What are the opening hours?

Tuesday 8am - 5pm Wednesday 8am - 5pm Thursday 8am - 5pm Friday 8am - 5pm Saturday 8am - 5pm Sunday 8am - 12pm

https://www.facebook.com/108264921623366/

Diyosesanong Dambana at Parokya ng Mahal na Birhen ng Candelaria

Home
Philippines
Silang
Diyosesanong Dambana at Parokya ng Mahal na Birhen ng Candelaria

𝐒𝐚 𝐃𝐚𝐦𝐛𝐚𝐧𝐚 𝐧𝐠 𝐒𝐢𝐥𝐚𝐧𝐠, 𝐭𝐚𝐲𝐨'𝐲 𝐦𝐚𝐠𝐬𝐢𝐝𝐚𝐥𝐚𝐰! The official page of the Diocesan Shrine and Parish of Nuestra Señora de Candelaria - Silang, Cavite.
(2)

Operated by the Ministri sa Panlipunang Komunikasyon. ITINATAG BILANG PAROKYA NG MGA PRANSISKANO, 3 PEBRERO 1595. NASUNOG,30 AGOSTO 1603, NAGTAYO NG BAGONG SIMBAHAN ANG MGA PRANSISKANO SA PATRONATO NI SAN DIEGO DE ALCALA. INILIPAT SA MGA HESWITA, 1611. ITINAYO ANG SIMBAHANG YARI SA BATO NI JUAN DE SALAZAR, SJ, 1637-1639. INIALAY SA PATRONATO NG NUESTRA SEÑORA DE CANDELARIA, MGA TAONG 1640. NAGING

KUTA NG MGA GWARDIYA SIBIL NANG KUBKUBIN AT ITABOY SILA NG MGA FILIPINONG MANGHIHIMASIK NA PINAMUNUAN NI HEN. VITO BELARMINO, 5-6 SETYEMBRE 1896. PINAMAHALAAN NG MGA PARING SEKULAR NANG PINAALIS ANG MGA HESWITA, 1788. INILIPAT SA MGA RECOLETOS SA PAMAMAGITAN NG REAL ORDEN, 9 MARSO 1849. IBINALIK SA MGA SEKULAR, 1868. INILIPAT SA MGA PARING CONGREGATION OF THE IMMACULATE HEART OF MARY(CICM), 1910; SEKULAR, 1913; COLUMBANS, 1936; AT SEKULAR MULI, 1978 HANGGANG SA KASALUKUYAN. HALIMBAWA NG ARKITEKTURANG KOLONYAL NA MAY MGA RETABLONG IDINISENYO SA ESTILONG ROCOCO. NASIRA NG LINDOL ANG PINAKAMATAAS NA PALAPAG NG KAMPANARYO, 1880. ISINAAYOS, 1989.

25/05/2026

𝐇𝐎𝐌𝐈𝐋𝐘 𝐇𝐈𝐆𝐇𝐋𝐈𝐆𝐇𝐓𝐒 | 𝗟𝗶𝗻𝗴𝗴𝗼 𝗻𝗴 𝗣𝗲𝗻𝘁𝗲𝗸𝗼𝘀𝘁𝗲𝘀

Narito ang mga mahahalagang punto mula sa homiliya ngayong ika-24 ng Mayo, Dakilang Kapistahan ng Pentekostes o Pagbaba ng Espiritu Santo sa mga Apostol. Nawa’y magsilbing gabay at inspirasyon ang Salita ng Diyos sa ating araw-araw na pamumuhay.

