Blessed Sacrament Parish

27/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐀𝐆𝐔𝐒𝐓𝐈𝐍

O San Agustin, pinili ka ng Amang Lumikha upang maging G**o ng pag-ibig, ilaw ng mga mangangaral at mag-aaral, Pantas ng Simbahan, haligi ng Santa Iglesia, tagapagtanggol ng pananampalatayang Kristiyano at kalasag laban sa mga kaaway. Hayaan mong matularan ko ang iyong halimbawa ng pagbabalik-loob sa Diyos upang ako rin ay makatamasa ng matuwid na landas tungo sa kaginhawahang walang katapusan upang ang puso ko ay pamahayan ng Banal na Santatlo.

(Banggitin ang kahilingan) Nawa’y maisabuhay ko ang halimbawa mo, o aking patrong San Agustin, upang ang aking napapagal na puso ay makasumpong ng kapayapaan at magalak sa pag-ibig ng iisang Diyos. Amen.

SAN AGUSTIN, IPANALANGIN MO KAMI!

27/08/2026

Pagbati kay Sis. Cresencia Dela Cruz bilang San Juan de Dios: Natatanging Tagapaglingkod 2026!🏅✨

Salamat sa iyong walang sawang paglilingkod, dedikasyon, at pagmamahal sa Blessed Sacrament Parish.

27/08/2026

Agosto 27, 2026 | Ika-24 na Anibersaryo ng pagkakatatag ng Parokya

Ang Banal na Misa ay pangungunahan ni Rdo. Pd. Ramon C. Bernardo

@24

26/08/2026

𝐇𝐚𝐩𝐩𝐲 𝟐𝟒𝐭𝐡 𝐂𝐚𝐧𝐨𝐧𝐢𝐜𝐚𝐥 𝐄𝐬𝐭𝐚𝐛𝐥𝐢𝐬𝐡𝐦𝐞𝐧𝐭 𝐀𝐧𝐧𝐢𝐯𝐞𝐫𝐬𝐚𝐫𝐲 𝐁𝐥𝐞𝐬𝐬𝐞𝐝 𝐒𝐚𝐜𝐫𝐚𝐦𝐞𝐧𝐭 𝐏𝐚𝐫𝐢𝐬𝐡!

"𝘈𝘯𝘥 𝘐 𝘵𝘦𝘭𝘭 𝘺𝘰𝘶 𝘵𝘩𝘢𝘵 𝘺𝘰𝘶 𝘢𝘳𝘦 𝘗𝘦𝘵𝘦𝘳, 𝘢𝘯𝘥 𝘰𝘯 𝘵𝘩𝘪𝘴 𝘳𝘰𝘤𝘬 𝘐 𝘸𝘪𝘭𝘭 𝘣𝘶𝘪𝘭𝘥 𝘮𝘺 𝘤𝘩𝘶𝘳𝘤𝘩, 𝘢𝘯𝘥 𝘵𝘩𝘦 𝘨𝘢𝘵𝘦𝘴 𝘰𝘧 𝘏𝘢𝘥𝘦𝘴 𝘸𝘪𝘭𝘭 𝘯𝘰𝘵 𝘰𝘷𝘦𝘳𝘤𝘰𝘮𝘦 𝘪𝘵.”
— 𝘔𝘢𝘵𝘵𝘩𝘦𝘸 16:18

@24

26/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍𝐓𝐀 𝐌𝐎𝐍𝐈𝐂𝐀

Mapitagang Ina ng dakilang Agustin, pinagsumikapang mong baguhin ang nawawalay mong anak, hindi ng pananakot kundi ng pananalanging puno ng luha. Mamagitan ka para sa lahat ng mga ina ng aming panahon upang maakay nila ang kanilang mga anak sa Diyos.

Turuan mo po sila kung paanong manatiling malapit sa kanilang mga anak, maging ang mga anak na nawalay na ng landas.
​
Minamahal naming Santa Monica, ina at asawang uliran, maraming pighati ang tumarak sa iyong puso sa tanang iyong buhay. Subalit hindi ka nawalan ng loob at pananampalataya. Nanalangin ka nang may katatagan, pagtitiyaga at malalim na pananampalataya para sa pagbabago ni Patricio ang iyong minamahal na asawa, at ni Agustin ang minamahal mong anak.

