Sto. Niño Catholic Chapel - Nagyantok

22/01/2026

Mga Sponsor sa Ikatlong araw na Misa Nobenaryo para sa Kaptisahan ni Sto. Niño De Nagyantok

18/01/2026

BAKLAY TA NIÑO | Walk With Niño (Jesus)

Bilang pagsisimula ng ating paghahanda para sa pagdiriwang ng kapistahan ng Poong Sto. Niño, buong pananampalataya at pagpapakumbaba na isasagawa ng ating Simbahan ang Baklay Ta Niño (Walk with Jesus)—isang Penitential Walk na sumisimbolo sa unang hakbang ng ating espirituwal na paglalakbay, bukas ng ika-5 ng Hapon, January 19, 2026.

Sa bawat hakbang ng paglalakad, ipinahayag ng sambayanan ang kanilang panata ng pagsisisi, panalangin, at pagtitiwala sa Batang Hesus, ang Hari ng Liwanag at Buhay ng Sambayanang Naglalakbay. Ang gawaing ito ay paanyaya sa lahat na sabayan si Kristo sa landas ng pananampalataya, yakapin ang kababaang-loob, at ihanda ang puso sa mas makabuluhang pagdiriwang ng Fiesta Señor.

Ang Baklay Ta Niño ay hindi lamang pisikal na paglalakad, kundi isang malalim na pagpapahayag ng pananampalataya—isang sama-samang paglalakbay ng sambayanan patungo sa liwanag, buhay, at biyayang nagmumula sa Poong Sto. Niño.

Viva Señor Sto. Niño!
Sto. Niño, kaawaan Mo kami.

10/01/2026

FIESTA SEÑOR 2026
Official Theme and Symbolism Explanation

OFFICIAL THEME
“Sto. Niño, Hari ng Liwanag at Buhay ng Sambayanang Naglalakbay”

Ang temang ito ng Fiesta Señor 2026 ay nagpapahayag ng pananampalataya ng sambayanan na ang Poong Sto. Niño ang Hari na nagbibigay-liwanag at buhay sa Kanyang bayan sa kanilang patuloy na paglalakbay sa buhay. Bilang Batang Hari, Siya ang gabay sa landas ng pananampalataya at ang lakas ng sambayanang humaharap sa hamon ng panahon nang may pag-asa at pagtitiwala sa Diyos.

OFFICIAL EXPLANATION
Ang Fiesta Señor 2026 ay isang makabuluhang pagdiriwang ng pananampalataya, pasasalamat, at panata ng sambayanan sa Poong Sto. Niño, ang Hari ng Liwanag at Buhay ng Sambayanang Naglalakbay.

Sa pagdiriwang na ito, kinikilala ng sambayanan ang Sto. Niño bilang kasama at gabay sa kanilang paglalakbay—isang Diyos na malapit, mapagkalinga, at tapat sa Kanyang bayan. Ang Fiesta Señor ay paanyaya sa lahat na ipagpatuloy ang paglalakbay nang may pananampalataya, pag-asa, at pag-ibig, habang buong pagtitiwalang iniaalay ang buhay sa kalooban ng Diyos.

OFFICIAL LOGO SYMBOLISM

A. Imahe ng Sto. Niño
Ang imahe ng Sto. Niño na nasa gitna ng logo ay nagpapahayag na Siya ang sentro, gabay, at patutunguhan ng sambayanang naglalakbay. Bilang Batang Hari, ipinakikita Niya ang paghaharing nakaugat sa kababaang-loob, awa, at walang hanggang pag-ibig.

B. Limang Sinag ng Araw (Five Sunrises)
Ang limang sinag ng araw ay kumakatawan sa Limang Pagsikat ng Araw, sagisag ng patuloy na panalangin at araw-araw na paglalakbay ng sambayanan sa piling ng Diyos. Ang bawat sinag ay may sariling kahulugan:

1. Pananampalataya – Sumisimbolo sa matibay na pananalig sa Diyos na nagsisilbing pundasyon ng buhay-Kristiyano — liwanag na gumagabay sa sambayanang naglalakbay.

2. Pag-asa – Tanda ng pagtitiwala sa mga pangako ng Diyos at paniniwalang sa Kanya may bagong simula — lakas na nagtutulak magpatuloy sa kabila ng pagsubok.