" '𝐴𝑠 𝑡ℎ𝑒 𝐹𝑎𝑡ℎ𝑒𝑟 ℎ𝑎𝑠 𝑠𝑒𝑛𝑡 𝑚𝑒 𝑠𝑜 𝐼 𝑠𝑒𝑛𝑑 𝑦𝑜𝑢', 𝑎𝑛𝑑 𝑡ℎ𝑒 𝑠𝑎𝑚𝑒 𝑤𝑜𝑟𝑑𝑠 𝑛𝑎 𝑔𝑖𝑛𝑎𝑔𝑎𝑚𝑖𝑡 𝑛𝑔 𝑎𝑡𝑖𝑛𝑔 𝑃𝑎𝑛𝑔𝑖𝑛𝑜𝑜𝑛𝑔 𝐻𝑒𝑠𝑢𝑘𝑟𝑖𝑠𝑡𝑜 𝑠𝑎 𝑎𝑡𝑖𝑛 𝑛𝑔𝑎𝑦𝑜𝑛 𝑠𝑎 𝑝𝑎𝑔𝑑𝑖𝑟𝑖𝑤𝑎𝑛𝑔 𝑛𝑎𝑡𝑖𝑛 𝑠𝑎 𝐿𝑖𝑛𝑔𝑔𝑜 𝑛𝑔 𝑃𝑒𝑛𝑡𝑒𝑘𝑜𝑠𝑡𝑒𝑠. 𝑰𝒑𝒊𝒏𝒂𝒅𝒂𝒍𝒂 𝒕𝒂𝒚𝒐 𝒏𝒈 𝑫𝒊𝒚𝒐𝒔 𝒖𝒑𝒂𝒏𝒈 𝒕𝒖𝒎𝒂𝒚𝒐, 𝒎𝒂𝒏𝒊𝒏𝒅𝒊𝒈𝒂𝒏, 𝒎𝒂𝒈𝒔𝒂𝒔𝒂𝒃𝒊 𝒂𝒕 𝒊𝒑𝒂𝒈𝒍𝒂𝒃𝒂𝒏 𝒂𝒏𝒈 𝒌𝒂𝒕𝒐𝒕𝒐𝒉𝒂𝒏𝒂𝒏. 𝐼𝑝𝑖𝑛𝑎𝑑𝑎𝑙𝑎 𝑡𝑎𝑦𝑜 𝑛𝑔 𝐷𝑖𝑦𝑜𝑠 𝑢𝑝𝑎𝑛𝑔 𝑖𝑝𝑎𝑙𝑎𝑔𝑎𝑛𝑎𝑝 𝑎𝑛𝑔 𝑀𝑎𝑏𝑢𝑡𝑖𝑛𝑔 𝐵𝑎𝑙𝑖𝑡𝑎 𝑠𝑎 𝑘𝑎𝑝𝑤𝑎 𝑛𝑎 𝑚𝑎𝑘𝑎𝑘𝑎𝑠𝑎𝑙𝑎𝑚𝑢ℎ𝑎 𝑛𝑎𝑡𝑖𝑛 𝑠𝑎 𝑝𝑎𝑛𝑔-𝑎𝑟𝑎𝑤-𝑎𝑟𝑎𝑤 𝑛𝑎 𝑏𝑢ℎ𝑎𝑦. 𝐼𝑝𝑖𝑛𝑎𝑑𝑎𝑙𝑎 𝑡𝑎𝑦𝑜 𝑛𝑔 𝐷𝑖𝑦𝑜𝑠, 𝑖𝑝𝑖𝑛𝑎𝑑𝑎𝑙𝑎 𝑡𝑎𝑦𝑜 𝑛𝑔 𝑎𝑡𝑖𝑛𝑔 𝑃𝑎𝑛𝑔𝑖𝑛𝑜𝑜𝑛𝑔 𝐻𝑒𝑠𝑢𝑘𝑟𝑖𝑠𝑡𝑜 𝑢𝑝𝑎𝑛𝑔 𝑚𝑎𝑖𝑝𝑎𝑙𝑎𝑔𝑎𝑛𝑎𝑝 𝑎𝑛𝑔 𝑝𝑎𝑔𝑚𝑎𝑚𝑎ℎ𝑎𝑙𝑎𝑛, 𝑎𝑛𝑔 𝑝𝑎𝑔𝑡𝑢𝑡𝑢𝑙𝑢𝑛𝑔𝑎𝑛, 𝑎𝑛𝑔 𝑚𝑎𝑙𝑎𝑠𝑎𝑘𝑖𝑡 𝑠𝑎 𝑘𝑎𝑝𝑤𝑎. "

- 𝗥𝗱𝗼. 𝗣. 𝗔𝗹𝗹𝗮𝗻 𝗖𝗮𝗻𝗮𝗻𝗲𝗼, 𝗦𝗠𝗔
𝘗𝘢𝘯𝘢𝘶𝘩𝘪𝘯𝘨 𝘗𝘢𝘳𝘪

25/05/2026

Isang video screening at talakayan sa yamang pamana ng Simbahan ng Silang kasama ang Parish Youth Ministry at katuwang ng Parish Ministry on Cultural Heritage of the Church para sa National Heritage Month 2026

25/05/2026

𝑷𝒂𝒈𝒈𝒖𝒏𝒊𝒕𝒂 𝒌𝒂𝒚 𝑺𝒂𝒏𝒕𝒂 𝑴𝒂𝒓𝒊𝒂 𝑴𝒂𝒈𝒅𝒂𝒍𝒆𝒏𝒂 𝒏𝒈 𝑷𝒂𝒛𝒛𝒊, 𝑏𝑖𝑟ℎ𝑒𝑛

(Paggunita: Mayo 25)

Si 𝗦𝗮𝗻𝘁𝗮 𝗠𝗮𝗿𝗶𝗮 𝗠𝗮𝗴𝗱𝗮𝗹𝗲𝗻𝗮 𝗻𝗴 𝗣𝗮𝘇𝘇𝗶 ay isang Karmelitang madre na nakilala dahil sa kanyang malalim na buhay panalangin, pagmamahal kay Kristo, at mga mistikal na karanasan.

Isinilang siya noong 1566 sa Florence, Italya, sa isang marangal at mayamang pamilya. Bininyagan siyang Caterina de’ Pazzi, ngunit pinili niyang talikuran ang marangyang pamumuhay upang ialay ang sarili sa Diyos. Sa murang edad ay pumasok siya sa monasteryo ng mga Karmelita at tinanggap ang pangalang 𝗠𝗮𝗿𝗶𝗮 𝗠𝗮𝗴𝗱𝗮𝗹𝗲𝗻𝗮.

Kilala si Santa Maria Magdalena ng Pazzi sa kanyang matinding debosyon sa Eukaristiya at sa pagpapakasakit ni Kristo. Madalas siyang magkaroon ng 𝗺𝗮𝗹𝗮𝗹𝗶𝗺 𝗻𝗮 𝗲𝗸𝘀𝘁𝗮𝘀𝗶𝘀 𝗼 𝗺𝗶𝘀𝘁𝗶𝗸𝗮𝗹 𝗻𝗮 𝗸𝗮𝗿𝗮𝗻𝗮𝘀𝗮𝗻 𝗵𝗮𝗯𝗮𝗻𝗴 𝗻𝗮𝗻𝗮𝗻𝗮𝗹𝗮𝗻𝗴𝗶𝗻, kung saan nakararanas siya ng natatanging pakikipag-ugnayan sa Diyos. Dahil dito, marami sa kanyang mga pagninilay at pahayag ang isinulat ng kanyang mga kapwa madre upang maging gabay sa espiritwal na buhay.

