19/05/2026
๐๐๐๐ ๐๐ | ๐๐๐
๐๐๐๐๐๐ ๐๐๐๐ ๐๐๐๐๐ ๐๐๐๐๐๐๐๐๐๐
๐๐๐๐๐๐
Y Santa Potenciana metung yang Dalagang Romana a tatangalan ning Santa Iglesia a mibiebie niang mumunang siglu. Anac neng San Pudente, metunh a Romanong Senador a meging Cristiano, at capatad na ne man y Santa Praxedes. Pilatan ning labis labis a pamanusig caring Cristianos king Roma, pepasiag nang Santa Potenciana ing macapagmulalang tepangan capamilatan ning pamaglingap caring masakit, pamanialicut caring malulupig, ampon pamagcumcum at marangal a pamicutcut caring santos martires. Ing bale dang pamilya yang migsilbing santungan da ring minunang Cristianos king Roma.
Mitatangal ya anting Segunda Patrona ning Filipinas pauli ning king cayang Cafiestan, Mayo 19, y Miguel Lopez de Legazpi asacup ne ing Menila at mitatag ya anting cabisera ning mabilug a capuluan Filipinas iniang panaun da ring Castila. Inia ing Santo Papa, pepasiag ne y Santa Potenciana anting Patulunan ning Las Islas Filipinas. Ing mumunang escuela para caring Dalaga at Babai keti Filipinas mitagulaling ya lalam ning cayang pamanampun, ing Colegio de Santa Potenciana.
๐ฃ๐๐ก๐๐๐๐ก๐๐๐ก ๐ก๐๐ก๐ ๐ฃ๐๐ ๐๐ง๐๐๐จ๐๐๐๐๐ก๐ ๐๐๐ฅ๐๐ก๐
๐๐ฎ๐ฏ๐ถ๐ป๐ด ๐ฎ๐๐น๐๐ป๐ด (๐ญ๐ฏ) ๐ ๐ฎ๐ฟ๐๐ฒ๐ ๐ธ๐ถ๐ป๐ด ๐ฑ๐ฎ๐ป๐ด๐ฎ๐น ๐ป๐ฎ๐ป๐ด ๐ฆ๐ฎ๐ป๐๐ฎ ๐ฃ๐ผ๐๐ฒ๐ป๐ฐ๐ถ๐ฎ๐ป๐ฎ
Santa Potenciana, dalagang lubus maligaya, mayupaya santungan a pupulayan
king nanu mang cailangan: ampat mong ing bale mu geua meng pitatampucan caring banal a panalala caring bayani ning Indung Iglesia, ani na cu king
kecang dambana cambe ning pusung pacumbaba, tutungge keca anting macaliliua cung patu-lunan ba ca sa pung mamilatan cacu king Dios โcanita, pasicnangan na cu ning sarili mung matibe casalpantayanan ampon masapsap a lugud king Dios ba cu mu naman painggulut caring macayamuyut nang tucsu ning yatu at ba cu yang itantung masolu ining bie cu king cayapan.
Bait ca man king casugian, sicuil mu ing dangalan at calimayu ibat pa king kecang camusmusan. Ing Iglesia naman, uliniti, darangal na ca; at cagum na,
imbut cu kecang macatuntun king licuan mung alimbaua ban e na cu mu naman asilauan ning dangalan o tulang macayama keti sulip. Calili ning bie king dangalan, pinili mu ing mie babie dangal caring melapupuring banal, manalangin alang patanat, makirungut ganaca caring capara mu, sasaup caring mengasucul uli ning carelang Casalpantayanan, at lilingun caring cutcutan ding Mรกrtires โampat mong uliran da ca, ituntun mโya naman sana ing bie cu keting capagmulalan a keralandalanan mu king yatu. Akikilala cu casing macatangad yaโt magdulap ing pusu mu caring bage macatula king Dios king nanu mang daptan
mu, at acu, manalig cung ayantabayanan mu cung magdulap caring bage maliari cung daptan king aldo-aldo ba keng apamatulan ing Dios, king layun a lacuas cung lumapit caya.
Ngeni, Dalagang canunuanan, ati na ca banua, at ibat keti sulip, abibitasa cung apakirasan mu cacu ing nanu mang adduan cu para king icanono ning
caladdua cuโt catauan: pablasang alang macasabing pisauili meng sicuil ing ninung insac palad pasapnu keca, at macanian cung mesican lub tingiran mu ing
cayadduanan cu. Nung macananu no panatag pepasinup maingat San Lorenzo ding bandi ning Iglesia caniang bale mu, macanian cung panatag king masicanan mung capamilatan, manalig tingiran no ning Dios at nabangnan cu ing macapasubaling graciang macacabus kening caladdua cu.
Detang Mรกrtires a kecang bintayan at peparangalan, pasangtabian co mu naman at aniauaran casaupan โuling manian lang lub migdaun king bie ra uyab
ning pamanialpantaya. Catulan ra cu sang lingunan ba cu naman mie anting tune biniagan, aggiang e na pangaministilan ning Casalpantayanan cu ing paila-
saโt paimate calupa ra, asaupan ra cu sanang sumaca king pamagparangalan keti labuad at canita tapat cung mie para king Dios.
Nung ing Dios tagkilan na cu king masiring pamanintun king caligtasan nining caladdua cu, at uling megi cang maganaca caring anggang manguntalan keca, ampunan me sa pu ing cacung caladdua layun lingunan king nanu mang
cailangan na. Ipangacu cu naman careting mitukituking labing atlung aldo, ing
ganacan ra caโt simpan king isip cuโt pusu ba cung atangad ing sarili cu ketang macaligaya king Dios โmagcapilit mirapatdapat mayap, acakit ra man o ali ding capara cu, agpang king cabilian cu king bie, ampon king kecang alimbaua.
Nung macananu rong sicuil ding santos Mรกrtires ding bage alang kepapacanan keti yatu, macanian ke mu naman sanang arayu ing sarili cu king catacauan nining salauayan cung pusu, ban king pangaralisayan na caring bage e map uyab pamanauat king nanu mang macatulac king pamicasala, mie cu sa king gracia ning Dios; at misan a aldo, mie nacu man sa cambe mu keyan banua king ligayang alang angga. Yanasa.
