https://www.facebook.com/111958063771580/

HFP- Holy Family Parish, Socorro, Zone III, Socorro (2026)

24/05/2026

CATECHETICAL UPDATING

24/05/2026

CATECHETICAL UPDATING: ARTS, DANCE AND DRAMA (ADD) & INITIAL INTERVENTION

24/05/2026

“𝘿𝙞𝙡𝙚𝙭𝙞𝙩 𝙉𝙤𝙨: 𝙊𝙣𝙚 𝙃𝙚𝙖𝙧𝙩, 𝙊𝙣𝙚 𝙈𝙞𝙨𝙨𝙞𝙤𝙣, 𝙊𝙣𝙚 𝙑𝙤𝙞𝙘𝙚.”

Pagpapasalamat at pagninilay mula sa katatapos lamang na 𝟑𝟓𝐭𝐡 𝐂𝐚𝐭𝐞𝐜𝐡𝐞𝐭𝐢𝐜𝐚𝐥 𝐂𝐨𝐧𝐠𝐫𝐞𝐬𝐬 na may temang “𝗗𝗶𝗹𝗲𝘅𝗶𝘁 𝗡𝗼𝘀”—“𝙈𝙞𝙣𝙖𝙝𝙖𝙡 𝙉𝙞𝙮𝙖 𝙏𝙖𝙮𝙤”, na ginanap sa Communication Foundation For Asia, Sta. Mesa, Manila.

Nakiisa at dumalo ang ating Parokya ng Banal na Mag-Anak sa makabuluhang pagtitipong ito na muling nagpapaalala na ang lahat ng ating paglilingkod ay nag-uugat sa pag-ibig ng Diyos at sa pundasyon ng pamilya bilang unang tahanan ng pananampalataya.

Sa unang bahagi ng programa, binigyang-diin ang kahalagahan ng pagiging “𝘙𝘰𝘰𝘵𝘦𝘥 𝘪𝘯 𝘎𝘰𝘥’𝘴 𝘓𝘰𝘷𝘦 𝘢𝘯𝘥 𝘍𝘢𝘮𝘪𝘭𝘺” bilang matibay na pundasyon ng ating sama-samang misyon sa Simbahan at komunidad. Sa pamamagitan ng pagbabahagi ng mahahalagang kaalaman mula sa mga resource persons, mas napaalalahanan ang bawat katekista at lider-simbahan na ang tunay na pagtuturo ay hindi lamang sa salita, kundi higit sa pamamagitan ng buhay at pagmamahal na isinasabuhay araw-araw.

“𝙔𝙤𝙪 𝙘𝙖𝙣𝙣𝙤𝙩 𝙩𝙚𝙖𝙘𝙝 𝙬𝙝𝙖𝙩 𝙮𝙤𝙪 𝙙𝙤 𝙣𝙤𝙩 𝙝𝙖𝙫𝙚"

Bilang mga lingkod ng Simbahan, tinatawagan tayong patuloy na palalimin ang ating pananampalataya, alagaan ang ating sarili — mental, physical, emotional, at spiritual — upang mas maging mabisa tayong instrumento ng pag-ibig ng Diyos.

Hinamon din tayo ng congress na yakapin ang 𝘥𝘪𝘨𝘪𝘵𝘢𝘭 𝘦𝘷𝘢𝘯𝘨𝘦𝘭𝘪𝘻𝘢𝘵𝘪𝘰𝘯 bilang makabagong paraan ng pagpapahayag ng Mabuting Balita, na nananatiling nakaugat sa katotohanan, pag-ibig, at mga turo ni Kristo.

Recharged and inspired mula sa 35th Catechetical Congress! Handa nang humakbang nang may iisang puso, iisang misyon, at iisang tinig para sa Kanya. 🙌❤️🙌