Sa kabila ng kanyang mga pambihirang karanasan, dumanas din siya ng matitinding pagsubok, espiritwal na pagdurusa, at karamdaman. Gayunman, nanatili siyang mapagkumbaba at matatag sa kanyang pananampalataya. Madalas niyang hikayatin ang mga tao na mahalin ang Diyos nang buong puso at manalangin para sa reporma at kabanalan ng Simbahan.

Isa sa kanyang kilalang panawagan ay ang pagbabalik ng mas malalim na pagmamahal kay Kristo at mas taimtim na pamumuhay ng pananampalataya. Dahil dito, kinikilala siya bilang huwaran ng mapagnilay at mapanalanging buhay.

Sa tradisyon ng Simbahan, ang kanyang paggunita ay ipinagdiriwang sa pamamagitan ng banal na misa, pagninilay, at mga debosyong nakatuon sa panalangin at pagmamahal sa Eukaristiya.

Ang buhay ni Santa Maria Magdalena ng Pazzi ay nagpapaalala na ang tunay na kabanalan ay nagmumula sa malalim na pakikipagkaisa sa Diyos sa pamamagitan ng panalangin, sakripisyo, at tapat na pag-ibig kay Kristo.

𝑷𝒂𝒏𝒂𝒍𝒂𝒏𝒈𝒊𝒏

Ama naming makapangyarihan, itinatangi mo na ang dalagang namamanata sa iyong paghahari. Igawad mo kay Santa Maria Magdalena ng Pazzi ang maalab na pag-ibig sa iyong mga dakilang kaloob. Sa pagpaparangal naming ito sa kanya ngayon matularan nawa namin ang kanyang pag-ibig at kadalisayan sa pamamagitan ni Hesukristo kasama ng Espiritu Santo magpasawalang hanggan. Amen.

𝑆𝑎𝑛𝑡𝑎 𝑀𝑎𝑟𝑖𝑎 𝑀𝑎𝑔𝑑𝑎𝑙𝑒𝑛𝑎 𝑛𝑔 𝑃𝑎𝑧𝑧𝑖, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑚𝑜 𝑘𝑎𝑚𝑖.

25/05/2026

𝑷𝒂𝒈𝒈𝒖𝒏𝒊𝒕𝒂 𝒌𝒂𝒚 𝑷𝒂𝒑𝒂 𝑺𝒂𝒏 𝑮𝒓𝒆𝒈𝒐𝒓𝒊𝒐 𝑽𝑰𝑰

(Paggunita: Mayo 25)

Si 𝗣𝗮𝗽𝗮 𝗦𝗮𝗻 𝗚𝗿𝗲𝗴𝗼𝗿𝗶𝗼 𝗩𝗜𝗜 ay isa sa mga pinakadakilang Santo Papa sa kasaysayan ng Simbahan at kilala sa kanyang matatag na pagtatanggol sa kalayaan at kabanalan ng Simbahan.

Isinilang siya bilang Hildebrand noong ika-11 siglo sa Toscana, Italya. Bata pa lamang ay pumasok na siya sa buhay monastiko at naging kilala sa kanyang kabanalan, talino, at kakayahan sa pamamahala. Bago siya nahalal bilang Santo Papa noong 1073, nagsilbi muna siya bilang tagapayo sa ilang mga papa at naging mahalagang bahagi ng mga reporma sa Simbahan.

Bilang Papa Gregorio VII, isinulong niya ang malawakang reporma upang labanan ang katiwalian sa Simbahan, lalo na ang simoniya o pagbibili ng posisyon sa Simbahan, at ang maling pakikialam ng mga makapangyarihang pinuno sa pagtatalaga ng mga obispo at pari. Ipinaglaban niya na ang Simbahan ay dapat malayang mamahala ayon sa kalooban ng Diyos at hindi kontrolado ng mga hari o pinuno ng daigdig.

Isa sa pinakatanyag na pangyayari sa kanyang buhay ay ang kanyang tunggalian kay Emperador Henry IV ng Banal na Imperyong Romano tungkol sa karapatan sa pagtatalaga ng mga obispo. Dahil sa kanilang alitan, itiniwalag ni Papa Gregorio VII ang emperador mula sa Simbahan. Kalaunan, napilitan si Henry IV na humingi ng tawad sa papa sa tanyag na pangyayaring kilala bilang “𝗣𝗮𝗴𝗹𝗮𝗹𝗮𝗸𝗮𝗱 𝘀𝗮 𝗖𝗮𝗻𝗼𝘀𝘀𝗮.”

