22/05/2026
𝐏𝐚𝐧𝐚𝐥𝐚𝐧𝐠𝐢𝐧 𝐭𝐮𝐰𝐢𝐧𝐠 𝐀𝐫𝐚𝐰 𝐧𝐠 𝐁𝐢𝐲𝐞𝐫𝐧𝐞𝐬
O Hesus, ang aming bunying Santo Niño, kapuri-puri ka sa iyong dakilang pag-ibig sa taong nagupiling sa kadiliman. Nagpakumbaba kang lubos upang iligtas ang tanan. Naging tao ka at ipinakita mo na ang Diyos ay kasama namin.
O Hesus, ikaw na nagbigay ng bagong mukha, bagong tinig, bagong puso sa taong masuwayin. Sa iyong pagkakatawang-tao ay binigyan Mo kami ng katangalan na maging mga anak ng Diyos at tawagin siya na "Ama, Ama ko". Sa iyong Espiritung bigay kami nawa ay makilala bilang mga anak ng Diyos sa isang matuwid na buhay at pag-ibig sa kapwa.
Ikaw ang masunuring Anak na nagbalik sa tao na maging kalugod-lugod sa Diyos. Sa iyong buhay ay ipinakita Mo na naghahari ang Diyos. Patuloy Mo kaming akayin sa kaliwanagan upang mabuhay kaming tapat sa mga itinuro Mo. Sa wakas ng aming paglalakbay ay masapit namin ang kaluwalhatian na iyong inilaan sa aming mga tagapagmana ng langit na aming tahanan, ikaw na doon ay naghahari kasama ng Ama at ng Espiritu Santo magpasawalang hanggan. Amen.
