St Therese of Lisieux Parish - Bilao, Sapian, Capiz

01/05/2026

Viva! Katesismo, librong bilidhon! 🙏✨

Nagsugod na ang Catechesis sa aton Parokya kag sa aton mga nanari-sari nga Kapilya!

Sa sini nga tion sang pagtuon sang pagtuo, ginatipon naton ang aton mga pamatan-on agud mas mapalapit sila kay Hesus paagi kay Maria.

Ang Catechesis indi lamang pagtuon sang mga leksyon kundi isa ini ka paggiya sa ila kabuhi espirituhanon, paghulma sa ila nga may kahadlok sa Diyos, paghigugma sa isigkatawo, kag mapag-on nga pundasyon sang pagtuo.

Kun kamo bukas nga magsponsor sang snacks para sa aton mga kabataan, mahimo kamo maka-coordinate sa inyo tagsa ka chapels. Ang inyo bulig dako guid nga suporta para sa ila pagtuon kag pagpadayon sa sini nga ministeryo.

Subong man, sa mga buot maghatag sang bulig para sa Closing Program sang mga pamatan-on sa May 30, magpadala lamang sang mensahe sa sini nga page ukon mahimo man nga magbisita sa aton parokya.

Madamo guid nga salamat sa inyo padayon nga suporta kag paghigugma sa ministeryo sang kabataan.

Padayon kita sa paggiya sang kabataan pakadto kay Kristo, upod kay Maria. 🌹

23/04/2026

𝐄𝐩𝐢𝐬𝐜𝐨𝐩𝐚𝐥 𝐎𝐫𝐝𝐢𝐧𝐚𝐭𝐢𝐨𝐧 & 𝐂𝐚𝐧𝐨𝐧𝐢𝐜𝐚𝐥 𝐈𝐧𝐬𝐭𝐚𝐥𝐥𝐚𝐭𝐢𝐨𝐧 𝐇𝐢𝐬 𝐄𝐱𝐜𝐞𝐥𝐥𝐞𝐧𝐜𝐲, 𝐌𝐨𝐬𝐭 𝐑𝐞𝐯𝐞𝐫𝐞𝐧𝐝 𝐂𝐲𝐫𝐢𝐥 𝐁. 𝐕𝐢𝐥𝐥𝐚𝐫𝐞𝐚𝐥, 𝐃.𝐃.

St. John the Baptist Cathedral, Kalibo, Aklan | April 23, 2026

Live via Kalibo Cable TV Community Channel, Filvision Inc., 88.1 Spirit FM Roxas, Metropolitan Cathedral and Archdiocesan Shrine of the Immaculate Conception, Pamati- Archdiocese of Capiz, Diocese of Kalibo and Barangay RU 92.9 Super Radyo Kalibo.

06/04/2026

SEMANA SANTA 2026

Sa pagtapos sang Semana Santa, ginaselebrar naton ang kadalag-an sang kabuhi batok sa kamatayon, ang pagkabanhaw ni Kristo nga nagahatag sa aton sang paglaum kag bag-ong kabuhi. Ang aton pagtuo nagapadayon, ginapabakod sang gugma sang Ginoo nga matinumanon sa Iya mga promisa.

Sa sini nga tion, ginapasalamatan naton ang tanan nga nagbulig kag nag-alagad halin sa preparasyon sang simbahan, sa pag-andam sang tagsa ka detalye, tubtob sa matinumanon nga pagpatigayon sang mga seremonya kag mga Misa. Ginapasalamatan man ang tanan nga mga nagtambong sa aton mga hilikuton.

Ang inyo mapainubuson nga pagpaninguha kag dedikasyon nagbulig agud mangin malinong, matahum, kag mapuslanon ang aton mga selebrasyon.

Ang inyo pag-alagad isa ka buhi nga pamatuod sang pagtuo kag gugma.

Kabay pa nga ang grasya sang kabanhawan magpadayon nga maggiya sa aton tanan sa aton adlaw-adlaw nga pagkabuhi.

Padayon kita sa pagtuo, paglaum, kag paghigugma. 🙏

06/04/2026

Semana Santa 2026 | Dominggo sang Pagkabanhaw

Ang aton pagtuo wala nagatapos sa kasakit kag sa kamatayon sang aton Ginuo kundi sa iya pagkabanhaw. Muni ang mensahe sang aton selebrasyon sang Dominggo sang Pagkabanhaw kag dapat naton ini madumduman sa aton adlaw-adlaw nga pagkabuhi.

Bisan sa tunga sang mga pagtilaw nga aton ginaatubang, adlaw-adlaw ginapahanumdom kita sang Domingo sang Pagkabanhaw nga ini tanan magaagi lamang.