Bigyan mo kami ng iyong katatagan, pasensya, at pagtitiwala sa Panginoon. Mamagitan ka para sa amin, minamahal naming Santa Monica upang pakinggan ng Diyos ang aming mga panalangin para kay/sa [banggitin ang hiling dito] , at ipagkaloob sa amin na tanggapin ang Kanyang kalooban sa lahat ng bagay, sa pamamagitan ni Hesukristong Panginoon namin, kaisa ng Espiritu Santo, isang Diyos magpasawalang hanggan. Amen.

(3) Aba, Ginoong Maria
(3) Luwalhati

SANTA MONICA, IPANALANGIN MO KAMI!

26/08/2026

24 na taon ang lumipas. Gaano na nga ba kalayo ang narating ng sambayanan ng Blessed Sacrament Parish?

“𝑲𝒖𝒏𝒈 𝒉𝒊𝒏𝒅𝒊 𝑷𝒂𝒏𝒈𝒊𝒏𝒐𝒐𝒏 𝒂𝒏𝒈 𝒏𝒂𝒈𝒕𝒂𝒕𝒂𝒚𝒐 𝒏𝒈 𝒃𝒂𝒉𝒂𝒚, 𝒘𝒂𝒍𝒂𝒏𝒈 𝒌𝒂𝒃𝒖𝒍𝒖𝒉𝒂𝒏 𝒂𝒏𝒈 𝒑𝒂𝒈𝒑𝒂𝒑𝒂𝒈𝒂𝒍 𝒏𝒈 𝒎𝒈𝒂 𝒏𝒂𝒈𝒕𝒂𝒕𝒂𝒚𝒐 𝒏𝒊𝒕𝒐.” — 𝑨𝒘𝒊𝒕 𝟏𝟐𝟕:𝟏

Sabay-sabay tayong nangarap, sama-sama nating itinayo, at patuloy nating bubuhayin ang simbahang ating pinangarap.

24 na taon ng pananampalataya, paglilingkod, at sama-samang paglalakbay.

26/08/2026

Inaanyayahan ang lahat na makiisa sa pagdiriwang ng ika-24 na anibersaryo ng pagkakatatag ng ating Parokya, bukas Agosto 27, 2026. Ang Banal na Misa ay 5:00PM

@24

Sama-sama nating ipagdiwang ang ika-24 na Anibersaryo ng pagkakatatag ng Parokya sa Agosto 27, 2026. Ang oras ng Banal na Misa ay 5:00PM.

@24

24/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐁𝐀𝐑𝐓𝐎𝐋𝐎𝐌𝐄 𝐀𝐏𝐎𝐒𝐓𝐎𝐋

O maluwalhating San Bartolome, tinawag ka ni Jesus na taong walang pagkukunwari, at nakita mo ang tanda sa mundong ito na Siya ang Anak ng Diyos at Hari ng Israel. Ipagkaloob mo sa amin ang biyaya na sa tuwina ay huwag magbalatkayo at payak na tulad ng kalapati. Gayundin naman, tulungan mo kami na mapasa-amin ang biyaya ng iyong pananampalataya na makita ang mapagpalang kamay ng Diyos sa mga pangyayari sa pang-araw-araw naming buhay. Nawa’y mapagtanto namin ang mga tanda ng panahon na maghahatid sa amin kay Hesus dito sa lupa at humantong nawa sa pakikipagkaisa namin sa kanya sa langit magpakailanman. Amen.

SAN BARTOLOME APOSTOL, IPANALANGIN MO KAMI!

23/08/2026

IN PHOTOS | Dental at Medical Mission sa Caypombo

Bilang pasasalamat sa Ika-24 na Anibersaryo ng pagkakatatag ng Blessed Sacrament Parish at sa tulong ni Rdo. Pd. Ramon Bernardo at ng iba’t ibang samahan ng simbahan, matagumpay na isinagawa ang libreng Dental at Medical Mission na ginanap sa Cay Pombo Covered Court kahapon, Agosto 22, 2026. Sinimulan sa ganap na ika-8 ng umaga at natapos ng ika-11 ng umaga. Umabot sa 130 na kaparokya ang nakibahagi.

📸: Juliene Abao | Loueisse Belarmino | Angela Delos Santos | Moises Divina | Jabneh Ian Manarang | Bianca Toquero

@24