San Nicolas 1st Chapel Sasmuan, Pampanga

27/08/2024

Neng domingo na pu tipa ing novena para king fiesta ng san nicolas agkatan da kayung simba

01/09/2023

agkatan da kayu pu makisanmetung king selebrasyun ning fiesta ng San Nicolas de Tolentino keni San Nicolas 1st, Sasmuan. megumpisa na pu ing novenario misa.

10/09/2022

𝐂𝐚𝐟𝐢𝐞𝐬𝐭𝐚𝐧 𝐧𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ꜱᴇᴘᴛᴇᴍʙᴇʀ 10•

O maligayang San Nicolas, mayubu rang santungan ding maliligalig, simpanan king e pabilang a mala, mayupayang karinan a nung nu ya mayayakit ing panuli ning kaladwa't katawan, batbat ding herejias, alagad nang talapanaral ning Diyos, tula at santungan ding kekang devotos, piyayalimbawan king pamag-penitensya, salamin a lusuk king kalinisan, api ning kapalsintan king Diyos, itangad mo ring mata kening kaklis mamawad king kekang pakalulu, dinan me pung sikanan lumaban king kasalanan, tetagan ba neng e asupil ning demonyung mapamiraya, kasian me pu kabang mabie ya keti king yatu. Kanita king katatawlian, malyari yang makikasi keka ken tulang pakasautan mu ken banua. Yanasa.

𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨,
𝙄𝙥𝙖𝙣𝙖𝙡𝙖𝙣𝙜𝙞𝙣 𝙢𝙪 𝙠𝙖𝙢𝙞!

08/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀ-ꜱɪʏᴀᴍ ᴀ ᴀʟᴅᴏ (ꜱᴇᴘᴛᴇᴍʙᴇʀ 9)•

Ibpang alang angga, ampat mung pisyag mo king banal at makapaldan ing panalangin la king Diyos ding kaladwa king purgatoryu ba nang apatawad karela ing utang dang dusa keka pauli ning kasalanan da, king lubus a kapakumbaban idaraun ku pu Keka ing panalangin, pamag-penitensya, pamag-limus, at pamidaun king mal a Santo Sacrificio ning Misang dinaun nang pepariki king ikanono ding kalulung kaladwa king purgatoryu ning alipan mu at malingao kung patulunan, i San Nicolas de Tolentino. Layun kung ipanigapu ing miligtas la sa at mayangu detang kalulung kaladwa king purgatoryu ketang kasakitan a daralanan da uli ning utang dang dusa pauli ning kasalanan da.

Ibye mu naman sa pu ing pakalulu mu kening kaladwa ku at ikabus me king pangayalipan na king demonyu at daptan mu sa pu ing apakirasan na kagum detang mapalad a kaladwa king alang-anggang tula karin banwa. Amen.

Cttop.

08/09/2022

Happy Birthday, Mama Mary!🙏💗

O kalinislinisan a Indu ning Dios at Indu mi naman.
Reina ning banua ampon yatu,
kapagmulalan a Virgen de los Remedios,
antimong malugud a anak, a makapadurut king trono mu
at makasiklaud arap ning dangalan
a meging Indu na ka ning Dios,
kaniting aldo tutung maligaya para keka
at para kekami maragul namang tula,
tatagulaling mi keka ing pangatau mi,
ing pibalebale mi, ing sablang meging kekami,
alang-alang king dakal nang pakalulu ning Dios,
ing b***n mi ampon ing mabilug a provincia mi,
ba mung ampunan iting sabla at lingapan
layun pakibilang mu sanang bandi mung tune.

08/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀᴡᴀʟᴜɴɢ ᴀʟᴅᴏ (ꜱᴇᴘᴛᴇᴍʙᴇʀ 8)•

O malugud a Jesus, inyang ikit mong mangayna reng taung tutuki keka ngamung sinabi karing kekang Apostol, "Kalunusan ko reting dakal a tau." Lawan mu naman pu king ngening mang panaun a iti dakal la ring mangailangan, bisang tuki keka, at magkabie king tinape mala a babiye ning Santa Eukaristiya.

Dapot uli na ning kulang la ring maka-daun dapat kaniti, kapilan pa man ena akwang apakirasan ning tau ing kanwanan damdaman king amanu mu ena atuklasan ing kailangan a pagkabie karing karelang kaladwa. Pakiramdaman mu pu ining kekaming panalangin king kapamalitan na ning kekang talasuyu, i San Nicolas de Tolentino. Amen.

Cttop.

06/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀᴘɪᴛᴜɴɢ ᴀʟᴅᴏ (ꜱᴇᴘᴛᴇᴍʙᴇʀ 7)•

Mayupayang Ginu at Diyos ko, marapat pin ing parusan mo ring kasalang mu antimo ing pepayintulut mu ing pauranan mung apin anyang inawad nang Propeta Elias uli na ning pamanalansang da ring tau.

Ngeni man pu Dios ko, pakiramdaman mu pu ing kayawsan ning patulunan ming i San Nicolas de Tolentino. E mu ke sa pu paparusan king kapalimatan na ning silab. Lalung lalu na iligtas mu kami king api ning Impyerno a lubus makaduluk king kaladwa mi.

