Sta. Maria de Betania de Siniloan, Laguna

29/07/2026

KAPISTAHAN NI STA. MARIA DE BETANIA
HULYO 29

Panalangin

Oh Mapalad na Sta Maria de Betania kapatid Nina lazaro at Martha ikaw na nagbuhos ng pabango sa paanan ng Panginoon at pinahiran nh iyong buhok ,buong puso kang naupo at nakinig sa paanan ni Hesus at magiliw kang nakinig sa kanyang mga Banal na aral , Tulungan mo kaming mahalin ang panginoon at buksan ang aming mga puso upang makinig ng lubos sa kanya , ang daan ng katotohanan at buhay na walang hanggan. Amen.

Sta Maria de Betania , Ipanalagin mo Kami.

28/07/2026

28/07/2026

Ika-siyam na Araw ng Nobenaryo para sa Kapistahan ni Sta. Maria de Betania kapatid nina San Lazaro at Sta. Martha

Oh! Masunurin sa Diyos,dapat pagkunan ng tunay na halimbawa ng kababaan, mapagkupkop na Santa Maria de Betania, ang mahaba at marilag mong buhay na nagtataglay ng matingkad na kabanalan, ay kinalugdan ng Panginoong Diyos, sapagkat minatamis mong dinggin at sundin ang pagtawag sa iyo at bukod dito ay iniukol mo ang buo mong sarili sa Diyos, palibhasa'y pinabusilak pa ng maliwanag na kabanalan.

Akayin mo kami tungo sa landas na iyong tinahak at langkapan mo ng mga panalangin sa Diyos na napagningasan sa aming mga puso ang wagas na paglilingkod ng may pag- ibig at kapakumbabaan at magalak kaming tumulad sa iyo at pagpalain ng Diyos ang magandang adhikaing ito.

Huwag mo po kaming pababayaan, minamahal na Santa Maria de Betania at nawa'y kamtan namin ang grasyang hinihiling namin sa pamamagitan mo at tuloy ay makapagpuri kami sa Diyos Ama, Diyo Anak, at Diyos Espiritu Santo magparating man saan. Amen.

(Dito pagtibayin ang hinihiling sa tulong ni Santa Maria de Betania)

Magdasal ng 3 Ama namin, 3 Aba Ginoong Maria, 3 Luwalhati

Sta. Maria de Betani, Ipanalangin mo kami.

27/07/2026

Ikawalong araw ng Novenario para sa karangalan ni Sta. Maria de Betania kapatid nina San Lazaro at Sta. Martha

Ikawalong Araw
Maluwalhating tagasunod ng ating Panginoon, Pag-asa ng nahihirapan, Santa Mariade Betaniang mahal, tulad ng ipinangako ng ating Panginoon noong araw na buhayin niya ang kapatid mong si Lazaro, tinutupad niya ang kanyang pangako. Taglay mo sa iyong puso, O banal na santa, ang galak na dulot ng muling pagkabuhay. Tunay kang mapalad, dahil sa una mong pagkatalastas ng pangakong ito ng ating Panginoong nagtagumpay sa kamatayan.

Alang- alang sa pagtatagumpay mong ito, hinihiling namin sa iyo, Oh Maluwalhating Santa, na tulutan mo kami ng galak at sapat na kalakasan sa gitna ng mga pag- uusig sa amin. Ipagkaloob mo sa iyong paglingap at pagsaklolo at hawiin ang aming mga paghihirap na dinaranas. Magdalita ka, o marangal na santa, dalhin mo sa iyong matalik na kaibigan, si Hesukristong Panginoon, aming mga karaingan at pagkalooban kami ng biyayang tuwa at gayon ang aming pag- asa na ipapanhik mo sa DIyos ang aming mga kahilinagn sa pagsisiyam na ito. Amen.

(Dito pagtibayin ang hinihiling sa tulong ni Sta. Maria de Betania)

26/07/2026

Ikapitong araw na Novenario para sa Karangalan ni Sta. Maria de Betania kapatid nina San Lazaro at Sta. Martha

Ikapitong Araw
Masunuring lingkod ng Panginoon, tuwa ng nagdadalamhati, Santa Maria de Betaniang kapalad- palaran, isa ka sa mga babaeng walang sawang sumunod sa matalik mong kaibigan, maestro mong pinananaligan. Saksi ka sa lahat ng kanyang ginawang himala at sumunod ka tulad ng iba pang kababaihan hanggang duon sa bundok ng kalbaryo. Ang puso mo ay halos madurog habang nakikitamo ang Panginoon mo na nakabayubay sa krus at sa paanan nito kasama mo ay ang kanyang nangungulila.

