NWLD Wesleyan Church

21/02/2026

Fellowship

12/02/2026

10/02/2026

REFLECTION

No palubosantayo nga iturayannatayo ti pannakabalin ti Dios, ad-adu ti aramidenna —para iti iglesiana ken para kadagiti sumaruno a kaputotan.

daytoy ket naadaw manipud iti REFLECTIVE PERSONAL DEVOTIONAL TIME material nga intedda iti CHURCH GROWTH CONVERGENCE

What God desires to do is often far beyond what we can calculate, predict, or imagine—yet He chooses to work through us, by His Spirit.
This convergence, therefore, is not merely a meeting of minds or ministries. It is a gathering of hearts—called to be renewed, humbled, and re-centered on God’s sufficiency. Before we move forward in mission, we pause to be still, to listen, and to allow God to realign us for the work ahead.

10/02/2026

Uray sumurot ti adu iti lubong, agtalinaed ti pudno a namati iti Dios.
Napigsa. Natured. Saan nga agmaymaysa.
Kumuyog kadatayo ti Apo iti sadinoman a papanantayo. (Josue 1:9)

07/02/2026

Faith and Grace

Faith is how we access God’s grace.

Through Him we also have access by faith into this grace in which we stand, and we rejoice on the hope of the glory of God.
(Rom 5:2)

Grace is not earned or worked for—it is God’s gift.
Saan a maiteggedan wenno maitrabahoan tapno magun-od ti parabur—sagut ti Dios daytoy.

“Ta gapu iti parabur ti Dios, naisalakantayo babaen iti pammati. Saanyo nga insalakan ti bagiyo gapu iti inaramidyo. Insagut kadakayo ti Dios ti pannakaisalakanyo tapno awan ti mangipasindayag iti daytoy. ” (Efeso 2:8–9).

03/02/2026

Taraon ti Kararua manipud iti PANSIT BATIL PATONG idiay Paracelis, Mt. Province

Iti pannaka-awis tayo para iti revival iti Palitud WesleyanChurch, Paracelis, Mountain Province, impalagip kadatayo ti Dios a mapasamak met ti ministry iti aglawlaw ti lamisaan, saan laeng nga iti uneg ti kapilya.

Maysa a naragsak ken managsuporta a kameng ken elder ti kapilya, ni Manang Ptra Sagulo Carpio, ti sibabara a nangawis kadakami iti snack house-na para iti merienda. Indasarna kadakami ti Pansit Batil Patong—yummy ken makapnek unay luto ti pansit—agraman ti milk tea. Saan laeng a taraon daytoy; wagas daytoy ti Dios a mangpabang-ar kadagiti adipenna kalpasan ti napaut a panagbyahe.
Nalatak ti Pansit Batil Patong gapu ngata kadagiti nagpapatong a makan—noodles, karne, nateng, ken itlog iti rabawna. Kasta met laeng ti Nakristianuan a kinamanagpadagus addaan kadagiti patong:

Asikasuem dagiti nabannog
Ragsak iti panagserbi
Ayaten a di mangnamnama iti aniaman a subad

Ti panangabrasa ni manang, Ptra ket nangiparangarang iti puso ni Cristo—naulimek, naragsak, ken naparabur. Saan a nangikasaba iti sermon, ngem napigsa ti panangasaba ti kinamanagpadagusna. Kas ken ni Lidia iti Aramid 16, a nanglukat iti pagtaenganna kadagiti adipen ti Dios, linuktanna ti lamisaanna —ket iti panangaramidna iti dayta, nagbalin a paset ti ministerio.

“Laglagipenyo a pasangbayen dagiti ganggannaet. Adda dagiti nagpadagus iti balbalayda a dida ammo nga angheles dagiti sinangailida.”
— Hebreo 13:2

Impalagip daytoy plato ti Pancit Batil Patong kadakami nga:
Sabten ti Apo ti pagkasapulan ken papigsaenna dagiti adipenna babaen iti kinaimbag dagiti tattaona.

Sapay koma ta masursurotayo amin daytoy simple ngem nabileg a kinapudno:
No dadduma, ti kasayaatan a ministerio ket ti nabara a panangabrasa, kinamanagpadagus, panangibingay iti pannangan, ken puso a mangibagbaga, “Umaykayo, WELCOME kayo ditoy.”

Babaen ti naragsak a kinamanagpadagusna, napadasanmi ti ayat ni Cristo iti simple unay ngem nabileg a wagas. Pudno a ti nabara a panangabrasa ken panagbibinninglay iti pannangan ket mabalin a napintas a ministerio.

“Ibingayanyo dagiti napanglaw a kakabsatyo iti pammati, ket padagusenyo dagiti sangsangaili.” (Roma 12:13) .

Agyamankami manang, Ptra Hyde ken iti sibubukel a Palitud Wesleyan Church, ken iti leadership ni Ptr Markjohn Jacinto Santiago, nupay saankay a masaggaysa a madakamat ken yaramidan iti surat, kangrunanna, agyamankami, Apo, kadagiti adipen nga agserserbi a siraragsak. 🙏

31/01/2026

22/01/2026

Awagannatayo ti Dios nga
iyun-unatayo Isuna iti panawen, ayat, atension, ken panagtulnog.