゚

23/05/2026

𝗠𝗚𝗔 𝗣𝗔𝗔𝗟𝗔𝗟𝗔 𝗣𝗔𝗥𝗔 𝗦𝗔 𝗠𝗚𝗔 𝗗𝗔𝗗𝗔𝗟𝗢 𝗡𝗚 𝗠𝗜𝗦𝗔 𝗔𝗧 𝗠𝗔𝗚𝗗𝗔𝗗𝗔𝗦𝗔𝗟

23/05/2026

𝐌𝐀𝐘𝐎 𝟐𝟒, 𝟐𝟎𝟐𝟔 – 𝐋𝐈𝐍𝐆𝐆𝐎 𝐍𝐆 𝐏𝐄𝐍𝐓𝐄𝐊𝐎𝐒𝐓𝐄𝐒

𝐒𝐥𝐦 𝟏𝟎𝟒:𝟏, 𝟐𝟒, 𝟐𝟗-𝟑𝟎, 𝟑𝟏, 𝟑𝟒
𝑬𝒔𝒑𝒊𝒓𝒊𝒕𝒖 𝒎𝒐’𝒚 𝒔𝒖𝒈𝒖𝒊𝒏,
𝑷𝒐𝒐𝒏, 𝒕𝒂𝒏𝒂’𝒚 ’𝒚𝒐𝒏𝒈 𝒃𝒂𝒈𝒖𝒉𝒊𝒏.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝐆𝐚𝐰𝐚 𝟐:𝟏-𝟏𝟏

𝐈𝐤𝐚𝐥𝐚𝐰𝐚𝐧𝐠 𝐏𝐚𝐠𝐛𝐚𝐬𝐚: 𝟏 𝐂𝐨𝐫 𝟏𝟐:𝟑𝐛-𝟕, 𝟏𝟐-𝟏𝟑 (𝐨 𝐑𝐨𝐦 𝟖:𝟖-𝟏𝟕)

𝐄𝐛𝐚𝐧𝐠𝐡𝐞𝐥𝐲𝐨: 𝐉𝐧 𝟐𝟎:𝟏𝟗-𝟐𝟑

Agaw-dilim na noon sa unang araw na iyon ng sanlinggo at nakasara ang mga pinto sa kinaroroonan ng mga alagad dahil sa takot sa mga Judio, dumating si Jesus at pumagitna. At sinabi niya sa kanila: “Kapayapaan sa inyo!”
Pagkasabi nito, ipinakita niya sa kanila ang mga kamay at ang tagiliran. Kaya nagalak ang mga alagad pagkakita nila sa Panginoon.

At muli niyang sinabi sa kanila: “Kapayapaan sa inyo! Kung paanong isinugo ako ng Ama, ipinadadala ko rin kayo.” At pagkasabi nito, hiningahan niya sila at sinabi: “Tanggapin ang Espiritu Santo! Patatawarin ang mga kasalanan ninuman na inyong patatawarin; pananatilihin naman sa sinuman ang inyong pananatilihin.”

“𝙆𝙖𝙥𝙖𝙮𝙖𝙥𝙖𝙖𝙣 𝙨𝙖 𝙞𝙣𝙮𝙤!
𝙆𝙪𝙣𝙜 𝙥𝙖𝙖𝙣𝙤𝙣𝙜 𝙞𝙨𝙞𝙣𝙪𝙜𝙤 𝙖𝙠𝙤 𝙣𝙜 𝘼𝙢𝙖, 𝙞𝙥𝙞𝙣𝙖𝙙𝙖𝙙𝙖𝙡𝙖 𝙠𝙤 𝙧𝙞𝙣 𝙠𝙖𝙮𝙤.”

𝐏𝐀𝐆𝐍𝐈𝐍𝐈𝐋𝐀𝐘
Sa pagpapakita ni Jesus sa mga alagad, dinala niya ang kapayapaan at ang Espiritu Santo, lalo na sa gitna ng takot at pagkalito. Ang tunay na kapayapaan ay makakamtan lamang kay Jesus, at ito ang magpapalakas sa atin upang magpatawad. Sa pagtanggap ng kapayapaan ni Jesus, magagawa rin nating magpatawad sa iba at magdala ng kapayapaan sa ating mga kapwa, na siyang magpapabago sa ating pamumuhay at sa sanlibutan.
゚

