Our Lady of Fatima Parish - Elvinda, San Pedro Laguna

23/05/2026

𝐌𝐀𝐘 𝟐𝟒 | 𝐏𝐄𝐍𝐓𝐄𝐂𝐎𝐒𝐓 𝐒𝐔𝐍𝐃𝐀𝐘
𝑇ℎ𝑒 𝐵𝑖𝑟𝑡ℎ𝑑𝑎𝑦 𝑜𝑓 𝑡ℎ𝑒 𝐶ℎ𝑢𝑟𝑐ℎ
Ngayong araw, ipinagdiriwang natin ang Linggo ng Pentekostes—ang araw kung kailan bumaba ang Espiritu Santo sa mga Apostol limampung araw matapos ang muling pagkabuhay ni Hesukristo.

Noong araw na iyon, ang mga Apostol na dating natatakot at nagkukubli ay napuspos ng lakas ng Espiritu Santo at buong tapang na ipinahayag ang Mabuting Balita sa mundo. Mula noon, nagsimulang lumago ang Simbahan—kaya tinatawag natin ang Pentekostes bilang “Kapanganakan ng ating Simbahang Katolika.”

⛪ Mahigit 2,000 taon na ang nakalipas mula nang itatag ni Kristo ang Kanyang Simbahan, ngunit hanggang ngayon ay patuloy pa ring kumikilos ang Espiritu Santo sa bawat Misa, panalangin, Sakramento, at pusong bukas sa Diyos.

Sa panahon ngayon kung saan marami ang naliligaw, napapagod, at nawawalan ng direksyon, muli tayong pinaaalalahanan ng Pentekostes na hindi tayo iniiwan ng Diyos. Patuloy Niyang ipinapadala ang Espiritu Santo upang gabayan, palakasin, at buhayin ang ating pananampalataya.

🔥 𝑯𝒂𝒍𝒊𝒏𝒂 𝑬𝒔𝒑𝒊𝒓𝒊𝒕𝒖 𝑺𝒂𝒏𝒕𝒐!
𝑷𝒖𝒏𝒖𝒊𝒏 𝑴𝒐 𝒂𝒏𝒈 𝒑𝒖𝒔𝒐 𝒏𝒈 𝑰𝒚𝒐𝒏𝒈 𝒎𝒈𝒂 𝒎𝒂𝒏𝒂𝒏𝒂𝒎𝒑𝒂𝒍𝒂𝒕𝒂𝒚𝒂
𝒂𝒕 𝒑𝒂𝒈𝒏𝒊𝒏𝒈𝒂𝒔𝒊𝒏 𝑴𝒐 𝒔𝒂 𝒂𝒎𝒊𝒏 𝒂𝒏𝒈 𝒂𝒑𝒐𝒚 𝒏𝒈 𝑰𝒚𝒐𝒏𝒈 𝒑𝒂𝒈-𝒊𝒃𝒊𝒈.

23/05/2026

𝐓𝐈𝐍𝐆𝐍𝐀𝐍 | Mga makabuluhang sandali mula sa Anticipated Mass noong Mayo 16 bilang bahagi ng pagdiriwang ng Kapistahan ng Mahal na Birhen ng Fatima na pinangunahan ni 𝐑𝐞𝐯. 𝐅𝐫. 𝐃𝐚𝐥𝐞 𝐃𝐚𝐤𝐢𝐥𝐚 na gumaganap ngayon bilang Secretary ng ating Obispo.

Tunay na natatangi at makahulugan ang gabing ito sapagkat si Fr. Dale ang kauna-unahang pari na nagmula sa ating sariling parokya. Isang malaking biyaya at karangalan para sa atin na makasama siyang muli sa pagdiriwang ng ating kapistahan.

Sa kanyang pagbabalik at presensya, muli nating nakita kung paano kumikilos ang Diyos sa pamamagitan ng mga taong tumutugon sa tawag ng paglilingkod.

