What are the opening hours?

Monday 8am - 5pm Wednesday 8am - 5pm Thursday 8am - 5pm Friday 8am - 5pm Saturday 8am - 5pm

https://web.facebook.com/SanRamonNonatoParishGuinlajon

San Ramon Nonato Parish-Guinlajon, Guinlajon, Sorsogon City, Sorsogon (2026)

20/08/2026

𝘿𝘼𝙇𝘼𝙒 𝙎𝘼𝙉 𝙍𝘼𝙈𝙊𝙉 | An Pagsungko ni San Ramon Nonato sa mga Kapilya

Ngonian na aldaw nakabalik na an imahe ni Señor San Ramon Nonato sa saiyang parokya matapos magbisita sa mga barangay asin mga kapilya. Ini sarong paagi nin pag-andam sa pararani na kafiestahan ni Señor San Ramon Nonato asin sa ika- 35 anibersaryo kan pagiging parokya nin Guinlajon.

Salamatunon po sa gabos na mga kapilya asin mga barangay sa pagpadagos sa satuyang namomotan na patron lalo na po sa mga KPC asin mga Brgy. Council.

20/08/2026

IKA-KAGDUWANG POLO NA MIYERKULES SA ORDINARIONG PANAHON.

ENOT NA BABASAHON (Ezekiel 36:23 – 28)
Pagbasa sa Libro ni Profeta Ezekiel
Olay nin Kagurangnan: / Ipapahiling ko an kabanalan / nin sakuyang dakulang ngaran / na pinagbasang-basang sa mga banwaan, / na saindong pinaglanghadan sa tahaw nindo. / Dangan makakamidbid an katawohan na ako an Kagurangnan, / huli ta sa atubang ninda / papatunayan ko an sakong kabanalan huli saimo, / olay nin Kagurangnan. / Huli ta kukuahon ko kamo hale sa mga banwaan, / titiponon ko kamo hale sa manlaen-laen na rona, / asin dadarahon ko kamo sa sadiri nindong daga. / Wiwirikan ko kamo nin malinig na tubig / asin malilinigan kamo kan gabos nindong kaatian, / asin hahaleon ko sa tahaw nindo an gabos nindong mga diyos-diyos. / Tatawan ko kamo nin bagong puso / asin bubugtakan ko kamo nin bagong espiritu; / hahaleon ko sa saindong hawak an pusong gapo / asin bubugtakan ko nin pusong laman. / Ilalaog ko saindo an sakong espiritu, / asin gigibohon kong maglakaw kamo sa sakuyang mga tugon. / Mag-ingat kamong maka-utob kan sakong mga pagboot. / Mag-eerok kamo sa daga na itinao ko sa saindong mga magurang; / asin kamo magigin sakuyang banwaan, / ako magigin saindong Dios. /
INI AN TATARAMON KAN KAGURANGNAN.

SALMO RESPONSORIO (Salmo 51: 12-13. 14-15. 18-19)

“Papabuloson ko saindo an malinig na tubig
asin huhugason ko an gabos nindong mga kasalan.”

1. Pusong malinig lalanga sako, O Dios,
asin espiritung maimbod tawan sako.
Hare ako pagsikwalan sa saimong atubang,
an saimong banal na espiritu
hare paghalea sako.

2. Giraray paogmaha ako kan saimong kaligtasan,
buhaya sako an espiritu nin kalodokan.
Itutukdo ko sa mga masumbikal
an saimong mga dalan;
asin an mga parakasala mabalik giraray saimo.

3. Huli ta dai mo ikinakaogma an mga dolot;
magtao man ako nin dolot dai mo aakoon.
An sakuyang dolot, O Dios,
iyo an espiritu na nagsosolsol:
Puso na rinunut asin mapakumbaba
dai mo isisikwal.

