PYC - St. Joseph the Worker Parish

03/09/2026

Welcome to St. Joseph the Worker Parish po, Bro. Niel! 😇

Buong galak na tinatanggap sa Parokya ni San Jose ang Manggagawa si Sem. Joseph Niel L. Mangui mula sa Parokya ni San Isidro Labrador, Mogpog, Marinduque.

Makakasama natin siya para sa kanyang Parish Exposure bilang bahagi ng kanyang Pre-Diaconal Program. Sa panahong ito, siya ay makikibahagi sa buhay, mga gawain, at paglilingkod sa ating parokya bilang bahagi ng kanyang patuloy na paghahanda at paghubog sa kanyang bokasyon.

Nawa’y maging makabuluhan ang kanyang pakikibahagi sa ating parokya at maging pagkakataon ito upang higit na mapalalim ang kanyang pagkatuto, pakikipag-ugnayan, at paglilingkod sa Simbahan.

Welcome to St. Joseph the Worker Parish, Bro. Niel! 💚

01/09/2026

𝐒𝐘𝐍𝐎𝐃𝐀𝐋 𝐄𝐍𝐂𝐎𝐔𝐍𝐓𝐄𝐑 𝐖𝐈𝐓𝐇 𝐓𝐇𝐄 𝐏𝐑𝐈𝐄𝐒𝐓𝐒

Noong Agosto 31, 2026, nagsama-sama ang ilan sa mga kabataan ng St. Joseph the Worker Parish kasama ang ating minamahal na mga pari para sa isang makabuluhang Synodal Encounter at Conversation in the Spirit.

Sa simpleng pag-uusap, pakikinig, at pagbabahagi, nagkaroon kami ng pagkakataong mas makilala at maunawaan ang isa’t isa. May mga sandaling tahimik kaming nakinig, may mga kwentong ibinahagi, at may mga bagay na tumimo sa aming mga puso. Sa lahat ng ito, sinubukan naming pakinggan hindi lamang ang isa’t isa, kundi pati ang tinig ng Banal na Espiritu na gumagabay sa ating paglalakbay bilang isang Simbahan.

Naging gabay din namin ang Ebanghelyo ayon kay San Juan, kung saan ipinakita ni Hesus ang tunay na kahulugan ng paglilingkod nang hugasan Niya ang paa ng Kanyang mga alagad. Sa pamamagitan nito, naalala namin na ang pagiging isang komunidad ay hindi lamang tungkol sa pagsasalita, kundi tungkol din sa pagiging handang makinig, umunawa, magmahal, at maglingkod sa isa’t isa.

Salamat sa Diyos at naisagawa namin ang Synodal Encounter nang maayos, at higit sa lahat, makabuluhan. Maraming salamat din kina Fr. Sat, Fr. Christian, at Fr. Dino sa kanilang oras, presensya, at patuloy na suporta sa mga kabataan upang maisagawa ang ganitong makabuluhang pagkakataon ng pakikinig at pagbabahagi.

Isang simpleng pagtatagpo, ngunit puno ng mga kwento, pakikinig, at biyayang maaari naming dalhin sa aming patuloy na paglalakbay.

30/08/2026

Gospel Reflection (Mateo 16:21-27) | Agosto 30, 2026

“𝑲𝒖𝒏𝒈 𝒊𝒃𝒊𝒈 𝒏𝒊𝒏𝒖𝒎𝒂𝒏𝒈 𝒔𝒖𝒎𝒖𝒏𝒐𝒅 𝒔𝒂 𝒂𝒌𝒊𝒏, 𝒍𝒊𝒎𝒖𝒕𝒊𝒏 𝒏𝒊𝒚𝒂 𝒂𝒏𝒈 𝒖𝒌𝒐𝒍 𝒔𝒂 𝒌𝒂𝒏𝒚𝒂𝒏𝒈 𝒔𝒂𝒓𝒊𝒍𝒊, 𝒑𝒂𝒔𝒂𝒏𝒊𝒏 𝒂𝒏𝒈 𝒌𝒂𝒏𝒚𝒂𝒏𝒈 𝒌𝒓𝒖𝒔 𝒂𝒕 𝒔𝒖𝒎𝒖𝒏𝒐𝒅 𝒔𝒂 𝒂𝒌𝒊𝒏.”