Sa kabila ng mga pagsubok, pananakot, at pagpapatapon, nanatiling matatag si Papa Gregorio VII sa kanyang pananampalataya at paninindigan para sa katotohanan at kalayaan ng Simbahan. Pumanaw siya noong 1085 habang nasa pagpapatapon, at ayon sa tradisyon, ang kanyang huling mga salita ay: “𝑀𝑖𝑛𝑎ℎ𝑎𝑙 𝑘𝑜 𝑎𝑛𝑔 𝑘𝑎𝑡𝑎𝑟𝑢𝑛𝑔𝑎𝑛 𝑎𝑡 𝑘𝑖𝑛𝑎𝑚𝑢ℎ𝑖𝑎𝑛 𝑘𝑜 𝑎𝑛𝑔 𝑘𝑎𝑠𝑎𝑚𝑎𝑎𝑛; 𝑘𝑎𝑦𝑎 𝑎𝑘𝑜 𝑛𝑎𝑚𝑎𝑚𝑎𝑡𝑎𝑦 𝑠𝑎 𝑝𝑎𝑔𝑝𝑎𝑝𝑎𝑡𝑎𝑝𝑜𝑛.”

Ang buhay ni Papa San Gregorio VII ay paalala ng katapangan at katapatan sa tungkulin, lalo na sa pagtatanggol sa katotohanan at kabanalan ng Simbahan sa gitna ng mga hamon ng panahon.

𝑷𝒂𝒏𝒂𝒍𝒂𝒏𝒈𝒊𝒏

Ama naming makapangyarihan, puspusin mo ang iyong Simbahan sa Espiritu ng katapangan at katatagan sa katarungan na niloob mong mapagningning ni Papa San Gregorio upang sa pagkamuhi sa masama ang matuwid at tama ay kusang loob na magawa sa pamamagitan ni Hesukristo kasama ng Espiritu Santo magpasawalang hanggan. Amen.

𝑃𝑎𝑝𝑎 𝑆𝑎𝑛 𝐺𝑟𝑒𝑔𝑜𝑟𝑖𝑜 𝑉𝐼𝐼, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑚𝑜 𝑘𝑎𝑚𝑖.

25/05/2026

𝗛𝗢𝗠𝗜𝗟𝗬 𝗛𝗜𝗚𝗛𝗟𝗜𝗚𝗛𝗧𝗦 || 𝗟𝗶𝗻𝗴𝗴𝗼 𝗻𝗴 𝗣𝗲𝗻𝘁𝗲𝗸𝗼𝘀𝘁𝗲𝘀

Sa liwanag ng Salita ng Diyos at gabay ng Mahal na Birhen ng Candelaria, tayo’y patuloy na naglalakbay sa pananampalataya. Isang paalala na ang Salita ng Diyos ay buhay at patuloy na humuhubog sa ating puso. Makinig, magnilay, at isabuhay , 𝘙𝘥𝘰. 𝘗. 𝘓𝘶𝘪𝘴𝘪𝘵𝘰 𝘊. 𝘎𝘢𝘵𝘥𝘶𝘭𝘢, 𝘙𝘦𝘬𝘵𝘰𝘳 𝘢𝘵 𝘒𝘶𝘳𝘢 𝘗𝘢𝘳𝘰𝘬𝘰, noong ika-24 ng Mayo, 2026 dito sa ating Dambana at Parokya.

25/05/2026

𝑷𝒂𝒈𝒈𝒖𝒏𝒊𝒕𝒂 𝒔𝒂 𝑳𝒖𝒃𝒉𝒂𝒏𝒈 𝑰𝒈𝒊𝒏𝒂𝒈𝒂𝒍𝒂𝒏𝒈 𝒏𝒂 𝑺𝒂𝒏 𝑩𝒆𝒅𝒂, 𝑝𝑎𝑟𝑖 𝑎𝑡 𝑝𝑎𝑛𝑡𝑎𝑠 𝑛𝑔 𝑆𝑖𝑚ℎ𝑎ℎ𝑎𝑛

(Paggunita: Mayo 25)

Si 𝗦𝗮𝗻 𝗕𝗲𝗱𝗮 ay kinikilalang isa sa mga dakilang iskolar at manunulat ng sinaunang Simbahan, at binigyan ng titulong 𝗽𝗮𝗿𝗶 𝗮𝘁 𝗽𝗮𝗻𝘁𝗮𝘀 𝗻𝗴 𝗦𝗶𝗺𝗯𝗮𝗵𝗮𝗻 dahil sa kanyang natatanging ambag sa teolohiya, kasaysayan, at pagpapalaganap ng pananampalataya.

Isinilang si San Beda noong ika-7 siglo sa Northumbria, sa kasalukuyang United Kingdom. Bata pa lamang siya ay ipinagkatiwala na siya sa monasteryo kung saan siya lumaki sa buhay ng panalangin, pag-aaral, at paglilingkod sa Diyos. Halos buong buhay niya ay ginugol niya sa loob ng monasteryo bilang monghe, pari, g**o, at manunulat.

Nakilala si San Beda dahil sa kanyang malalim na karunungan at kasipagan sa pagsusulat. Isa sa kanyang pinakatanyag na akda ay ang 𝘌𝘤𝘤𝘭𝘦𝘴𝘪𝘢𝘴𝘵𝘪𝘤𝘢𝘭 𝘏𝘪𝘴𝘵𝘰𝘳𝘺 𝘰𝘧 𝘵𝘩𝘦 𝘌𝘯𝘨𝘭𝘪𝘴𝘩 𝘗𝘦𝘰𝘱𝘭𝘦, na naging mahalagang tala ng kasaysayan ng Simbahan sa Inglatera. Dahil dito, tinagurian siyang “𝗔𝗺𝗮 𝗻𝗴 𝗞𝗮𝘀𝗮𝘆𝘀𝗮𝘆𝗮𝗻𝗴 𝗜𝗻𝗴𝗹𝗲𝘀.”

