Kapilya ng La Inmaculada Concepcion - Sitio Kasuyan

07/09/2026

🌹 MALIGAYANG KAARAWAN, MAHAL NAMING INANG MARIA! 🌹

Setyembre 8 | Kapistahan ng Kapanganakan ng Mahal na Birheng Maria

Sa masayang pagdiriwang ng Iyong kapanganakan, kami ay buong pusong nagpapasalamat sa Diyos Ama sa pagkakaloob Niya sa amin ng isang mapagmahal na Ina at tapat na tagapamagitan—ang Mahal na Birheng Maria.

Sa Iyong buhay, O Maria, aming nasaksihan ang ganap na pagsunod sa kalooban ng Diyos, kababaang-loob, pananampalataya, at wagas na pagmamahal. Nawa’y patuloy Mo kaming akayin patungo sa Iyong Anak na si Hesukristo at turuan kaming mamuhay ayon sa Kanyang banal na kalooban.

Sa araw na ito, kaisa ng buong Simbahan, buong galak naming ipinagdiriwang ang Iyong kapanganakan.

Maligayang Kaarawan, Mahal naming Mama Mary! 💙🤍
Nawa’y manatili Ka sa aming puso bilang Ina, Gabay, at Huwaran ng aming pananampalataya.

🙏 Mahal na Birheng Maria, ipanalangin Mo kami. 📿

29/08/2026

•M•A•S•D•A•N•

Kasabay ng paggunita sa Pagkamartir ng ating minamahal na patron, si San Juan Bautista, buong kagalakan ding ipinagdiriwang ng ating Parokya ang Ikalimang Taong Anibersaryo ng Pagkakatatag ng Parokya ng San Juan Bautista.

Limang taon ng pananampalataya, paglilingkod, pagkakaisa, at patuloy na paglalakbay bilang isang pamayanang nagkakaisa kay Kristo.

Sa araw na ito, buong pusong magpasalamat tayo sa Poong Diyos sa lahat ng biyaya, paggabay, at pagpapalang ipinagkaloob Niya sa ating parokya sa mga nagdaang taon.

Nawa’y sa patnubay ni San Juan Bautista, patuloy tayong maging matatag sa pananampalataya, tapat sa paglilingkod, at matapang sa pagsaksi sa katotohanan.

Maligayang Ikalimang Taong Anibersaryo, Parokya ng San Juan Bautista!

San Juan Bautista, aming patron, ipanalangin mo kami!

23/08/2026

•M•A•S•D•A•N•

KAPISTAHAN NI APOSTOL SAN BARTOLOME
(Pintakasi ng Brgy. Lucsuhin)

Panalangin kay Apostol San Bartolome

O Maluwalhating San Bartolome,tinawag ka ni Jesus na taong walang pagkukunwari,at nakita mo Ang tanda sa mundong Ito na sia Ang anak ng Dios at Hari ng Israel. Ipagkaloob mo sa Amin Ang biyaya na sa tuwina huwag magbalatkayo at payak na tulad ng kalapati.Gayundin naman,tulungan mo kami na mapasaamin Ang biyaya ng iyong pananampalataya na Makita Ang mapagpalang kamay ng Dios sa mga pangyayari sa pangaraw-araw naming buhay Nawa‘y mapagtanto namin Ang mga tanda ng panahon na maghahatid sa Amin Kay Hesus dito sa lupa at humantong nawa sa pakikipagisa namin sa kanya sa langit magpakailan man. Amen.

𝕾𝖆𝖓 𝕭𝖆𝖗𝖙𝖔𝖑𝖔𝖒𝖊,𝕬𝖕𝖔𝖘𝖙𝖔𝖑
𝖨𝗉𝖺𝗇𝖺𝗅𝖺𝗇𝗀𝗂𝗇 𝖬𝗈 𝗄𝖺𝗆𝗂

22/08/2026

•M•A•S•D•A•N•
Nakalagak ang imahen ni San Francisco ng Asisi, pintakasi ng siyudad ng General Trias, lalawigan ng Cavite, sa ating parokya. Bilang bahagi ng pagdiriwang ng ika-800 daang taon ng kanyang kamatayan.

San Francisco de Malabon, Ipanalangin mo kami.

