Bisita ni San Isidro Labrador - BANTOG

23/08/2026

23/08/2026

AGOSTO 23 | KAPISTAHAN NI SANTA ROSA DE LIMA 🌹

Si Santa Rosa de Lima, ang unang santo mula sa Amerika at patrona ng Peru, sekondaryang Patron ng Pilipinas, at ng mga nagdurusa.

Si Santa Rosa ay isinilang noong Abril 20, 1586 sa Lima, Peru. Mula pagkabata, namuhay siya sa malalim na pananalangin, pagsasakripisyo, at paglilingkod sa mga mahihirap at maysakit. Sa kabila ng kagandahan niya, pinili niyang ialay ang kanyang buhay kay Kristo at namuhay bilang isang lay Dominican.

Pumanaw siya noong Agosto 24, 1617, sa edad na 31. Dahil sa kanyang kabanalan at pag-ibig sa Diyos, siya ay itinaas sa karangalan ng mga altar at naging huwaran ng pagtitiis, kababaang-loob, at pag-ibig sa kapwa.

“Panginoon, dagdagan Mo ang aking mga pagdurusa at dagdagan Mo rin ang aking pag-ibig.”

Santa Rosa de Lima, ipanalangin mo kami!

22/08/2026

𝐃𝐄𝐎 𝐆𝐑𝐀𝐓𝐈𝐀𝐒!

Ang bumubuo ng Sangguniang Pastoral kasama ang Team of Pastors at ng bayang mananampalataya ng Parokya ng Inmaculada Concepcion Katedral at Basilica Menor ay malugod na bumabati sa ating minamahal na Obispo at Kura Paroko, Lub. Kgg. Dennis C. Villarojo, D.D. na nagdiriwang ngayon ng kanyang Ikapitong guning taon ng pagkakaluklok bilang Ikalimang Obispo ng Malolos.

Dalangin namin nawa ay patuloy kang gabayan ng ating Panginoon, sa tulong ng Mahal na Birheng Maria, ang Virgen Inmaculada Concepcion de Malolos, sa iyong pagpapastol sa ating Parokya at sa Diyosesis ng Malolos.

Happy Anniversary po Bishop Dennis!

"𝘾𝙊𝙉𝙎𝙊𝙇𝘼𝙈𝙄𝙉𝙄 𝙋𝙊𝙋𝙑𝙇𝙀 𝙈𝙀𝙑𝙎"
(𝘔𝘢𝘨𝘪𝘯𝘨 𝘗𝘢𝘯𝘢𝘵𝘢𝘨 𝘒𝘢𝘺𝘰 𝘉𝘢𝘺𝘢𝘯 𝘒𝘰)

21/08/2026

AUGUST 22 | MEMORIAL OF THE QUEENSHIP OF THE BLESSED VIRGIN MARY

Ngayong araw ay ipinagdiriwang ng Simbahan Katolika ang Paggunita sa Pagka-Reyna ng Mahal na Birheng Maria, ang Ina ng ating Panginoong Hesukristo at mapagmahal na Ina ng buong sangkatauhan.

Si Maria ay Reyna hindi dahil sa kapangyarihan ng sanlibutan, kundi dahil buong kababaang-loob niyang tinanggap ang kalooban ng Diyos at naging Ina ng ating Tagapagligtas. Sa kanyang pagkamasunurin, pananampalataya, at pag-ibig, siya ay naging huwaran ng bawat Kristiyano.

O Maria, Reyna ng Langit at Lupa, ipanalangin mo kami. Gabayan mo kami patungo sa iyong Anak na si Hesus. Turuan mo kaming magin mapagpakumbaba, tapat, at masunurin sa kalooban ng Diyos.

Aba, Reyna, Ina ng Awa, buhay, katamisan at pag-asa namin, aba, Regina Caeli, ora pro nobis.

19/08/2026

19/08/2026

Agosto 19 | Paggunita kay San Ezekiel Moreno, Obispo at Tagapagtanggol ng mga Maysakit

Si San Ezekiel Moreno, isang paring Agustino Recoleto at obispo, ay naging huwaran ng matinding pananampalataya, pag-ibig sa Diyos, at malasakit sa mga maysakit at naghihirap. Buong buhay niyang inialay sa paglilingkod sa Simbahan at sa mga nangangailangan, lalo na sa mga may karamdaman.

Nawa’y sa pamamagitan ng kanyang halimbawa, matuto tayong magtiwala sa Diyos sa gitna ng pagsubok at maging instrumento ng Kanyang habag at pag-ibig.

San Ezekiel Moreno, ipanalangin mo kami!
San Ezekiel Moreno, patron ng mga maysakit, ipanalangin mo kami!

18/08/2026

MEMORIAL I ST. BEATRIZ DE SILVA MENESES

St. Beatriz de Silva Meneses is the foundress of the monastic Order of the Immaculate Conception of Our Lady, or the Conceptionist nuns. It was from her visions that the Murillo iconography of the Immaculate Conception originated.

18/08/2026

AGOSTO 18 | KAPISTAHAN NI SANTA ELENA

Si Santa Elena, ina ni Emperador Constantino, ay kilala sa kanyang matibay na pananampalataya at debosyon sa Panginoong Hesukristo. Ayon sa tradisyon, siya ay naglakbay patungong Banal na Lupain at tumulong sa paghahanap ng mga banal na lugar na may kaugnayan sa buhay at pagpapakasakit ni Kristo, kabilang ang Banal na Krus.

Nawa’y tularan natin ang kanyang pananampalataya, pagpapakumbaba, at masidhing pagmamahal sa Banal na Krus.

Santa Elena, ipanalangin mo kami!

16/08/2026

Agosto 16 | Kapistahan ni San Roque

Si San Roque ay isang banal na peregrino at lingkod ng Diyos na nabuhay noong ika-14 na siglo. Inialay niya ang kanyang buhay sa pagtulong at pag-aalaga sa mga maysakit, lalo na sa mga biktima ng salot. Ayon sa tradisyon, nang siya man ay magkasakit, isang a*o ang nagdala sa kanya ng tinapay at tumulong sa kanyang paggaling.

Siya ay kinikilala bilang patron laban sa salot at mga nakahahawang sakit, at huwaran ng pag-ibig, pagkakawanggawa, at pagtitiwala sa Diyos.

San Roque, ipanalangin mo kami!

15/08/2026

Agosto 15 | Kapistahan ni San Tarcisio ng Roma

Si San Tarcisio ng Roma ay isang batang Kristiyano noong ika-3 siglo na buong tapang na nag-alay ng kanyang buhay upang maingatan at maihatid ang Banal na Eukaristiya sa mga Kristiyanong nakakulong dahil sa kanilang pananampalataya.

Ayon sa tradisyon, habang dala niya ang Banal na Komunyon, siya ay hinarang at pinilit na ibigay ang mga Banal na Katawan ni Kristo. Sa kabila ng panganib at karahasan, buong tapang niyang ipinagtanggol ang Eukaristiya hanggang sa kanyang kamatayan.

Ang kanyang buhay ay paalala sa atin ng malalim na pag-ibig, paggalang, at katapatan kay Kristo na tunay na naroroon sa Banal na Sakramento.

Nawa’y turuan mo kaming pahalagahan, igalang, at buong pusong mahalin ang Banal na Eukaristiya.

San Tarcisio, ipanalangin mo kami.