Sta. Catalina de Alejandria Chapel

31/05/2026

𝐁𝐀𝐒𝐀𝐇𝐈𝐍 | 𝐌𝐄𝐍𝐒𝐀𝐇𝐄 𝐍𝐆 𝐎𝐁𝐈𝐒𝐏𝐎 𝐍𝐆 𝐌𝐀𝐋𝐎𝐋𝐎𝐒 𝐒𝐀 𝐏𝐀𝐆𝐓𝐀𝐓𝐀𝐏𝐎𝐒 𝐍𝐆 𝐒𝐈𝐌𝐁𝐀-𝐀𝐑𝐀𝐋𝐀𝐍 𝟐𝟎𝟐𝟔

“𝑶 𝒎𝒂𝒈𝒑𝒂𝒔𝒂𝒍𝒂𝒎𝒂𝒕 𝒌𝒂𝒚𝒐 𝒔𝒂 𝑷𝒂𝒏𝒈𝒊𝒏𝒐𝒐𝒏, 𝒔𝒂𝒑𝒂𝒈𝒌𝒂𝒕 𝑺𝒊𝒚𝒂 𝒂𝒚 𝒎𝒂𝒃𝒖𝒕𝒊...”
Mga Awit 106:1

Mga minamahal na kapatid,

Sa pagtatapos natin ng Simba-Aralan 2026, lubos ang aking pasasalamat sa mga Parokya at mga komunidad na nagdaos ng programang ito:

Sa mga pari na nagbukas ng kanilang Simbahan, mga bisita, sa mga nagbigay ng kanilang yaman, talento at oras.

Sa mga katekista, mga RCM Sisters, Youth Catechists, Biblical Apostolate, sa kanilang masigasig na pagtuturo sa mga bata na ‘mapalapit kay Kristo.’

Sa mga kabataan at sa SOCCOM na nagkaloob ng kanilang oras at talento.

Sa mga miyembro ng SPPC, sa mga taong may mabubuting-loob na nagpapadala ng pagkain sa mga bata.

At higit sa lahat, sa mga bata na tumugon sa bunsod ng Espiritu Santo na ‘magdasal, maglaro, at matuto’ sa Simba-Aralan.

Pagpalain kayong lahat ng Panginoon!

+DENNIS C. VILLAROJO
Obispo ng Malolos

30/05/2026

Pasasalamat para sa mga Nagtaguyod at Sponsor ng Simba-Aralan 2026

Maliit man ang aming Komunidad pero punong puno ito ng mabubuting tao…

Mula po sa Diyosesis ng Malolos, Dambana at Parokya ni San Miguel Arcanghel, Bisita ni Sta. Catalina de Alejandria, SPPC at SPCY, taos-puso po naming ipinapaabot ang aming taos-pusong pasasalamat sa lahat ng nagtaguyod, tumulong, at naging sponsor ng Simba-Aralan 2026.

Ang inyong kabutihang-loob, suporta, at malasakit ay naging mahalagang bahagi ng tagumpay ng programang ito. Sa pamamagitan ng inyong mga handog, donasyon, panalangin, oras, at pakikiisa, nabigyan natin ng pagkakataon ang ating mga kabataan na mapalalim hindi lamang ang kanilang kaalaman kundi higit sa lahat ang kanilang pananampalataya at pagmamahal sa Diyos.

Sa bawat taong nagbahagi ng kanilang biyaya, maliit man o malaki, kayo po ay naging instrumento ng Panginoon upang maipadama sa aming mga kabataan ang pag-asa, pagmamahal, at pagkalinga ng isang nagkakaisang pamayanan. Ang inyong suporta ay nagbigay inspirasyon upang maisakatuparan ang mga layunin ng Simba-Aralan at mag-iwan ng makabuluhang alaala at aral sa puso ng bawat kalahok.

Lubos din po kaming nagpapasalamat sa aming mga volunteers, catechists, facilitators, mga magulang, at sa buong komunidad na walang sawang naglingkod at naglaan ng panahon upang maging matagumpay ang gawaing ito. Ang inyong dedikasyon at pagmamahal sa paglilingkod ay tunay na larawan ng buhay na pananampalataya.

Isang espesyal na pasasalamat po sa bumubuo ng ating Sangguniang Barangay sa pangunguna ng ating Punong Barangay Emmanuel B. Dantis kasama ang mga konsehal, Tanod sa pangunguna ng ating Hepe at sa ating mga Driver na matiyaga na naghatid-sundo sa ating mga estudyante.

Nawa’y suklian kayo ng Poong Maykapal ng masaganang biyaya, mabuting kalusugan, at patuloy na gabay sa inyong buhay at pamilya. Dalangin namin na ang inyong kabutihan ay lalo pang magbunga ng pagmamahalan, pagkakaisa, at paglilingkod sa ating Simbahan at pamayanan.