Maraming salamat, Fr. Dale, sa iyong pagmamahal, kababaang-loob, at patuloy na paglilingkod sa Simbahan. Nawa’y patuloy kang pagpalain at gabayan ng Diyos sa iyong bokasyon.

𝑴𝒂𝒉𝒂𝒍 𝒏𝒂 𝑩𝒊𝒓𝒉𝒆𝒏 𝒏𝒈 𝑭𝒂𝒕𝒊𝒎𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.

23/05/2026

22/05/2026

𝐌𝐀𝐘 𝟐𝟐 | 𝐌𝐄𝐌𝐎𝐑𝐈𝐀𝐋 𝐎𝐅 𝐒𝐓. 𝐑𝐈𝐓𝐀 𝐎𝐅 𝐂𝐀𝐒𝐂𝐈𝐀
𝑃𝑎𝑡𝑟𝑜𝑛𝑒𝑠𝑠 𝑜𝑓 𝐼𝑚𝑝𝑜𝑠𝑠𝑖𝑏𝑙𝑒 𝐶𝑎𝑢𝑠𝑒𝑠
Ngayong araw, ginugunita natin si Sta. Rita—isang santa na naging larawan ng pananampalataya, pagtitiis, pagpapatawad, at lubos na pagtitiwala sa Diyos sa gitna ng sakit at pagsubok ng buhay.

Dumaan si Sta. Rita sa maraming paghihirap—problema sa pamilya, pagkawala ng mga mahal sa buhay, at mga sitwasyong tila wala nang pag-asa. Ngunit sa kabila ng lahat, hindi siya nawalan ng pananampalataya at patuloy na kumapit sa Diyos sa pamamagitan ng panalangin at pagmamahal.

Kaya naman hanggang ngayon, marami ang lumalapit sa kanya bilang pintakasi ng mga imposible at mahihirap na sitwasyon.

Sa panahon kung kailan marami rin sa atin ang may pinagdaraanan, pinaaalalahanan tayo ni Sta. Rita na 𝐰𝐚𝐥𝐚𝐧𝐠 𝐩𝐫𝐨𝐛𝐥𝐞𝐦𝐚𝐧𝐠 𝐦𝐚𝐬𝐲𝐚𝐝𝐨𝐧𝐠 𝐦𝐚𝐛𝐢𝐠𝐚𝐭 𝐩𝐚𝐫𝐚 𝐬𝐚 𝐃𝐢𝐲𝐨𝐬 𝐚𝐭 𝐰𝐚𝐥𝐚𝐧𝐠 𝐩𝐮𝐬𝐨𝐧𝐠 𝐡𝐢𝐧𝐝𝐢 𝐤𝐚𝐲𝐚𝐧𝐠 𝐩𝐚𝐠𝐡𝐢𝐥𝐮𝐦𝐢𝐧 𝐧𝐠 𝐊𝐚𝐧𝐲𝐚𝐧𝐠 𝐚𝐰𝐚.

𝑺𝒕𝒂. 𝑹𝒊𝒕𝒂 𝒅𝒆 𝑪𝒂𝒔𝒄𝒊𝒂, 𝒊𝒑𝒂𝒏𝒂𝒍𝒂𝒏𝒈𝒊𝒏 𝒎𝒐 𝒌𝒂𝒎𝒊.
𝑇𝑢𝑟𝑢𝑎𝑛 𝑚𝑜 𝑘𝑎𝑚𝑖𝑛𝑔 𝑚𝑎𝑔𝑡𝑖𝑤𝑎𝑙𝑎 𝑠𝑎 𝐷𝑖𝑦𝑜𝑠 𝑘𝑎ℎ𝑖𝑡 𝑠𝑎 𝑔𝑖𝑡𝑛𝑎 𝑛𝑔 𝑚𝑔𝑎 “𝑖𝑚𝑝𝑜𝑠𝑖𝑏𝑙𝑒.”

