SAN ROQUE Sub-Parish Commission on Youth

16/08/2026

𝐏𝐀𝐍𝐀𝐋𝐀𝐍𝐆𝐈𝐍 𝐊𝐀𝐘 𝐒𝐀𝐍 𝐑𝐎𝐐𝐔𝐄
O Panginoon Kong Diyos, ikaw na nagsugo sa maluwalhating San Roque at pinahatiran mo siya ng kaputol na tabla, pinagtibay Mo ang pangako sa kanya, upang ang sino mang dapuan ng salot ay hindi maano, sapagkat siya'y deboto sa Iyo.

Magdalita Ka sa aming lahat na gumugunita sa kanyang buhay. Ipagkaloob Mo na kami ay maligtas sa mga salot na nakamamatay sa kaluluwa't katawan, pakundangan kay Hesukristong Panginoon namin. Siya nawa.

𝐒𝐚𝐧 𝐑𝐨𝐪𝐮𝐞, 𝐏𝐢𝐧𝐭𝐚𝐤𝐚𝐬𝐢 𝐥𝐚𝐛𝐚𝐧 𝐬𝐚 𝐬𝐚𝐤𝐢𝐭 𝐚𝐭 𝐩𝐞𝐬𝐭𝐞, 𝐢𝐩𝐚𝐧𝐚𝐥𝐚𝐧𝐠𝐢𝐧 𝐦𝐨 𝐤𝐚𝐦𝐢.

15/08/2026

Inaanyayahan po ang lahat na makiisa sa pagdiriwang ng Pistang Pasalamat ngayong Agosto 16, 2026 (Linggo) sa bisita ni San Roque.

6:30 N.U. — Banal na Misa
Susundan ng parada nina San Isidro at mahal na patron na si San Roque kasama ang ating pamunuan.

5:00 N.H. — Banal na Misa

Inaanyayahan po ang lahat na makiisa sa mga banal na gawain at sama-samang magpasalamat sa Panginoon.

Halina’t sama-sama tayong manalangin, magpasalamat, at magdiwang!

📅 Agosto 16, 2026 | Linggo

04/05/2026

𝘽𝙖𝙡𝙞𝙩𝙖𝙣𝙜 𝙋𝙞𝙣𝙩𝙞𝙜 | Ngayong Lunes, Ika-04 ng Mayo ay opisyal ng pinasimulan ng ating mga Katekista at Kabataan ang Simba-Aralan sa mga Bisita na sakop ng ating Parokya.

SPPPC ng Baranggay San Roque sa Pangunguna nina Sis. Vilma Maniquiz at SPPC ng Diliman 1 sa pangunguna ni Sis. Emy Reyes.

26/04/2026

Nakiisa ang ating SPPC at SPCY sa paglulungsad ng Simba Aralan sa ating parokya 💛

Sa unang misa ng 6:30 ng umaga, sa pagdiriwang ng Ika-apat na Linggo ng Pasko ng Muling Pagkabuhay at Linggo ng Mabuting Pastol, sama-sama nating ipinanalangin at sinuportahan ang programang ito para sa ating mga kabataan 🙏

Nawa’y maging daan ang Simba Aralan upang mas mapalalim ang pananampalataya ng mga kabataan at maranasan nila ang pagmamahal ng Diyos sa pamamagitan ng pagkatuto at pagkakaisa ✨

Patuloy po tayong magkaisa at makiisa para sa ikabubuti ng ating pamayanan 💫

26/04/2026

Simba Aralan 2026 🌞

Magandang araw po sa mga magulang ng San Roque! 🙏
Kung naghahanap po kayo ng makabuluhan at masayang gawain para sa inyong mga anak ngayong bakasyon, inaanyayahan namin kayo na sumali sa Simba Aralan 💛

👧🧒 Para sa mga batang edad 7 pataas
Oras: 2:00 PM – 5:00 PM
Petsa: Mayo 5 – Mayo 16

Dito, mas mapapalalim ang kaalaman ng mga bata tungkol sa Diyos, makakabuo sila ng bagong pagkakaibigan, at makikilahok sa iba’t ibang masasayang gawain ✨

Isang magandang paraan ito upang maging makabuluhan ang kanilang bakasyon habang nahuhubog ang kanilang pananampalataya 🙌

📍 Bukas para sa lahat ng residente ng San Roque
📩 Maaaring magpadala ng mensahe sa aming page o kay Mitz Reyes at D'Ella Barlizo Basco para sa karagdagang impormasyon.

Kita-kits po! 💫

Handa na ba ang lahat, tara na mga Ka-Pintig!
Aralin natin ang ating pananampalataya. ❤️

Halina po kayo! Makipag-ugnayan po sa inyong SPPC President at mga Katekista sa inyong pamayanan para sa ibang impormasyon at detalye. Kita-kits po tayo sa Simba-Aralan!

23/04/2026

30/12/2025

Isang alay ng sayaw, pananampalataya, at pagkakaisa ang aming inihandog sa Paskuhan sa Dambana ng Puso. Bilang Kalahok Bilang Dalawa na kumakatawan sa Barangay San Roque, buong puso naming ipinakita ang aming talento at dedikasyon. Maraming salamat sa lahat ng sumuporta, at nawa’y patuloy kaming gabayan ng Panginoon sa bawat hakbang ng aming paglalakbay.

29/12/2025

Maligayang Kaarawan sa Pangulo ng Komisyon ng Kabataan sa bisita ni San Roque, Jonathan Villangca!
Nawa'y patuloy kang pagpalain ng ating Panginoon at ng ating Patron na si San Roque.
Pagbati mula sa San Roque Sub-Parish Commission on Youth 💛

29/12/2025

Bagama’t hindi pinalad na magwagi, kami ay lubos na nagpapasalamat sa pagkakataong makibahagi sa Paskuhan sa Dambana ng Puso.

Isang karangalan para sa SPCY at SPPC na maipakita ang talento, pagkakaisa, at diwa ng Barangay San Roque. Higit sa anumang tropeo, ang alaala, saya, at karanasang aming nabuo ang tunay na panalo. Maraming salamat sa lahat ng sumuporta. Nawa’y patuloy kaming gabayan ng Panginoon at ng ating patron na si San Roque sa bawat hakbang, palakasin ang aming loob, at pagpalain ang mga susunod pang laban na aming haharapin para sa aming barangay.

Lubos din po kaming nagpapasalamat sa aming choreographer na si Sir Melvin Chubenchz Calbay, at sa aming SPPC President na si Vilma Villangca Maniquiz sa walang sawang pagsuporta, tiwala, at nakilahok sa nasabing gawain.