Grace Overflowing Christian Community Fellowship

Grace Overflowing Christian Community Fellowship Official FB page of Grace Overflowing Christian Community Fellowship Church, Buntong Palay, Brgy Silangan, San Mateo, Rizal

11/09/2026

Friday Sept. 11, 2026

"Manatili nawa ang kapayapaan at habag ng Diyos sa lahat ng namumuhay ayon sa tuntuning ito, at sa buong bayan ng Diyos."
Galacia 6:16

PAGBUBULAY:
Ang mga mananampalataya na kabahagi ng iglesya ay ipinapalagay bilang Israel ng Diyos o sa madaling katawagan ay mga anak ng Diyos. Masasabi mo ba sa iyong sarili na ikaw ay tunay na anak ni Abraham?

TURNING POINT:
Ang mga anak ng Diyos ay ang mga tunay na mananampalataya bilang mga anak ni Abraham ang mga taong ganap na nakipag-isa sa Panginoong Hesu-Kristo. Sabi sa Galacia 3:1, 27-29;
"Kung gayon, maliwanag na ang mga nananalig sa Diyos ang mga tunay na anak ni Abraham.
²⁷Si Kristo mismo ang inyong isinuot na parang damit nang kayo'y nabautismuhan sa inyong pakikipag-isa sa kanya.
²⁸Wala nang pagkakaiba ang Judio at ang Griego, ang alipin at ang malaya, ang lalaki at ang babae. Kayong lahat ay iisa na dahil sa inyong pakikipag-isa kay Kristo Hesus.
²⁹At kung kayo'y kay Kristo, kayo'y mga anak ni Abraham at tagapagmana ng mga pangako ng Diyos."

APPLICATION:
Kaya't kung tayo'y tunay at ganap ang ating pakikipag-isa sa Panginoong Hesu-Kristo tayo'y mga tunay na Judio na mga nabago sa puso't kalooban bilang mga pananampalataya na tumanggap ng tunay na pagtutuli. Kaya sabi sa Roma 2:28-29;
"Sapagkat ang pagiging isang tunay na Judio ay hindi dahil sa pagtutuli sa laman.
²⁹ Ang tunay na Judio ay ang taong nabago ang puso't kalooban ayon sa Espiritu at hindi ayon sa Kautusang nasusulat. Ang papuri sa taong iyon ay mula sa Diyos at hindi mula sa mga tao."

Filipos 3:3;
"Tayo at hindi sila, ang tumanggap ng tunay na pagtutuli, tayong mga sumampalaya sa Diyos, sa pamamagitan ng kanyang Espiritu. Ang ipinagmamalaki natin ay ang ating buhay kay Kristo Hesus at hindi tayo umaasa sa mga pisikal na bagay."

Kaya't alalahanin natin na ang Salita ng Diyos ay hindi nawawalan ng kabuluhan; alalahanin natin na hindi lahat ng mga anak ni Abraham ay ituturing na mga anak ng Diyos sapagkat ang tao'y hindi naliligtas sa kagustuhan ng tao kundi sa habag ng Diyos. Sabi sa Roma 9:6-8, 15-18;
"Hindi ito nangangahulugang nawalan na ng kabuluhan ang salita ng Diyos, sapagkat hindi lahat ng mga Israelita ay kabilang sa bayang pinili niya.
⁷At hindi rin naman ibinibilang na anak ni Abraham ang lahat ng nagmula sa kanya. Ganito ang sinabi ng Diyos, "Magmumula kay Isaac ang ibibilang na lahi mo."
⁸Kaya nga, hindi lahat ng anak ni Abraham ay ibinibilang na anak ng Diyos, kundi iyon lamang mga ayon sa pangako ng Diyos.
¹⁵Sapagkat ganito ang sabi niya kay Moises, "Mahahabag ako sa nais kong kahabagan at maaawa ako sa nais kong kaawaan."
¹⁶Maliwanag kung gayon, na ang pasya ng Diyos ay nababatay sa kanyang habag, at hindi sa kagustuhan o pagsisikap ng tao.
¹⁷Sapagkat ayon sa kasulatan ay sinabi niya sa hari ng Egipto, "Ginawa kitang hari upang sa pamamagitan mo'y maipakita ko ang aking kapangyarihan, at maipahayag ang aking pangalan sa buong daigdig.
¹⁸Kaya nga't kinahahabagan ng Diyos ang sinumang nais niyang kahabagan, at pinagmamatigas ang nais niyang maging matigas ang ulo."

