STAP Turno 14 - Tarcisian Adorers

07/06/2026

𝐃𝐀𝐊𝐈𝐋𝐀𝐍𝐆 𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐊𝐀𝐓𝐀𝐖𝐀𝐍 𝐀𝐓 𝐃𝐔𝐆𝐎 𝐍𝐈 𝐊𝐑𝐈𝐒𝐓𝐎

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏!
𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Ngayong araw ay ipinagdiriwang natin ang Dakilang Kapistahan ng Katawan at Dugo ni Kristo (Corpus Christi), isang mahalagang pagdiriwang na nagbibigay-pugay sa tunay na presensya ni Hesus sa Banal na Eukaristiya. Ang salitang Corpus Christi ay nangangahulugang “Katawan ni Kristo” at nagpapaalala sa atin ng Kanyang patuloy na pananatili sa gitna ng Kanyang bayan.

Ipinagdiriwang ang kapistahang ito upang higit nating mapahalagahan ang dakilang kaloob ng Eukaristiya, na itinatag ni Hesus sa Huling Hapunan. Sa pamamagitan nito, patuloy nating natatanggap ang Kanyang biyaya, lakas, at pagmamahal sa ating paglalakbay sa pananampalataya. Nawa’y maging pagkakataon ang pagdiriwang na ito upang higit nating mahalin, igalang, at sambahin si Kristo sa Kabanal-banalang Sakramento.





📝: Nicole Jane Montaril
🎨: Daniell Godwin Cueto

06/06/2026

06/06/2026

03/06/2026

𝕻𝖆𝖌𝖐𝖎𝖑𝖆𝖑𝖆 𝖘𝖆 𝕿𝖆𝖌𝖚𝖒𝖕𝖆𝖞 𝖆𝖙 𝕻𝖆𝖌𝖑𝖎𝖑𝖎𝖓𝖌𝖐𝖔𝖉 🎓

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏!
𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Malugod naming kinikilala at binabati ang mga tagapaglingkod na matagumpay na nakapagtapos ng kanilang pag-aaral. Ang pagtatapos na ito ay bunga ng inyong sipag, tiyaga, at pagsisikap sa pagharap sa mga hamon ng pag-aaral. Nawa’y magsilbi itong paalala na ang bawat sakripisyo at pagsisikap ay may magandang bunga, at maging inspirasyon ito sa mga susunod ninyong hakbang.

Maraming salamat sa inyong tapat na paglilingkod sa simbahan. Sa kabila ng mga gawain sa paaralan at iba pang responsibilidad, nanatili kayong masigasig sa pagtupad ng inyong mga tungkulin sa simbahan. Ang inyong dedikasyon, disiplina, at pagmamahal sa paglilingkod ay tunay na kahanga-hanga. Dalangin namin ang patuloy na paggabay at pagpapala ng Panginoon sa inyong bagong yugto ng buhay. 🤍✨






📝: Nicole Jane Montaril
🎨: Daniell Godwin Cueto & Edward Jean Magnaye

02/06/2026

𝑻𝑼𝑹𝑵𝑶 𝟏𝟒 - 𝑩𝑰𝑯𝑰𝑳𝒀𝑨 𝑷𝑨𝑹𝑨 𝑺𝑨 𝑩𝑼𝑾𝑨𝑵 𝑵𝑮 𝑴𝑨𝒀𝑶 𝟐𝟎𝟐𝟔 | 𝑴𝒂𝒚 24, 2026 | 11:00 a.m.

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏!
𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Noong Mayo 24, 2026, ganap na alas-11:00 ng umaga, isinagawa ng mga Adorador Tarcisiano ng Turno 14 ang kanilang buwanang vigil sa Parokya ni Santo Tomas de Aquino bilang paglalaan ng panahon para sa pananalangin at pagbabantay sa harap ng Kabanal-banalang Santissimo Sakramento. Ang vigil ay isang mahalagang bahagi ng buhay-pananalangin sapagkat nagbibigay ito ng pagkakataong makapanatili sa presensya ng Panginoon sa katahimikan at pagninilay.

Sa mga sandaling ito, naaalala ang kahalagahan ng pagtitiwala sa Diyos at ng patuloy na pagpapalalim ng pananampalataya sa gitna ng mga hamon ng araw-araw na buhay. Sa pamamagitan ng gawaing ito, muling nabibigyang-halaga ang debosyon sa Banal na Eukaristiya at ang pagtugon sa paanyaya ng Panginoon na manatiling mapanalanginin at tapat sa Kanya. Nawa’y magpatuloy ang diwa ng pagsamba, paglilingkod, at pagmamahal sa Diyos na siyang buklod ng samahan.