Ang Ebanghelyo ay tungkol kay Hesus na ipinaalam sa kanyang mga alagad ang mga hirap at pagdurusang Kanyang pagdaraanan sa Jerusalem. Hindi ito matanggap ni Pedro kaya sinubukan niyang pigilan si Hesus. Ngunit pinaalalahanan siya ni Hesus na ang kanyang iniisip ay hindi ayon sa kalooban ng Diyos kundi sa pananaw ng tao. Ipinapakita nito na hindi lahat ng gusto natin ay naaayon sa plano ng Diyos para sa ating buhay.

Minsan, tulad ni Pedro, ayaw rin nating makita ang mga taong mahal natin na dumaranas ng paghihirap. Gusto nating alisin ang lahat ng problema at pagsubok sa ating buhay. Kapag may nangyayaring hindi ayon sa ating kagustuhan, madali tayong magtanong kung bakit hinahayaan ito ng Diyos. Ngunit ipinapaalala sa atin ng Ebanghelyo na hindi natin palaging nauunawaan ang plano ng Diyos. May mga bagay na mahirap tanggapin ngayon ngunit maaaring may mas malalim na dahilan sa hinaharap.

Sinabi rin ni Hesus na ang sinumang nais sumunod sa Kanya ay dapat magpasan ng sariling krus at sumunod sa Kanya. Para sa akin, ang sariling krus ay maaaring ang mga responsibilidad, problema, pagkakamali, at pagsubok na kinakaharap natin araw-araw. Hindi ito nangangahulugang kailangan nating harapin ang lahat nang mag-isa. Sa halip, tinuturuan tayo ni Hesus na magtiwala sa Diyos at manatiling matatag kahit hindi madali ang ating pinagdaraanan.

Minsan, mas pinipili nating sundin ang sarili nating kagustuhan dahil iyon ang mas madali at komportable para sa atin. Ngunit ang sinabi ni Hesus kay Pedro ay nagpapaalala sa akin na hindi dapat palaging sariling pananaw ang nasusunod. Kailangan kong matutong magtiwala sa Diyos kahit hindi ko agad naiintindihan ang Kanyang mga plano. Ang tunay na pagsunod sa Diyos ay nangangailangan ng pananampalataya, pagtitiis, at kahandaang tanggapin ang Kanyang kalooban.

Tinuturuan ako ng Ebanghelyo na huwag takasan ang mga pagsubok at huwag hayaang mangibabaw ang aking sariling kagustuhan. Sa halip, nais kong matutong magtiwala sa Diyos at tanggapin ang mga bagay na hindi ko kayang kontrolin. Kapag dumating ang mga pagsubok, nais kong magkaroon ng lakas na pasanin ang aking sariling krus at patuloy na sumunod kay Hesus. Dahil alam kong kahit mahirap ang aking landas, hindi Niya ako pababayaan.

ᴠɪᴀ ᴀꜱʜʟᴇʏ ɴɪᴄᴏʟᴇ ᴅᴇ ʙᴇʟᴇɴ - ʙᴀʀᴀɴɢᴀʏ ᴄᴏᴏʀᴅɪɴᴀᴛᴏʀ

23/08/2026

Gospel Reflection (Mateo 16:13-18) | August 23, 2026

"𝑺𝒊𝒏𝒐 𝒏𝒈𝒂 𝒃𝒂 𝒔𝒊 𝑯𝒆𝒔𝒖𝒔 𝒑𝒂𝒓𝒂 𝒔𝒂'𝒚𝒐?"

Ang Ebanghelyo ay nagtuturo sa akin na mahalagang kilalanin kung sino talaga si Hesus sa ating buhay. Hindi sapat na alam lamang natin kung ano ang sinasabi ng ibang tao tungkol sa Kanya, bagkus ay kailangan nating magkaroon ng sariling pananampalataya at personal na pagkilala sa Kanya.

Tulad ni Pedro, na nagpahayag na si Hesus ang Kristo, tinatawag din tayo na maging matatag sa ating pananampalataya. Sa panahon ng mga problema at pagsubok, dapat nating alalahanin na hindi tayo nag-iisa dahil kasama natin ang Diyos. Kaya kahit anong pagsubok pa ang aking kahaharapin, hinding-hindi ako susuko at magpapatinag sapagkat may Diyos akong laging nandyan at alam kong naka-gabay. Kaya lagi rin nating tandaan na sa bawat hamon natin ay sinusubok lamang tayo ng Diyos upang mas maging matatag at mas mapalalim ang pananampalataya natin sa Kanya.