21/08/2026

𝐋𝐚𝐤𝐛𝐚𝐲 𝐒𝐚𝐧 𝐅𝐫𝐚𝐧𝐜𝐢𝐬𝐜𝐨 𝐬𝐚 𝐊𝐚𝐥𝐮𝐛𝐤𝐨𝐛

Kaugnay ng Natatanging Jubileo sa ika-800 taon ng pagpanaw ni San Francisco de Asís, ang mapagpalang imahen ni Tata Kiko ng Malabon (Lungsod ng Gen. Trias, Cavite), ay dadalaw sa Parokya ng San Juan Bautista sa Kalubkob, Silang, Cavite.

Isang mapagpalang pagkakataon para sa mga mananampalataya sa diwa ng panalangin, pagninilay, at sama-samang paglalakbay sa pananampalataya kasama si San Francisco.

Halina’t makiisa sa Lakbay San Francisco!

18/08/2026

•M•A•S•D•A•N•

Nakiisa ang ilang samahang pastoral ng ating kapilya sa pagdiriwang ng MISA NOBENARIO sa karangalan ni APOSTOL SAN BARTOLOME sa brgy. Lucsuhin, Silang, Cavite.

Ang banal na Misa ay pinangunahan ni Rev. Fr. Efren Maramara, Kura Paroko ng San Jose Mangagawa sa GMA, Cavite.

02/08/2026

Pagbati sa ating Kura Paroko, Reb. Pdre. Mike Dulnuan, sa pagdiriwang ng Linggo ng mga kaparian.
Dalangin namin na patuloy kayong maging daluyan ng biyaya ng mahal na Diyos tungo sa kanyang sambayanan. 🙏

𝗛𝗮𝗽𝗽𝘆 𝗣𝗿𝗶𝗲𝘀𝘁𝘀' 𝗗𝗮𝘆!

Sa pagdiriwang ng Priests' Day, taos-puso nating pinasasalamatan ang Panginoon sa kaloob ng bokasyon ng ating mga kaparian. Sa kanilang araw-araw na pagtugon sa tawag ng Diyos, patuloy nilang iniaalay ang kanilang buhay sa pangangaral ng Salita, pagdiriwang ng mga Banal na Sakramento, at tapat na paggabay sa sambayanan ng Diyos.

Ngayong ginugunita rin natin si San Juan Maria Vianney, nawa'y maging huwaran siya ng kababaang-loob, kabanalan, at walang pag-iimbot na paglilingkod para sa ating mga pari, upang lalo pa silang maging matatag at masigasig sa kanilang bokasyon.

Isang taos-pusong pagbati ng Happy Priests' Day sa aming minamahal na Kura Paroko, Reb. Pd. Mike.

Maraming salamat po sa inyong tahimik ngunit tapat na paglilingkod sa ating parokya. Ang inyong buhay na iniaalay para sa Simbahan ay patuloy na nagsisilbing paanyaya sa amin upang higit pang mahalin at paglingkuran ang Diyos. Nawa'y patuloy kayong pagpalain ng Panginoon ng mabuting kalusugan, lakas ng katawan at espiritu, at kagalakang nagmumula sa Kanyang pag-ibig. Kasama ninyo ang aming panalangin habang patuloy ninyong tinatahak ang landas ng inyong bokasyon.

Happy Priests' Day sa lahat ng ating mga kaparian!

𝙎𝙖𝙣 𝙅𝙪𝙖𝙣 𝙈𝙖𝙧𝙞𝙖 𝙑𝙞𝙖𝙣𝙣𝙚𝙮
𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙤 𝙠𝙖𝙢𝙞




🖥️ ✍🏻 : Ministri ng Panlipunang Komunikasyon - Parokya ng San Juan Bautista

17/07/2026

•P•A•B•A•T•I•D•

HANDOG KAY MARIA 2026

Isang Munting Handog ng Pagmamahal, Isang Malaking Ambag para sa Kanyang Tahanan.

Sa bawat raffle ticket na inyong bibilhin, hindi lamang kayo nagkakaroon ng pagkakataong manalo ng mga magagandang papremyo—kayo rin ay nagiging kabahagi sa pagpapatuloy ng renobasyon ng ating Kapilya ng La Inmaculada Concepcion, Sitio Kasuyan.

🏆 Mga Papremyo:
🚛 1 Winner – 3-Wheel E-Bike
📱 1 Winner – Brand New Android Phone
🏞️ 2 Winners – 3D2N Trip to Baguio for 2 (choice of dates)
💵 10 Winners – Cash Prize

🎫 Halaga ng Ticket: ₱100.00 lamang

📅 Raffle Draw: October 31, 2026
📍 Iaanunsyo sa Official page ng Kapilya ng La Inmaculada Concepcion – Sitio Kasuyan.