Magaabot gid ang tion sang kapawa kag pagkabanhaw ni Hesukristo, isa ka promisa nga Iya gid ginatuman.

Ang Diyos tama ka matutom, tama ka sinsero kag tama ka matuod sa Iya mga promisa sa aton.

Gani, bisan ano pa ang aton ginagian sa kabuhi, magtuo kag maglaum kita. May pagkabanhaw nga nagahulat sa aton kag may kapawa nga padayon nga naga giya, ang kapawa sang nabanhaw nga Kristo.

06/04/2026

Semana Santa 2026 | Dominggo sang Pagkabanhaw

Sa Domingo sang Pagkabanhaw, ginaselebrar naton ang Salubong, ang malipayon nga pagtililipon ni Maria kag sang nabanhaw nga si Kristo. Isa ini ka matahum nga pagpahayag nga ang kasubo ginbayluhan sang kalipay, kag ang kadulom sang kamatayon napirdi sang kahayag sang kabuhi.

Ang anghel nga nagapahayag sang maayong balita nagasimbolo sang paglaum nga ginahatag sa aton tanan, nga si Kristo nabanhaw kag buhi.

Sa sini nga tuigan nga selebrasyon, ginapangunahan sang aton lead angel nga si Ava Maendy D. Nonato ang pag-anunsyo sang kadalag-an sang kabanhawan, isa ka pagpamatuod sang buhi nga pagtuo sang pamatan-on kag komunidad.

Kabay pa nga ini nga Paskwa magpuno sang aton tagipusuon sang kalipay, paglaum, kag bag-ong kusog sa pagpadayon sa aton pagtuo.

Nabanhaw Siya! Aleluya!

05/04/2026

Semana Santa 2026 | Bihilya Paskwal sang Pagkabanhaw

C. Liturhiya sang Eukaristiya

Sa Eukaristiya, ginaselebrar naton ang kabuhi nga ginahatag ni Kristo sa aton. Ini ang kabug-osan sang selebrasyon, ang pagtilipon bilang isa ka komunidad sa pagbaton sang Iya presensya kag grasya.

05/04/2026

Semana Santa 2026 | Bihilya Paskwal sang Pagkabanhaw

C. Liturhiya sang Pagbunyag

Diri ginabendisyunan ang tubig kag ginabag-o naton ang saad sang pagbunyag, isa ka panawagan sa bag-ong kabuhi kay Kristo. Ginadumduman naton nga kita ginatawag sa pagtalikod sa sala kag pagpili sang kabuhi nga puno sang pagtuo.

05/04/2026

Semana Santa 2026 | Bihilya Paskwal sang Pagkabanhaw

B. Liturhiya sang Pulong

Sa mga balasahon, ginabalikan naton ang istorya sang kaluwasan, halin sa pagtuga tubtob sa pagluwas sang Ginoo sa Iya katawhan.

Diri aton nabatian kung sa diin nagsugod kita sa kadulom indi bangod dira kita ginatawag kundi agod makita naton ang tinuod nga kahulugan sang kapawa. Sa isa ka diutay nga kalayo nga ginpasiga sa Seryo Paskwal, ginpahanumdom kita nga ang Diyos nagasulod sa aton kabuhi hinay hinay kag may kaayuhan. Ginapakita nga ang Diyos nga nagahulag sadto amo man gihapon ang Diyos nga padayon nga nagahikot sa aton subong.

Sa sini nga kapawa, ginatawag kita nga magkabuhi bilang mga nabanhaw upod kay Kristo, nga ginapakita ang pagtuo sa tagsa ka adlaw pinaagi sa pagpili sang kaayuhan kag pagtalikod sa kadulom. Ang pagtuo indi ginatago kundi ginapahayag sa kabuhi nga puno sang gugma kag paglaum.

Sa Eukaristiya, ginapahayag nga ang Ginuo wala nagapalayo kundi nagapalapit sa aton, bangod ang gugma luyag mangin malapit kag buhi sa sulod naton. Sa iya pagkabanhaw, ginahatagan kita sang bag o nga kabuhi kag bag o nga paglaum nga padayon naton dal-on.

05/04/2026

Semana Santa 2026 | Bihilya Paskwal sang Pagkabanhaw

A. Solemne nga Pagsugod sang Bihilya

Sa sini nga bahin, ginabuksan ang Bihilya paagi sa pagbendisyon sang kalayo kag Siryo Paskwal, simbolo sang kahayag ni Kristo nga nagapirdi sa kadulom. Sa prusisyon kag Exultet, ginabantala naton ang kadalag-an sang pagkabanhaw, ang paglaum nga ginahatag sa kalibutan.

05/04/2026

05/04/2026

Semana Santa 2026 | Biernes Santo
Prusisyon et Kasakit et Ginuo (6/6)