Maraming salamat po sa inyong walang sawang pagsuporta. Ang tagumpay ng Simba-Aralan 2026 ay bunga ng ating sama-samang pananampalataya, pagkakaisa, at pagmamahal sa kabataan.

“Sapagkat ang bawat isa na nagbibigay nang may kagalakan ay minamahal ng Diyos.” (2 Corinto 9:7)

Maraming maraming salamat po at pagpalain kayong lahat ng Diyos! 🙏💙📚✨

Narito po sa iba ang mga pangalan ng mga mabubuting tao na sumuporta at nagbigay para matagumpay natin maidaos ang Simba-Aralan.

*Igg. Pb. Emmanuel B. Dantis
*Igg. Kon. Renato “Jonjon” Cruz
*Igg. Kon. Bienvenido “Jr” Aquino
*Igg. Kon. Manolito “Manuleng” Olpindo
*Igg. Kon. Florencio “Pores” Saycon
*Igg. Kon. Edna G. Lopez
*Igg. Kon. Anacleto “Boy” Padilla
*Igg. Kon. Fernando “Ferning” Antonino
*G/Gng. Elvie Orteza
*G/Gng. LG Moto
*G/Gng. Aaron Pascual
*G/Gng. Miguelito R. Vidal
*G/Gng. Johan Dela Cruz
*G/Gng. Nora Ignacio / Maureen Velasquez
*G/Gng. Randy Santos
*G/Gng. Jayzel & Jenalyn Calbay
*G/Gng. Labne Elementary School c/o Ms. Mary Grace Agag and Maam Mildred Ignacio
*G/Gng. Vilma Aguilar
*G/Gng. Blessie Lopez
*G/Gng. Irene Dantes
*G/Gng. Elenita Ramos
*G/Gng. Cecilia Bagsik
*Igg. SK Jessica B. Vidal
*G/Gng. Brgy. Treasurer Karen V. Mamuad
*G/Gng. Jinky B. Vidal
*G/Gng. Jenny B. Rivera
*G/Gng. Cherry & Christian Aquino
*G/Gng. Emelita F. Dela Cruz
*G/Gng. Bennett Mendoza
*G/Gng. Laila Lopez
*G/Gng. Ronald and Guia Antonino
*G/Gng. Amie Mallari
*G/Gng. Tess Lopez
*G/Gng. Ederlinda V. Cruz

Para sa naghandog ng Pagkain para sa Graduation (Jollibee for Lunch and Spaghetti for Merienda)

*Punong Barangay Emmanuel B. Dantis and Kapitana Jessica R. Dantis
*Anonymous

Magsama-sama po muli tayo hanggang sa susunod na Simba-Aralan.

Para Diyos, Para sa Kabataan Mananampalataya!

05/05/2026

𝐒𝐈𝐌𝐁𝐀-𝐀𝐑𝐀𝐋𝐀𝐍 | 𝐃𝐀𝐘 𝟐

Ngayon araw ay isinigawa ang ikalawang araw ng Simba-Aralan na kung saan patuloy natin hinuhubog sa kabanalan ang mga batang sumasailalim sa pag-aaral upang patuloy nilang makilala ang ating Panginoong Hesus.

Dito ay itinuturo ang tamang pag-antanda ng Krus, pagdarasal at tamang paggamit ng Rosaryo bilang tanda ng turo ng Mahal na Inang Birhen Maria.

Kami po ay lubos na nagpapasalamat sa lahat ng patuloy na sumusuporta sa mga gawaing pang-simbahan. Sa mga magulang ng mga batang kasali, sa mga sponsor ng pagkain at sa mga naglilingkod sa ating bisita at lalo't higit sa mga tagapagturo.

Note : Humingi po kami ng pahintulot sa mga magulang upang maipost ang mga litrato.

30/04/2026

𝐇𝐀𝐋𝐈𝐍𝐀, 𝐌𝐀𝐊𝐈-𝐒𝐈𝐌𝐁𝐀-𝐀𝐑𝐀𝐋𝐀𝐍 𝐍𝐀!

Ipinapaalam sa lahat na ang SIMBA-ARALAN ay magsisimula na sa darating na Mayo 4, 2026 (Lunes), sa ika-3 ng hapon hanggang ika-5 ng hapon sa bicita ni Sta. Catalina de Alejandria.


Halina mga ka-Simba- Aralan
Maraming salamat po.


.catalinachapel

17/04/2026

𝐌𝐀𝐋𝐈𝐆𝐀𝐘𝐀𝐍𝐆 𝐊𝐀𝐀𝐑𝐀𝐖𝐀𝐍 𝐏𝐎, 𝐎𝐁𝐈𝐒𝐏𝐎 𝐃𝐄𝐍𝐍𝐈𝐒!

Ang ating pagbati ng isang Mapagpala at Maligayang Kaarawan sa Ama at Pastol ng ating Diyosesis, Lubhang Kagalang-galang Obispo Dennis C. Villarojo!

Ang aming pong taos-pusong panalangin para sa iyong kalusugan, kabanalan, at mabungang paglilingkod sa bayan ng Diyos!