21/05/2026

𝐓𝐈𝐍𝐆𝐍𝐀𝐍 | 𝐊𝐀𝐑𝐀𝐊𝐎𝐋 𝟐𝟎𝟐𝟔
Maulan man ngunit isa pa ding makulay at masayang sandali ang ating naranasan mula sa ating Karakol bilang bahagi ng pagdiriwang ng Kapistahan ng Mahal na Birhen ng Fatima.

Sa bawat tugtog, sayaw, awitan, at paghakbang ng ating pamayanan, dama ang galak ng pananampalataya at pagmamahal sa Mahal na Birhen.

Nawa’y magpatuloy tayong lumakad nang magkakasama kasama si Maria, patungo kay Kristo. 📿✨

𝐀𝐯𝐞 𝐌𝐚𝐫𝐢𝐚!

20/05/2026

𝐇𝐎𝐋𝐘 𝐇𝐎𝐔𝐑 | 𝐄𝐕𝐄𝐑𝐘 𝐓𝐇𝐔𝐑𝐒𝐃𝐀𝐘
Sa gitna ng ating pagkalito at paghahanap sa katotohanan, inaanyayahan tayong manahimik at damhin ang nakakapayapang presensya ni Kristo.

Sa katahimikan ng panalangin, madalas nagsasalita ang Diyos.
Sa pagharap sa Kanya, unti-unti Niyang nililinaw ang direksyon ng ating buhay.

Makiisa sa ating Holy Hour na magbabalik ngayong Huwebes pagkatapos ng 6:00 PM Mass.

20/05/2026

TINGNAN | Mga makabuluhang sandali mula sa ating Fiesta Mass bilang pagdiriwang ng Kapistahan ng Mahal na Birhen ng Fatima na pinangunahan ng Kgg. Marcelino Antonio Maralit Jr., D.D., Obispo ng Diyosesis ng San Pablo.

Muli, marami pong salamat sa lahat ng mga pari, sponsors, ministries, volunteers, at mga debotong nakiisa at tumulong upang maging makabuluhan at matagumpay ang ating Kapistahan.

Mahal na Birhen ng Fatima, ipanalangin mo po kami. 🙏

18/05/2026

𝐏𝐀𝐀𝐍𝐘𝐀𝐘𝐀 | 𝐏𝐀𝐆𝐁𝐀𝐁𝐀𝐋𝐈𝐊 𝐍𝐆 𝐓𝐔𝐄𝐒𝐃𝐀𝐘 𝐆𝐀𝐑𝐀𝐆𝐄 𝐌𝐀𝐒𝐒

Inaanyayahan po ang lahat na makiisa sa ating Tuesday Garage Mass:

📅 May 19, 2026
📍 Phase 4 Blk. 2 Lot 15 Providence Road, Olivarez Homes
👨‍👩‍👧‍👦 Sponsor Family: Archer C. Sagal and Family

Nawa’y maging daan ang pagdiriwang na ito upang mas mapalalim pa ang ating pananampalataya at samahan bilang magkakaparokya.

Halina at sama-sama tayong makibahagi sa biyaya ng Banal na Eukaristiya.

17/05/2026

𝐌𝐀𝐘 𝟏𝟔 | 𝐇𝐎𝐌𝐈𝐋𝐈𝐘𝐀
Ang tanong: Bahagi at gawain ba natin talaga ang manalangin pangpalagian? O nananalangin lamang tayo kapag may kailangan? Lalo na ang pagdarasal ng Santo Rosaryo.

“𝑨𝒏𝒈 𝑹𝒐𝒔𝒂𝒓𝒚 𝒂𝒚 𝒑𝒂𝒈𝒏𝒊𝒏𝒊𝒍𝒂𝒚 𝒔𝒂 𝒎𝒊𝒔𝒕𝒆𝒓𝒚𝒐 𝒏𝒈 𝒃𝒖𝒉𝒂𝒚 𝒏𝒊 𝑯𝒆𝒔𝒖𝒔 𝒔𝒂 𝒎𝒂𝒕𝒂 𝒏𝒈 𝑴𝒂𝒉𝒂𝒍 𝒏𝒂 𝑰𝒏𝒂”

Pray the Rosary everyday. 🙏