Bukod sa kasaysayan, sumulat din siya ng maraming paliwanag sa Banal na Kasulatan, mga homiliya, at mga akdang espiritwal na nakatulong sa pagpapalalim ng pananampalataya ng Simbahan. Ang kanyang mga isinulat ay kinilala dahil sa malinaw na pagpapahayag ng katotohanan at malalim na pagninilay sa Salita ng Diyos.

Kilala rin si San Beda sa kanyang kababaang-loob at kabanalan. Sa kabila ng kanyang karunungan, nanatili siyang mapagpakumbaba at nakatuon sa panalangin at paglilingkod. Ayon sa tradisyon, hanggang sa kanyang huling hininga ay patuloy siyang nagtuturo at nagsusulat tungkol sa pananampalataya. Dahil sa kanyang kabanalan at ambag sa Simbahan, siya ay idineklarang𝗽𝗮𝗻𝘁𝗮𝘀 𝗻𝗴 𝗦𝗶𝗺𝗯𝗮𝗵𝗮𝗻 ni Papa Leon XIII noong 1899.

Ang buhay ni San Beda ay paalala na ang karunungan at pag-aaral ay dapat humantong sa higit na pagmamahal sa Diyos at paglilingkod sa Simbahan. Ipinakikita niya na ang tunay na kaalaman ay nagiging daan upang higit na makilala at mahalin si Kristo.

𝑷𝒂𝒏𝒂𝒍𝒂𝒏𝒈𝒊𝒏

Ama naming makapangyarihan, pinagliliwanag mo ang iyong simbahan sa katalinuhan ng paring si San Beda. Loobin mong kami’y laging maliwanagan ng karunungang kanyang tinaglay at makapamuhay katulad ng kanyang pagkauliran sa pamamagitan ni Hesukristo kasama ng Espiritu Santo magpasawalang hanggan. Amen.

𝑆𝑎𝑛 𝐵𝑒𝑑𝑎, 𝑝𝑎𝑟𝑖 𝑎𝑡 𝑝𝑎𝑛𝑡𝑎𝑠 𝑛𝑔 𝑆𝑖𝑚𝑏𝑎ℎ𝑎𝑛, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑚𝑜 𝑘𝑎𝑚𝑖.

25/05/2026

𝐈𝐊𝐀𝐃𝐀𝐋𝐀𝐖𝐀𝐌𝐏𝐔'𝐓 𝐀𝐏𝐀𝐓 𝐍𝐀 𝐀𝐑𝐀𝐖 𝐍𝐆 𝐅𝐋𝐎𝐑𝐄𝐒 𝐃𝐄 𝐌𝐀𝐑𝐈𝐀 𝟐𝟎𝟐𝟔 || Mayo 24, 2026

“𝑆𝑎 𝑘𝑎𝑡𝑎ℎ𝑖𝑚𝑖𝑘𝑎𝑛, 𝑎𝑛𝑔 𝐷𝑖𝑦𝑜𝑠 𝑎𝑦 𝑛𝑎𝑛𝑔𝑢𝑛𝑔𝑢𝑠𝑎𝑝 𝑠𝑎 𝑝𝑢𝑠𝑜.” 🌸

Sa dakilang pagdiriwang ng 𝗟𝗶𝗻𝗴𝗴𝗼 𝗻𝗴 𝗣𝗲𝗻𝘁𝗲𝗸𝗼𝘀𝘁𝗲𝘀, ating pinagninilayan ang birtud ng 𝗞𝗮𝘁𝗮𝗵𝗶𝗺𝗶𝗸𝗮𝗻 𝗮𝘁 𝗣𝗮𝗸𝗶𝗸𝗶𝗻𝗶𝗴 𝘀𝗮 𝗗𝗶𝘆𝗼𝘀—isang pusong bukás sa pagkilos ng Espiritu Santo, tulad ng Mahal na Birheng Maria, ang 𝗠𝗮𝗽𝗮𝗴-𝗮𝗺𝗽𝗼𝗻 𝘀𝗮 𝗺𝗴𝗮 𝗞𝗿𝗶𝘀𝘁𝗶𝘆𝗮𝗻𝗼. Bilang Ina ng Simbahan, patuloy niya tayong inaakay kay Kristo at kinakalinga bilang kanyang mga anak sa pananampalataya. 🕊️✨

Sa Mabuting Balita ngayong araw, dumating si Hesus sa gitna ng kanyang mga alagad at sinabi: “𝙎𝙪𝙢𝙖𝙞𝙣𝙮𝙤 𝙖𝙣𝙜 𝙠𝙖𝙥𝙖𝙮𝙖𝙥𝙖𝙖𝙣.” At hiningahan niya sila upang tanggapin ang Espiritu Santo. Sa gitna ng kanilang takot at pangamba, ipinagkaloob ng Diyos ang lakas, kapayapaan, at bagong sigla para sa kanilang misyon. 🌿

Tulad ng mga alagad na nagkaisa sa pananalangin kasama si Maria habang hinihintay ang pagdating ng Espiritu Santo, nawa’y matutuhan din nating manahimik, makinig, at magtiwala sa pagkilos ng Diyos sa ating buhay. Sa pagkalinga ni Maria, Mapag-ampon sa mga Kristiyano, nawa’y manatili tayong nagkakaisa bilang isang Simbahan at isang sambayanan ng pananampalataya. 🙏

