01/06/2026
𝐁𝐑𝐈𝐆𝐀𝐃𝐀 𝐄𝐒𝐊𝐖𝐄𝐋𝐀 𝟐𝟎𝟐𝟔
King diwa ning pamisasanmetung, pamagsilbi, at lugud karing kaparang tau, ding kayanakan ning San Agustin Parish buung pusu lang mekiabe king Brigada Eskwela 2026 king pamanimuna ning kekatamung malugud a Kura Paroko, Rev. Fr. John Anthony Tordera.
King pamisaup-saup, pepakit da reng kayanakan ing karelang kapagnasan a magserbisyu para king pamagpasanting at pamaglinis ning kekatamung pipagaralan bilang pamagsadya king bayung banuang pamagaral.
Dakal pung salamat karing anggang kayanakan a memye oras, sikanan, at dedikasyun ban maging parti na niting obra.
Mananu na sanang isundu tamu ing kekatamung tungkulan bilang talasuyu ning Apung Ginu kapamilatan ning pamagsilbi king kekatamung komunidad.
“Ing serbisyu metung yang paralan ning pamagpakit lugud at kasalpantayanan king Apung Ginu at karing aliwa.”
