07/10/2026
Oktubre 7
Paggunita sa Mahal na Birhen ng Santo Rosaryo
Noong siglo 16, sinalakay ng mga Turko ang maraming bansa hanggang sa panganib na mahulog sa kamay nila ang buong Europa at malupig ng Mahumetanismo ang Kristiyanismo. Si Papa Pio V ay nanawagan sa mga haring Kristiyano upang magkaisang sugpuin ang panganib na iyon, ang mga hukbo ng Espanya at Venice ay inilagay sa pamumuno ni Don Juan ng Austria.
Bago sila tumulak sa kanilang banal na layunin, lahat ng kawal ay nagsimba at nakinabang at taglay ang bendisyon ng Papa na si San Pio V, sila'y nagtungo sa Lepanto, Greece upang bakahin ang nakararaming hukbo ni Selim II. Ang sangka-Kristiyanuhan ay inanyayahan ng Papa upang dumalangin sa Mahal na Birhen sa pamamagitan ng walang patid na pagdarasal ng Santo Rosaryo, gayon din ang ginawa ng mga kawal ni Don Juan ng Austria sa kanilang mga daong.
Noong Oktubre 7, 1571 samantalang nakikipanayam si Papa Pio V sa kanyang mga kardinal, ibinalita niya ang pagtatagumpay ng mga hukbong Kristiyano sa Lepanto Sa oras ding iyon, nagwagi ang mga hukbo ni Don Juan sa ilalim ng pag-aampon ng INA NG SANTO ROSARYO15 daong na kaaway ang lumubog; 20,000 Turko ang namatay; 12,000 bihag na Kristiyano ang napalaya; sa panig ng mga Kristiyano: 17 ang lumubog na bapor at 7,000 ang namatay.
Dahil sa pagwawaging ito sa Lepanto, itinatag ng Papa ang pista ng Nuestra Seรฑora de las Victorias na pagkaraan ay naging pista ng NUESTRA SEรORA DEL SANTISIMO ROSARIO. Sa litanya ng Birhen ay ipinadugtong rin ang taguring - "Tagapag-ampon ng mga Kristiyano, ipanalangin mo kami." Lalong sumigla ang pamimintuho ng sambayanang Katoliko sa Mahal na Birhen at sa debosyon ng Santo Rosaryo. Dito sa ating bayan, inaari ring biyaya ng Mahal na Ina ang pagwawagi ng mga Kastila at Pilipino laban sa mga Holandes noong 1646.