📸: Janper Basibas
📝: Nicole Jane Montaril
🎨: Nicole Comia

01/06/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐁𝐫𝐨. 𝐁𝐫𝐨. 𝐌𝐚𝐫𝐜 𝐄𝐮𝐠𝐞𝐧𝐞 𝐓𝐨𝐥𝐞𝐧𝐭𝐢𝐧𝐨!!
𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐁𝐫𝐨. 𝐁𝐫𝐨. 𝐊𝐞𝐧𝐧𝐞𝐭𝐡 𝐉𝐚𝐦𝐞𝐬 𝐈𝐥𝐚𝐠𝐚𝐧!!

Mula sa Turno 14 – Tarcisian Adorers, maligayang kaarawan! Nawa’y patuloy kang pagningasin ng Panginoon bilang tapat na tagapangalaga ng Kanyang Banal na Presensya. 🙏✨

01/06/2026

𝐓𝐀𝐎𝐒-𝐏𝐔𝐒𝐎𝐍𝐆 𝐏𝐀𝐒𝐀𝐒𝐀𝐋𝐀𝐌𝐀𝐓 𝐏𝐎 𝐒𝐀 𝐈𝐍𝐘𝐎, 𝐑𝐄𝐕. 𝐅𝐑. 𝐓𝐎𝐌 𝐕𝐈𝐋𝐋𝐀𝐅𝐑𝐀𝐍𝐂𝐀 𝐀𝐍𝐃 𝐑𝐄𝐕. 𝐅𝐑. 𝐄𝐔𝐆𝐄𝐍𝐄 𝐏𝐄Ñ𝐀𝐋𝐎𝐒𝐀

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏!
𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Lubos po ang aming pasasalamat kina Fr. Tom at Fr. Eugine sa kanilang panahon, paglilingkod, at mga naiambag sa aming parokya at sa aming turno. Maraming salamat po sa inyong mabuting pakikisama, paggabay, at pagmamalasakit na aming naranasan sa buong panahon ng inyong pananatili. Hindi lamang po kayo naging mga pari para sa amin, kundi naging mga huwaran din sa pananampalataya. Ang mga aral, payo, at magagandang alaalang iniwan ninyo ay mananatili sa aming mga puso at magsisilbing inspirasyon sa aming pang-araw-araw na buhay.

Dalangin po namin ang inyong mabuting kalusugan, kaligayahan, at patuloy na tagumpay sa misyong ipinagkatiwala sa inyo ng Panginoon. Maraming salamat po, Fr. Tom at Fr. Eugine. Hindi po namin malilimutan ang inyong kabutihan at dedikasyon sa paglilingkod.

Muli, maraming salamat po at pagpalain nawa kayo ng Diyos. 🙏📿





📝: Nicole Jane Montaril
🎨: Daniell Godwin Cueto

29/05/2026

𝐇𝐚𝐩𝐩𝐲 𝟒𝟑rd 𝐒𝐚𝐜𝐞𝐫𝐝𝐨𝐭𝐚𝐥 𝐀𝐧𝐧𝐢𝐯𝐞𝐫𝐬𝐚𝐫𝐲, 𝐌𝐨𝐬𝐭 𝐑𝐞𝐯. 𝐆𝐢𝐥𝐛𝐞𝐫𝐭 𝐀. 𝐆𝐚𝐫𝐜𝐞𝐫𝐚 𝐃.𝐃.

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏!
𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Taos-pusong pagbati sa ating Arsobispo, Most Reverend Gilbert A. Garcera, D.D., sa kanyang ika-43 anibersaryo sa pagkapari. Hangad po namin ang patuloy na pagpapala ng ating Panginoon sa inyo. Nawa’y pagkalooban pa po kayo ng lakas, talas ng isip, at pusong patuloy na mapaglingkod. Manatili po sana kayong inspirasyon sa maraming kabataang handang tumugon sa tawag ng Panginoon. Ang inyo pong dedikasyon sa paglilingkod ay nagsisilbing huwaran ng kababaang-loob at pagmamahal.

