24/12/2025
“Let us not love in word or in tongue, but in deed and in truth.” -1 John 3:18 (NKJV)
Ito ang talatang ibinahagi sa atin ni Mrs. Jesusa Ramos noong tayo’y dumalaw sa Tahanang Pinagpala, isang paalala na ang tunay na pag-ibig ay hindi lamang sinasabi, kundi isinasabuhay.
Sa dako ng Cavite, anim na retired workers at kanilang mga pamilya ang ating nakasama sa isang makabuluhang fellowship. Para naman sa mga workers na hindi na nakayanan ang pisikal na pagdalo, tayo ay dumayo at nang-harana noong gabi ng December 13, dala ang mga pamaskong handog na sama-sama nating inihanda. Kasama natin sina Ptr. Art Mendoza, Ptr. Solma Ong, Ptr. Rhodora Gutierrez, at Ptr. Rogelio Canlas, pati na rin sina Ptr. Abner Taglucop at ang kanyang asawa na naglaan ng oras upang makipag-ugnayan at makiisa sa ating kasiyahan. Sa bawat awit at ngiti, naipadama natin na sila ay hindi natin nakakalimutan.
Noong umaga rin nung Sabadong iyon, dalawang retired deaconess - Dss. Marlyne Dela Cruz at Dss. Cristy Flores - ang atin nang napagkalooban ng food packs at cash assistance during the Christmas Cheers ng ating distrito sa Northwest Metro Manila District.
Noong Lunes, December 22, pinuntahan natin at binisita ang apat pang retired workers sa kanilang mga tahanan. Higit pa sa pamasko, nagkaroon tayo ng pagkakataong makamusta, makinig, maipanalangin, at mahandugan ng awit ang ating mga mahal na manggagawa. Tayo ay dumalaw kina Ptr. Juanito Concepcion sa Payatas, Ptr. Agapito Bautista sa Bulacan, Ptr. Jaime Gambito sa North Caloocan, at Ptr. Anita Sagun sa Valenzuela.
Lubos tayong nagpapasalamat sa Diyos sa tagumpay ng ating “Christmas Package for our Retired Workers.” Sabi nga nga isa nating giver na UMYAF na din ngayon, “The sacrifice of the worker will never be matched. Salamat for making us a part of it.”
Kaya nagpapasalamat po kami sa lahat ng naging parte ng inisyatibang ito. Sa loob ng dalawang linggo, naipadama po natin ang pag-alala, pagpapahalaga at pagibig sa ating mga nagretirong pastor at dyakunesa, na in one way or another, ay naging daluyan ng biyaya ng Diyos sa mga kongregasyong kanilang pinaglingkuran, at patuloy na nagiging inspirasyon ng ating pananampalataya.
Ngunit hindi dito nagtatapos ang ating misyon. Patuloy po nating susuportahan ang ating mga retired workers sa mga susunod pang panahon. Ito ay magsisilbing paanyaya sa ating lahat upang makibahagi sa makabuluhang gawaing ito nang paglilingkod.
Maraming salamat at Maligayang Pasko sa ating lahat.
Sa Diyos lamang ang lahat ng papuri.
🙏🏼
