30/09/2026
๐๐๐ ๐ ๐ฎ๐ง๐ข๐ญ๐ ๐ค๐๐ฒ ๐๐๐ง๐ญ๐ ๐๐๐ซ๐๐ฌ๐ข๐ญ๐ ๐ง๐ ๐๐๐ง๐ ๐ ๐จ๐ฅ ๐ง๐ ๐ฌ๐ข ๐๐๐ฌ๐ฎ๐ฌ, ๐๐๐ฅ๐๐ ๐ ๐๐ญ ๐ฉ๐๐ง๐ญ๐๐ฌ ๐ง๐ ๐๐ข๐ฆ๐๐๐ก๐๐ง
October 1
โ๐๐ฎ ๐๐ค๐, ๐ ๐ก๐ค๐ซ๐ ๐๐๐๐.โ - Saint Thรฉrรจse
Ipinagdiriwang natin ngayon ang kapistahan ni Santa Teresita ng Sanggol na si Hesus. Lumaki siya sa isang pamilyang puno ng pagmamahal. Namatay ang kanyang ina noong siya ay maliit pa, ngunit naging napakalapit niya sa kanyang ama at mga kapatid. Sa loob mismo ng kanilang pamilya unang niyang natutunan ang malalim na kahulugan ng pag-ibig sa Diyos at sa kapwa. Tinawag ang kanilang tahanan na isang โschool of love.โ
Sa edad na 15, pumasok siya sa Carmelite convent sa Lisieux. Doon niya ginugol ang kanyang buhay sa tahimik na pananalangin, pagsunod, sakripisyo, at pagmamahal kay Jesus. Hindi siya gumawa ng malalaking bagay na nakilala ng mundo, sa halip, ipinakita niya na maaaring maging banal ang isang tao sa pamamagitan ng maliliit na gawain na ginagawa nang may malaking pagmamahal. Sumulat siya ng kanyang autobiography na The Story of a Soul, kung saan ibinahagi niya ang kanyang buhay, pananampalataya, at espirituwalidad.
Sa edad na 23, nagkasakit siya ng tuberculosis at dumanas ng matinding paghihirap. Sa kabila nito, nanatili ang kanyang pagtitiwala at pagmamahal sa Diyos. Namatay siya noong September 30, 1897, sa edad na 24.
PANALANGIN KAY SANTA TERESITA
Santa Teresita, noong ikaw ay bata pa, umibig ka na sa Diyos sa loob ng inyong pamilya, ang iyong unang paaralan ng pag-ibig. Lumalim at naging matindi ang iyong pagmamahal sa Kanya hanggang sa tinawag ka Niya upang makapiling Siya magpakailanman. Ipanalangin mo ako na matuklasan ko rin ang gayong kalalim at katinding pagmamahal sa Diyos, upang sa pamamagitan ng Kanyang biyaya ay makasama rin ako sa kaluwalhatiang tinatamasa mo ngayon. Amen.
Santa Teresita ng Sanggol na si Hesus, ipanalangin mo kami!
PAROKYA NI SANTA ROSA DE LIMA
Poblacion, City of Santa Rosa, Laguna
SRDLP Commission on Social Communications