Sa pagdiriwang ding ito, pormal nating 𝘄𝗶𝗻𝗮𝘄𝗮𝗸𝗮𝘀𝗮𝗻 𝗮𝗻𝗴 𝗽𝗮𝗻𝗮𝗵𝗼𝗻 𝗻𝗴 𝗣𝗮𝘀𝗸𝗼 𝗻𝗴 𝗠𝘂𝗹𝗶𝗻𝗴 𝗣𝗮𝗴𝗸𝗮𝗯𝘂𝗵𝗮𝘆. Kasabay ng pagtatago ng 𝗞𝗮𝗻𝗱𝗶𝗹𝗮 𝗻𝗴 𝗣𝗮𝘀𝗸𝘂𝘄𝗮, ipinapaalala sa atin na bagamat nagwakas ang panahon ng Pasko ng Pagkabuhay sa liturhiya, ang liwanag ni Kristong Muling Nabuhay ay patuloy na nagniningning sa ating puso at buhay bilang kanyang mga saksi sa mundo.

¡𝘈𝘷𝘦 𝘔𝘢𝘳𝘪𝘢 𝘗𝘶𝘳𝘪𝘴𝘪𝘮𝘢!

25/05/2026

𝑷𝒂𝒈𝒈𝒖𝒏𝒊𝒕𝒂 𝒔𝒂 𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏𝒈 𝑴𝒂𝒓𝒊𝒂, 𝑰𝒏𝒂 𝒏𝒈 𝑺𝒊𝒎𝒃𝒂𝒉𝒂𝒏

(Paggunita: Lunes pagka-Linggo ng Pentekostes)

Ang paggunitang ito ay idinagdag sa pangkalahatang kalendaryo ng Simbahan noong 2018 sa utos ni Papa Franisco upang higit na maipakita ang mahalagang papel ng Mahal na Birhen sa buhay ng Simbahan.

Ang titulong 𝗜𝗻𝗮 𝗻𝗴 𝗦𝗶𝗺𝗯𝗮𝗵𝗮𝗻 ay malalim na nakaugat sa pananampalatayang Kristiyano. Sa paanan ng krus, ipinagkatiwala ni Hesus kay Maria ang kanyang minamahal na alagad sa mga salitang: "𝗡𝗮𝗿𝗶𝘁𝗼 𝗮𝗻𝗴 𝗶𝘆𝗼𝗻𝗴 𝗜𝗻𝗮". Sa pamamagitan nito, kinilala ng Simbahan si Maria bilang 𝗶𝗻𝗮 𝗵𝗶𝗻𝗱𝗶 𝗹𝗮𝗺𝗮𝗻𝗴 𝗻𝗶 𝗞𝗿𝗶𝘀𝘁𝗼 𝗸𝘂𝗻𝗱𝗶 𝗻𝗴 𝗯𝘂𝗼𝗻𝗴 𝘀𝗮𝗺𝗯𝗮𝘆𝗮𝗻𝗮𝗻 ng mga mananampalataya.

Mahalaga rin ang kaugnayan ng paggunitang ito sa Linggo ng Pentekostes. Ayon sa Mga Gawa ng mga Apostol, kasama ng Mahal na Birhen ang mga apostol sa pananalangin habang hinihintay nila ang pagdating ng Espiritu Santo. Kaya’t matapos ipagdiwang ang kapanganakan ng Simbahan sa Pentekostes, agad namang ginugunita ng Simbahan si Maria bilang Inang gumagabay at kumakalinga sa mga alagad ni Kristo.

Sa tradisyon ng Simbahan, ang Mahal na Birheng Maria, Ina ng Simbahan ay kinikilalang huwaran ng pananampalataya, pakikinig sa Salita ng Diyos, at ganap na pagsunod sa kanyang kalooban. Siya ay patuloy na itinuturing na ina at tagapamagitan na umaakay sa mga Kristiyano patungo kay Hesus.

Ang pagdiriwang na ito ay paalala na ang Simbahan ay hindi naglalakbay nang nag-iisa. Kasama nito ang isang Ina na patuloy na nag-aaruga, nananalangin, at umaakay sa sambayanan ng Diyos tungo kay Kristo.

𝑷𝒂𝒏𝒂𝒍𝒂𝒏𝒈𝒊𝒏

Ama naming makapangyarihan, sa mga nananalanging apostol kaisa ni Mariang Ina ni Hesus ang Espiritu Santo ay iyong ipinagkaloob. Bilang tugon sa pagdalangin ng Mahal na Birhen ikaw nawa’y matapat na mapaglingkuran namin upang sa aming salita at gawa ay aming sambahin ang ngalan mo sa pamamagitan ni Hesukristo kasama ng Espiritu Santo magpasawalang hanggan. Amen.

𝑀𝑎ℎ𝑎𝑙 𝑛𝑎 𝐵𝑖𝑟ℎ𝑒𝑛𝑔 𝑀𝑎𝑟𝑖𝑎, 𝐼𝑛𝑎 𝑛𝑔 𝑆𝑖𝑚𝑏𝑎ℎ𝑎𝑛, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑚𝑜 𝑘𝑎𝑚𝑖.