23/05/2026

𝐂𝐀𝐓𝐄𝐂𝐇𝐄𝐓𝐈𝐂𝐀𝐋 𝐔𝐏𝐃𝐀𝐓𝐈𝐍𝐆 𝐎𝐍 𝐀𝐑𝐓𝐒, 𝐃𝐀𝐍𝐂𝐄, 𝐃𝐑𝐀𝐌𝐀 (𝐀𝐃𝐃) 𝐀𝐍𝐃 𝐈𝐍𝐈𝐓𝐈𝐀𝐋 𝐈𝐍𝐓𝐄𝐑𝐕𝐄𝐍𝐓𝐈𝐎𝐍

𝗗𝗔𝗬 𝟭 | 𝗠𝗚𝗔 𝗣𝗨𝗦𝗢𝗡𝗚 𝗡𝗔𝗚𝗕𝗨𝗞𝗔𝗦, 𝗦𝗜𝗡𝗜𝗡𝗚 𝗡𝗔𝗚𝗣𝗔𝗛𝗔𝗬𝗔𝗚

Naging makabuluhan at makahulugan ang unang araw —isang araw ng pagkatuto, pakikinig, at pagninilay para sa mga lingkod ng Simbahan.

Sa pagtalakay ng 𝗜𝗻𝗶𝘁𝗶𝗮𝗹 𝗜𝗻𝘁𝗲𝗿𝘃𝗲𝗻𝘁𝗶𝗼𝗻, nabigyang-daan ang pagbubukas ng puso ng ilang mga kalahok. Sa likod ng mga ngiti at paglilingkod ay may mga personal ding karanasan, pagod, pangamba, at mga sugat na matagal nang kinikimkim. At sa mga sandaling iyon, naging malinaw na hindi lamang sila tinatawag upang magbigay ng “initial intervention” sa iba, kundi sila rin mismo ay nangangailangan ng pag-unawa, pakikinig, at paghilom.

Isang paalala na maging ang mga lingkod na handang umalalay sa kapwa lalo na sa mga bata ay may sarili ring pinagdaraanan at tahimik na pangangailangan para sa pag-asa at kapanatagan.

Kasabay nito, binigyang-diin ang kagandahan ng 𝗔𝗿𝘁 𝗮𝘀 𝗖𝗮𝘁𝗲𝗰𝗵𝗲𝘀𝗶𝘀 𝗮𝘁 𝗔𝗿𝘁 𝗶𝗻 𝗖𝗮𝘁𝗲𝗰𝗵𝗲𝘀𝗶𝘀—na ang sining ay hindi lamang dekorasyon o simpleng paraan ng pagpapasaya, kundi isang makapangyarihang instrumento at wika ng pananampalataya. Sa pamamagitan ng sining, galaw, musika, at malikhaing pagpapahayag, mas nagiging buhay, makahulugan, at mas malapit sa puso ang pagtuturo ng pananampalataya.

Tunay ngang ang katesismo ay hindi lamang basta itinuturo—ito ay ipinapadama, isinasabuhay, at ibinabahagi nang may malasakit at pagmamahal.

Sa pagtatapos ng unang araw, hindi lamang bagong kaalaman ang kanilang baon kundi mas malalim na pag-unawa sa sarili, sa kapwa, at sa misyong ipinagkatiwala sa kanila bilang mga lingkod ng Simbahan.

Ito pa lamang ang simula...
Magkita-kita tayong muli bukas sa pagpapatuloy ng paglalakbay.

゚

23/05/2026

𝐌𝐀𝐘𝐎 𝟐𝟑, 𝟐𝟎𝟐𝟔 – 𝐒𝐚𝐛𝐚𝐝𝐨
𝐈𝐊𝐀-𝟕 𝐋𝐈𝐍𝐆𝐆𝐎 𝐍𝐆 𝐏𝐀𝐒𝐊𝐎 𝐍𝐆 𝐏𝐀𝐆𝐊𝐀𝐁𝐔𝐇𝐀𝐘

𝐒𝐥𝐦 𝟏𝟏:𝟒, 𝟓 𝐚𝐭 𝟕
𝑷𝒐𝒐𝒏, 𝒂𝒏𝒈 𝒎𝒈𝒂 𝒎𝒂𝒃𝒖𝒕𝒊
𝒂𝒚 𝒌𝒂𝒑𝒊𝒍𝒊𝒏𝒈 𝒎𝒐 𝒑𝒂𝒓𝒂𝒕𝒊

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝐆𝐚𝐰𝐚 𝟐𝟖:𝟏𝟔-𝟐𝟎, 𝟑𝟎-𝟑𝟏
𝐄𝐛𝐚𝐧𝐠𝐡𝐞𝐥𝐲𝐨: 𝐉𝐧 𝟐𝟏:𝟐𝟎-𝟐𝟓

