28/02/2026
๐ ๐๐ ๐๐๐๐๐ฆ๐๐๐ข๐ก ๐ฆ๐ ๐ฆ๐๐ก๐ง๐ข๐ฆ ๐ก๐๐ ๐ ๐๐ฆ๐
Ika-2 nga Dominggo sang Kwaresma ๐ฃ
Pebrero 29, 2026
๐ก๐๐๐๐จ๐ก๐ ๐ก๐๐ ๐๐๐๐๐ฆ๐๐๐ข๐ก: (Genesis 12:1-4)
Pagbasa gikan sa Libro sang
Genesis
ANG GINOO NAGSILING
kay Abram, "Halin ka sa imo
kaugalingon nga duta, sa imo
mga himata, kag sa puloy-an
sang imo amay, kag magkadto
ka sa isa ka duta nga igapakita
ko sa imo. Hatagan ko ikaw
sing madamo nga mga kaliwat
kag mangin-isa sila ka daku nga
pungsod. Bendisyunan ko ikaw
kag himuon ko nga mangin
bantog ang imo ngalan agod
paagi sa imo madamo ang
makabaton sing mga kaayuhan.
Hatagan ko sing mga kaayuhan
ang mga maayo sa imo. Pero
pakamala-uton ko ang mga
nagapakamala-ut sa imo. Ang
tanan nga mga pungsod sa
duta magapangayo sa akon nga
bendisyunan subong sang
akon pagbendisyon sa imo."
Sang si Abram nagaedad
sing setentay-singko ka tuig,
naghalin sia sa Haran suno sa
ginsiling sang GINOO sa iya.
๐ฆ๐๐๐ ๐ข ๐ฆ๐ ๐ฃ๐๐๐ฆ๐๐๐๐ง: (Salmo 32)
๐ฆ๐ฎ๐ฏ๐ฎ๐: O GINOO, ipakita sa
amon ang imo kaluoy, suno sa
amon pagsalig sa Imo.
1. Ang mga pulong sang GINOO
matuod, kag ang tanan niya
nga mga binuhatan masaligan.
Ang GINOO nagahigugma sang
matarong kag nagakabagay, ang
iya mapinadayunon nga gugma
nagapuno sang duta. (S)
2. Ang GINOO nagabantay
sa mga nagakahadlok sa
iya, sa mga nagasalig sa iya
mapinadayunon nga gugma.
Ginaluwas niya sila sa
kamatayon; ginabuhi niya sila
sa tion sang tiggulotom. (S)
3. Ang aton paglaom yara sa
GINOO; sia ang aton manugbulig
kag mangangapin. Nagakalipay
kita tungod sa iya; sa iya balaan
nga ngalan nagasalig kita. (S)
๐๐๐๐๐จ๐๐ ๐ก๐๐ ๐๐๐๐๐ฆ๐๐๐ข๐ก: (2 Timoteo 1:8-10)
Pagbasa gikan sa ikaduha nga
Sulat ni Pablo sa kay Timoteo
HINIGUGMA:
Magpakigbahin ka sa
mga pag-antos tungod sang
Maayong Balita, suno sa kusog
nga ginhatag sang Dios sa imo
para sini. lya kita ginluwas
kag gintawag nga mangin-iya
kaugalingon nga mga tawo, indi
tungod sang aton binuhatan,
kundi tungod sang iya tinutuyo
kag grasya. Ginhatag niya ini
nga grasya sa aton paagi kay
Kristo Jesus sa wala pa ang
ginsugoran sang panahon. Pero
ginpahayag na ini karon sa
aton paagi sa pag-abot sang
aton Manlulowas nga si Kristo
Jesus. Kay gindula ni Kristo ang
gahom sang kamatayon, kag
paagi sa Maayong Balita iya
ginpahayag ang kabuhi nga
wala sing katapusan.
๐๐๐ฅ๐ฆ๐๐๐จ๐๐ข ๐๐ก๐ง๐๐ฆ ๐๐ก๐ ๐๐๐๐ก๐๐๐๐๐ฌ๐ข: (Mateo 17:5)
Gikan sa panganod,
nabatian ang tingog sang Amay:
"Amo ini ang akon hinigugma
nga Anak, pamatii ninyo sia."
๐๐๐๐ก๐๐๐๐๐ฌ๐ข: (Mateo 17:1-9)
Pagbasa gikan sa santos nga
Ebanghelyo suno kay San
Mateo:
SANG MAKALIGAD ang anom
ka adlaw gindala ni Jesus si
Pedro kag ang mag-utod nga si
Santiago kag si Juan sa isa ka
mataas nga bukid nga silahanon
lang. Samtang nagatulok sila,
nagbalhin ang dagway ni Jesus.
Ang iya guya nagsilaw subong
sang adlaw, kag ang iya bayo
nagputi subong sang kapawa.
Dayon nakita sang tatlo ka mga
gintuton-an si Moises kag si
Elias nga nagapakighambal kay
Jesus. Gani si Pedro nagsiling
kay Jesus, "Ginoo, maayo gid
nga yari kita diri. Kon luyag
mo, mahimo ako sing tatlo ka
tolda, isa para sa imo, isa para
kay Moises, kag ang isa para
kay Elias."
Sang nagahambal pa sia,
ginlikupan sila sang masilaw
nga panganod, kag gikan sa
panganod may isa ka tingog
nga nagasiling, "Ini amo ang
akon hinigugma nga Anak nga
nahamut-an ko gid. Pamati
ninyo sia!"
Sang pagkabati sini sang
mga gintuton-an, hinadlukan
gid sila kag naghapa sila sa
duta. Ginpalapitan sila ni Jesus
kag gintandog nga nagasiling,
"Tindog kamo kag indi
magkahadlok!" Sang pagtangla
nila, wala sila sing iban nga
nakita, kundi si Jesus lamarng.
Sang pagdulhog nila sa
bukid, nagpaandam si Jesus
sa ila nga nagasiling. "Indi
kamo magpanugid bisan kay
sin-o sang inyo nakita, tubtob
nga ang Anak sang Tawo
mabanhaw."
