22/08/2026
IKADALAWAMPU'T ISANG LINGGO SA KARANIWANG PANAHON
Ika-23 ng Agosto 2026
MGA PAGBASA SA MISA
UNANG PAGBASA
Isaias 22, 19-23
Pagbasa mula sa aklat ni propeta Isaias
Sinabi ng Panginoon kay Sabnang katiwala sa palasyo:
βAalisin kita sa iyong katungkulan,
at palalayasin sa iyong kinalalagyan.
Tatawagin ko sa araw na iyon ang aking lingkod,
si Eliaquim na anak ni Helcias.
Siya ang pagsusuutin ko ng iyong buong kasuotan,
ibibigay ko sa kanya ang iyong kapangyarihan,
siya ang magiging pinakaama ng Jerusalem at ng Juda.
Ibibigay ko sa kanya ang susi ng bahay ni David;
ang kanyang buksaβy walang makapagsasara
at walang makapagbubukas ng ipininid niya.
Itatayo ko siyang parang haligi ng tolda
itatayo ko nang matibay sa isang matatag na lugar
at siyaβy magiging marangal na luklukan
para sa sambahayan ng kanyang ama.β
Ang Salita ng Diyos.
SALMONG TUGUNAN
Salmo 137, 1-2a. 2bk-3. 6 at 8bk
Pag-ibig moβy di kukupas,
gawain moβy magaganap.
Ako, P**n, buong pusong aawit ng pasalamat,
sa harap ng mga anghel, pupurihin kitang ganap.
Sa harap ng iyong templo ay yuyuko at gagalang,
pupurihin kita roon, pupurihin ang βyong ngalan.
Pag-ibig moβy di kukupas,
gawain moβy magaganap.
Dahilan sa pag-ibig mo at sa iyong katapatan,
ikaβy tunay na dakila, pati iyong kautusan.
Noong ako ay tumawag, tinanggap ko ang tugon mo,
sa lakas mong itinulong ay lumakas agad ako.
Pag-ibig moβy di kukupas,
gawain moβy magaganap.
Dakila man ang P**ng Dβyos, mahal din niya ang mahirap
kumubli maβy kita niya yaong hambog at pasikat.
Ang dahilan nito, P**n, pag-ibig moβy di kukupas.
at ang mga sinimulang gawain moβy magaganap.
Pag-ibig moβy di kukupas,
gawain moβy magaganap.
IKALAWANG PAGBASA
Roma 11, 33-36
Pagbasa mula sa sulat ni Apostol San Pablo sa mga taga-Roma
Napakasagana ng kayamanan ng Diyos! Di matarok ang kayamanan, karunungan at kaalaman ng Diyos! Hindi malirip ang kanyang mga panukala at pamamaraan! Gaya ng nasusulat:
βSapagkat sino ang nakaalam sa pag-iisip ng Panginoon,
O sino ang nakapagkaloob ng anuman sa Diyos
para siya namaβy gantimpalaan?β
Sapagkat mula sa kanya at sa pamamagitan niya at sa kanya ang lahat ng bagay. Sa kanya ang karangalan magpakailanman! Amen.
Ang Salita ng Diyos.
ALELUYA
Mateo 16, 18
Aleluya! Aleluya!
Ikaw, Pedro, ang saligan
ng aking simbahang banal
na daig ang kamatayan.
Aleluya! Aleluya!
MABUTING BALITA
Mateo 16, 13-20
Ang Mabuting Balita ng Panginoon ayon kay San Mateo
Noong panahong iyon, dumating si Hesus sa lupain ng Cesarea ng Filipos. Tinanong niya ang kanyang mga alagad, βSino raw ang Anak ng Tao, ayon sa mga tao?β At sumagot sila, βAng sabi po ng ilan ay si Juan Bautista kayo. Sabi naman ng iba, si Elias kayo. At may nagsasabi pang si Jeremias kayo o isa sa mga propeta.β βKayo naman, ano ang sabi ninyo? Sino ako?β tanong niya sa kanila. Sumagot si Simon Pedro, βKayo po ang Kristo, ang Anak ng Diyos na buhay.β Sinabi sa kanya ni Hesus, βMapalad ka, Simon na anak ni Jonas! Sapagkat ang katotohanang itoβy hindi inihayag sa iyo ng sinumang tao kundi ng aking Amang nasa langit. At sinasabi ko naman sa iyo, ikaw ay Pedro, at sa ibabaw ng batong ito ay itatayo ko ang aking simbahan, at hindi makapananaig sa kanya kahit ang kapangyarihan ng kamatayan. Ibibigay ko sa iyo ang mga susi ng kaharian ng langit: ang ipagbawal mo sa lupa ay ipagbabawal sa langit, at ang ipahintulot mo sa lupa ay ipahihintulot sa langit.β At mahigpit niyang tinagubilinan ang kanyang mga alagad na huwag sabihin kaninuman na siya ang Kristo.
Ang Mabuting Balita ng Panginoon.