Kaya para sa akin, ang mensahe ng Ebanghelyo ay kilalanin, paniwalaan, at sundin si Hesus. Nais kong isabuhay ang aking pananampalataya hindi lamang sa salita, kundi pati sa aking mga kilos, pakikitungo sa kapwa, at paggawa ng mabuti.

ᴠɪᴀ ᴊᴏʜɴ ʜᴀʀʀʏ ᴘ. ʀᴏʙʟᴇꜱ - ᴘʏᴄ ᴏꜰꜰɪᴄᴇʀ

19/08/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐭𝐨 𝐨𝐮𝐫 𝐒𝐨𝐜𝐢𝐚𝐥 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧 𝐌𝐞𝐦𝐛𝐞𝐫, 𝐋𝐨𝐮𝐢𝐬𝐞 𝐊𝐚𝐭𝐞! 🎉

Thank you for sharing your time, talents, and creativity with the Church. We appreciate your dedication and willingness to serve, and we’re grateful for the gift of having you as part of our ministry.

May God continue to bless you and guide you as you grow and serve with a joyful heart. May this new chapter bring you love, happiness, beautiful memories, and countless blessings.

𝑯𝒂𝒑𝒑𝒚 𝑩𝒊𝒓𝒕𝒉𝒅𝒂𝒚, 𝑳𝑲!🎂✨

17/08/2026

𝐊𝐚𝐡𝐢𝐭 𝐢𝐬𝐚𝐧𝐠 𝐤𝐮𝐬𝐢𝐧𝐠, 𝐢𝐭𝐨 𝐚𝐲 𝐦𝐚𝐲 𝐝𝐚𝐭𝐢𝐧𝐠.

Sa bawat piso, may pag-asa. Sa bawat mabuting gawa, may pagmamahal. At sa bawat pusong naglilingkod, buhay ang misyon ng Simbahan.

Buong pusong ipinagmamalaki ng Parokya ni San Jose ang Manggagawa ang pagkakamit ng First Runner-Up sa Pondo ng Pinoy TikTok Video Contest 2026! Maraming salamat po sa lahat ng nakiisa at sumuporta. 💙❤️

𝙿𝚛𝚘𝚍𝚞𝚌𝚝𝚒𝚘𝚗 𝚃𝚎𝚊𝚖:

𝙳𝚒𝚛𝚎𝚌𝚝𝚎𝚍 𝚋𝚢: Joseph Teodoro Peña

𝙲𝚊𝚜𝚝𝚜:
John Xyron Grimaldo
Rian Kyron Timothy Peña
Hanna Revilla
Lea Janelle Pielago

𝚂𝚞𝚙𝚙𝚘𝚛𝚝𝚒𝚗𝚐 𝙲𝚊𝚜𝚝𝚜:
Jose Mabunga
John Dave Gaudia

Tunay na kapag sama-sama, ang bawat ambag, gaano man kaliit, ay nagiging malaking biyaya.

"𝑨𝒏𝒖𝒎𝒂𝒏𝒈 𝒎𝒂𝒈𝒂𝒍𝒊𝒏𝒈 𝒌𝒂𝒉𝒊𝒕 𝒎𝒂𝒍𝒊𝒊𝒕, 𝒃𝒂𝒔𝒕𝒂’𝒕 𝒎𝒂𝒍𝒊𝒎𝒊𝒕, 𝒂𝒚 𝒑𝒂𝒕𝒖𝒏𝒈𝒐𝒏𝒈 𝒍𝒂𝒏𝒈𝒊𝒕."

16/08/2026

Gospel Reflection (Mateo 15:21-28) | August 16, 2026

"𝑵𝒂𝒑𝒂𝒌𝒂𝒍𝒂𝒌𝒊 𝒏𝒈 𝒊𝒚𝒐𝒏𝒈 𝒑𝒂𝒏𝒂𝒏𝒂𝒍𝒊𝒈!"