Paglingon ni Pedro, nakita niyang sumusunod ang alagad na mahal ni Jesus, na siyang humilig sa tabi niya noong hapunan at nagsabing: “Panginoon, sino ba ang magkakanulo sa iyo?” Kaya pagkakita rito ni Pedro, sinabi niya kay Jesus: “Panginoon, ano naman sa kaniya?” Sinabi sa kaniya ni Jesus: “Kung loobin kong mamalagi siya hanggang ako’y pumarito, ano sa ’yo? Ikaw, sumunod ka sa akin!”
Dahil dito’y kumalat ang salitang ito sa mga kapatid na hindi mamamatay ang alagad na ito pero hindi naman sinabi sa kaniya ni Jesus na hindi siya mamamatay kundi “Kung loobin kong mamalagi siya hanggang ako’y pumarito.”
Ito ang alagad na siyang nagpapatunay tungkol sa mga bagay na ito at ang sumulat sa mga ito. At alam namin na totoo ang kaniyang patunay. Marami pa ring ibang ginawa si Jesus, na kung isa-isang masusulat ang mga iyon, sa tantiya ko’y hindi magkakasya sa mundo ang isusulat na mga aklat.

𝐏𝐀𝐆𝐍𝐈𝐍𝐈𝐋𝐀𝐘
Ipinapaalala ng pagninilay na ang Diyos ang may hawak ng lahat at ang Kaniyang kalooban ang laging nagaganap sa ating buhay. Madalas nating kuwestiyunin ang Diyos kapag hindi nangyayari ang ating mga hinihiling o inaasahan. Ngunit sa halip na ikumpara ang ating buhay sa iba, inaanyayahan tayong pagtuunan ng pansin ang natatanging plano at pagkakataong ibinibigay ng Diyos para sa atin. Bawat tao ay may kanya-kanyang misyon at tawag sa pagsunod sa Panginoon.

Hindi pare-pareho ang landas ng bawat tao sapagkat iba-iba rin ang plano ng Diyos para sa atin. Sa halip na magkumpara at magtanong nang magtanong, mas mahalagang matutunan nating magtiwala sa kalooban ng Diyos at maging handang tumugon sa misyong inihahanda Niya para sa ating buhay.
゚

22/05/2026

𝗜𝗦𝗔𝗡𝗚 𝗣𝗔𝗡𝗔𝗟𝗔𝗡𝗚𝗜𝗡,
𝗜𝗦𝗔𝗡𝗚 𝗕𝗔𝗬𝗔𝗡 🇵🇭🙏

Inaanyayahan ng Catholic Bishops’ Conference of the Philippines ang lahat ng mananampalataya na makiisa sa pagdarasal ng “A Nation’s Prayer for Enlightenment, Conversion and Renewal,” na may mga aprubadong salin sa Tagalog, Bicolano, Binisaya, Ilocano, at Ilonggo.

Ayon sa CBCP Permanent Council, sisimulan itong dasalin ngayong Pentecost Sunday at ipagpapatuloy hanggang buwan ng Hulyo bilang panawagan para sa kaliwanagan, pagbabagong-loob, at pagkakaisa ng sambayanan.

Sa panahong hinaharap natin ang iba’t ibang hamon bilang bansa, nawa’y magsilbing gabay ang panalangin upang muling manumbalik ang pag-asa, pananampalataya, at malasakit sa isa’t isa. 🙏✨
゚

22/05/2026

✨𝐒𝐀𝐍𝐓𝐀 𝐑𝐈𝐓𝐀 𝐍𝐆 𝐂𝐀𝐒𝐈𝐀✨
Patrona ng mga Imposibleng Kahilingan at Nawawalang Pag-asa

▪️ Ipinanganak sa Casia, Italy noong taong 1381.

▪️ Kilala sa kanyang malalim na pananampalataya, pagtitiis, at pagpapatawad.

▪️ Naging mabuting asawa at ina sa kabila ng magulong buhay-pamilya.

▪️ Matapos mabalo, pumasok siya sa kumbento ng mga Agustina upang ialay ang buhay sa Diyos.

▪️ Tinanggap niya nang buong kababaang-loob ang mga paghihirap bilang pakikiisa sa pagpapakasakit ni Kristo.