24/05/2026

𝐈𝐊𝐀𝐃𝐀𝐋𝐀𝐖𝐀𝐌𝐏𝐔'𝐓 𝐓𝐀𝐓𝐋𝐎𝐍𝐆 𝐀𝐑𝐀𝐖 𝐍𝐆 𝐅𝐋𝐎𝐑𝐄𝐒 𝐃𝐄 𝐌𝐀𝐑𝐈𝐀 𝟐𝟎𝟐𝟔 || Mayo 23, 2026

“𝑆𝑎 𝑝𝑎𝑔-𝑎𝑎𝑟𝑢𝑔𝑎 𝑛𝑔 𝐼𝑛𝑎, 𝑛𝑎ℎ𝑎ℎ𝑎𝑦𝑎𝑔 𝑎𝑛𝑔 𝑝𝑎𝑔-𝑖𝑏𝑖𝑔 𝑎𝑡 𝑝𝑎𝑔𝑔𝑎𝑏𝑎𝑦 𝑛𝑔 𝐷𝑖𝑦𝑜𝑠.” 🌸

Sa dakilang pagdiriwang ng Linggo ng Pentekostes, ating pinagninilayan ang birtud ng 𝗣𝗮𝗴𝗶𝗴𝗶𝗻𝗴 𝗜𝗻𝗮 ng Mahal na Birheng Maria—ang Ina na nanatiling kasama ng mga alagad sa panalangin habang hinihintay ang pagdating ng Espiritu Santo. Tulad ni Maria, nawa’y maging bukás din ang ating puso sa apoy ng pag-ibig at biyaya ng Diyos.

Sa Mabuting Balita ngayong araw, dumating si Hesus sa gitna ng kanyang mga alagad at ipinagkaloob sa kanila ang Espiritu Santo sa pamamagitan ng mga salitang: “Tanggapin ninyo ang Espiritu Santo.” Sa gitna ng takot at pangamba, pinalitan niya ito ng kapayapaan, tapang, at bagong buhay para sa misyon ng Simbahan.

Sa pagdating ng Espiritu Santo, isinilang ang Simbahan—isang pamayanang nagkakaisa sa pananampalataya at pagmamahalan. At tulad ng isang mapagmahal na Ina, patuloy tayong inaakay ni Maria patungo kay Kristo upang maging buhay na saksi ng Mabuting Balita sa mundo.

24/05/2026

🙏 𝐈𝐒𝐀𝐍𝐆 𝐏𝐀𝐍𝐀𝐋𝐀𝐍𝐆𝐈𝐍, 𝐈𝐒𝐀𝐍𝐆 𝐒𝐀𝐌𝐁𝐀𝐘𝐀𝐍𝐀𝐍 🙏

Kaisa ng panawagan ng 𝐶𝑎𝑡ℎ𝑜𝑙𝑖𝑐 𝐵𝑖𝑠ℎ𝑜𝑝𝑠’ 𝐶𝑜𝑛𝑓𝑒𝑟𝑒𝑛𝑐𝑒 𝑜𝑓 𝑡ℎ𝑒 𝑃ℎ𝑖𝑙𝑖𝑝𝑝𝑖𝑛𝑒𝑠, inaanyayahan ang buong sambayanan na makiisa sa pagdarasal ng “𝐴 𝑁𝑎𝑡𝑖𝑜𝑛’𝑠 𝑃𝑟𝑎𝑦𝑒𝑟 𝑓𝑜𝑟 𝐸𝑛𝑙𝑖𝑔ℎ𝑡𝑒𝑛𝑚𝑒𝑛𝑡, 𝐶𝑜𝑛𝑣𝑒𝑟𝑠𝑖𝑜𝑛 𝑎𝑛𝑑 𝑅𝑒𝑛𝑒𝑤𝑎𝑙” simula ngayong Linggo ng Pentekostes hanggang buwan ng Hulyo.

Sa pagdating ng Espiritu Santo, nawa’y pag-alabin niya ang ating mga puso upang manaig ang katotohanan, pagkakaisa, at pagmamahalan sa ating bayan. Sa gitna ng mga pagsubok at hamon ng lipunan, patuloy tayong manalangin para sa kaliwanagan ng isip, pagbabagong-loob ng puso, at kapayapaang nagmumula sa Diyos.

Sa paggabay ng Mahal na Birheng Maria, Ina ng Sambayanan at Ina ng Simbahan, nawa’y manatili tayong nagkakaisa sa pananampalataya at sama-samang maging daan ng pag-asa para sa ating kapwa at bayan. 🌸🙏

-------------------------------------------------------------------------

𝐏𝐀𝐍𝐀𝐋𝐀𝐍𝐆𝐈𝐍 𝐍𝐆 𝐒𝐀𝐌𝐁𝐀𝐘𝐀𝐍𝐀𝐍𝐆 𝐏𝐈𝐋𝐈𝐏𝐈𝐍𝐎 𝐏𝐀𝐑𝐀 𝐒𝐀 𝐊𝐀𝐋𝐈𝐖𝐀𝐍𝐀𝐆𝐀𝐍, 𝐏𝐀𝐆𝐁𝐀𝐁𝐀𝐆𝐎𝐍𝐆-𝐋𝐎𝐎𝐁, 𝐀𝐓 𝐏𝐀𝐆𝐁𝐀𝐁𝐀𝐆𝐎

Mapagmahal na Ama, Diyos ng katotohanan at katarungan,
isinugo Mo ang Iyong Bugtong na Anak, ang aming Panginoong Hesukristo,
na sa pamamagitan ng Kanyang pagpapakasakit, kamatayan at
muling pagkabuhay ay nahayag ang Iyong habag
at pinagkaisa kami sa Iyo at sa sandaigdigan.
Lumalapit kami sa Iyo at naghahangad ng kagalingan, katuwiran
at pagbabago para sa aming bayan.

