Paanyaya Mula sa Pamunuan ng Liwanag ng Candelaria
Ang pamunuan ng Simbahan ng Silang ay nagtatag ng Liwanag ng Candelaria o LNC noong taong 1982, na itinuring na opisyal na pahayagan ng Parokya ng Birheng Candelaria. Bilang kasapi ng ating komunidad kayo po ay malugod naming inaanyayahang makiisa sa aming pangarap na makapagbigay liwanag sa pamamagitan ng pagsulat. Ang mga kabataan, magaaral at
buong mamamayan na may interes sa pagsulat ng mga balita, artikulo, tula o may talento sa pagguhit at paggamit ng mga programa sa makabagong paraan ng pagle-layout ay hinahalina naming sumali bilang paglilingkod sa ating Panginoon. Maaari po ninyo kaming puntahan sa kumbento o kaya’y makipag-ugnayan sa amin sa pamamagitan ng email address na ito: [email protected] o kaya ay mag-iwan ng inyong mensahe sa aming page account na Liwanag ng Candelaria. Gayun pa man bilang mga tagapangasiwa, sina Gng. Josefina Liwanag at Bb. Ma. Crisca Manuel ay mamari po ninyong lapitan para sa mga artikulong gusto ninyong ibahagi. Paalala lamang po na kapag ito ay inyong ipinasa, ito po ay magiging pagaari na ng LNC at nangangahulugan ng aming malayang pag-eedit dito. Para po sa inyong kaalaman, hindi lahat ng artikulo ay mailalathala dahil ito po ay kailangang dumaan sa masusing pagkritiko ng aming pamunuan. Ngunit makakaasa po kayo na ang inyo pong pangalan ay maisusulat sa oras na ang inyong mga kontribusyon ay maaprubahan. Halina’t sama-sama tayong maglingkod sa Panginoon at ating papurihan ang ating mahal na Patron ng Birheng Candelaria sa pamamagitan ng mapayapang paraan ng pakikipag-ugnayan at pagbibigay liwanag sa buhay ng ating mamamayan, ang pagsusulat sa ating pahayagan, ang Liwanag ng Candelaria. Maraming Salamat po! Paanyaya ni:
Ma. Crisca Manuel
Editor-in-Chief, LNC