Ang bawat ticket ay isang handog ng pananampalataya, pag-asa, at pagmamahal kay Maria. Sama-sama nating itaguyod ang ating kapilya upang patuloy itong maging tahanan ng panalangin at pagkakaisa ng ating pamayanan.

Suportahan ang “Handog kay Maria” at maging bahagi ng misyong ito.
Magbigay. Manalangin. Manalo. Para sa ikagaganda ng tahanan ng ating Mahal na Birheng La Inmaculada.

13/07/2026

𝐏𝐚𝐚𝐧𝐲𝐚𝐲𝐚!

Sa darating na 𝗶𝗸𝗮-𝟭𝟰 𝗻𝗴 𝗛𝘂𝗹𝘆𝗼, araw ng Martes, dadalaw sa ating parokya ang 𝙄𝙢𝙖𝙝𝙚𝙣 𝙣𝙜 𝙈𝙖𝙝𝙖𝙡 𝙣𝙖 𝘽𝙞𝙧𝙝𝙚𝙣 𝙣𝙜 𝘼𝙨𝙪𝙣𝙘𝙞𝙤𝙣, bilang bahagi ng pagdiriwang sa nalalapit na Ikaapat na Daang Taon ng pagkakatatag ng Parokya ng Maragondon.

Darating ang Imahen ng Mahal na Birhen ng 𝗮𝗹𝗮𝘀-𝟭𝟬 𝗻𝗴 𝘂𝗺𝗮𝗴𝗮 bago ipagpatuloy ang paglalakbay.

Inaayayahan rin tayo na maki-isa sa darating na 𝗶𝗸𝗮-𝟭𝟳 𝗻𝗴 𝗛𝘂𝗹𝘆𝗼, 𝘀𝗮 𝗴𝗮𝗻𝗮𝗽 𝗻𝗴 𝗮𝗹𝗮𝘀-𝟲 𝗻𝗴 𝗨𝗺𝗮𝗴𝗮, sa 𝗕𝗮𝗻𝗮𝗹 𝗻𝗮 𝗠𝗶𝘀𝗮 na papangunahan ng ating Kura Paroko, Reb. Pd. Michael Dulnuan, sa 𝗗𝗶𝘆𝗼𝘀𝗲𝘀𝗮𝗻𝗼𝗻𝗴 𝗗𝗮𝗺𝗯𝗮𝗻𝗮 𝗮𝘁 𝗣𝗮𝗿𝗼𝗸𝘆𝗮 𝗻𝗴 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻 𝗻𝗴 𝗖𝗮𝗻𝗱𝗲𝗹𝗮𝗿𝗶𝗮 bilang parte rin ng Pagdalaw ng Imahen ng Mahal na Birhen ng Asuncion.

Inaanyayahan ang lahat ng parishioners na makiisa at mainit na salubungin ang imahen ng Mahal na Birhen ng Asuncion sa kanyang makasaysayang pagdalaw.

𝙑𝙞𝙫𝙖 𝙡𝙖 𝙑𝙞𝙧𝙜𝙚𝙣!




🖥️ ✍🏻 : Ministri ng Panlipunang Komunikasyon - Parokya ng San Juan Bautista

04/07/2026

UNANG SABADO SA BUWAN NG HULYO
Sama-sama tayong manalangin at dumulog sa Mahal na Birhen, para sa araw ng pamimintuho sa kanya.

Panalangin sa Mahal na Ina ang La Inmaculada Concepcion

Oh kalinis-linisang Birhen at mapagkandiling Ina, buhat sa aming abang kalagayan at pagkakasadlak sa kasalanan ay ipinagmamakaamo namin sa lyo na pagdalitaang dinggin ang aming mga karaingan at tapunan kami ng sulyap ng mga mata mong maawain. O batis ng awa, marapatin mo pong dinggin ang pagdarasal naming ito upang maging daan ng ipagtatamo namin ng lyong masaganang biyaya, hindi lamang para sa aming katawan kundi lalung-lalo na para sa mga makasalanan at ikapapanuto nitong aming bayan, alang-alang sa walang hanggang kaluwalhatian ng Diyos.
Amen.

Ama namin. Aba Ginoong Maria. Luwalhati.

Mahal naming Ina, ang La Inmaculada Concepcion, ipanalangin mo kami.