Salmo Ilonggo

04/10/2026

Salmo 80

29/09/2026

Salmo 80
Ika-27 nga Dominggo sa Ordinaryo nga Panahon (Tuig A)
October 4, 2026

S:
Ang Israel amo ang talamnan sang ubas.

Naghawan Sia sing isa ka duog, agod ini magtubo.
Nagpanggamot ini sang madalom kag nagpangalapkap sa bug-os nga duta.
Ngaa bala gin-guba mo ang kudal sa palibot niya?
Karon ang bisan sin-o nga nagaagi
makapanguha sang iya bunga. (S)

Ang mga baboy nga talunon nagatasak sini,
kag ginakaon ini sang tanan nga mga sapat nga talunon.
Talupangda kami, O Dios nga makagagahom!
Gikan sa langit, tamda kami;
kari kag luwasa ang imo balagon sang ubas! (S)

Kari kag luwasa ang balagon nga ikaw gid ang nagtanom,
ining linghod nga balagon nga ginpatubo mo sing mabakod!
Gintutdan ini sang amon mga kaaway, kag ila gintapas.
Tuluka sila sing masakit
kag laglaga sila. (S)

Indi na gid kami magbiya sa imo;
buhia kami, kag magdayaw kami sa imo.
Pabalika kami, O Ginoong Dios nga makagagahom!
Ipakita sa amon ang imo gugma
kag maluwas kami! (S)

28/09/2026

27/09/2026

Salmo 25
Ika-26 nga Dominggo sa Ordinaryo nga Panahon Tuig A
September 27, 2026

S:
Ginoo, dumdoma man ang Imo kaayo
kag mapinadayunon nga gugma

Tudloi ako sang imo mga dalanon, O Ginoo.
Ipakilala man ini sa akon.
Tudloi ako sa pagkabuhi suno sa imo kamatuoran
Kay Ikaw ang akon Dios nga nagaluwas sa akon.
Sa tanan nga tion nagasalig ako sa Imo. (S)

Ginoo, dumdoma man ang Imo kaayo kag mapinadayunon nga gugma,
nga imo ginpakita halin pa gid sang una.
Patawara man ang akon mga sala kag mga kasaypanan sang akon pagkapamatan-on,
tungod sang imo mapinadayunon nga gugm kag kaayo,
dumdoma man ako, O Ginoo. (S)

Tungod kay ang Ginoo matarong kag maayo,
ginatudluan Niya ang mga makasasala sang dalan nga ila pagaagyan.
Ginatuytoyan Niya ang mapainuboson
sa matarong nga dalan,
kag Iya sila ginatudloan sang Iya kabubot-on. (S)

19/09/2026

Ika-25 nga Dominggo sa Ordinaryo nga Panahon (Tuig A)
September 20, 2026

SALMO 145

S: Ang Ginoo malapit sa tanan nga nagapanawag sa Iya.

Sa tagsa ka adlaw magapasalamat ako sa imo;
dayawon ko Ikaw sa wala sing katubtoban.
Ang Ginoo gamhanan kag dapat gid dayawon sing labi,
ang Iya pagkagamhanan indi mahangpan. (S)

Ang Ginoo mahigugmaon kag maluloy-on,
indi madali mangakig kag puno sang mapinadayunon nga paghigugma.
Maayo Sia sa tanan kag maluloy-on
sa tanan nga Iya ginhimo. (S)

Ang Ginoo matarong sa tanan nga Iya ginahimo,
maluloy-on sa tanan Niya nga mga buhat.
Malapit Sia sa tanan nga nagapanawag sa Iya,
nga nagapanawag sa Iya sing maminatud-on. (S)

12/09/2026

Ika-24 nga Dominggo sa Tuig A
(Ordinaryo nga Panahon)
September 13, 2026

Salmo 103

S: Ang Ginoo maluloy-on kag mahigugmaon, indi madali mangakig, kag puno sang mapinadayunon nga gugma.

Dayawa ang Ginoo, O kalag ko!
Dayawa ang Iya balaan nga Ngalan, bug-os ko nga tagipusuon!
Dayawa ang Ginoo, O kalag ko!
Kag indi pagkalimti kon daw ano ang Iya kaayo. (S)

Ginapatawad Niya ang tanan ko nga mga sala
kag ginaayo Niya ang tanan ko nga balatian;
ginaluwas Niya ako sa lulogngan
kag ginalikupan Niya ako sang gugma kag kaluoy. (S)

Wala Sia nagasabdong sing dalayon;
ang Iya pagpangakig wala nagapadayon.
Ang Iya silot kulang pa sang nagakabagay sa aton,
ukon nagabalos sa aton tungod sang atong mga sala kag mga kasaypanan. (S)

Subong sang kataas sang langit sa ibabaw sang duta,
amo man kadako sang Iya paghigugma sa mga nagatahod sa Iya.
Subong sang kalayo sang sidlangan sa nakatundan,
amo man ang Iya pagpahilayo sang aton mga sala sa aton. (S)

07/09/2026

Mary’s “yes” changed everything. Through her courage and trust in God, Emmanuel came into the world, bringing light, hope, and love.

May we also have the same courage to say “yes” to God, even in simple ways. May we be a light to others and carry His hope, kindness, and love wherever we go.
#𝑉𝑖𝑟𝑔𝑒𝑛𝐷𝑜𝑙𝑜𝑟𝑜𝑠𝑎𝑃𝑎𝑟𝑖𝑠ℎ

30/08/2026

Salmo 63
Ang akon kalag ginauhaw sa Imo, ao Ginoo nga akon Dios.