Ang Ebanghelyo ay tungkol sa isang Cananeang ina na buong pusong lumapit kay Hesus upang humingi ng tulong para sa kanyang anak. Kahit tila hindi agad pinansin ni Hesus ang kanyang panalangin at dumaan siya sa isang mahirap na pagsubok, hindi siya sumuko. Sa halip, patuloy siyang nagtiwala at nanalig kay Hesus. Ipinapakita sa atin ng Ebanghelyo kung gaano kalakas ang pananampalataya ng isang taong tunay na umaasa at nagtitiwala sa Diyos.

Kahit hindi agad sinagot ni Hesus ang kanyang hiling, patuloy siyang humingi ng tulong. Hindi niya hinayaang panghinaan siya ng loob dahil sa katahimikan o tila pagtanggi ni Hesus. Sa halip, lalo siyang nagpakumbaba at lumapit sa Kanya. Ipinakita niya na ang tunay na pananampalataya ay hindi nawawala kapag hindi agad natutupad ang ating mga kahilingan.

Marami rin tayong pagkakataon na parang hindi sinasagot ng Diyos ang ating mga panalangin. Minsan, hinihingi natin ang isang bagay ngunit matagal bago ito mangyari. Maaari tayong panghinaan ng loob o magtanong kung naririnig ba tayo ng Diyos. Ngunit tulad ng Cananeang ina, tinuturuan tayo ng Ebanghelyo na maging matiyaga at patuloy na magtiwala. Alam ng Diyos ang ating pangangailangan at mayroon Siyang tamang panahon para sa lahat.

Ang sinabi ni Hesus na, “Napakalaki ng iyong pananalig”, ay nagpapakita na nakita Niya ang tunay na pananampalataya ng babae. Hindi siya sumuko kahit mahirap ang kanyang pinagdaraanan. Dahil dito, gumaling ang kanyang anak. Para sa akin, ipinapakita nito na ang pananampalataya ay hindi lamang tungkol sa pagsasabi na naniniwala tayo sa Diyos, kundi tungkol sa patuloy na pagtitiwala sa Kanya kahit may mga pagsubok.

Tinuturuan ako ng ebanghelyo na huwag agad sumuko kapag hindi nasasagot ang aking mga panalangin. Tulad ng babae, kailangan kong maging matiyaga, mapagpakumbaba, at patuloy na maniwala sa kabutihan ng Diyos. Maaaring hindi Niya ibigay agad ang hinihiling ko, ngunit dapat kong tandaan na hindi Niya ako pinababayaan. Sa bawat pagsubok, nais kong palakasin ang aking pananampalataya at patuloy na sabihin na “Panginoon, tulungan Mo ako at hindi ako titigil sa pagtitiwala sa Iyo.”

ᴠɪᴀ ʜᴀɴɴᴀ ʀᴇᴠɪʟʟᴀ - ᴘʏᴄ ᴏꜰꜰɪᴄᴇʀ

14/08/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲, 𝐏𝐫𝐞𝐬𝐢𝐝𝐞𝐧𝐭 𝐋𝐞𝐚 𝐉𝐚𝐧𝐞𝐥𝐥𝐞! 🥳

Wishing our amazing PYC President a day filled with joy, blessings, and beautiful memories. May you continue to lead, inspire, and serve with a heart full of passion.

𝑮𝒐𝒅 𝒃𝒍𝒆𝒔𝒔 𝒚𝒐𝒖 𝒂𝒍𝒘𝒂𝒚𝒔, 𝑳𝒆𝒂! ✨💚

13/08/2026

𝐇𝐚𝐩𝐩𝐲 𝐁𝐢𝐫𝐭𝐡𝐝𝐚𝐲 𝐭𝐨 𝐨𝐮𝐫 𝐨𝐧𝐞-𝐜𝐚𝐥𝐥-𝐚𝐰𝐚𝐲 𝐚𝐧𝐝 𝐭𝐡𝐞 𝐄𝐧𝐠𝐢𝐧𝐞𝐞𝐫 𝐨𝐟 𝐨𝐮𝐫 𝐒𝐨𝐜𝐢𝐚𝐥 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧 𝐓𝐞𝐚𝐦, 𝐀𝐭𝐞 𝐇𝐢𝐥𝐚𝐫𝐫𝐲! 🥳

Thank you for always making time for the youth and for sharing your time, talent, and creativity with us. Despite your busy schedule, lagi ka pa ring nag-eextend ng help sa mga gawain ng kabataan. Your willingness to lend a hand and be there whenever we need you means so much to us, and we truly appreciate all the effort and support you give.