Naroon ka ng si Hesus ay pumanaw, isang kalunus- lunos na kamatayan. Ganap na nga at tapos. Ang buhay ng matalik mong kaibiga'y nagtapos sa isang malagim na kamatayan. Luha, ang tangi mong inialay sa kanya, luha ng isang kaibigan. Luha ng pangungulila, luha na punung- puno ng pagmamahal. Luhang pumatak mula sa busilak mong puso.

O nagdadalamhating Santa, maramdaman nawa naminang sakit nadinulot ng aming pagkamasuwayin sa Diyos at alang- alang sa mga luhang pumatak sa iyong mga mata at mataos na pagsisisi ang aming maialaynawa sa iyong harapan at hulugan kami ng biyaya ng pagpapatawad sa lahat ng mga taong nagdulot at nakapagdulot ng sakit bunga ng di pagkakaunawaan, kayabangan at pagkamakasarili. Ipamanhik mo sa Diyos ang tangi naming ninanasa sa pagsisiyam na ito alaala at galang sa mga luhang pumatak sa matamo sa ikararangal ng Diyos. Amen.

(Dito pagtibayin ang hinihiling sa tulong ni Sta. Maria de Betania)

Sta. Maria de Betania, Ipanalangin mo kami.

25/07/2026

Ikaanim na araw na Novenario para sa karangalan ni Sta. Maria de Betania kapatid nina San Lazaro at Sta. Martha

Ikaanim na Araw
Matapat na disipulo ni Hesukristo, Santa Mariang kapalad- palad, kaibigang itinangi ng ating Panginoon, alagad ng tunay na pagmamahalna sahuling araw ng ating Panginoon ay naghandog ka ng isang bagay na lubos niyang pinahalagahan at pinagkunan ng halimbawa para sa lahat ng nakasaksi sa iyong ipinamalas na kapakumbabaan. Binasag mo ang isang alabastrong napakahalaga at ang nardong pabango ay ibinuhos mo mula sa ulo hanggang paa ng ating Panginoon, kumalat ang bango na tila nakarating sa kalangitan. Pakitang tunay ng lubos mong pagmamahal at pag- ibig sa Maestro mong mahal. Sa pamamagitan mo, mapalad na santa nahayagang nalalapit mong paghihirap at parang tinulot ng langit na ikaw ang gamiting instrumento ng ating Panginoon.
Dahil sa biyayang iyong nakamit, naninikluhod din kami sa iyong harapan. Ituro mo sa amin ang tunay na kapakumbabaan at mataas na pagsisisi sa aming mga kasalanan. O kaibig- ibig na santa, paratingin mo sa amin ang biyayang kapakumbabaan na naging tulay mo sa paggawa ng kabanalan at ipamanhik mo sa Diyos ang tangi naming kahilingan sa kanyang kapurihan. Amen.

(dito pagtibayin ang hinihiling sa tulong ni Sta. Maria de Betania)

Sta. Maria de Betania, Ipanalangin mo kami.

24/07/2026

Ikalimang araw ng Novenario para sa karangalan ni Sta. Maria de Betania kapatid nina San Lazaro at Sta. Martha

Ikalimang araw
O Anghel ng kabanalan, pinagpalang birhen ng kalinisan,salamain ng tunay na pag- ibig, dakilang SantaMaria de Betania, naninikluhod ka sa paanan ng ating Panginoon upang ang kapitid mong minahal, na si Lazarong kanyang kaibigan, ay muli niyang buhayin. Taglay ang dakila mong pananampalataya, ang kapatid mo nga ay binuhay at nagbigay galak sa iyo at kay Martang nalulumbay.

Dala ng matinding pag- asa, dumudulog kami ngayon, pinagpalang Santa Maria de Betania, na buhayin mo rin sa amin mga tiisin sa buhay.Biyayaan mo kami ng isang matibay na pananampalataya sa ating Panginoong Hesukristo at ihandog namin sa kanya ang buo naming pagkatao lakip ang taos pusong pagsisisi sa aming mga kahinaan. Gayundin naman, namamanhik kami sa iyong awa, O pinagpalang santa, ipakita mo rin sa amin ang iyong awa at ipamanhik sa Diyos ang aming kahilingan sa pagsisiyam na ito. Amen.

5 na araw bago ang kapistahan ng magkapatid na San Lazaro, Santa Marta at Santa Maria ng Betania.

