29/08/2026
ORATIO IMPERATA SA PANAHON NG KALAMIDAD
Makapangyarihan at mahabaging Diyos, Ama ng lahat ng sangnilikha, kami ay buong pagpapakumbabang lumalapit sa Iyo sa gitna ng panganib na dulot ng ilang linggong Habagat.
Ipinagkakatiwala namin sa Iyong mapagpalang kamay ang aming Parokya ni Santiago Apostol, ang aming mga pamilya, mga komunidad, at ang lahat ng mga taong maaaring maapektuhan ng sama ng panahon. Ipinagkakatiwala rin namin ang Diyosesis ng Iba at ibang lalawigan sa Gitnang Luzon at rehiyon.
Sa kabila ng aming nararanasan, huwag nawa naming kalimutang magmalasakit sa kalikasan na iisa naming tahanan at sa aming kapwang tulad naming nangangailangan.
Panginoon, ilayo Mo kami sa kapahamakan, palakasin Mo ang aming pananampalataya, at pagkalooban Mo kami ng karunungan upang maging handa, maging maingat, at magmalasakit sa isaβt isa. Ingatan Mo ang mga nagsisikap magbigay ng tulong, ang mga manggagawa, mga responder, at lahat ng nangangalaga sa kaligtasan ng aming kapwa.
Sa pamamagitan ng panalangin ni Santiago Apostol, aming patron, nawaβy ang mga hangin ay humupa, ang ulan ay tumigil sa tamang panahon, at ang Iyong kapayapaan ay manatili sa aming mga puso.
Ito ang aming hinihiling sa pamamagitan ni Hesukristo na aming Panginoon.
Amen.