Sisisi kaming taos-pusu, Diyos ko, inya sa emu pu ipayintulut ing miparusan keng makanyan keti king yatu. Saupan mu ke king mal mung grasya ba ra kang ena pikasalanan pa; kanita lubus dakang apuryan keti angga na ketang bie metung. Amen.

Cttop.

05/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀɴᴀᴍ ᴀ ᴀʟᴅᴏ (ꜱᴇᴘᴛᴇᴍʙᴇʀ 6)•

Kakayap-kayapan a Dios at kakatas-katasan a Ginu ning banua't yatu, king maragul mung upaya at kaburyan mamintu keka ing sabla sabla, subali mu pin king taung pigmasabalan mu pauli ning keyang kesyasan a lub inya sa pepakit mu naman keya ing panga-hustisya mu at pepabal mu kaya ing katumbas nang parusa ning keyang kasalanan.

Dapot pauli ning pamamilatan ning kekang alipan i San Nicolas de Tolentino at pauli na ning pamanisi ning tau at pamangilala na ki keya kapaliwasan, yabut mupung ipagkalam ing kekang lunus keya layun meng iligtas king kamatayan at mapupus sa ing keyang bie antimong tune bininyagan at mangakung masiag king tune kasalpantayanan king Santissima Trinidad, Ibpa, Anak, at Espiritu Santo, atlung personas at metung mu king panga-Diyos a tutu. Amen.

Cttop.

05/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀʟɪᴍᴀɴɢ ᴀʟᴅᴏ (ꜱᴇᴘᴛᴇᴍʙᴇʀ 5)•

Mapaglunus at malam a Dios, king uyab ning tune mung kalam pagkalub mung pauranan ing yatu king panaun ban pasipamunga la ring tanaman, ing tau naman ing keyala nang pasalamat keting dapat mung mayap at pauli ning mikulaput ya pusu king dewakan ning kasalanan biryan mu pung pepalawi at e pepamnungan ding tanaman.

Dusang tapat king kasalanan; dapot king uli ning matimbang nang pamamilatan ning bina mung kaluguran, i San Nicolas de Tolentino, pigkalub mung pepabal ing panulu king yatu at ing kasngawan ding tau ban lubus dakang purian at samban angga man kapilan. Amen.

Cttop.

04/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀᴘᴀᴛ ᴀ ᴀʟᴅᴏ (ꜱᴇᴘᴛᴇᴍʙᴇʀ 4)•

Mayupayang Dios, yayadwan mi king mitmung kababan a lub ing iligtas mu ke sa pu kareng miyaliwang salut at kasakitan a ipasari na ning keng miyulit-ulit a kasalanan, dagdagan mu sa pu ing kekang lunus at balingyan mu pung pakiramdaman ing pamamilatan na ning kekang suging kaluguran i San Nicolas de Tolentino, ing iyantala na ing bigsikan ning hustisya mu, manalig kami king kalam ning panga-Ibpa mu at ibye mu pung ipatawad ing sablang kasalanan mi uli ning kekeng lubus at tapat a pamanisi, ban keta apalaran ming nabangnan e mu ing tula keti sulip nune angga na ketang bie metung ing ligaya ning kaladwa mi. Amen.

Cttop.

03/09/2022

There is a cost to discipleship. Jesus wants to be accompanied by friends not by complaining conscripts. He paints a stark picture, asking if we are ready to accept difficulty with him. If we are, we know that he will not leave us alone but will carry our burdens with us and show us what love and courage mean. (Luke 14: 25-33)

Do I find the cost of discipleship demanding? In what ways?

Lord Jesus, today we are encouraged to take steps that will lead us on the path to our heavenly home – we are asked to turn from anything or anyone who could hamper our journey. Before all else our minds and hearts belong to you, Lord. We must do all in our power to seek You first and all else will fall into place. Amen.

Blessed morning & God bless you more! 🙏💗😷

03/09/2022

𝐍𝐨𝐛𝐞𝐧𝐚 𝐩𝐚𝐫𝐚 𝐤𝐚𝐧𝐠 𝐒𝐚𝐧 𝐍𝐢𝐜𝐨𝐥𝐚𝐬 𝐝𝐞 𝐓𝐨𝐥𝐞𝐧𝐭𝐢𝐧𝐨
•ᴋᴀᴛʟᴜɴɢ ᴀʟᴅᴏ (ꜱᴇᴘᴛᴇᴍʙᴇʀ 3)•

Kasantu-santusan at Mayupayang Dios, manibala't kukumkum king pusu ring tau, yayadwan mi pung alang likat keka ing pikametungan mo sa ring sablang pun ding sablang bansa keti yatu. Muna king pamangilala ra king Santo Papa at kadwa, king pamilaganap da at pamiyiral karing kekang kautusan a likwan mu kang Moises ban kaniting paralan miral ing tune kapayapan.

Iti pu yang yaklis ming aduan king uli ning pamamilatan ding marangal mung Anghel ning pamikalugud, ing maligayang San Nicolas de Tolentino a minye alimbawa kekami king tune pamikalugud king amanu at king dapat. Amen.

Cttop.