Saint John Paul II Parish

22/09/2026

📌𝐏𝐀𝐑𝐈𝐒𝐇 𝐀𝐃𝐕𝐈𝐒𝐎𝐑𝐘

Wala pong pagdiriwang ng Banal na Misa sa ating Parokya sa araw ng Miyerkules, September 23, 2026, magpapatuloy po itong muli sa Biyernes, September 25, 2026.

Maraming salamat po sa inyong pang-unawa at patuloy na pakikiisa!

14/09/2026

14/09/2026

11/09/2026

𝐏𝐀𝐆𝐇𝐀𝐘𝐎 𝐍𝐆 𝐈𝐌𝐀𝐇𝐄𝐍 𝐍𝐆 𝐁𝐀𝐍𝐀𝐋 𝐍𝐀 𝐀𝐖𝐀
September 10, 2026

Matapos ang tatlong araw ng pananatili sa ating Parokya, taimtim nating hinatid ang Imahen ng Banal na Awa sa susunod nitong hantungan, ang Immaculate Conception Parish sa Santa Cruz, Laguna, noong Setyembre 10, 2026.

Sa maikling panahong ipinagkaloob sa atin ang presensya ng banal na imahen, naging daan ito upang higit nating mapalalim ang ating pananalangin, pagninilay, at pagtitiwala sa walang hanggang awa ng Diyos.

Sa paghayo ng Imahen ng Banal na Awa mula sa ating Parokya, nawa’y hindi lamang isang alaala ang maiwan sa atin, kundi isang patuloy na paanyaya na isabuhay ang habag, pagpapatawad, at pagmamahal ni Hesus sa bawat isa.

Nawa’y magpatuloy ang paglalakbay ng mensahe ng Banal na Awa sa bawat pamayanan at maging daan upang mas marami pang puso ang makatagpo at magtiwala sa walang hanggang pag-ibig ng Diyos.

HESUS, AKO AY NANANALIG SA IYO!

10/09/2026

𝐏𝐀𝐆𝐃𝐀𝐓𝐈𝐍𝐆 𝐍𝐆 𝐈𝐌𝐀𝐇𝐄𝐍 𝐍𝐆 𝐁𝐀𝐍𝐀𝐋 𝐍𝐀 𝐀𝐖𝐀
September 8, 2026

Noong Setyembre 8, 2026, malugod na sinalubong ng ating pamayanan ang Imahen ng Banal na Awa na dumating sa ating Parokya.

Naging higit na makabuluhan ang araw na ito sapagkat kasabay nito ang pagdiriwang ng Kapistahan ng Mahal na Birheng Maria. Sa loob ng tatlong araw, mula Setyembre 8 hanggang 10, nanatili sa ating Parokya ang banal na imahen bilang paanyaya sa pananalangin, pagninilay, at higit na pagtitiwala sa walang hanggang awa ng Diyos.

Nawa’y manatili sa ating mga puso ang mensahe ng Banal na Awa at ang paanyaya ni Hesus na patuloy tayong magtiwala sa Kanyang habag at pag-ibig.

09/09/2026

📌 𝐏𝐀𝐑𝐈𝐒𝐇 𝐀𝐃𝐕𝐈𝐒𝐎𝐑𝐘

Wala po munang transaksyong mangyayari sa ating Parish Office bukas, September 10, 2026. Ito po uli ay muling magbubukas sa Biyernes, September 11, 2026.

Maraming Salamat po sa inyong suporta at patuloy na pakikiisa!

08/09/2026

𝐌𝐀𝐋𝐈𝐆𝐀𝐘𝐀𝐍𝐆 𝐏𝐀𝐆𝐃𝐀𝐓𝐈𝐍𝐆
September 8, 2026

Maligayang pagdating sa Imahen ng Banal na Awa sa ating Parokya!

Sa pagdating ng banal na imahen, higit nating ipinagdiriwang ang dakilang awa at pagmamahal ng ating Panginoong Hesukristo, kasabay ng pagdiriwang sa Kapistahan ng Pagsilang ng Mahal na Birheng Maria ngayong Setyembre 8.

Nawa’y sa tulong ng Mahal na Birheng Maria, Ina ng Awa, mas lalo nating mapalalim ang ating pananampalataya, pagtitiwala, at pag-ibig sa kanyang Anak na si Hesukristo.

Sa pagdating ng Imahen ng Banal na Awa, nawa’y maging paalala ito sa bawat isa sa atin na ang awa ng Diyos ay laging bukas para sa pusong lumalapit sa Kanya nang may pagpapakumbaba at pagtitiwala.

HESUS, AKO AY NANANALIG SA IYO!

07/09/2026

𝐏𝐀𝐆𝐒𝐈𝐋𝐀𝐍𝐆 𝐍𝐆 𝐌𝐀𝐇𝐀𝐋 𝐍𝐀 𝐁𝐈𝐑𝐇𝐄𝐍𝐆 𝐌𝐀𝐑𝐈𝐀
September 8, 2026

Maligayang Kaarawan, Mahal na Ina!

Sa araw na ito, buong galak at pasasalamat nating ipinagdiriwang ang pagsilang ng Mahal na Birheng Maria. Sa pamamagitan ng kanyang mapagkumbaba at buong pusong pagsunod sa kalooban ng Diyos, siya ay naging huwaran ng pananampalataya, pag-asa, at pagmamahal para sa ating lahat.

Mahal na Birheng Maria, patuloy mo kaming akayin palapit sa iyong Anak na si Hesukristo. Ipanalangin mo kami at ang aming mga pamilya, at tulungan mo kaming mamuhay nang may tapat na pananampalataya at pusong laging handang tumugon sa kalooban ng Diyos.

Photo Credit: José Chuatoco

07/09/2026

📌𝐏𝐀𝐀𝐍𝐘𝐀𝐘𝐀

Inaanyayahan po ang lahat na salubungin nang may galak, pananalig, at debosyon ang Imahen ng Banal na Awa sa ganap na ika-8:00 ng umaga sa ating Parokya.

Makikiisa po tayo sa masayang pagdiriwang at sama-samang manalangin bilang isang pamayanang nagkakaisa sa pananampalataya.

📌𝐏𝐀𝐀𝐍𝐘𝐀𝐘𝐀

Narito po ang mga gawain sa ating Parokya sa darating na Kapistahan ng Pagsilang ng Mahal na Birheng Maria sa Martes, Setyembre 8, 2026.

Inaanyayahan po ang lahat na salubungin nang may galak, pananalig, at debosyon ang Imahen ng Banal na Awa sa ganap na ika-8:00 ng umaga sa ating Parokya.

Makikiisa po tayo sa masayang pagdiriwang at sama-samang manalangin bilang isang pamayanang nagkakaisa sa pananampalataya.

02/09/2026

📌𝐏𝐀𝐀𝐍𝐘𝐀𝐘𝐀

Narito po ang mga gawain sa ating Parokya sa darating na Kapistahan ng Pagsilang ng Mahal na Birheng Maria sa Martes, Setyembre 8, 2026.

Inaanyayahan po ang lahat na salubungin nang may galak, pananalig, at debosyon ang Imahen ng Banal na Awa sa ganap na ika-8:00 ng umaga sa ating Parokya.

Makikiisa po tayo sa masayang pagdiriwang at sama-samang manalangin bilang isang pamayanang nagkakaisa sa pananampalataya.