02/11/2025
Ang Pulong sa Dios nagaingon sa Jeremias 3:15
Ug hatagan ko kamo ug mga magbalantay nga uyon sa akong kasingkasing, nga magapakaon kaninyo sa kinaadman ug salabutan.
Jeremiah 3:15
___________________________________________
Ako nahinomdom sa mga pagtudlo
nga naga ingon
Adunay Tulo (3) ka butang nga kinahanglan nga naa sa tawo o kristohanon
1. Kinahanglan naay Dios nga Gihigugma
2. Naay simbahan nga Gipasilungan
3. Naay Pastor nga Gipasakupan
Ug mapasalamaton mi nga nakabaton mig, dili lang kung usa, kundili tulo ka Pastor nga kanamo naghigugma
UNA....
Kanimo Pastora, Salamat sa imong pagmatuto kanamo, labi na kanamong mga batan-on. Naila Ka namo sa daghang panahon ingon nga among ulohan sa mga batan-on, ate nga among kasumbongan ug kadangpan
Sa mga tatay ug nanay, ikaw si lang nga ilang nailhan, bibo ug abtik kaayo ug ginagamit sa Dios nga makusaganon kaayo
Ang mga downfall ug disappointment sa imong kabatan-on, nahimo nimong testimonyo karon
Kay lahi gyud diay kung ang Plano sa Dios maoy atong tumanon Kay kinsay nagdahom nga mahimo Ka namong Pastora karon.
Salamat Pastor Jarlon Deguilla, Jr. o JR nga nailhan sa kadaghanan
Nakita namo imong dedikasyon,
Bisag ga lisod naka, Napuno na sa singot, ug kapoy na kaayo,
Apan mu guitara, mukatawa ug nagpabilin Kang mapainobsanon sa gihapon.
Ikaw nagpaling masinugtanon sa tanang panahon,
Simple lang kung lantawon, murag ulitawo sa gihapon, apan isog kung sumahon
Ug sa buluhaton, nagpabiling galamiton.
Ug kanimo Pastor Jarlon Deguilla Sr. Inila nga tatay ug ulohan sa Iglesia.
Salamat Pastor, bisag ikaw nailhan nga isog ug estrikto,
Ngani ingon nila, nawong pa lang kahadlokan na
Apan si Pastor Jarlon nga among nailhan tinood istrito pero ang kasing-kasing malukmoy kaayo
Daghang panahon nakatagamtam mig Pag-maso ug martilyo aduna pay mga pulong nga headshot among ulo
Mga pulong nga walay inila, maminatud-on ug walay pagduha-duha, Kay mao kana ang pulong sa Diyos nga imong ginadala-dala
Kay di nimo gusto masamtong ang among pagpangad sa BASTA LANG nga kahimtang.
Diha nimo permi nakong madungog
Dili importante unsay atong masamtangan ning kalibutan basta sa Langit magkitaay ta.
Salamat kaninyo Pastors ug Pastora, kay kung dili ninyo, kung wala mu magpagamit sa Ginoo
Siguro wala mi nakapangalad ug nakabaton og Pagtoo sa Ginoo.
Kung dili ninyo di namo makaila ang matuod nga Dios nga mao si Jesu Kristo
Kung dili ninyo di mi makapangalagad karon, ug makabarog sa kamatuoran
Kung dili ninyo dili namo makauban among pamilya, higala ug mahal sa kinabuhi karon
Kung dili ninyo, di ko makatoo nga bisan ang usa ka mangtas nga inila sa katilingban may panahon lang nga mabag-o pinaagi sa pulong sa Ginoo
Kay kinsa raman mi nga mga tawo kaniadto
Ug karon bisan kami dili man mga inila niining kalibutana apan nailhan mi sa hari sa mga hari ug Dios sa mga Dios, nga nagbuhat niining tanan.
Salamat sa tanan ninyong mga paghago ug sakripisyo,
Wala mi kasayod ug makatugkad sa sulod sa inyong kasing-kasing ug huna-huna
Unsa bug-ay kadako inyong gi sakripisyo gidala-dala alang sa buluhaton
Apan sayri nga sa Dios dili kawang inyong mga paghago
Ug kung unsa may inyong nabatonan karon
Bunga kana sa inyong pagkamatinumanon.
Karon salamat sa inyo Pastor, nakaila mi ug nakabaton mi og Dios nga among Gihigugma
Salamat sa inyo Pastor, naa nami simbahan nga Gipasilungan
Ug Pastor nga among Gipasakupan
Ug karon mapasalamaton mi sa Ginoo nga nakabaton mig mga Pastor nga uyon sa kasing-kasing sa Dios ug Dalaygon ang Dios sa inyong mga kinabuhi
Karon ako uban sa akong mga kaigsoonan Magahatag mi og Pagpasidungog ug Pasalamat diha kaninyo.