EVANGELIO
(Mateo 22: 1 - 14)

+ Pagbasa kan Evangelio na Sinurat ni San Mateo

Giraray si Jesus nagtaram, sa paagi nin mga parabola: An kahadean nin Dios kabaing sa hade na nagpakasal kan saiyang aking lalaki. Sinugo an mga surugoon tanganing alokon an mga imbitado sa kinasal alagad dai nagturonga. Giraray sinugo an ibang mga surugoon asin ipinasabi. “Tarami an mga imbitado, andam na an bangkete; an mga baka binuno ko na, an gabos andam na. Madya kamo sa kasal.” Alagad dai sinda pinagmangno kan mga imbitado: an saro nagpasiring sa oma, an saro sa negocio, mantang an mga sinugo dinakop kan ibang mga imbitado, kinulgan asin ginadan. An hade naanggot, sinubol an saiyang hukbo, ipinagadan idtong mga paragadan asin ipinasulo an saindang banwaan. Dangan nagsabi sa mga surugoon: “Andam na an kasal, alagad an mga imbitado dai maninigo. Kaya paduman kamo sa mga tinampo, asin imbitaran nindo an gabos na saindong manumpongan.” Nagluwas an mga surugoon, nagduman sa mga tinampo asin tinipon an gabos na saindang nanumpongan, marahay asin maraot. An sala kan bangkete napano nin mga bisita. Paglaog kan hade, nangalag-kalag sa mga bisita, asin namasdan na may saro na dai kan gubing-pangkasal. Sinabihan: “Katood, paanong nakalaog ka digdi na dai kan gubing pangkinasal?” An lalaki dai naggirong. An hade nagsabi sa mga katabang: “Gaposa nindo an saiyang kamot asin bitis; dangan tapokan sa luwas, sa kadikloman. Duman an pagtangis asin pagragot kan mga ngipon.” Huli ta kadakul kan inaapod, alagad dikit an napipili.

MARAHAY NA BARETA KAN SATONG KAGURANGNAN

19/08/2026

𝘿𝘼𝙇𝘼𝙒 𝙎𝘼𝙉 𝙍𝘼𝙈𝙊𝙉 | An Pagsungko ni San Ramon Nonato sa mga Kapilya

Bilang selebrasyon kan 𝙞𝙠𝙖-35 𝘼𝙣𝙞𝙗𝙚𝙧𝙨𝙖𝙧𝙮𝙤 𝙠𝙖𝙣 𝙋𝙖𝙧𝙤𝙠𝙮𝙖 𝙣𝙞 𝙎𝙖𝙣 𝙍𝙖𝙢𝙤𝙣 𝙉𝙤𝙣𝙖𝙩𝙤 𝙨𝙖 𝙂𝙪𝙞𝙣𝙡𝙖𝙟𝙤𝙣 (1991–2026), ngonian na aldaw naihatod na orihinal na imahe ni Señor San Ramon Nonato de Guinlajon hale sa 𝙆𝙖𝙥𝙞𝙡𝙮𝙖 𝙠𝙖𝙣 𝙎𝙖𝙣 𝙄𝙨𝙞𝙙𝙧𝙤 𝙇𝙖𝙗𝙧𝙖𝙙𝙤𝙧, 𝙂𝙞𝙢𝙖𝙡𝙤𝙩𝙤 𝙒𝙚𝙨𝙩, 𝙎𝙤𝙧𝙨𝙤𝙜𝙤𝙣 𝘾𝙞𝙩𝙮 pasiring sa 𝙆𝙖𝙥𝙞𝙡𝙮𝙖 𝙠𝙖𝙣 𝙀𝙡 𝙎𝙚ñ𝙤𝙧 𝘿𝙞𝙫𝙞𝙣𝙤 𝙍𝙤𝙨𝙩𝙧𝙤, 𝙋𝙖𝙢𝙪𝙧𝙖𝙮𝙖𝙣 𝙒𝙚𝙨𝙩, 𝙎𝙤𝙧𝙨𝙤𝙜𝙤𝙣 𝘾𝙞𝙩𝙮.

Magkaigwa kita nin pagkakataon na magtiripon bilang sarong komunidad sa pagpamibi asin pagdusay sa buhay ni San Ramon Nonato, satong patron, tanganing padagos niyang matawan nin inspirasyon asin giyahan an gabos.
Padagos po kitang magpangadyi para sa satuyang mga pamilya, komunidad, asin parokya.