May God continue to bless you with good health, happiness, wisdom, and success in everything you do.

𝑯𝒂𝒑𝒑𝒚 𝑩𝒊𝒓𝒕𝒉𝒅𝒂𝒚, 𝑬𝒏𝒈𝒓. 𝑹𝒊𝒓𝒊! ✨💚

09/08/2026

Gospel Reflection (Mateo 14:22-33) | August 9, 2026

“𝑯𝒖𝒘𝒂𝒈 𝒌𝒂𝒚𝒐𝒏𝒈 𝒎𝒂𝒕𝒂𝒌𝒐𝒕; 𝒔𝒊 𝑯𝒆𝒔𝒖𝒔 𝒊𝒕𝒐!”

Ang Mabuting Balita ay nagturo sa akin tungkol sa kahalagahan ng pananampalataya at pagtitiwala sa Diyos. Sa kuwento, sumakay sa bangka ang mga alagad ni Jesus upang pumunta sa kabilang bahagi ng dagat. Habang sila ay nasa gitna ng dagat, lumakas ang hangin at nagkaroon ng malalaking alon. Natakot sila nang makita nila si Jesus na naglalakad sa ibabaw ng tubig dahil inakala nilang multo ang kanilang nakita. Ngunit sinabi ni Jesus sa kanila na huwag silang matakot dahil Siya iyon. Para sa akin, ipinapakita nito na kahit sa mga panahong mahirap at nakakatakot ang ating sitwasyon, hindi tayo iniiwan ng Diyos.

Natutunan ko na katulad ng mga alagad, nakakaranas din tayo ng mga “unos” sa ating buhay. Maaari itong maging problema sa pamilya, pag-aaral, relasyon sa ibang tao, o mga personal na pagsubok. Kapag dumating ang mga problemang ito, minsan ay natatakot tayo at nawawalan ng tiwala sa ating sarili. Maaari rin nating isipin na wala tayong magagawa upang malampasan ang mga ito.

Ngunit ipinapaalala sa atin ng Mabuting Balita na naroon ang Diyos upang gabayan at tulungan tayo. Maaaring hindi Niya agad alisin ang ating mga problema, ngunit bibigyan Niya tayo ng lakas upang harapin ang mga ito.

Naging makabuluhan din sa akin ang ginawa ni Pedro. Nang sabihin ni Jesus na lumapit siya, bumaba si Pedro sa bangka at nagsimulang maglakad sa tubig. Ngunit nang makita niya ang malakas na hangin, natakot siya at nagsimulang lumubog.

Para sa akin, ganito rin tayo minsan. Kapag nakatuon tayo sa Diyos, nagiging matapang tayo, ngunit kapag masyado nating iniisip ang ating mga problema at takot, nawawala ang ating pananampalataya. Gayunpaman, nang humingi ng tulong si Pedro, agad siyang inabot ni Jesus. Ipinapakita nito na kahit tayo ay mahina o nagdududa, hindi tayo pababayaan ng Diyos.

Sa kabuuan, natutuhan ko mula sa Mabuting Balita na kailangan kong matutong magtiwala sa Diyos sa lahat ng pagkakataon, lalo na kapag dumaranas ako ng mga pagsubok. Hindi man natin alam kung ano ang mangyayari sa hinaharap, maaari tayong magkaroon ng kapayapaan dahil alam nating kasama natin ang Diyos.

Ang mga problema ay bahagi ng buhay, ngunit hindi natin kailangang harapin ang mga ito nang mag-isa. Sa bawat pagsubok, nais kong manatiling matatag sa aking pananampalataya at laging tandaan na tulad ni Pedro, maaari akong humingi ng tulong sa Diyos. Kapag tayo ay nagtitiwala sa Kanya, nagkakaroon tayo ng lakas, pag-asa, at tapang upang magpatuloy.

ᴠɪᴀ ʙᴇʀɴᴀʀᴅɪɴᴇ ᴊᴏꜱʜ ʀɪᴄᴏʜᴇʀᴍᴏꜱᴏ - ᴘʏᴄ ᴏꜰꜰɪᴄᴇʀ