3. Pag-ibig – Sagisag ng wagas na pagmamahal ng Sto. Niño at paanyaya na mahalin ang kapwa nang may awa, malasakit, at ugnayang nagbubuklod sa sambayanan bilang iisang katawan kay Kristo.

4. Panalangin at Panata – Kumakatawan sa masikhay na panalangin, sakripisyo, at tapat na debosyon ng sambayanan. Ito ang sandigan ng sambayanang naglalakbay sa bawat yugto ng buhay.

5. Bagong Buhay at Pagbabagong-loob – Sumisimbolo sa pagbabagong hatid ni Kristo — isang buhay na pinapaging banal at pinaninibago araw-araw. Ang layunin ng paglalakbay ay ang mamuhay ayon sa kalooban ng Diyos.

Ipinahihiwatig ng mga sinag na sa bawat pagsikat ng araw, ang liwanag at buhay na nagmumula sa Sto. Niño ay patuloy na gumagabay sa sambayanang naglalakbay.

C. Mga Simbolo ng Pagkahari
Ang korona, krus, at setro ay tanda ng pagkahari ni Kristo—isang paghaharing nakaugat sa paglilingkod, sakripisyo, at pag-ibig, at hindi sa kapangyarihan ng mundo.

D. Mga Kulay
Ang ginto at dilaw ay sumisimbolo sa liwanag, kabanalan, at kaluwalhatian ng Diyos; ang p**a ay tanda ng sigla, sakripisyo, at wagas na debosyon ng sambayanang naglalakbay. Ang unti-unting pagliwanag ng likuran ay larawan ng patuloy na paggabay ng Sto. Niño sa landas ng buhay.

PANGWAKAS NA PAHAYAG
Ang Fiesta Señor 2026 ay isang makabuluhang pagdiriwang ng pananampalataya at pasasalamat ng sambayanan sa Poong Sto. Niño, ang Batang Hari at Panginoon ng buhay. Sa taong ito, ang pagdiriwang ay nagsisilbing paanyaya na kilalanin ang Sto. Niño bilang Hari ng Liwanag at Buhay, na patuloy na gumagabay at nagpapala sa Kanyang bayan.
Ipinahahayag ng Fiesta Señor 2026 ang pananalig ng sambayanan na ang bawat pagsalubong sa bagong yugto ng buhay ay pagkakataon upang muling ialay ang sarili sa Diyos.

Sa gitna ng pagdiriwang, ang Sto. Niño ay kinikilalang bukal ng pag-asa, lakas, at biyaya—isang presensiyang nagbibigay-liwanag sa pananampalataya at nagpapasigla sa buhay-Kristiyano.

Ang Fiesta Señor 2026 ay hindi lamang isang tradisyunal na kapistahan kundi isang panata ng pagtitiwala at pagpapakumbaba. Ito ay paanyaya sa lahat na mamuhay ayon sa liwanag ni Kristo, yakapin ang Kanyang pagmamahal, at maglakad bilang isang sambayanang binubuklod ng pananampalataya, debosyon, at pasasalamat sa Poong Sto. Niño.

Sa kabuuan, ang Fiesta Señor 2026 ay isang panawagan sa sambayanan na ipagpatuloy ang kanilang paglalakbay nang may pananampalataya, na kinikilala ang Poong Sto. Niño bilang Hari ng Liwanag at Buhay ng Sambayanang Naglalakbay—ang kasama, gabay, at patutunguhan ng kanilang buhay-Kristiyano.

Logo Created by Kurt Jansen Labrador

Sto. Niño, kaawaan mo po kami!

25/12/2025

24/12/2025

Ang 𝙈𝙞𝙣𝙞𝙨𝙩𝙧𝙮 𝙤𝙛 𝘼𝙡𝙩𝙖𝙧 𝙎𝙚𝙧𝙫𝙚𝙧 – 𝙎𝙩𝙤. 𝙉𝙞𝙣𝙤 𝘾𝙖𝙩𝙝𝙤𝙡𝙞𝙘 𝘾𝙝𝙖𝙥𝙚𝙡 ay nagsagawa ng 𝙋𝙖𝙭 𝙏𝙚𝙘𝙪𝙢 upang ipahayag ang pagtanggap kay Kristo na isinilang para sa ating lahat, at upang dalhin ang Kanyang kapayapaan sa bawat tahanan at pamayanan.