▪️ Naging tanyag siya dahil sa kanyang buhay ng panalangin at mga himalang iniuugnay sa kanyang pamamagitan.

▪️ Ang rosas ay naging simbolo ni Santa Rita bilang tanda ng pag-asa at biyaya ng Diyos.

▪️ Siya ang kinikilalang patrona ng mga tila imposible at mabibigat na suliranin sa buhay.

Ipinapaalala ni 𝐒𝐚𝐧𝐭𝐚 𝐑𝐢𝐭𝐚 na walang pagsubok ang napakalaki para sa Diyos. Sa gitna ng sakit, paghihintay, at kawalan ng pag-asa, ang pananampalataya at pagtitiwala sa Panginoon ang nagbibigay liwanag at lakas upang magpatuloy. 🌹

゚

22/05/2026

𝐌𝐀𝐘𝐎 𝟐𝟐, 𝟐𝟎𝟐𝟔 – 𝐁𝐢𝐲𝐞𝐫𝐧𝐞𝐬
𝐈𝐊𝐀-𝟕 𝐋𝐈𝐍𝐆𝐆𝐎 𝐍𝐆 𝐏𝐀𝐒𝐊𝐎 𝐍𝐆 𝐏𝐀𝐆𝐊𝐀𝐁𝐔𝐇𝐀𝐘

𝐒𝐚𝐧𝐭𝐚 𝐑𝐢𝐭𝐚 𝐧𝐠 𝐂𝐚𝐬𝐢𝐚

𝐒𝐥𝐦 𝟏𝟎𝟑:𝟏-𝟐, 𝟏𝟏-𝟏𝟐, 𝟏𝟗-𝟐𝟎𝐚𝐛
𝑷𝒂𝒏𝒈𝒊𝒏𝒐𝒐’𝒚 𝒎𝒂𝒚 𝒍𝒖𝒌𝒍𝒖𝒌𝒂𝒏𝒈
𝒎𝒂𝒕𝒂𝒕𝒂𝒈 𝒔𝒂 𝒌𝒂𝒍𝒂𝒏𝒈𝒊𝒕𝒂𝒏.

𝐔𝐧𝐚𝐧𝐠 𝐏𝐚𝐠𝐛𝐚𝐬𝐚: 𝐆𝐚𝐰𝐚 𝟐𝟓:𝟏𝟑𝐛-𝟐𝟏
𝐄𝐛𝐚𝐧𝐠𝐡𝐞𝐥𝐲𝐨: 𝐉𝐧 𝟐𝟏:𝟏𝟓-𝟏𝟗

Pagkapag-almusal nila, sinabi ni Jesus kay Simon Pedro: “Simon, anak ni Juan, mahal mo ba ako nang higit sa pagmamahal nila?” Sinabi nito sa kaniya: “Oo, Panginoon, ikaw ang nakaaalam na iniibig kita.” Sinabi sa kaniya: “Pakainin mo ang aking mga kordero.”

Sinabi sa kaniyang makalawa: “Simon, anak ni Juan, mahal mo ba ako?” Sinabi nito sa kaniya: “Oo, Panginoon, ikaw ang nakaaalam na iniibig kita.” Sinabi sa kaniya: “Ipastol ang aking mga tupa.”

Sinabi sa kaniyang makaitlo: “Simon, anak ni Juan, iniibig mo ba ako?” Nalungkot na si Pedro dahil makaitlo siyang sinabihan: “Iniibig mo ba ako?” kaya sinabi niya: “Panginoon, ikaw ang nakaaalam ng lahat; alam mong iniibig kita.” Sinabi nito sa kaniya: “Pakainin mo ang aking mga tupa.

Talagang-talagang sinasabi ko sa iyo, nang bata-bata ka pa, ikaw mismo ang nagbibigkis sa iyong sarili at palakad-lakad ka saan mo man naisin. Ngunit pagtanda mo’y ididipa mo naman ang mga kamay mo, at iba ang magbibigkis sa iyo sa hindi mo nais.” Sinabi ito ni Jesus sa pagbibigay-tanda sa paraan ng kamatayang ipanluluwalhati ni Pedro sa Diyos. At pagkatapos nito ay sinabi niya: “Sumunod ka sa akin!”