𝙑𝙞𝙫𝙖! 𝙎𝙖𝙣 𝙍𝙖𝙢𝙤𝙣 𝙉𝙤𝙣𝙖𝙩𝙤 𝙙𝙚 𝙂𝙪𝙞𝙣𝙡𝙖𝙟𝙤𝙣!

19/08/2026

ENOT NA BABASAHON (Ezekiel 34:1 – 11)

Pagbasa sa Libro ni Profeta Ezekiel
An tataramon nin Kagurangnan uminabot sako: / “Aki nin Tawo, / maghula ka tumang sa mga pastor nin Israel; / maghula ka nin siring. / Ini an sabi nin Dios na Kagurangnan: / ‘Herak man saindo mga pastor nin Israel, / na nagpapasabsab sa saindo man sana! / Bako daw ang mga karnero an dapat pasabsabon? / Nakikinabang kamo kan gatas, / ginugubing nindo an balukag kan mga karnero, / kinakarne nindo an mga matataba, / alagad dai nindo pinag-aataman an mga karnero. / Dai nindo pinakusog an mga maluya, / dai binulong an may helang, / dai inataman an nabarian nin tabay. / Dai nindo pinabalik an mga nalagalag, / dai hinanap an mga nawara. / An ginibo lugod nindo / sinakop nindo sinda sa kusog asin pasakit. / Kaya sinda nagkawararak / ta dai nin nag-aataman; / nagin kakanon nin mga mabangis na hayop. / An sakuyang mga karnero / nalalagalag sa mga kabukidan / asin sa kabubulodan; / nagkakawararak sa bilog na daga; / dai nin naghahanap sainda, / dai nin nagmamakulog.’ / Kaya ngani, / mga pastor, / dangoga nindo an tataramon nin Kagurangnan: / ‘Siring na ako buhay, / olay nin Dios na Kagurangnan, / huli ta an sakong mga karnero / nagin kakanon nin mga mabangis na hayop, / ta dai nin para-ataman; / asin huli ta an sakong mga pastor / dai naghanap kan sakong karnero, / kundi nagpasabsab sainda man sana, / bakong sa sakong mga karnero, / huli kaini, mga pastor, / hinanyoga an tataramon nin Kagurangnan. / Uya an sabi nin Kagurangnan, / Ako tumang sa mga pastor; asin sisingilon ko sa saindang kamot / an sakuyang mga karnero; / papahaleon ko sinda sa pag-ataman / kan sakong mga karnero, / tanganing dai na sinda magpasabsab / sa sainda man sana. / Ililigtas ko an sakong mga karnero sa sindang ngoso, / nganing dai na magin kakanon ninda.’ / Huli ta iyo ini an sabi nin Dios na Kagurangnan: / ‘Ako mismo an mahanap / asin maataman kan sakong mga karnero.’ /

INI AN TATARAMON KAN KAGURANGNAN.

SALMO RESPONSORIO (Salmo 23: 1-3. 3-4. 5. 6)

“An Kagurangnan sakong pastor,
dai nin ano man na magkukulang sako.”

1. An Kagurangnan sakong Pastor;
dai nin ano man na magkukulang sako.
Dinadara niya ako sa mga berdeng sabsaban;
sa tampi nin mga tubig na malinaw.
Pinapakusog niya an sakuyang kalag.

2. Dinadara niya ako sa dalan nin katanosan
huli kan saiyang ngaran;
Maglakaw man ako sa anino nin kagadanan,
dai ako nin matatakotan huli ta ika uya sako;
an saimong badas asin sugkod
nagtatao sako nin kaisogan.

3. Sarong lamesa inandam mo para sako,
sa atubang nin sakuyang mga kaiwal;
linahidan mo nin lana an sakuyang payo;
an sakong kaogmahan nagsusupay.

