Salmo Ilonggo

04/04/2026

Exsultet

https://docs.google.com/presentation/d/1ehd4LSvNHB-LgcLy9KuNKNh7R1rAtdhn/edit?usp=drivesdk&ouid=107551042222841207444&rtpof=true&sd=true

10/03/2026

09/03/2026

Karon nga adlaw pamatii ninyo ang ginasiling sang Ginoo:
"Indi ninyo pagpatig-aha ang inyo mga kasing-kasing.'

21/02/2026

Unang Dominggo sa Kwaresma
Pebrero 22, 2026
https://drive.google.com/file/d/1HLtGzXHKml3LWh9tXpM7C41Rs3s1mN5w/view?usp=sharing

Salmo 51

S:
Kaluoyi kami, O Ginoo, kay nakasala kami.

Ginaakko ko ang akon mga kasaypanan,
ginakilala ko ang akon mga sala sa tanan nga tion.
Nakasala ako sa imo, sa imo gid lang, kag ginhimo ko ang ginapakalainmo.
Gani matarong ikaw sa imo paghukom sa akon; may katarungan ikaw sa pagkondenar sa akon. (S)

Malaut ako halin sa tion nga ginbun-ag ako,
halin pa sang adlaw sang akon pagkatawo nangin makasasala ako.
Ang matutom nga tagipusoon amo ang imo ginapangita;
pun-a sang imo kaalam ang akon panghunahona. (S)

I-uli sa akon ang kalipay sang imo kaluwasan,
kag himoa ang akon espiritu nga magmatinumanon.
Dayon tudloan ko ang mga makasasala sang imo mga sugo,
kag magabalik sa imo. (S)

Luwasa ang akon kabuhi, O Dios nga akon manlulowas;
kag ibantala ko sing malipayon ang imo pagkamatarong.
Ang akon halad, O Dios, amo ang mapainubuson nga espiritu,
ang mapainuboson kag matinumanon nga tagipusoon indi mo pagsikwayon. (S)

11/01/2026

Dominggo sang Pagbunyag sa Ginoo

Salmo 28
Ang Ginoo magabendisyon sing paghidait sa Iya banwa.

11/12/2025

Ika-3 nga Dominggo sa Adbiento
Gaudete Sunday

Print: https://drive.google.com/file/d/1-NMIXYQhzbHfzOkarElYrtTm_wnI0gWB/view?usp=drive_link

Salmo 12

S:
Magkari ka, O Ginoo, sa pagluwas sa amon.

Ginatuman Nia sa gihapon ang Iya mga saad,
Nagahukom Sia pabor sa mga ginapigos,
kag nagahatag Sia sing kalan-on
Sa mga ginagutom. (S)

Ang Ginoo nagahilway sa mga binilanggo kag nagaayo sang mga bulag.
Ginbayaw Niya ang mga ginapaubos,
Ginahigugma Niya ang Iya matarong nga mga tawo.
Ginaapinan Niya ang mga dumuluong nga nagapuyo sa Iya duta. (S)

Ginabuligan Niya ang mga balo nga babaye kag mga ilo,
Pero ginaguba Niya ang mga plano sang mga malaut.
Ang Ginoo nagahari sa walay katubtoban!
Ang imo Dios, O Sion, magagahom sa tanan nga panahon! (S)

11/12/2025

Ika-2 nga Dominggo sa Adbiento
December 7, 2025

Print: https://drive.google.com/file/d/10dR-6GNNJi-m9l23065lbfZ5LLQExm0t/view?usp=sharing

Salmo 72

S:
Kabay nga sa Iya panahon magaluntad ang pagkamatarong,
kag ang kauswagan sang paghidait magapadayon.

Tudloi ang hari sa paghukom suno sa Imo pagkamatarong;
O Dios, ipaambit sa Iya ang Imo kaugalingon nga katarungan -
agod magahari Sia sa Imo mga tawo suno sa katarungan,
Kag magagahom Sia sang matarong sa mga imol. (S)

Kabay nga sa Iya panahon magaluntad ang pagkamatarong,
kag ang kauswagan magapadayon samtang nagasanag ang bulan.
Ang Iya ginharian magalambot halin sa dagat tubtob sa isa;
halin sa suba Eufrates tubtob sa ukbong sang duta. (S)

Ginaluwas Niya ang mga imol nga nagapanawag sa Iya,
kag ang mga nawad-an kag mga pinatumbayaan.
May kaluoy Sia sa mga maluya kag imol,
ginaluwas Niya ang kabuhi sang mga nawad-an. (S)

Kabay nga ang ngalan sang hari indi gid pagkalimtan,
kabay nga ang iya pagkabantog magapadayon subong sang adlaw.
Kabay nga ang tanan nga pungsod magadayaw sa iya,
kabay nga ang tanan nga tawo magadayaw sa Dios,
nga bendisyonan sila subong sang Iya pagbendisyon sa hari. (S)

11/12/2025

Unang Dominggo sa Adbiento
November 30, 2025

Print: https://drive.google.com/file/d/1rVe5Epr1fFRjA9BqqaAwg8jalA7v8JMX/view?usp=sharing

Salmo 24

S:
Makadto kita sa balay sang Ginoo nga nagakasadya.

Nagkasadya ako sang pagsiling nila sa akon:
"Dali, makadto kita sa balay sang Ginoo!"
Kag karon yari na kita diri,
nga nagatindog sa sulod sang mga puwerta sang Jerusalem! (S)

Diri nagakadto ang mga tribo, ang mga tribo sang Israel,
sa pagpasalamat sa Ginoo, suno sa Iya ginsugo sa ila.
Diri napahamtang ang mga hukmanan,
sa diin ang hari nagahukom sang Iya mga tawo. (S)

Magpangamuyo kamo agod may paghidait sa Jerusalem!
Kabay pa nga ang mga nagahigugma sa Imo magmainuswagon!
Kabay nga may paghidait sa sulod sang mga pader,
kag kalig-onan sa imo mga palasyo. (S)

11/12/2025

Christ, King of the Unitverse - Tuig C
November 23, 2025

Print:
https://drive.google.com/file/d/1cy1wJOraMvS6e28GpAeMICGdcVXygWgP/view?usp=sharing

Audio: N/A

Salmo 122

S:
Nagakasadya kami nga nagakadto sa balay sang Ginoo.

Nagkasadya ako sang pagsiling nila sa akon,
"Dali, makadto kita sa balay sang Ginoo!"
Kag karon yari na kita diri nga nagatindog
Sa sulod sang mga puwerta sang Jerusalem. (S)

Diri nagakadto ang mga tribo, ang mga tribo sang Israel,
sa pagpasalamat sa Ginoo suno sa Iya ginsugo sa ila.
Diri napahamtang ang mga hukmanan
sa diin ang hari nagahukom sang Iya mga tinawo. (S)