𝐏𝐀𝐆𝐍𝐈𝐍𝐈𝐋𝐀𝐘

Ipinakita ni Jesus kay Pedro na ang tunay na pagmamahal sa Diyos ay nasusukat sa pagmamahal at pag-aaruga sa kapwa. Ang pagiging tagasunod ni Kristo ay hindi lamang tungkol sa salita kundi sa tapat na paglilingkod at pangangalaga sa Kaniyang kawan. Tulad ni Pedro, tayo rin ay tinatawag na magmahal, maglingkod, at maging mabuting katiwala ng mga taong ipinagkakatiwala sa atin ng Diyos. 🙏
゚

21/05/2026

𝗛𝗣𝗠 𝗪𝗘𝗗𝗗𝗜𝗡𝗚 | 𝐒𝐀 𝐁𝐈𝐘𝐀𝐘𝐀 𝐍𝐆 𝐒𝐀𝐊𝐑𝐀𝐌𝐄𝐍𝐓𝐎 𝐍𝐆 𝐊𝐀𝐒𝐀𝐋, 𝐓𝐔𝐍𝐆𝐎 𝐒𝐀 𝐁𝐀𝐍𝐀𝐋 𝐍𝐀 𝐏𝐀𝐆𝐒𝐀𝐒𝐀𝐌𝐀

May mga pag-ibig na matagal nang nagsasama sa hirap at ginhawa, ngunit ngayon ay pinili nilang higit pang patatagin ito sa harap ng Diyos. Sa ginanap na HPM Wedding, ang mga mag-asawa ay buong kababaang-loob na tumugon sa tawag ng Panginoon na gawing banal at ganap ang kanilang pagsasama sa pamamagitan ng Sakramento ng Kasal.

Hindi ito tungkol sa pagiging perpekto ng kanilang nakaraan, kundi sa tapang na ituwid, pagpalain, at ialay sa Diyos ang kanilang pagmamahalan. Sapagkat ang tunay na pag-ibig ay marunong magpakumbaba, magpatawad, at muling magsimula.

Nawa’y magsilbing itong paalala na walang huli sa biyaya ng Diyos. Sa bawat pusong handang magtiwala at lumapit sa Kanya, may bagong simula, bagong biyaya, at bagong pag-asang naghihintay.

At para sa mga mag-asawang nagsasama ngunit hindi pa naipagpapala sa Sakramento ng Kasal, bukás ang Simbahan upang samahan kayo sa paglalakbay ng pagmamahalan at pananampalataya. Huwag mahiyang lumapit, sapagkat ang Diyos ay hindi nagsasawang magmahal, magpatawad, at mag-anyaya. Ang Sakramento ng Kasal ay hindi lamang isang seremonya, kundi isang biyayang nagpapatatag at gumagabay sa pamilya tungo sa mas banal at mas matibay na pagsasama. 💖🙏

Sa mga nagnanais magpakasal sa Simbahan, maaari pong makipag-ugnayan sa Family and Life Ministry Chair Couple na sina Mr. & Mrs. Abad at Aleli Arellano para sa kaukulang gabay at paghahanda.

Maaari po silang matagpuan tuwing Miyerkules, 9:00 AM – 12:00 NN, sa opisina ng ating parokya. Maaari rin pong makipag-ugnayan sa pamamagitan ng tawag o text message sa mga sumusunod na numero:

📞 0998-548-9189
📞 0998-547 4389

“𝘼𝙣𝙜 𝙥𝙞𝙣𝙖𝙜𝙨𝙖𝙢𝙖 𝙣𝙜 𝘿𝙞𝙮𝙤𝙨 𝙖𝙮 𝙝𝙪𝙬𝙖𝙜 𝙥𝙖𝙜𝙝𝙞𝙬𝙖𝙡𝙖𝙮𝙞𝙣 𝙣𝙜 𝙩𝙖𝙤.” — 𝙈𝙖𝙧𝙘𝙤𝙨 10:9

゚

HFP- Holy Family Parish, Socorro

24/05/2026

24/05/2026

24/05/2026

23/05/2026

23/05/2026

23/05/2026

23/05/2026

22/05/2026

22/05/2026

22/05/2026

21/05/2026

Address

Telephone

Website

Alerts

Contact The Place Of Worship

Shortcuts

Share

Category