Ang 𝙋𝙖𝙭 𝙏𝙚𝙘𝙪𝙢 ay isang banal na debosyon kung saan ang imahe ng Batang Hesus ay ibinabahay-bahay bilang tanda na si Kristo ay patuloy na dumarating—hindi lamang sa pagdiriwang ng Pasko, kundi sa pang-araw-araw na buhay ng Kanyang bayan.

Nawa maging mensahe ito sa ating lahat na ang tunay na diwa ng Kapanganakan ng Panginoon ay ang pagbubukas ng ating puso at tahanan sa Kanya, upang maghari ang kapayapaan, pag-ibig, at pagkakaisa.

Pagpalain nawa tayo ng Batang Hesus at punuin ang ating mga tahanan ng Kanyang kapayapaan.

24/12/2025

Magandang Araw sa ating lahat!

Nais po naming ipabatid sa lahat ng mananampalatayang Katoliko sa buong Nagyantok at sa karatig sitio nito na magkakaroon po tayo ng Christmas Mass bukas, December 25, 2025 sa ika-9 ng umaga na pamumunuan ni Rev. Fr. Ernesto C. Raymundo — ang ating Kura Paroko.

Maligayang Pasko po sa ating lahat!

14/12/2025

𝙋𝘼𝘼𝙉𝙔𝘼𝙔𝘼 | 𝙎𝙄𝙈𝘽𝘼𝙉𝙂 𝙂𝘼𝘽𝙄

Schedule ng Paring magmimisa sa ating Kapilya simula Disyembre 15 hanggang 23.

14/12/2025

𝙋𝘼𝘼𝙉𝙔𝘼𝙔𝘼 | 𝙎𝙄𝙈𝘽𝘼𝙉𝙂 𝙂𝘼𝘽𝙄

Narito po ang mga sponsor ng bawat araw ng Simbang Gabi simula Disyembre 15 hanggang 23.
Maraming Salamat po sa walang sawang pagsuporta sa ating simbahan.

Pagpalain nawa po lagi tayong lahat ng Panginoong ating Diyos!

14/12/2025

𝙋𝘼𝘼𝙉𝙔𝘼𝙔𝘼 | 𝙎𝙄𝙈𝘽𝘼𝙉𝙂 𝙂𝘼𝘽𝙄

Paanyaya sa lahat ng mananampalatayang Katoliko sa buong Nagyantok at sa karatig lugar nito na makibahagi sa Sto. Niño Catholic Chapel ng Nagyantok Village na gaganapin mula Disyembre 15 hanggang 23 sa ika-5 ng hapon.

Ang siyam na araw na ito ay ang paghahanda sa kapanganakan ng ating panginoong Hesukristo — ang ating tagapagligtas. Nawa sa siyam na araw na pagsisimba na'ting ito na ang ating buhay ay punong-puno ng pag-asa, sapagkat ang Panginoong Diyos ay hindi nakakalimut sa atin sa kabila ng ating pinagdadaanang problema.

Sama-sama tayong manalangin, magtiwala at umasa sa grasiya at pag-ibig na ibinigay ng Diyos sa atin.

Halina Hesus, Halina.

07/12/2025

TINGAN| DEBOSYON KAY SAN TARCISIO, PATRON NG MGA KABATAAN.

Sama-samang nanalangin ang mga lingkod dambana kasama ng mga kabataan ng Nagyantok Youth Ministry bilang pamimintakasi kay San Tarcisio ng Roma — patron ng mga kabataan. Ang gawaing ito'y tanda ng mas lalong pagpapalapit ng mga kabataan sa Diyos sa pamamagitan ng kaniyang mga banal na naglalayong maging katulad ang mga ito sa kanila — ang pagkakaroon ng mabubuting asal, paggawa ng mabuti, at maging Kristo sa kanilang kapuwa.

Ang diwa ng gawaing ito'y nagpapadalisay sa bawat kabataan na maging isang mabuting Kristiyano kung saan namumuhay ng naaayon sa kalooban ni Kristo — kabataang maibigin sa Diyos sa pamamagitan ng Banal na Eukaristiya, kabataang mapagmahal at mapagmalasakit sa kapuwa, at kabataang maging mabuting huwaran sa kanilang kapuwa at sa mga magulang.

Nawa'y ang lahat ng kabataa'y ganito, ang maging mabuti, maibigin sa kapuwa at tinatangi si Kristo.

San Tarcisio, ipanalangin mo kami!

07/09/2025

HABEMUS SANCTUM!

Sts. Carlos Acutis and Pier Giorgio Frassati

Pray for us!