Ministry of Altar Servers - Sto. Niño Parish, San Mateo Rizal Chapter

14/09/2026

“IKA-DALAWAMPU’T APAT NA LINGGO SA KARANIWANG PANAHON”

Magandang araw, mga kapatid! 🙏❤️

Sa Ika-24 Linggo sa Karaniwang Panahon, inaanyayahan tayo ng Panginoon na magkaroon ng pusong marunong magpatawad, umunawa, at muling tumanggap sa mga naliligaw ng landas.

Bilang mga Altar Server, nawa’y maging halimbawa tayo ng kabutihan at pagmamahal sa ating kapwa. Sa bawat pagkakataong tayo ay naglilingkod, nawa’y maipakita natin ang malasakit, pagpapakumbaba, at pusong handang tumulong. 🙏

“Magalak kayo sa akin, sapagkat natagpuan ko na ang aking tupang nawawala.” — Lucas 15:6

Nawa’y matutuhan nating huwag sumuko sa isa’t isa at patuloy na maging instrumento ng awa at pagmamahal ng Diyos. Sa ating paglilingkod, dalhin natin ang liwanag ng Kanyang pag-ibig sa bawat tao. ❤️🙏

08/09/2026

🌹 KAPANGANAKAN NG MAHAL NA BIRHENG MARIA | SEPTEMBER 8, 2026 🌹

“Sa pagsilang ng Birheng Maria, sumibol ang pag-asa at liwanag na naghatid sa atin kay Kristo.”

Magandang araw, mga Kapatid! 🤍🙏

Ngayong araw, buong galak at pasasalamat nating ipinagdiriwang ang Kapanganakan ng Mahal na Birheng Maria, ang Ina ni Hesus at ating mapagmahal na Ina sa pananampalataya.

Sa kanyang simpleng buhay, kababaang-loob, at buong pusong pagsunod sa kalooban ng Diyos, ipinakita ni Maria ang tunay na kahulugan ng isang buhay na iniaalay sa Panginoon.

Nawa’y maging inspirasyon sa atin ang kanyang halimbawa upang patuloy tayong mamuhay nang may pananampalataya, kababaang-loob, pagmamahal, at tapat na paglilingkod.

Bilang mga Altar Server, nawa’y tulad ni Maria, maging handa rin tayong tumugon sa tawag ng Diyos at maglingkod nang may kagalakan at buong puso.

Maligayang Kapistahan ng Kapanganakan ng Mahal na Birheng Maria! 🌹🤍

Nawa’y patuloy tayong gabayan at ilapit ni Maria sa kanyang Anak na si Hesukristo. 🙏

Mahal na Birheng Maria, Ina ng Diyos at Ina namin, ipanalangin mo kami. 🤍🙏

“Napakadakila ng ginawa sa akin ng Makapangyarihan.”
— Lucas 1:49

07/09/2026

‎“IKA-DALAWAMPU’T TATLONG LINGGO SA KARANIWANG PANAHON”
‎
‎Magandang araw, mga kapatid! 🙏❤️
‎
‎Sa Ika-23 Linggo sa Karaniwang Panahon, paalala sa atin ng Panginoon ang kahalagahan ng tunay na pagsunod, pagtitiis, at pagiging handang tumugon sa Kanyang kalooban.
‎
‎Bilang mga Altar Server, nawa’y patuloy nating isabuhay ang ating pananampalataya sa bawat paglilingkod sa altar. Sa bawat panalangin, tungkulin, at sakripisyong ating iniaalay, nawa’y maging bukas ang ating puso sa paglilingkod sa Diyos at sa ating kapwa. 🙏
‎
‎“Ang hindi nagpapasan ng sariling krus at sumusunod sa akin ay hindi maaaring maging alagad ko.” — Lucas 14:27
‎
‎Nawa’y manatili tayong matatag at tapat sa ating bokasyon bilang mga lingkod ng Diyos. Sa bawat hamon, piliin nating magpatuloy, maglingkod nang buong puso, at maging instrumento ng Kanyang pagmamahal. ❤️🙏
‎
‎
‎
‎
‎
‎
‎

31/08/2026

🎂🤍 SEPTEMBER BIRTHDAY CELEBRANTS | MINISTRY OF ALTAR SERVERS 🤍

Isang masayang pagbati sa lahat ng ating mga Altar Servers na nagdiriwang ng kanilang kaarawan ngayong buwan ng Setyembre! 🎉

Nawa’y pagpalain kayo ng Panginoon ng mabuting kalusugan, kagalakan, at lakas upang patuloy kayong lumago sa pananampalataya at sa inyong paglilingkod sa altar.

Sa panibagong taon ng inyong buhay, nawa’y patuloy kayong maging mabuting halimbawa sa inyong kapwa at maging masaya sa bawat pagkakataong makapaglingkod sa Diyos. 🙏

Happy Birthday, September Celebrants! 🎈🥳
Patuloy na maglingkod, manalangin, at magmahal. 🤍

From your Ministry of Altar Servers, we celebrate you! 🎂✨

31/08/2026

“IKA-DALAWAMPU’T DALAWANG LINGGO SA KARANIWANG PANAHON”

Magandang araw, mga kapatid! 🙏❤️

Sa Ika-22 Linggo sa Karaniwang Panahon, inaanyayahan tayo ng Panginoon na mamuhay nang may kababaang-loob, katapatan, at pusong handang maglingkod.