4. Karahayan asin pagka-ugay iwinaras mo sako
sa gabos na aldaw nin sakong pagkabuhay;
mag-erok ako sa harong nin Kagurangnan,
sa panahon na daing kasagkoran.

EVANGELIO
(Mateo 20: 1 - 16)

+ Pagbasa kan Evangelio na Sinurat ni San Mateo

Inosip ni Jesus sa saiyang mga disipulos ining mga parabola: “An kahadean nin langit nakabaing sa sarong kagsadiri na pagkaagang amay nagluwas sa paghanap nin mga matatandanan na magtrabaho sa saiyang ubasan. Pakapag-orolay dapit sa kinaugalean na tandan, pinaduman niya sinda sa ubasan. Nagluwas giraray pag-alas-nueve nin aga, asin nahiling an mga daing gibong nagtitirindog sa plaza. Sinabihan sinda: ‘Paduman man kamo sa ubasan asin tatandanan ko kamo nin maninigo.’ Nagduruman sinda. Giraray nagluwas pagkaudto asin pagkahapon. Iyo man giraray an ginibo niya. Nagluwas kan masulnop na an aldaw asin nakakua pa nin mga daing gibo, na sinabihan: ‘Tadaw ta yaon kamo digdi, daing gibo sa bilog na maghapon?’ Nagsirimbag: ‘Huli ta mayo nin nag-olay samuya.’ Nagsabi sainda: ‘Paduman man kamo sa ubasan.’ Kan banggi na, an kagsadiri kan ubasan nagsabi sa tumatawo: ‘Apoda an mga nagpapatandan asin tandanan mo sinda. Poonan sa mga nahuri asin tapuson sa mga naenot.’ Pagdolok kan mga nag-abot na hapon, lambang saro nag-ako kan bilog na tandan. An mga naenot naghona na sinda tatandanan nin orog, alagad an tandan na inako ninda gabos pareho man sana. Mantang inaako, nagprotesta sa kagsadiri: ‘Ining mga nahuri nagtrabaho saro sanang oras asin tinandanan mong pareho samo na nagtios kan gabat asin kan init kan aldaw.’ Nagsimbag sa saro sainda: ‘Katood, dai ako naggibo nin sala saimo. Bakong nag-oyon ka sakuya dapit sa tandan? Akoa an saimong tandan asin lakaw na. Boot kong tawan ining nahuri na pareho kan itinao ko saimo. Tadaw dai daw ako makakapagboot kan gusto kong gibohon? Maraot an saimong paghiling huli ta ako marahayon? Kaya, an mga nahuri maeenot asin an mga naenot mahuhuri.’”

MARAHAY NA BARETA KAN SATONG KAGURANGNAN

17/08/2026

𝘿𝘼𝙇𝘼𝙒 𝙎𝘼𝙉 𝙍𝘼𝙈𝙊𝙉 | An Pagsungko ni San Ramon Nonato sa mga Kapilya

Bilang selebrasyon kan 𝙞𝙠𝙖-35 𝘼𝙣𝙞𝙗𝙚𝙧𝙨𝙖𝙧𝙮𝙤 𝙠𝙖𝙣 𝙋𝙖𝙧𝙤𝙠𝙮𝙖 𝙣𝙞 𝙎𝙖𝙣 𝙍𝙖𝙢𝙤𝙣 𝙉𝙤𝙣𝙖𝙩𝙤 𝙨𝙖 𝙂𝙪𝙞𝙣𝙡𝙖𝙟𝙤𝙣 (1991–2026), ngonian na aldaw naihatod na orihinal na imahe ni Señor San Ramon Nonato de Guinlajon hale sa 𝙆𝙖𝙥𝙞𝙡𝙮𝙖 𝙠𝙖𝙣 𝙎𝙖𝙣 𝙑𝙞𝙘𝙚𝙣𝙩𝙚 𝙁𝙚𝙧𝙧𝙚𝙧, 𝘽𝙖𝙧𝙖𝙮𝙤𝙣𝙜 𝙒𝙚𝙨𝙩, 𝙎𝙤𝙧𝙨𝙤𝙜𝙤𝙣 𝘾𝙞𝙩𝙮 pasiring sa 𝙆𝙖𝙥𝙞𝙡𝙮𝙖 𝙠𝙖𝙣 𝙎𝙖𝙣 𝙄𝙨𝙞𝙙𝙧𝙤 𝙇𝙖𝙗𝙧𝙖𝙙𝙤𝙧, 𝙂𝙞𝙢𝙖𝙡𝙤𝙩𝙤 𝙒𝙚𝙨𝙩, 𝙎𝙤𝙧𝙨𝙤𝙜𝙤𝙣 𝘾𝙞𝙩𝙮 .