(Dito pagtibayin ang hinihiling sa tulong ni Santa Maria de Betania)

Sta. Maria de Betania, Ipanalangin mo kami

23/07/2026

Ika-apat na araw ng Novenario para sa karangalan ni Sta. Maria de Betania kapatid nina San Lazaro at Sta. Martha

Ikaapat na Araw
Kaibig- ibig na lingkod ng kabanalan, babaeng disipulo ng ating Panginoon, banal na Santa Maria de Betania, tulad ng ilang kababaihan,pinili mong sumunod sa ating panginoong Hesukristo. Hindi mo inalintana ang kakaibang estado mo sa buhay. Tinalikuran mo ang marangyang pamumuhay at tulad ng iyong mga kapatid ay tinanggap mo ang mga aral ng ating Panginoon.

Hayaan mo po, O dakilang santa, na tulad mo, ay ubusin namin ang aming lakas sa pagsunod sa Diyos; maglingkod ng may kapakumbabaan at tumulad sa mga gawa mong kabanalan. Biyayaan mo po kami, pinagpalang santa, ng biyaya ng pag- ibig, na matamisin namin ang lahat ng paghihirap na haharapin namin alang- alang sa paglilingkod namin sa DIyos. Marapatin mo pong ibigin namin ang landas ng kabutihan at iwaksi ang landas ng kasamaan sa aming mga puso. papagkamtin mo kami ng biyayang hinihiling namin sa kapurihan ng Diyos. Amen.

(dito pagtibayin ang hinihiling sa tulong ni Santa Maria de Betania)

Magdasal ng 3 Ama namin, 3 Aba Ginoong Maria at 3Luwalhati patungkol sa kapurihan ng Diyos at ni Santa Maria de Betania.

Sta. Maria de Betania, Ipanalangin mo kami

22/07/2026

Ikatlong araw ng Novenario para sa Karangalan ni Sta. Maria de Betania kapatid nina San Lazaro at Sta. Martha

Ikatlong Araw
O Uliran sa paggawa ng kabanalan, tunay na halimbawa ng pagsunod sa kalooban ng Diyos, kawili- wiling Santa Maria de Betania, na sa pakikinig mo sa mga aral ng ating Panginoon, ay minarapat mong isabuhay ito at ibahagi saiyong kapwa. Wala ni isa man sandali na di mo iniukol ang iyong sarili sa Diyos at paglilingkod sa iyong kapwa.

O pinagpalang santa, Maria ng Betania, yayamang pinupukaw kami ng kaakit- akit mong mga gawa ng kabanalan, naninikluhod kami sa iyo ngayon. Yayamang dinirinig ka ng Diyos sa iyong panalangin noon nandirito ka pa sa lupa, lalong pakikinggan ka ng Diyos diyan sa kalangitan. Hulugan mo po kami ng biyaya ng tunay na paglilingkod sa kanya tulad ng ginawa mo sa buo mong buhay. Dinggin mo kami, O dakilang Santa at marapatin mong makamit nami ang biyayang ninanais namin sa pagsisiyam naito sa ikararangal ng Diyos. Amen.

(Dito pagtibayin ang hinihiling sa tulong ni Santa Maria de Betania)

Magdasal ng 3 Ama namin, 3 Aba Ginoong Maria, 3 Luwalhati tungkol sa kapurihan ng Diyos at ni Santa Maria de Betania

Sta. Maria de Betania, Ipanalangin mo kami

21/07/2026

Ikalawang araw ng Novenario para sa karangalan ni Sta. Maria de Betania kapatid nina San Lazaro at Sta. Martha

Ikalawang Araw
O, modelo ng tunay na pagsunod, salamin ng mga kabanalan, dakilang naming Santa Maria de Betania, na sa pagdalaw ng ating Panginoon sa iyong munting tahanan ay pinili mo ang lalong magaling, ang makinig sa kanyang mga aral. Itulot mo po, O dakilang Santa, na tulad mo ay piliin din namin ang tunay na kalooban ng Ama at tulad mo ay matutong makinig sa tawag ng paglilingkod ng may kapakumbababaan at walang hangaring umiwas

Kaya po, marangal na Santa Maria de Betania, na dahil sa hindi mo panghihinayang na ihandog ang iyong buhay at kabataan sa diyos. Idulog mo ang munti naming biyaya ng pagsunod sa layunin ng Diyos para sa amin. Itulot mo, O Mahal na Santa na makamit namin ang biyayang nais naming makamit sa pagsisiyam na ito sa kapurihan ng Diyos. Amen.

(Dito pagtibayin ang hinihiling sa tulong ni Santa Maria de Betania)

Magdasal ng 3 Ama namin, 3 Aba Ginoong Maria, 3 Luwalhati tungkol sa kapurihan ng Diyos at ni Santa Maria de Betania

Sta. Maria de Betania, Ipanalangin mo kami