=================
Visit our Website and Follow our Social Media Platforms!
Website: https://malolosdiocese.ph
Facebook: https://www.facebook.com/angsandiganmalolos
Instagram: https://www.instagram.com/angsandiganmalolos
Youtube: https://www.youtube.com/c/angsandiganmalolos

16/04/2026

𝐁𝐈𝐑𝐓𝐇𝐑𝐀𝐘 𝐏𝐎𝐒𝐓 | 𝐀𝐏𝐑𝐈𝐋 𝟏𝟔, 𝟐𝟎𝟐𝟔

𝐏𝐫𝐨𝐯𝐞𝐫𝐛𝐬 𝟗:𝟏𝟏
"For by me your days will be multiplied, and years will be added to your life."

Happy Birthday to our 𝐒𝐏𝐏𝐂-𝐒𝐄𝐂𝐑𝐄𝐓𝐀𝐑𝐘, 𝐒𝐢𝐬. 𝐁𝐥𝐞𝐬𝐬𝐢𝐞 𝐃𝐑. 𝐋𝐨𝐩𝐞𝐳. Don’t forget to thank God for another year of life while you’re celebrating your birthday. As you receive love and care today, may the Lord’s love for you fill your heart! Wishing you all the best on your special day!

Greetings from SPCY, SPPC, and Pamunuan ‘25-‘26 Family.

15/04/2026

𝐓𝐈𝐍𝐆𝐍𝐀𝐍 :

𝐏𝐀𝐆𝐏𝐔𝐏𝐔𝐋𝐎𝐍𝐆 𝐏𝐀𝐑𝐀 𝐒𝐀 𝐏𝐑𝐎𝐆𝐑𝐀𝐌𝐀𝐍𝐆 𝐒𝐈𝐌𝐁𝐀-𝐀𝐑𝐀𝐋𝐀𝐍

Isinagawa ngayong araw ang pagpupulong upang talakayin ang Programa/Proyekto na ibinaba ng Diyosesis ng Malolos sa bawat Parokya at mga sakop na bisita nito dito sa buong Bulacan.

Ang nasabing pagpupulong ay tungkol sa gaganaping Summer Class ng mga kabataang may edad 7 hanggang 9 at 10 hanggang 12 na taong gulang. Mag aaral ang mga kabataan ukol sa Katesismo at Edukasyon sa Pagpapahalaga.

Gaganapin ito ngayong buwan ng Mayo. Dalawampung araw ng pag-aaral na magsisimula sa Mayo 4 at magtatapos sa Mayo 29. At ito ay gaganapin sa ating Bisita at Day Care Center.

Katuwang po ng ating Simbahan ang mga samahan ng SPPC, SPCY, Sangguniang Barangay at mga Lingkod Simbahan na galing sa Parokya at Dambana ni San Miguel Arcanghel.

Para sa mga gusto pang sumali na kabataan at sa iba pang detalye ay magbigay mensahe lamang po dito sa ating page o mag-iwan ng komento sa baba.

11/04/2026

10/04/2026

𝐒𝐈𝐌𝐁𝐀-𝐀𝐑𝐀𝐋𝐀𝐍

Ang Simba-Aralan ay isang Summer Catechetical Program ng Diyosesis ng Malolos. Ito ay katuwang ng Komisyong ng Ebanghelisasyon sa mga adhikain ng ating Diyosesis sa patuloy na paghubog ng murang puso’t isipan sa liwanag ng Salita ng Diyos.

Inaanyayahan ang mga bata na makiisa sa makabuluhang paglalakbay na magaganap mula Mayo 1–31, 2026, sa ating kapilya ( Bisita ni Sta. Catalina de Alejandria) tuwing 3:00–5:00 ng hapon, kung saan ang bawat araw ay magiging pagkakataon ng pagtuklas, pagninilay, at masayang pagkatuto:

Para sa Pre-Communicants: 7-9 taong gulang
Para sa Post-Communicants: 10-12 taong gulang

Sa pamamagitan ng kuwento, awit, talakayan, at malikhaing gawain, ang pananampalataya ay hindi lamang natututuhan kundi isinasabuhay — nagiging tanglaw sa pang-araw-araw na pamumuhay at lakas sa pagharap sa hamon ng kabataan.

Pwede po kayo magpalista ngayong Abril 2026 kina;
Sis. Claire Joemel Dela Cruz at kay Sis. Vilma Aguilar na Pangulo ng SPPC.

Sa mga nag-nanais makilahok, ibigay po lamang ang mga sumusunod,
1. Pangalan ng Batang Mag-aaral.
2. Edad at Kapanganakan
3. Pangalan ng Magulang o Guardian
4. Contact Number

Maraming salamat po at pagpalain po tayong lahat.

08/04/2026

Mga larawan mula sa naganap na Banal na Misa ngayong Abril 8, 2026 (Miyerkules) sa Sta. Catalina de Alejandria Chapel.