Magkaigwa kita nin pagkakataon na magtiripon bilang sarong komunidad sa pagpamibi asin pagdusay sa buhay ni San Ramon Nonato, satong patron, tanganing padagos niyang matawan nin inspirasyon asin giyahan an gabos.
Padagos po kitang magpangadyi para sa satuyang mga pamilya, komunidad, asin parokya.

𝙑𝙞𝙫𝙖! 𝙎𝙖𝙣 𝙍𝙖𝙢𝙤𝙣 𝙉𝙤𝙣𝙖𝙩𝙤 𝙙𝙚 𝙂𝙪𝙞𝙣𝙡𝙖𝙟𝙤𝙣!

17/08/2026

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬 | 08 / 17 / 26

SIR RAMON " ROY" GONZA
PARISH STAFF

"For I know the plans I have for you,’ declares the Lord, ‘plans to prosper you and not to harm you, plans to give you hope and a future."
– Jeremiah 29:11”
“Happy Birthday! May the Lord bless you and keep you in His care today and always.

17/08/2026

𝗛𝗔𝗣𝗣𝗬 𝗕𝗜𝗥𝗧𝗛𝗗𝗔𝗬 | 08 / 17 / 26

MA'AM MILA DE LOS SANTOS
PARISH FINANCE COUNCIL MEMBER

"For I know the plans I have for you,’ declares the Lord, ‘plans to prosper you and not to harm you, plans to give you hope and a future."
– Jeremiah 29:11”

“Happy Birthday! May the Lord bless you and keep you in His care today and always.

17/08/2026

ENOT NA BABASAHON (Ezekiel 24:15 – 24)

Pagbasa sa Libro ni Profeta Ezekiel
Uminabot sakuya an tataramon nin Kagurangnan: / “Aki nin tawo, / uya, / bigla kong hahaleon saimo an kaogmahan nin saimong mga mata; / alagad dai ka magmundo / asin dai ka magtangis, / dai magbulos an luha sa saimong mga mata. / Mag-agrangay ka, / alagad bakong makusog, / dai mo pagtangisan an gadan; / ibugtak mo an bugkos sa payo, / magsandalyas ka, / dai mo pagtakpan an saimong ngabil, / dai mo kakanon an tinapay nin mga nagmumundo.” / Pagkabanggi, / nagadan an sakuyang agom; / asin pagka-aga ginibo ko an ipinagboot sako. / Asin hinapot ako kan mga tawo: / “Dai mo ikasaysay samo an kahulugan / kan gabos na ining mga bagay na ginigibo mo?” / Kaya sinabihan ko sinda: / “Uminabot sako an tataramon nin Kagurangnan. / Sabihi an mga taga Israel, / ini an sabi nin Kagurangnan: / ‘Babasang-basangon ko an sakuyang santuario, / an kamurawayan nin saindong kapangyarihan, / an kaogmahan nin saindong mga mata, / asin kamawotan nin saindong kalag. / An mga aki nindong lalaki / asin babae na binayaan nindo, / magkakagaradan sa espada. / Gigibohon nindo an ginibo ko. / Dai nindo tatahoban an saindong ngabil; / dai kamo makakan kan tinapay nin mga nagmumundo; / an mga bugkos sa saindong payo mawawalat diyan, / an sandalyas sa saindong mga bitis; / dai kamo magmumundo / asin dai kamo magtatangis. / Alagad magkaka-urubos kamo / huli kan saindong mga karatan / asin maghaharaya kamo.’”