Bilang mga Altar Server, nawa’y patuloy nating ipakita ang ating pananampalataya sa pamamagitan ng masaya at tapat na paglilingkod sa Diyos at sa ating kapwa. Nawa’y maging inspirasyon tayo sa iba sa bawat pagkakataong tayo ay naglilingkod. 🙏

“Sapagkat ang nagmamataas ay ibababa, at ang nagpapakumbaba ay itataas.” — Lucas 14:11

Nawa’y manatili tayong mapagpakumbaba at tapat sa ating tungkulin, sapagkat ang tunay na paglilingkod ay nagmumula sa pusong buong pagmamahal na iniaalay sa Diyos. ❤️🙏

30/08/2026

📢 MOAS RECRUITMENT & FORMATION SEMINAR 2026

Ngayong Agosto 30, 2026, nagkaroon ng pagpupulong ang mga MPC Leaders at Core Group ng Ministry of Altar Servers upang paghandaan ang nalalapit na recruitment para sa mga kabataang nagnanais maging bahagi ng Ministry of Altar Servers.

Kung ikaw ay interesado na matutong maglingkod sa altar, magkaroon ng bagong karanasan, at maging bahagi ng aming ministry, inaanyayahan ka naming sumali ! 🤍

📅 September 27, 2026
🕑 2:00 PM
📍 Sto. Niño Parish Basement

Para sa mga nais malaman ang iba pang detalye, maaari kayong magtanong sa mga Altar Servers na inyong makikita sa parish o dumulog sa Parish Office.

Baka ikaw na ang susunod na lingkod sa altar. Tara, maglingkod tayo!🙏🤍

23/08/2026

“IKA-DALAWAMPU’T ISANG LINGGO SA KARANIWANG PANAHON”

Magandang araw, mga kapatid! 🙏❤️

Sa Ika-21 Linggo sa Karaniwang Panahon, muli tayong tinatawag ng Panginoon na mamuhay nang may matibay na pananampalataya, kababaang-loob, at tapat na paglilingkod.

Bilang mga Altar Server, nawa’y patuloy nating ialay ang ating oras at talento sa paglilingkod sa Diyos at sa ating kapwa nang may puso, saya, at pagmamahal. 🙏

“Magpunyagi kayong pumasok sa makipot na pintuan.” — Lucas 13:24

Nawa’y patuloy tayong gabayan at palakasin ng Panginoon sa bawat hakbang ng ating paglilingkod. Amen. ❤️🙏

18/08/2026

17/08/2026

🤍 MARAMING SALAMAT, MGA MINAMAHAL NAMING SPONSORS! 🤍

Ang matagumpay na pagdiriwang ng MOAS Month 2026 ay naging mas masaya at makabuluhan dahil sa inyong kabutihang-loob at suporta.

Sa bawat tulong, donasyon, at pagkaing ibinahagi ninyo, nakatulong kayo upang makapagtipon, magsalo-salo, at magpasalamat ang ating Ministry of Altar Servers bilang isang pamilya. 🙏

Maaaring hindi man namin kayo mabanggit at mapasalamatan isa-isa, nais naming malaman ninyo na ang bawat tulong na inyong ibinahagi ay aming lubos na pinahahalagahan. Maliit man o malaki, ang inyong kabutihan ay naging malaking bahagi ng aming pagdiriwang.

Mula sa buong Ministry of Altar Servers of Sto. Niño Parish, maraming maraming salamat po sa inyong suporta, tiwala, at pakikiisa sa aming ministry. 🤍

Nawa'y patuloy kayong pagpalain ng Panginoon sa inyong kabutihang-loob.

17/08/2026

ALTAR SERVERS MONTH 2026 | MINISTRY OF ALTAR SERVERS

“Ang paglilingkod sa altar ay hindi lamang isang tungkulin, kundi isang pribilehiyong maglingkod sa Diyos nang buong puso.”

Magandang araw, mga Kapatid! 🤍

Ngayong ipinagdiriwang natin ang Altar Servers Month 2026, buong saya at pasasalamat nating ipinagdiriwang ang bawat Altar Server na patuloy na naglalaan ng oras, lakas, at puso sa paglilingkod sa Panginoon.

Sa ilalim ng ating temang:

“Serving the Lord with Joy in the Ministry of the Altar.”

Nawa’y magsilbi itong paalala na ang ating paglilingkod ay hindi lamang nakikita sa harap ng altar, kundi higit sa lahat sa ating pananampalataya, disiplina, kababaang-loob, at pagmamahal sa Diyos.

Sa inspirasyon ni San Tarcisio, ating patron, patuloy tayong maging mabuting halimbawa sa ating kapwa at maging tapat na lingkod ng Panginoon saan man tayo naroroon.

Maligayang Altar Servers Month 2026!
Patuloy tayong maglingkod, manalangin, at magmahal nang may kagalakan. 🤍🙏

“Anuman ang inyong ginagawa, gawin ninyo nang buong puso, na parang sa Panginoon at hindi sa tao.”
— Colosas 3:23

San Tarcisio, ipanalangin mo kami. 🙏