban nga maglilipay sa mga tawo nga may debosyon kanimo nga tungod sa kaayohan nila, nagduaw ikaw kanila gikan sa langit; ikuha mo ako sa gipangayo ko kanimo niining novena. Naga-ampo ako kanimo, Santos ko, nga tungod sa pag-uswag sa pagtuo namo nga santos; nga tungod sa pagdait sa mga haring kristianos; tungod sa pagkalaglag sa mga bisyo ug pagtubo sa mga birtudes; tungod sa mga kinahanglan ngatanan niining lungsod; ug tungod sa mga kalag nga makalolooy sa Purgatorio; ug tungod kanako Santos ko, mao ray pangayuon ko ang angay unta kanako sa labing dakung dungog ug himaya sa Dios og kanimo, Amen.
PAG-AMPO
NGA GIPANGADYE NI SAN VICENTE NGA IKADANGAT SA MAAYONG KAMATAYON SA ADLAWNG TANAN SAKOP SA NOVENA
Kalooy nga gipangayo ko Kanimo, Dios ko, ug patalinghugi ang mapuangoron nga pag-ampo ko; kaloy-I ako Ginoo, kay ang kalag ko nasakit, ug maluya kaayo. Ngani hapit na mawala ang mga birtudes. Kaloy-I ako Ginoo, kay akong gidumtan ang mga sala nga nagtinguha aron sakpon ako sa katarungan Mo, nahadlok ako ug nangurog ang tibuok kong lawas. Kaloy-I ako, Dios ko, ingon sa kadaku sa pagpapuangud Mo. Kaloy-I ako, Dios ko, kay gidasmagan ako sa mga yawa, misukol sila kanako ug nagatintal sa tibuok nga adlaw. Kaloy-I ako, Ginoo, kay nagatawag ako kanimo, adlaw-adlaw. Paglipayun Mo ang kalag sa ulipon Mo, kon nagatinguha ang kasingkasing ko a pagtuman sa mga buhat nga maayo. Gloria sa Amahan, etc. Ginoo kong Jesucristo, nga kutob nga anaa Kanimo, buot Ikaw gayud nga palangit ang mga tawong tanan ug dili mahimo nga pangayuan ikaw sa walay malig-on nga paglaum sa pagdangat sa Imong kalooy kay ikaw gayud nga miingon sa dalaygon Mo uyamut nga baba; “ang tanan nga pangayuon ninyo, sa ngalan Ko, ngadto sa Amahan Ko nga langitnon, itugot kaninyo’’; nangamuyo ako Kanimo, tungod sa Santos Mong ngalan, ug tungod sa mga pahanungdan sa ulipon Mo, nga si San Vicente Ferrer, nga sa katapusan ngapagpilok sa kinabuhi ko, sa mahusay nga pagpamulong ug madayag nga tingog ug sa usa ka dakung kasakit ug paghinulsol sa mga sala ko, usa ka buhing pagtuo, usa ka malig-on ug maayong paglaum, usa ka hingpit nga gugma aron sa usa ka ulay ug putling kasingkasing, makaingon unta ako, Ginoo, sa mga kamut Mo, itugyan ko ang akong kalag, kay ikaw ang dalaygon ug mahimayaon sa mga tuig sa katuigan nga tanan. Amen.
Karon basahon ang mga Milagros nga nagsunosunod kay aron kita masayud sa pagkamakagagahum sa Santo; mahimo unta nga ang atong pagtuo buhi kayo ug ang pagpangadye ta kaniya pauban unta sa usa ka labing dakung paglaum.
MGA MILAGROS
Ang usa ka Señora, si Doña Angeles ang ngalan, gikan siya sa usa adlaw nga nagaduaw kang San Vicente, kay gidevocionan niya ug daku; gibuhian siya sa usa ka pusil sa mga kaaway niya aron sila mahimong manununod sa iyang mga bahandi, giigo nila pag-ayo ug nahasulod sa kilid niya ang duha ka bala ug daghang mga perdegones. Gihibulong sa mga mananambal ug wala nila hikaplagi, busa gibiyaan nila kay gipakaingon nila nga mamatay nagyud. Ang masakiton nangayo sa reliquias sa Santo ug naga-ampo siya; nagpakiyta kaniya ang maong Santo ug gikuhaan siya sa mga bala ug sa mga perdegones sa lawas niya ug naayo siya.
Sa tuig usa ka libo, unom ka gatus ug kapitoan ug unom, sa siyudad sa Mallorca ang usa ka tawo nagpakalaki, migula sa iyang balay sa usa ka gabii kay nahunahuna siya nga moadto sa lain nga balay sa pagsaad ug pagtuman sa mangil-ad niya nga buot. Miagi siya sa atubangan sa usa ka larawan ni San Vicente nga nagawali sa napulo ug lima ka adlaw nga nagasunod, ug sa pag-ampo niya gitan-aw niya ang nawong sa Santo nga maligutguton kayo. Niining milagro naghinulsol siya sa mga sala a iyang nahimo ug mibalik siya a balay. Ug unya nasayud siya nga naghulat ang iyang mga kaaway didto sa balay, nga buot unta niyang adtuon, sa pagpatay kaniya.