INI AN TATARAMON KAN KAGURANGNAN.

SALMO RESPONSORIO (Deuteronomio 32: 18-19. 20. 21)
“Liningawan mo an Dios na nagtao saimo nin buhay”

1. Liningawan mo an gapo na naglalang saimo
liningawan mo an Dios na nangaki saimo.
Nahiling ini nin Kagurangnan, asin naanggot,
napano siya nin kaanggotan sa saiyang kaakian.

2. Olay niya: Tatagoon ko an sakong lalawgon sa sainda,
asin hihilingon ko kun ano an saindang maaabtan.
Huli ta sinda masumbikal na kapag-arakian,
mga aki na mayo nin pagtubod.

3. Pinapag-imon ninda ako
kan saindang pagsamba sa bakong diyos;
pina-anggot ako huli kan saindang mga diyos-diyos.
Papa-imonon ko man sinda
ta maataman ako nin ibang banwaan,
papa-anggoton ko sinda
ta maampon ako nin kulapos na banwaan.

EVANGELIO (Mateo 19: 16 - 22)
+ Pagbasa kan Evangelio na Sinurat ni San Mateo

Nagrani ki Jesus an sarong barobata asin naghapot: “Maestro, anong marhay an dapat kong gibohon tanganing makamtan ko an buhay na daing kasagkoran?” Si Jesus nagsimbag: “Tadaw ta ako hinahapot mo kun ano an marahay? Saro sana an Marahay. Kun boot mo lumaog sa buhay utoba an mga tugon.” An barobata naghapot: “Arin na mga tugon?” Si Jesus nagsimbag: “Dai ka maggadan, dai ka magdurog sa bako mong agom, dai ka maghabon, dai ka magputik asin magtugod-tugod, galangan mo an saimong ama asin ina, kamotan mo an saimong kapwa, siring kan pagkamoot mo sa saimo man sana.” An barobata nagsabi: “Iyan gabos inutob ko na. Ano pa an kulang saiya?” Si Jesus nagpahayag: “Kun boot mong magin tunay na banal, ipabakal mo an gabos mong sadiri asin itao mo sa mga dukha, asin magkakaigwa ka nin kayamanan sa langit dangan, madya asin sumunod ka sako.” Pagkadangog kaini, namundo an barobata, huli ta siya mayaman.

MARAHAY NA BARETA KAN SATONG KAGURANGNAN

16/08/2026

I𝙺𝙰 - 20 𝙽𝙰 𝙳𝙾𝙼𝙸𝙽𝙶𝙾 𝙽𝙸𝙽 𝙾𝚁𝙳𝙸𝙽𝙰𝚁𝙸𝙾𝙽𝙶 𝙿𝙰𝙽𝙰𝙷𝙾𝙽

Celebrant:
𝑹𝑬𝑽. 𝑭𝑹. 𝑩𝑬𝑹𝑻 𝑻𝑹𝑨𝑩𝑹𝑨𝑳𝑳𝑶
Guest Priest

August 16, 2026 | 6:30 AM
San Ramon Nonato Parish, Guinlajon, Sorsogon City

16/08/2026

IKA-20 NA DOMINGO SA ORDINARIONG PANAHON - A

ENOT NA BABASAHON Isaias 56:1.6-7

Pagbasa sa Libro ni Profeta Isaias

Nagsasabi an Kagurangnan sa saiyang banwaan,
“Giboha nindo an matanos asin tama,
huli ta maabot asin mahahayag na an gigibohon kong pagligtas. An Kagurangnan nagsasabi sa mga dayuhan
na nagin kabtang na kan saiyang banwaan,
na namomoot saka naglilingkod saiya,
na nag-ootob kan Sabbath
asin maimbod na nag-ootob kan saiyang tipan:
‘Dadarahon ko kamo sa Sion, an sakong banal na bukid,
tatawan ko nin kaogmahan sa sakong harong nin pamibian,
asin aakoon ko an mga sakripisio
na idinidolot nindo sa sakong altar.
An sakong Templo aapodon na harong nin pamibian
para sa gabos na banwaan.’”

