18/02/2026
ASH WEDNESDAY REFLECTION
Tema: Tulo ka Lakang sa Tinuod nga Paghinulsol
Mga hinigugmang katawhan ni Kristo,
Sa atong pagdawat sa abo karon, dili lang kini yano nga ritwal nga nagtimaan sa pagsugod sa Kwaresma.
It is a call to conversion, a turning of our hearts back to God.
Ang A. S. H. (Abo)nagtudlo kanato pinaagi sa usa ka yano apan lawom nga giya alang sa atong panaw niining panahon sa Kwaresma:
A – ASKING FORGIVENESS (Pagpangayo og Pasaylo)
-Ang Kwaresma magsugod sa pagkamatarong sa atubangan sa Diyos.
Ang tinuod nga paghinulsol magsugod sa pag-ila sa atong mga sala ug paghangyo og pasaylo.
Mangayo kita og pasaylo sa Diyos tungod sa mga higayon nga napakyas ta sa paghigugma ngadto kaniya ug sa matag-usa.
Mangayo kita og pasaylo sa mga tawo nga atong nasakitan, gipalaum, giabusaran, ug wala nato mapanalipdan.
We even ask forgiveness from ourselves for the harsh judgments we place upon our own hearts.
Kay ang pagpangayo og pasaylo dili kahuyang; it is the first act of courage in choosing to be transformed!
S – SURRENDERING TO GOD (Pagtugyan sa Kaugalingon ngadto sa Diyos)
-Ang paghinulsol dili lang pagbiya sa sala; kini mao ang pagtugyan sa atong kinabuhi sa Diyos.
Itugyan nato ang atong:
GARBO, KASUKO, KAHADLOK, PAGDUMOT, KASINA, KABALAKA, PROBLEMA,
ug bisan ang atong mga plano nga dili na uyon sa kabubut-on sa Diyos.
When we surrender, we stop trying to control everything. We allow God to reshape our hearts. Ug dinhi pa lang ang abo mahimong yuta nga tamnan sa bag-o natung pagkinabuhi.
H – HOPEFUL FOR A NEW BEGINNING (Paglaum sa Bag-ong Sinugdanan)
-Ashes remind us of our mortality,but they do not have the final word.
Buot pasabot mga igsoon, ang Kwaresma dili panahon sa kawalay paglaum,
kundili panahon sa paglaum alang sa bag-ong sinugdanan.
Bisan pa man kapila na kita napakyas, ang Diyos kanunay naghatag kanato og laing higayon sa pagsugod pag-usab. Kay ang grasya sa Diyos mas labaw pa kaysa atong mga sala, ug ang Kalooy sa Diyos is stronger than our past.
Sa katapusan, hinaot nga sa atong pagdawat sa abo karon, gidawat nato kini dili lang sa atong agtang taman, dayon mag post sa social media, kundili sa kasingkasing ug sa atong pagkinabuhi niini nga kalibutan.
Hinudumi kining 3 ka butang sa atong panaw niining Kwaresma:
➡️ A – ASK for forgiveness!
➡️ S – SURRENDER your life to God!
➡️ H – HOPE for a new beginning!
Amen!