Ang usa ka komersiyante nagpaingon sa usa ka lungsod sa adlaw nga tabo o sa tyangi ug sa pagkawala na niya sa balay ang asawa niya nakasala ug nanamkon siya. Nagahinulsol siya sa iyang sayop ug nag-ampo kang San Vicente. Sa pag-uli na sa iyang bana nga nagdala sa pila kabuok nga kabayo, gisugat sa Santo ug gibugaw niya ang maong kabayo sa paghadlok kanila sa iyang kappa. Ang mga mananap nanagkatibulaag sa kamingawan ug ang komersiyante nadugay sa pagtigum kanila sa panahon nga igo aron makag-anak angiyang asawa. Ug sa ingon niiini gigawas sa Santo kining babaye sa kaulaw ug sa katahap nga kuhaan siya sa iyang kinabuhi sa iyang bana.
Sa lungsod sa Picasin, ang usa ka tawo nga ginganlan ug Juan Milla, maalampoon kang San Vicente, nagabaton sa iyang sulod sa usa ka kwarto nga tiauran sa larawan sa Santo, gipangadyean niya gihapon sa takna sa iyang paghigda. Sa usa ka gabii nakita niya ug sa iyang asawa nga ang kwadro nagalihok ug nagatoktok sa bongbong; namahawa sila sa ilang balay ug diha diha nahugno ug napukan ang balay ug sa human ang pila ka adlaw, hingkaplagan nila ang mga baboy, manok, ug uban pang mga binuhi sa balay nga walay kabilinggan ug buhi gayud.
Sa siyudad sa Bañes, duha ka ulitawo nagasakay sa usa ka diyutay nga sakayan sa mabalod pa ang dagat gikan sa usa ka unos sa lawod, ug nagasaad sila sa pagduaw sa gilubngan ni San Vicente ug pagpamisa a pila ka misa, ug gilayon giabutan sila sa kalinaw ug nakadunggo sila sa daplin.
Didto miingon ang usa kanila; “tana sa pagtuman sa atong mga gisaad;” apan ang usa ningtubag sa dakung katawa: “wala ako magkinahanglan kang San Vicente,” apan sa takulahaw napukan siya sa yuta nga himalatyon ug naglisod tungod sa kasakit sa tanang bahin sa iyang lawas. Nakaila siya sa iyang sala, ug nakigpasaylo sa Santo; gihatud siya sa gilubngan ni San Vicente ug naayo siya dayon. Daghan man ang mga tawo nga nakakita ug nakakaplag sa mga hiyas nga nawala nga gipangkawat kanila sa pagsaad lamang kang San Vicente sa bisan unsang saad. Sa ingon niini hingkaplagan sa usa ka tawo ang usa ka baso nga salapi nga binulawanan; ang usa ka platero nakakaplag sa pila ka pesos ug uban pangsalapi nga nawala. Duha ka babaye nakakaplag sa duha ka kopa nga salapi; lain nga babaye na nakakita sa pila ka kabayo nga nawala; ug ang usa ka Pari nga ereligo nakakita sa iyang pangadyeon nga nawala sa dugay na, lima ka tuig sa paghalad sa Santo; ug laing pangadyeon nga binuhat sa tawo.
Alabado sea el Señory y bendita sea la Inmaculada Concepcion de Maria Santisima. Amen.
Karon pangadyeon kining mosunod nga
GOZOS
Kay mag-alampo ka nga tinuod
Ug manlalaban ka man namo.
Kami Vicente sa Dios ig-ampo
Kami nga kanimo managlaum.
Ang Birhen ug si San Juan Ebanghelista
Sa wala pa ngani matawo ka,
Kanamo daan siya misaad
Sa pagkatawo mo nga bulahan
Ug sa kalipay ginabantug
Sa kalipay himayang daku.
Kami Vicente sa Dios ig-ampo etc.
Natawo ka nga katingalahan
Kay sa pagmilagro maalam ka,
Nagbuot ikaw sa ngatanan
Ug nahadlok man ang impiyerno
Sa nawong mong maligdong.
Kami Vicente sa Dios ig-ampo etc.
Sa siyam ka tuig ang edad
Gibuhi mo ang usa ka bata
Nga nahimo nga saksi nga dayag,
Sa katingalahan mo sa grasya
Ug nagmatuod kining milagro
Nga higala kang daan ni Jesus.
Kami Vicente sa Dios ig-ampo etc.
