St. Martin of Tours Catholic Charismatic Community - Taal Batangas

23/01/2026

PAANYAYA

Lahat po ay inaanyayahang makiisa sa pagdiriwang ng Banal na Misa mamaya sa Archdiocesan Shrine of Our Lady of Caysasay na pangungunahan ni Rev. Fr. Mags Casala - isang misa-pasasalamat ng St. Martin of Tours Catholic Charismatic Community sa nagdaang taon 2025 at pagtataas ng mga adhikain ng komunidad sa taong 2026.

Magkita-kita po tayong lahat!

01/12/2025

Archbishop Gilbert Garcera of Lipa officially assumes today presidency of the Catholic Bishops’ Conference of the Philippines. Read more: https://tinyurl.com/3vjkefv9

15/11/2025

10/10/2025

PAANYAYA

BUKAS, ika-11 ng Oktubre, 2025, araw ng Sabado, ganap na ika-8 ng umaga hanggang ika-4 ng hapon, isang Catholic Life in the Spirit Seminar ng gaganapin sa Kapilya ni San Vicente Ferrer sa Brgy. Buli, Taal, Batangas. Layunin nito na tulungan tayong mga Katoliko na maranasan ang kapangyarihan at presensya ng Banal na Espiritu sa ating buhay, upang lumago ang ating relasyon kay Hesukristo at sa Simbahan at tanggapin ang mga kaloob (o gifts) at grasya Nito. Sama-sama tayo sa ating paglalakbay na puno ng pag-asa. Ito ay sa pangunguna ng St. Martin of Tours Catholic Charismatic Community (SMTCCC) at bukas po sa lahat. Makipag-ugnayan lang po kay Sis. Virgie Andal o kay Sis. Lovella Villanueva sa pagpapatala.

Maraming salamat po!

26/07/2025

HEALING MASS

Malugod na inaanyayahan ang lahat sa isang Healing Mass sa darating na ika-1 ng Agosto, taong kasalukuyan, araw ng Byernes, ika- 5:30 ng hapon, na gaganapin sa loob ng ating Basilica. Ang misa po ay pangungunahan ni Rev. Fr. Arlo Bernardo Yap, kasalukuyang Executive secretary ng Episcopal Commission on Biblical Apostolate ng Catholic Bishops Conference of the Phils o CBCP. Ito ay hatid sa ating parokya ng St. Martin of Tours Catholics Charistmatic Community (o SMTCCC) sa diwa pa rin ng ‘synodality’, ngayong taon ng hubileyo para sa ating mga namamanatang manlalakbay ng pag-asa (o Pilgrims of Hope).

Maraming salamat po!

29/06/2025

𝐏𝐨𝐩𝐞'𝐬 𝐃𝐚𝐲 𝐚𝐧𝐝 𝐂𝐨𝐧𝐟𝐞𝐫𝐦𝐞𝐧𝐭 𝐨𝐟 𝐏𝐚𝐩𝐚𝐥 𝐀𝐰𝐚𝐫𝐝𝐬

Inaanyayahan ang lahat na dumalo at makiisa sa Archdiocesan Celebration ng Pope’s Day at pagkakaloob ng Papal Awards na gaganapin sa Hunyo 30, 2025 (Lunes), ganap na ika-9:00 ng umaga sa Minor Basilica and Parish of St. Martin of Tours, Taal, Batangas na pangungunahan ng Lub. Kgg. Gilbert A. Garcera, DD., Arsobispo ng Lipa.

Sama-sama nating ipanalangin ang ating Santo Papa at ipagdiwang ang pagkakaloob ng natatanging biyaya at pagkilala sa mga lingkod ng Simbahan.

Nawa’y maging sandigan tayo ng pagkakaisa, pananampalataya, at pag-asa sa ilalim ng kanyang Banal na Patnubay.

26/04/2025

PAANYAYA
Ngayong darating na Sabado, ika-26 ng Abril, 2025, pagkatapos ng 5pm na misa, sama-sama tayo bilang isang sambayanan na sumamba sa Banal na Sakramento, mag-alay ng mga panalangin at itaas sa Panginoon na ipagkaloob Niya ang walang hanggang kapahingahan sa ating mahal na Santo Papa Francisco.

Ipagpasalamat natin ang buhay na kanyang ipinamalas, sa lahat ng aral na kanyang ipinahayag lalo't higit ang pagpapakilala sa ating Diyos na maawain, mapagmalasakit, kumakalinga sa mga dukha, nakikinig sa mga walang tinig at api.

"Requiescat in Pace"

29/03/2025

PAANYAYA
Malugod na inaanyayahan ang lahat sa isang Lenten Recollection sa darating na ika-5 ng Abril, taong kasalukuyan, araw ng Sabado, sa ating Parish Hall, ganap na ika-8 n.u. hanggang ika-4 n.h.. Ito ay pangungunahan ni Bro. Jing Mendoza, kasalukuyang Presiding Counselor ng Loved Flock Catholic Charismatic International Renewal Ministries at Vice-President ng Federation of Transparochial Charismatic Communities. Ito ay sa pakikiisa ng St. Martin of Tours Catholic Charistmatic Community (o SMTCCC) sa ating parokya sa diwa ng ‘synodality’, ngayong taon ng hubileyo para sa ating namamanatang manlalakbay ng pag-asa (o Pilgrims of Hope).

Maraming salamat po!