02/10/2026
๐ ๐๐ฅ๐๐ง๐๐ ๐ ๐ฃ๐ฅ๐ข๐๐๐ฆ๐ฆ๐๐ข๐ก ๐ฎ๐ฌ๐ฎ๐ฒ
October 2, 2026
An Maritime Procession ni Nuestra Seรฑora del Santisimo Rosario, hale sa Brgy. Alimsog pasiring sa Parokya ni Sto. Domingo de Guzman, bako sana sarong pagbaklay sa katubigan, ini sarong magayon na paglakbay nin pagtubod, pamibi, asin debosyon. Sa pag-iba ta sa satuyang Mahal na Ina, kita pinapagirumdom na arog kan dagat, an buhay pwedeng magdara nin mga alon asin mga kawaran nin kasegurohan, alagad sa pagdara sato ni Maria pasiring ki Jesus, kita nagpapadagos na magtiwala asin mag-abante sa pagtubod.
Pinapaabot niamo an samuyang udok sa pusong pasasalamat sa gabos na naging parte kan makahulugan na aktibidad na ini, sa satong Kura Paroko, Fr. Tonypet Ballares asin Fr. Francis Benaya, mga parish ministries, mga organisasyon kan simbahan, LGU Sto. Domingo, mga sanggunian pang-barangay asin pastoral, mga kagsadiri asin mga operator kan bangka, mga volunteers, asin sa gabos na mga indibidwal na bukas-palad na naghiras kan saindang panahon, panghingoa, talento, asin mga pamibi.
Boot mi man po ipaabot an samuyang dakulang pasasalamat sa mga myembro kan ๐๐๐ก๐๐ฌ, na saro sa naging dalan tanganing maging matrayumpo asin posible ang aktibidad na ini, Dios an Magbalos sa saindo gabos.
Lugod padagos na giyahan asin protehiran ni Nuestra Seรฑora del Santisimo Rosario an satong komunidad, an satong mga pamilya, asin an gabos na nagdedebosyon kay Ina. Danay logod kitang darahon niya sa saiyang Aki, na si Jesus.
