https://www.facebook.com/115460524922213/

Visitas nang San Vicente Ferrer

Home
Philippines
Sasmuan
Visitas nang San Vicente Ferrer

This is the official page of San Vicente Ferrer Chapel, Batang 1st, Sasmuan, Pampanga. Parish Priest: Rev. fr. Arjon M. Dela Cruz

25/07/2026

𝘾𝙧𝙪𝙯𝙖𝙙𝙖 𝙙𝙚 𝙋𝙚𝙣𝙞𝙩𝙚𝙣𝙘𝙞𝙖 𝙔 𝘾𝙖𝙧𝙞𝙙𝙖𝙙 𝙠𝙞𝙣𝙜 𝙑𝙞𝙨𝙞𝙩𝙖𝙨 𝙣𝙖𝙣𝙜 𝘼𝙥𝙪𝙣𝙜 𝙀𝙣𝙩𝙞𝙣𝙜

King malambat a banuang panenayan, magbalik lang pasibayu king Visitas nang Apung Enting ring Mal a larawan ning Virgen De Los Remedios at Santo Cristo del Perdon.

Iting pamandalo da king Baryu nang Apung Enting, metung yang tanda ning malablab a kasalpantayanan da ring memario karing mi-indu uling panwalan da ing mamye lang gracia at lamak karing sabla.

Karing bisang makiyabe pu karing Damas de Caridad at Caballeros de Cristo, magsadia kayu pung magpalista karing kakilala yung CPC.

"𝙈𝙖𝙡𝙖𝙢𝙗𝙖𝙩 𝙣𝙖𝙣𝙜 𝙖𝙡𝙙𝙤 𝙠𝙚𝙠𝙖𝙢𝙞𝙣𝙜 𝙥𝙖𝙣𝙖𝙮𝙖𝙣, 𝙞𝙩𝙞𝙣𝙜 𝙥𝙖𝙣𝙮𝙖𝙩𝙖𝙣𝙜 𝙮𝙪 𝙠𝙞𝙣𝙜 𝙗𝙖𝙧𝙮𝙪 𝙢𝙞𝙣𝙜 𝙩𝙞𝙗𝙪𝙖𝙣..."

San Vicente Ferrer,
Malugud ming patulunan,
Ipanalangin mu cami!

Virgen de los Remedios,
Indu ning capaldanan, Tula ring kapampangan,
Ipanalangin mu cami!

Santo Cristo del Perdon y Caridad,
Lunus at capaldanan,
Pacaluluan mu cami!

24/07/2026

𝘾𝙧𝙪𝙯𝙖𝙙𝙖 𝙙𝙚 𝙋𝙚𝙣𝙞𝙩𝙚𝙣𝙘𝙞𝙖 𝙔 𝘾𝙖𝙧𝙞𝙙𝙖𝙙

Malugud na pung pabalu ning Parokya nang Santo Rosario de Malusac ing pamanyatang da ring mal a larawan ning Virgen de los Remedios at Santo Cristo del Perdon y Caridad king kekatamung pacamalan a parokya.

Iting malambat tamung panayan midinan ng kapakibatan ing pamagbalik da ring mal a larawan. Maygit siyam a banua (9 years) ing kekatamung penayan ban akit at dumalo lang pasibayu king kekatamung parokya at karing sasakupang bisitas.

Iting pamandalo da ring mal a larawan magdala yang gracia at kalam karing sablang parokyanus at talasalpantaya a dalawan da. Dakal a paltutu ing gracia a babiye da ring mi-indu karing sablang maniwala at manyad kapakibatan karing sablang panalangin at aklis da.

Malugud mi pung pabalu king mabilug a Parokya ning Santisimo Rosario de Malusac ing pamanyatang ning Cruzada king October 03, 2026 anggang yang November 18, 2026 king kekatamung parokya at sasakupang visitas.

Indu ning Lati at Indu ring Mangalati,
Santisimo Rosario de Malusac,
Ipanalangin mu cami!

Virgen de los Remedios,
Indu ning capaldanan, Tula ring kapampangan,
Ipanalangin mu cami!

Santo Cristo del Perdon y Caridad,
Lunus at capaldanan,
Pacaluluan mu cami!

23/07/2026

KAPABALUAN PU!

Para king kapagsadian king pamanyatang ning Virgen De Los Remedios at Santo Cristo del Perdon. Ding pung anggang bisang makiyabe king Damas de Caridad at Caballeros de Cristo malyari kayu pung palista kareng CPC o mag chat kening page tamu.

Datang ya pu ing Cruzada king Visitas nang Apung Enting king bulan ning Oktubri. Tara makiyagum tamu king panyatang da ring mi-indu.

18/07/2026

Chapel Financial Report for the Month of JUNE 2026 for transparency, accountability and openness.

Magsilbi yo pung lawen reng anggang lulub at lulwal a pera king kekatamung visitas. Salamat pu!

27/06/2026

FEAST OF OUR LADY OF PERPETUAL HELP

LAUAN: Ing prusisyun a meganap para king cafiestan na ning Indu ning Alang Anggang Saup. Meganap iting prusisyun kabang mag rosaryu king mabilug a barrio.

Malugud a Indu, Saupan mu cami
Indu ning Alang Anggang Saup
Ipanalangin mu cami!

24/06/2026

Fiestang San Juan Bautista 2026

LAUAN: Ding mapilan a larawan a mekwa king cafiestan nang San Juan king baryu nang Apung Enting. Iting kapagmasusian metung yang matuang tradisyun a pagselebran king balang June 24.

Viva San Juan Bautista!

23/06/2026

FIESTANG SAN JUAN 2026

PANAGKAT: Agkatan mila ngan pu reng anggang talasalpantaya nang Apung Enting ban tumagun king Libad.

Kaybat pu ning Misa, daretchu tamu king Batang ban pag lub ing larawan nang San Juan karing kekatamung pibale-bale.

Viva San Juan Bautist

12/06/2026

Fiestang Apung Antu 2026

LAUAN: Ing pamagbale-bale nang Apung Antu king Baryu nang Apung Enting. Iti metung yang tradisyun ing dumalo ya ing larawan na ning mal a santu karing balang bale bayu o king mismung cafiestan na.

San Antonio de Padua,
Ipanalangin mu cami!

04/06/2026

LAUAN: Ing gayak ning Visitas para king mumunang aldo novenario parangal kang San Antonio de Padua. Mag umpisa ing Nobena potang alas-6 ning bengi at misunud ing Banal a Misa a maganap potang alas-7 ning bengi. Iti panimunan nang Reb. Padre Arjon Dela Cruz ing kekatamung kura paroko.

31/05/2026

LIMBUN PAMUPUS KING BULAN NING MAYO

Address

Batang 1st
Sasmuan

Website

facebook.com

Alerts

Be the first to know and let us send you an email when Visitas nang San Vicente Ferrer posts news and promotions. Your email address will not be used for any other purpose, and you can unsubscribe at any time.

Want your place of worship to be the top-listed Place Of Worship in Sasmuan?