San Pablo Libutad Chapel

19/09/2026

Lauan📍
Kaibat ning maygit limang domingo a makaIbug, Ding kekatamung Chapel Pastoral Council at Kayanakan penimunan da ing pamaglinis ban mibalik ya king sadia ing kekatamung bisitas.

Dakal pung Salamat king kekayung sipagan at oras.

19/09/2026

Kapabaluan📍
Makasadia ne pu ing kekatamung Bisitas para king Kapagmasusian king Kaduang Pulu't Limang Domingo ning Karaniuan a Panaun, September 20, 2026.

Salamat king Dios at mikabus tamu king albug at kapagsubukan a kekatamung inarap.
Agkatan da kayu pung maki agum king Banal a Misa bukas king kekatamung Regular Sunday Mass Schedule, 8:30 ning abak.

19/09/2026

Lauan📍
Ing bakas a likwan ning albug pauli ning Habagat king kekatamung bisitas.

18/09/2026

Kapabaluan📍Misang Domingo
Atin tana pung Misa bukas, Agosto 20, 2026. Agkatan la pu ding malda ban makiagum king Banal a Misa.

As our community recovers from the floods and Habagat, we are deeply grateful for your patience, prayers and care for one another.

Our regular Mass schedule has resumed. We warmly invite you to join us as we gather around the altar in faith and thanksgiving once again!

Please prioritize your safety above all as you head over, as some areas may still have mud and debris along the road.

30/08/2026

Lauan 📍
Agosto 30, 2026 as of 4:00 ning gatpanapun.
Ing kasalukuyang sitwasyon ning kekatamung bisitas.
Maging Alerto tamu pu at mimingat uling mitatas pu ing danum.

29/08/2026

Lauan 📍
Agosto 29, 2026 as of 5:30 ning gatpanapun.
Lalu ya pung magtas ing danum king kekatamung bisitas at mabilug a bario.
Maging Alerto tamu pu at mimingat.

29/08/2026

Kapabaluan 📍
Ing kasalukuyang situasyun ning kekatamung Bisitas, Agosto 29, 2026| 1:30PM. Pauli na ning daragul a albug, Kanselado pamu rin pu ing Misang Domingo, Agosto 30, 2026.

Mimingat tamu ngan pu at eya tutuknang ing uran at lalu pang mitatas ing albug.

27/08/2026

Lauan 📍
Agosto 27, 2026
Ing Pamanatad king Crusada ning Virgen ning Fatima at Santo Cristo Del Perdon king San Pablo Propio Chapel.

25/08/2026

Kapabaluan 📍ING PANLAKO NING CRUSADA

Agkatan da kayu pung makiabe king Pamanatad karing Imahen ning Santo Cristo Del Perdon at Indung Birhen ning Fatima king San Pablo Propio Chapel bukas, Agosto 27, 2026| 09:00 ning abak.

8:00AM - Pamaglual ning Prusisyon
9:00AM - Pamanyalubung king Boundary ning San Pablo Libutad at San Pablo Propio

23/08/2026

Lauan📍 Prusisyon ning Crusada ning Virgen ning Fatima at Santo Cristo Del Perdon

Bista man pu maragul pa ing albug king kekatamung Bario, midinan tamu pung panaun ban milimbun la deting larawan ning Crusada.

Mananu na pu sanang mikabus tana king kekatamung daralanan a kalamidad at mipapangadi tamu ngan pu.