Maraming salamat po sa inyong walang sawang pagmamahal at paglilingkod sa Diyos at sa Kanyang bayan. Ang inyo pong buhay ay patunay ng wagas na pagtugon sa tawag ng Diyos.

Muli, maligayang anibersaryo po! 🙏📿






📝: Nicole Montaril
🎨: Nicole Comia

28/05/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐈 𝐏𝐀𝐏𝐀 𝐒𝐀𝐍 𝐏𝐀𝐁𝐋𝐎 𝐕𝐈 | 𝐌𝐀𝐘𝐎 29, 2026
𝐏𝐀𝐓𝐑𝐎𝐍 𝐍𝐆 𝐈𝐊𝐀𝐋𝐀𝐖𝐀𝐍𝐆 𝐊𝐎𝐍𝐒𝐈𝐋𝐘𝐎 𝐍𝐆 𝐁𝐀𝐓𝐈𝐊𝐀𝐍𝐎 𝐀𝐓 𝐍𝐆 𝐀𝐑𝐊𝐈𝐃𝐀𝐘𝐎𝐒𝐄𝐒𝐈𝐒 𝐍𝐆 𝐌𝐈𝐋𝐀𝐍

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏!
𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Sa pagdiriwang natin ng Kapistahan ni , ginugunita natin ang kanyang buhay na puno ng katapatan, katatagan, at malalim na pananampalataya sa Diyos. Siya ay naging mahalagang pinuno ng Simbahan na nagtaguyod ng pagkakaisa at pag-asa sa gitna ng mabilis na pagbabago ng mundo. Sa kanyang pamumuno, ipinakita niya ang kahalagahan ng paghawak sa katotohanan at tapat na paglilingkod sa Ebanghelyo. Ang kanyang buhay ay naging paalala na ang tunay na pinuno ay naglilingkod nang may kababaang-loob at pananampalataya. Dahil dito, siya ay naging huwaran ng isang Simbahang matatag sa gitna ng hamon ng panahon.

Itinuro sa atin ni na ang Simbahan ay patuloy na tinatawag sa misyon ng pagdadala ng Mabuting Balita sa buong mundo. Sa kanyang halimbawa, nawa’y matuto tayong manatiling tapat sa Diyos sa gitna ng pagbabago at pagsubok sa buhay. Hinihikayat tayo na maging bukas sa paggabay ng Espiritu Santo sa ating mga desisyon at gawain araw-araw. Hilingin natin na patuloy niya tayong gabayan tungo sa pagkakaisa, kapayapaan, at matibay na pananampalataya. Nawa’y manatiling buhay sa atin ang diwa ng paglilingkod at pagmamahal sa Simbahan at kapwa.

San Pablo VI, ipanalangin mo kami!

Hesus, manatili ka sa aming mga puso, magpakailanman!

28/05/2026

𝐊𝐀𝐏𝐈𝐒𝐓𝐀𝐇𝐀𝐍 𝐍𝐆 𝐏𝐀𝐍𝐆𝐈𝐍𝐎𝐎𝐍𝐆 𝐇𝐄𝐒𝐔𝐊𝐑𝐈𝐒𝐓𝐎, 𝐖𝐀𝐋𝐀𝐍𝐆 𝐇𝐀𝐍𝐆𝐆𝐀𝐍𝐆 𝐀𝐓 𝐃𝐀𝐊𝐈𝐋𝐀𝐍𝐆 𝐏𝐀𝐑𝐈 | 𝐌𝐀𝐘𝐎 𝟐𝟖, 𝟐𝟎𝟐𝟔

𝑺𝒂𝒎𝒃𝒂𝒉𝒊𝒏 𝒂𝒏𝒈 𝑷𝒂𝒏𝒈𝒊𝒏𝒐𝒐𝒏, 𝑴𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏!

Sa Kanya natin natatagpuan ang pag-ibig na hindi nagmamaliw, awa na walang hanggan, at paglilingkod na handang magsakripisyo para sa lahat. Bilang Dakilang Pari, si Hesukristo ang ilaw na gumagabay sa ating pananampalataya at lakas sa gitna ng bawat pagsubok.

Nawa’y ang pagdiriwang na ito ay muling magpaalab sa ating mga puso upang magmahal, maglingkod, at manatiling tapat sa Diyos gaya ng ipinakita ni Kristo.





📝: Adrian Anthony Delos Reyes
🎨: Nicole Comia