25/11/2025
๐ฃ๐๐๐ง๐๐ง๐๐๐๐๐ ๐ฆ๐ ๐ฃ๐๐ ๐จ๐ก๐จ๐๐ก ๐๐ง ๐ ๐๐ ๐๐๐ฆ๐๐ฃ๐ ๐ก๐ ๐ฃ๐๐ ๐ฃ๐๐ฅ๐ข๐๐ฌ๐๐ก๐ ๐๐จ๐ฃ๐ข๐ก ๐ก๐ ๐๐๐๐๐ง๐๐๐ก
Noong ika-23 ng Nobyembre araw ng Linggo, sa pagdiriwang ng Dakilang Kapistahan ng Kristong Hari ng Sanlibutan. Itinalaga ang mga Pamunuaan at mga kasapi ng Pamparokyang Lupon ng kabataan ng ating parokya, sa pagbabasbas ng ating Rektor at Kura Paroko Rdo. P. Mauricio A. Lucas at sa suporta ng ating Attached Priest Rdo. P. Vicente Saraza Jr., SHF ay matagumpay na naikatuparang ang pagsasariwa na ito.
Ipinahahatid din po ang pasasalamat sa ating PCY Coordinator, Kuya RF Bonilla, sa PPC, at laloโt higit sa mga kaparian, Rdo. P. Mauricio A Lucas - Rektor at Kura Paroko at Rdo. P. Vicente J. Sarza Jr - Attached Priest na buong pusong sumusuporta sa mga Kabataan ng Dambana ng Puso.
Sa inyong pagdulog bilang kabataan ng ating Dambana sa paglilingkod, sumisiklab ang bagong apoy ng pag-asa. Kayo ang mga tinig na ginawang tugon sa panawagan ng Diyosโmga pusong marunong manalangin, makinig, at kumilos para sa kabutihan ng sambayanan. Sa bawat โooโ na inyong binitawan, may lupang muling nabubungkal at may liwanag na muling nagiging gabay sa marami.
Maraming salamat kabataan ng ating Dambana ng Puso sa tapang ninyong tumindig at sa kababaang-loob ninyong mag-alay ng panahon at puso para sa ating Parokya. Nawaโy patuloy kayong maging mga bituing hindi napapagod magningningโtagapagdala ng pag-ibig, pag-asa, at pagkakaisa sa mundong madalas malimutan ang kabutihan. Sa paalala nga ng ating Kura Paroko na sa inyong pagkilos, nagiging mas malinaw na ang kabataan ay tunay na biyaya at pag-asa ng Inang Simbahan, gayundin sa mga sponsor na nagbahagi ng kanilang tulong napakalaki po ng naging ambag ninyo para maisakatuparan ang ating layunin. Nawaโy patuloy tayong gabayan ng ating Patron at Pintakasi na Sagrado Corazon de Jesus at ni San Pedro Calungsod na Patron ng Kabataan. Amen!
