Jesus Christ the Awesome God Church

30/04/2026

Sa huling araw ng buwang ito, ginugunita natin ang mga huling salita ng ating Panginoong Hesus, kung saan malinaw Niyang ipinahayag ang lubos na pag-aalay ng Kanyang buhay bilang pagtugon sa kalooban ng Ama sa langit. Hindi ito biglaang pasiya lamang sa huling sandali, kundi kabuuan ng Kanyang buhay: ang pagiging masunurin sa Diyos Ama, maging hanggang kamatayan sa krus ng Kalbaryo.

Sa Kanyang mga kataga, “Ama, sa Iyong mga kamay ay ipinagkakatiwala Ko ang Aking espiritu,” ipinapaalala sa atin ang kusang-loob na pagsunod ni Kristo. Nawa’y malinang din ito sa ating buhay-pananampalataya: ang buong pagtitiwala at pagsuko sa kagustuhan at kalooban ng Diyos para sa ating buhay.

27/04/2026

21/04/2026

Ahoy, awesome mateys!

Set your hearts on a journey that leads to the greatest treasure of all. This Vacation Bible School 2026, “Treasure Hunt: Seeking the Riches of Christ,” invites children and families to step aboard and discover that true riches are not found in gold or jewels, but in a life devoted to God. Rooted in the promise of Jeremiah 29:13, we are reminded that when we seek Him with all our heart, we will surely find Him.

Join us on May 6-9, 8 AM, as we chart a course through God’s Word, uncovering timeless truths, growing in faith, and anchoring our lives in Christ. The adventure awaits, and the treasure is eternal.

See you there!

11/04/2026

𝙏𝙤 𝙤𝙪𝙧 𝙗𝙚𝙡𝙤𝙫𝙚𝙙 𝙉𝙖𝙣𝙖𝙮 𝙋𝙖𝙨𝙩𝙤𝙧𝙖 𝘾𝙝𝙖𝙧𝙢𝙞𝙚, 𝙗𝙡𝙚𝙨𝙨𝙚𝙙 𝙗𝙞𝙧𝙩𝙝𝙙𝙖𝙮!

We give thanks for the life you continually pour out as a shining example of love, steadfast faith, and a meek and gentle spirit. May this day be filled with heavenly joy, abiding peace, and an overflow of blessings. Know that we hold you dearly in our hearts and are deeply grateful for all that you do. We love you always!

10/04/2026

Sa krus ng Kalbaryo, ipinahayag ng ating Panginoon ang mga salitang, “Natupad na.” Sa pamamagitan ng Kanyang buhay na inihandog sa Ama, ganap Niyang tinupad ang perpektong alay na hinihingi ng kautusan. Sa gayon, naipakita ang katuwiran ng Diyos sa kasalukuyang panahon na Siya ay matuwid at Siya ring tagapagpahayag ng katuwiran para sa mga sumasampalataya kay Hesus.

Sa pamamagitan ni Kristo Hesus, napawi ang galit ng Diyos; at sa pamamagitan ng Kanyang mga sugat at latay, tayo ay gumaling.

07/04/2026

Sa init ng panahon ngayon, mabilis tayong mauhaw. Kahit sa gitna ng mga dinaranas nating pagsubok at kagulumihanan, tayo ay nauhuhaw sa sagot at tugon.

Ngunit sa mga huling salita ni Hesus, bilang tao at upang matupad ang kasulatan, Kanayang sinambit: “Nauuhaw ako.” (John 19:28).

Tumigis ang dugo ni Kristo Hesus sa krus ng kalbaryo upang sa ganoon, kung sino ang iinom ng tubig na Kanyang ibibigay ay hindi na mauuhaw magpakailanman. Ang tubig na ibibigay ni Hesus ay magiging isang bukal ng tubig tungo sa buhay na walang hanggan.

07/04/2026

Mahirap maiwan lalo na ng mga taong itinuturing mong importante sa buhay mo. Masakit masaranasan na pabayaan ng mga taong sa inaasahan mong iyongmasasandalan sa gitna ng pagsubok.

Subalit higit pa riyan ang naranasan ni Kristo. Sa gitna ng Kanyang pagpapakasakit sa krus ng kalbaryo at sakit ng pag-iwan ng Kanyang mga disipulo, Siya ay sumigaw ng may malakas na tinig, na sinasabi, “Eli, Eli, lama sabacthani?” na ang kahulugan ay “Diyos ko, Diyos ko, bakit mo ako pinabayaan?” (Matthew 27:46). Dahil nang mga oras na iyon ay kinuha Niya ang ating kasalanan, at sinalo ang banal na galit ng Ama nang sa gayo'y, tayong mga nananampalataya sa Kanyang tinapos na gawa, ay hindi na muling makaranas na iwanan at pabayaan.

06/04/2026

Ayon sa aklat ni Juan 19:26, “Nang makita ni Jesus ang Kanyang ina at ang alagad na Kanyang minamahal na nakatayo sa tabi niya, sinabi Niya sa Kanyang ina, ‘Babae, narito ang iyong anak!’”

Nakakamangha ang paraan ng pagbibigay-galang ni Kristo, bilang tao, sa Kanyang mga magulang dito sa mundo. Higit sa lahat, ipinakita Niya ang ganap na pagsunod sa Ama hanggang sa Kanyang kamatayan sa krus ng Kalbaryo.

Bagama’t tayo ay sumuway sa utos ng Diyos, sa pamamagitan ng pagsunod ni Kristo ay Kanyang binayaran ang ating kasalanan at inilaan ang Kanyang perpektong katuwiran para sa mga sumasampalataya sa Kanya. Sa Kanyang lubos na pagsunod, tayo ay pinaging-matuwid at nagkaroon ng bagong buhay sa harap ng Diyos.

04/04/2026

Minsan, iniisip natin na ang isang lugar ay maituturing na paraiso dahil ito’y maganda, maaliwalas, o masaya.

Ngunit higit pa rito ang ipinapakita ng biyaya ng Panginoong Hesus sa mabuting balita sa Luke 23:43, kung saan sinabi Niya sa isang makasalanan:

“Katotohanang sinasabi ko sa iyo, sa araw na ito, ikaw ay makakasama ko sa Paraiso.”

Ipinapakita nito na ang tunay na paraiso ay hindi lamang isang lugar, kundi ang makasama Siya. Ito ang Kanyang pangako sa mga sumasampalataya sa Kanya bilang Panginoon at Tagapagligtas—ang walang hanggang buhay na kasama Siya magpakailanman.

04/04/2026

Mahirap magpatawad kapag nasa gitna ka ng magulong mundo na nagdudulot sa atin upang magtanim ng galit.

Pero ang Panginoong Hesus, imbes na makitaan ng galit at p**t sa mga taong nangutya at nanakit sa Kanya, ay habag at kapatawaran ang Kanyang idinulog sa Ama.

Luke 23:34a
At sinabi ni Jesus: Ama, patawarin mo sila sapagkat hindi nila alam ang kanilang ginagawa.

Maging paalala ang pagpapatawad ni Kristo sa atin upang matutunan nating magpatawad sa iba. Lumapit tayo at manumbalik sa Diyos nang maranasan natin ang Kanyang lubos at kamagha-manghang pag-ibig.