Ni Santo Domingo giduaw ka,
Ug sa bisti nga sagrado niya
Nahimo kang tumong ug sama
Sa suga nga kanimo nag-iwag
Ginganlan ka ni Kristo nga Apostol
Ug mag-uuna nga matuod.
Kami Vicente sa Dios ig-ampo etc.
Daghanan uyamut nga judios,
Ang gipabalik mo sa Dios
Ug walo ka libong moros
Gibuhat mo sila nga kristianos
Erehes dili maisip gayud
Ang ginakabig mo kang Kristo.
Kami Vicente sa Dios ig-ampo etc.
Ingon ikaw ug Anghel nga langitnon
Nagwali ka sa Valenciano
Ug Nagkalainlain nga nacion
Nanagkasabot sa imong gipamulong
Mahitingala unta ang mga kristianos
Sa pagtan-aw ning lucero.
Kami Vicente sa Dios ig-ampo etc.
Ang usa ka babayeng buang
Nagapatay sa iyang anak,
Kay iya man gihunahuna
Nga pagakan-on unta niya,
Giluto niya nga tinadtad
Ug buhi giuli mo kaniya.
Kami Vicente sa Dios ig-ampo etc.
Kapin sa tulo ka libong tawo
Sa diyutay nga pan gibusog mo,
Nianang Milagros gibutang mo
Ang imong pagkasantos nga daku
Busa Vicente naamigos mo
Ang adunahan ug mamumuo.
Kami Vicente sa Dios ig-ampo etc.
Nga ang Anghel ka imong gisaysay
Ug ang usa ka tawo nga minatay
Bisan nga matuod nga patay
Ang gisugo mo iyang gisumay
Sa kinabuhi niya gibalik mo
Hasta sa nadugay nga tiempo.
Kami Vicente sa Dios ig-ampo etc.
Nagawali ang imong larawan
Sa duha ka tangkod nga semana
Ug daghang tawo nahigawas
Sa mga sayup ug kasal-anan
Ang mga sala nagkadiyutay,
Ug ang paglumay nga bakakon.
Kami Vicente sa Dios ig-ampo etc.
Sa pagmilagro nagabagting ka
Ug ang mga tawonga maluya
Sa mga kasakit nga daghanan,
Ngatanan imong gilipayan,
Ang kasakit sa silot gitambalan
Sa imo lamang nga pagtambong.
Kami Vicente sa Dios ig-ampo etc.
Ang mama, ang buta ug bakul
Ang pi-ang ug ang tawo nga bungol
Gitambalan mo, u gang miabut
Sa paghalok sa tiil mong santos
Ngani ang mao nga punoan mo,
Ikaw gayud ang gipamilagro.
Kami Vicente sa Dios ig-ampo etc.
Mananabang ka sa mga mag-alanak,
Ingon man sa dili makag-anak,
Pagkakuhaan mo sa kabilingan
Aron dayon mahimo nga inahan,
Ang pobres nga makalooy ug hangol,
Gibuhat mo ang kabus o datu.
Kami Vicente sa Dios ig-ampo etc.
Minatay kap-atan ug unom
Ang gipanggawas mo sa lubong
Kay gibuhi mo sila pag-usab
Ug sa kalibutan giuli mo
Ug kay nawala sa ngalan mo
Ang lalang sa bitin nga maitom.
Kami Vicente sa Dios ig-ampo etc.
Ang usa ka umol nga dugo
Sa reliquias mo gitongtong
Ug gilayon gayud nahimo
Ang usa ka bata nga maanindot
Mao ra usab ang nahitabo
Sa anak sa usa ka kaballero.
Kami Vicente sa Dios ig-ampo etc.
Doctor man Anghel ug Propeta
Birhen ug Apostol ginganlan ka
Ug gibuhat mo ang imong paglaban
Sa mga debotos mong ngatanan,
Sa pagpangamuyo na nimo
Sa pagtabang mo sa kamatayon.
Kami Vicente sa Dios ig-ampo etc.
Kay mag-alampo ka nga tinuod
Ug manlalaban ka man namo.
Kami Vicente sa Dios ig-ampo
Kami nga kanimo managlaum.
ANTIFONA
Tabangan mo kami, San Vicente, niining
walog nga luhaan ug ihatud mo kami kang
Kristo sa dalan nga pagalaktan mo.
V. Ig-ampo mo kami, Amahan
nga si San Vicente.
R. Aron kami mahimong takus ug
makadangat sa mga gisaad ni Jesucristo.
PAG-AMPO
Dios nga nalooy Ka sa kadaghanan nga mga tawo
aron sila managpakaila sa ngalan Mo gikan sa
katingalahan nga pagwali ni San Vicente nga ulipon
Mo, tugutan Mo kami nga mahimo unta nga magbalus kanamo sa langit,
Si Jesucristo nga Ginoo namo, nga gibalaod Niya nga moanhi
Siya sa kalibutan sa paghukom kanamo Amen.