Ang aming bansa ay humaharap sa isang mahirap na sangandaan.
Nakikita namin ang pagsasaisang-tabi ng katotohanan, ang pagpapaliban ng katarungan
at ang pagkakahati-hati na nagpapahina ng saligan ng aming Lipunan.

Nagsusumamo kami para sa mga pinagkatiwalaan ng pamumuno,
muli Mo silang tawagin sa banal na gampanin ng kanilang tungkulin.
Nawa’y maglingkod sila nang may katapatan, katarungan, at habag.
Ipagkaloob Mo sa kanila ang karunungan upang kumilos nang may masusing pag-unawa,
lakas upang magtiyaga nang may dangal, at kababaang-loob na hindi maghangad ng paghihiganti, kundi
kabanalan; hindi personal na adhikain kundi ang panglahatang kabutihan.

Patawarin Mo kami sa pagpikit ng aming mga mata sa kung ano ang tama,
sa pagtanggap ng mga palusot kapalit ng pananagutan,
at sa pagpapahintulot sa pagkasiphayo at pagkakahati-hati na
pahinain ang pag-asa ng aming bayan.
Inaamin naming madalas kaming nananahimik sa harapan ng kasamaan,
tuwing pinipili namin ang kaginhawahan kapalit ng konsensya, takot kapalit ng tapang at kawalang-pakialam kapalit ng pananagutan.

O Banal na Espiritu, baguhin Mo ang aming mga puso at paliwanagin ang aming isipan.
Dalhin Mo kami mula sa kawalang-pakialam tungo sa pagmamalasakit,
mula sa pananahimik tungo sa tapat na pagkilos,
mula sa pagkakahati-hati tungo sa pagkakaisa, at mula sa pagkasiphayo tungo sa pag-asa.
Turuan mo kaming ipagtanggol ang katotohanan na may pagmamahal, itaguyod ang katarungan na may
habag, at maging daan ng kapayapaan at pagkakasundo.

Tanglawan Mo ng Iyong Liwanag ang aming bayan.
Isaayos muli kung ano ang nawasak, pagalingin kung anong nasugatan,
At muling itindig ang bayang hindi ipinagpapalit ang katotohanan sa kaginhawahan,
hindi isinusuko ang kabutihan sa takot.
Maging banal na pagkakataon nawa ito ng pagbabagong-loob at pagpapanibago ng aming bansa.
Upang tunay kaming maging bansang namumuhay sa pananampalataya, pag-asa at pag-ibig sa ilalim ng
Iyong maka-Amang pagkalinga.

Hinihiling namin ito sa pamamagitan ng aming Panginoong Hesukristo, Iyong Anak,
na nabubuhay at naghahari kasama Mo sa pakikipagkaisa ng Espiritu Santo,
Diyos magpasawalang hanggan. Amen.

𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏𝒈 𝑴𝒂𝒓𝒊𝒂, 𝑰𝒏𝒂 𝒏𝒈 𝒔𝒂𝒎𝒃𝒂𝒚𝒂𝒏𝒂𝒏𝒈 𝑷𝒊𝒍𝒊𝒑𝒊𝒏𝒐 𝒂𝒕 𝑹𝒆𝒚𝒏𝒂 𝒏𝒈 𝑲𝒂𝒑𝒂𝒚𝒂𝒑𝒂𝒂𝒏, 𝐺𝑎𝑏𝑎𝑦𝑎𝑛 𝑎𝑡 𝑖𝑝𝑎𝑛𝑎𝑙𝑎𝑛𝑔𝑖𝑛 𝑚𝑜 𝑝𝑎𝑙𝑎𝑔𝑖 𝑘𝑎𝑚𝑖.

𝑺𝒂𝒏 𝑳𝒐𝒓𝒆𝒏𝒛𝒐 𝑹𝒖𝒊𝒛 𝒂𝒕 𝑺𝒂𝒏 𝑷𝒆𝒅𝒓𝒐 𝑪𝒂𝒍𝒖𝒏𝒈𝒔𝒐𝒅, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑛𝑖𝑛𝑦𝑜 𝑘𝑎𝑚𝑖.

𝑺𝒂𝒏 𝑴𝒊𝒈𝒖𝒆𝒍 𝑨𝒓𝒌𝒂𝒏𝒈𝒉𝒆𝒍, 𝑖𝑝𝑎𝑛𝑎𝑙𝑎𝑛𝑔𝑖𝑛 𝑀𝑜 𝑘𝑎𝑚𝑖.

Address

J. P. Rizal Street , Brgy. Poblacion 1
Silang
4118

Opening Hours

Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm
Saturday	8am - 5pm
Sunday	8am - 12pm

Website

facebook.com

Alerts

Be the first to know and let us send you an email when Diyosesanong Dambana at Parokya ng Mahal na Birhen ng Candelaria posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Diyosesanong Dambana at Parokya ng Mahal na Birhen ng Candelaria:

Shortcuts

Address
Opening Hours
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in Silang?

Diyosesanong Dambana at Parokya ng Mahal na Birhen ng Candelaria

25/05/2026

25/05/2026

25/05/2026

25/05/2026

25/05/2026

25/05/2026

25/05/2026

25/05/2026

24/05/2026

24/05/2026

Address

Opening Hours

Website

Alerts

Contact The Place Of Worship

Shortcuts

Share

Category