TATARAMON KAN KAGURANGNAN.

SALMO RESPONSORIO Salmo 67:2-3.5.6.8

O Dios, pag-omawon ka kan gabos na banwaan.

1. Kaugayan kita kan Dios asin bendisionan;
paliwanagon niya sato an saiyang lalawgon;
na maaraman sa bilog na daga an saimong dalan
sa gabos na mga nasion, an saimong pagligtas.

2. Mag-ogma asin magkurahaw an mga katawohan,
ta hinuhukoman mo an kinaban sa kasuripotan,
hinuhukoman mo an mga banwaan sa katanosan,
asin sa katawohan sa daga inaantabayan.

3. Magpasalamat saimo an mga banwaan, O Dios,
Magpasalamat saimo an gabos na banwaan!
Bendisionan kita kan Dios,
matakot saiya an gabos na puro kan daga!

IKADUWANG BABASAHON Roma 11:13-15.29-32

Pagbasa sa Surat ni San Pablo sa mga taga-Roma

Mga pagano, ini an masasabi ko saindo:
Nin huli ta ako apostol nin mga pagano, / pinapahalagahan ko an sakong trabaho, / tanganing mapaimon ko an kapawa ko Judio / asin ikaligtas ko an iba sainda. / Huli ta kan isikwal an mga Judio,/ ibinalik nin Dios an marahay na relasyon niya sa iba pang mga tawo sa kinaban. / Ano pa daw kun an mga Judio akoon na niya?/ Iyan sarong pagkabuhay liwat. / Dai binabawi nin Dios an saiyang mga balaog; / dai niya binabago an saiyang pag-apod. / Kaidto, dai kamo nagkuyog sa Dios, / alagad ngonian naherakan niya kamo dahil kan paglapas kan mga Judio. / Siring man ngonian,/ naglalapas an mga Judio tanganing maherakan man sinda nin Dios/ siring na kamo naherakan. / Ibinibilanggo nin Dios an gabos na tawo sa kasombikalan / tanganing an gabos saiyang maherakan. /

TATARAMON KAN KAGURANGNAN.

EVANGELIO Mateo 15:21-28

+ Pagbasa kan Evangelio na Sinurat ni San Mateo

Naghale si Jesus sa lugar na idto asin nagduman sa distrito nin Tiro asin Sidon. Sarong babaeng taga Canaan na nag-eerok sa lugar na idto nagdulok ki Jesus. Nagkurahaw siya: “Kagurangnan, Aki ni David! Kaheraki ako! May demonio an aki kong babae asin masakit an kamugtakan.” Alagad dai naggirong si Jesus. Pinakiolayan siya kan saiyang mga disipulo, “Pahalea na siya huli ta nagpaparasunod siya sato asin nagpapararibok!” Nagsimbag si Jesus, “Sinugo ako para sana sa mga karnerong nalalagalag kan banwaan nin Israel.” Alagad nagluhod an babae sa atubang ni Jesus asin nagsabi, “Kagurangnan, tabangi man ako! Nagsimbag si Jesus, “Bakong tama na ibahog sa mga ayam an kakanon kan mga aki.” Nagsimbag an babae, “Totoo iyan, alagad maski an mga ayam nagkakakan kan mga rakdag hale sa lamesa kan saindang kagsadiri.” Kaya sinabihan siya ni Jesus. “Babae, dakula an saimong pagtubod! Mangyari saimo siring sa kamawotan mo.” Kan oras man sanang iyan naomayan an aki niya.

AN MARAHAY NA BARETA KAN SATONG KAGURANGNAN.

San Ramon Nonato Parish-Guinlajon

20/08/2026

20/08/2026

19/08/2026

19/08/2026

17/08/2026

17/08/2026

17/08/2026

17/08/2026

16/08/2026

16/08/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Wednesday	8am - 5pm
Thursday	8am - 5pm
Friday	8am - 5pm
Saturday	8am - 5pm