09/09/2026

Thursday Sept. 10, 2026

"Wala nang ibang tulad mo, O Yahweh; ikaw ay makapangyarihan, walang kasindakila ang iyong pangalan.
Sino ang hindi matatakot sa iyo, ikaw na Hari ng lahat ng bansa? Karapat-dapat lamang na ikaw ay katakutan. Kahit na piliin ang lahat ng matatalino mula sa lahat ng bansa at mga kaharian, wala pa ring makakatulad sa iyo."
Jeremias 10:6-7

PAGBUBULAY:
Batid natin na ang taong hiwalay sa Diyos ay maraming kinakatakutan, walang kapayapaan at laging lumilikha ng diyos upang paniwalaan. Sa iyong mga takot sa buhay, ilang diyos ang iyong nalilikha upang hindi na sumunod sa kalooban ng nag-iisang Diyos na Makapangyarihan na dapat mong katakutan?

TURNING POINT:
Kung mayroon man tayong dapat na katakutan, walang iba kundi ang Diyos na Makapangyarihan sa lahat sapagkat Siya ang naglalagay at gumawa ng hangganan ng lahat, at hindi natin ito kayang iwasan sapagkat ang lahat ay may hangganan ang bawat bagay maging ang ating buhay. Sabi sa Jeremias 5:22;
"Ako si Yahweh; hindi ba kayo natatakot sa akin o nanginginig sa presensya ko? Ako ang naglagay ng buhangin upang maging hangganan ng karagatan, isang palagiang hangganan na hindi kayang bagtasin. Kahit magngalit ang dagat at tumaas ang mga alon, hindi sila makakalanpas dito.

APPLICATION:
Kaya't dapat tayong matakot sa Diyos na siyang maylikha ng lahat sapagkat walang sinumang maaaring lumaban sa Diyos. Sapagkat ang Diyos ay walang katulad. Kaya sabi sa Jeremias 49:19;
"Masdan ninyo, tulad ng leong nanggagaling sa kagubatan ng Jordan at patungo sa lumang pastulan, hahabulin ko ang mga taga-Edom at sila'y magtatakbuhan. Pamamahalaan sila ng pinunong sinumang aking pipiliin. Sino ang katulad ko? Sino ang aking kapantay? Sinong pinuno ang makakalaban sa akin?"

Exodo 15:11;
"Ikaw Yahweh, sino sa mga diyos ang kagaya? Sa kabanala'y dakila at kamangha-mangha, sa mga himala'y di mapantayan, sa kababalaghan ay di matularan."

Kaya't tularan natin ang ating Panginoong Hesu-Kristo upang tayo'y maging kawangis ng Diyos. Sabi sa Awit 86:8, 10-11;
"Sa sinumang diyos wala kang kawangis sa iyong gawa'y walang makaparis.
¹⁰Pagkat ikaw lamang ang Diyos na dakila na anumang gawin ay kahanga-hanga!
¹¹Ang kalooban mo'y ituro sa akin, at tapat ang puso ko na ito'y susundin; turuang maglingkod nang buong taimtim."

08/09/2026

Wednesday Sept. 9 2026

"Huwag nawang mangyari sa akin na ipagmalaki ko ang anumang bagay bukod sa krus ng ating Panginoong Hesu-Kristo. Sapagkat sa pamamagitan nito ang mundong ito'y patay para sa akin, at ako nama'y patay na rin sa mundo.
Hindi mahalaga kung tuli man o hindi ang isang tao. Ang mahalaga ay kung siya ay bago nang nilalang."
Galacia 6:14-15

PAGBUBULAY:
Ang lahat ng sistema sa mundo, maging dakilang karangalan nito, ay pasalungat sa Diyos. Naganap na ba sa buhay mo ang pagkawala ng atraksiyon at impluwensya ng mga bagay bagay sa daigdig na ito?

TURNING POINT:
Ang taong ganap sa pananampalataya at naglilingkod ay nararapat na mamuhay bilang mga bagong nilalang at hindi sa panlabas na kaanyuan at mga pagnanasa sa bagay sa daigdig kundi taong may bagong puso't kalooban. Sabi sa Roma 2:28-29;
"Sapagkat ang pagiging isang tunay na Judio ay hindi dahil sa panlabas na kaanyuan o dahil sa pagtutuli sa laman.
²⁹Ang tunay na Judio ay ang taong nabago sa puso't kalooban ayon sa Espiritu at hindi ayon sa Kautusang nasusulat. Ang papuri sa taong iyon ay mula sa Diyos at hindi mula sa mga tao."

APPLICATION:
Kaya't kung ganap ang ating pakikipag-isa sa Panginoong Hesu-Kristo, hindi mahalaga kung tayo'y tuli o hindi, kung Judio man o Hentil; ang mahalaga ay ang pananampalatayang gumagawa sa pamamagitan ng pag-ibig bilang mga taong ipinanganak na muli. Kaya sabi sa Galacia 5:6;
"Sa mga nakipag-isa na kay Kristo Hesus, hindi na mahalaga kung ang isang tao ay tuli o hindi. Ang mahalaga'y ang pananampalatayang gumagawa sa pamamagitan ng pag-ibig."

Juan 3:5, 7;
"Sagot naman ni Hesus, "Tandaan mo ang ang sinasabi kong ito: malibang ang isang tao ay ipanganak sa pamamagitan ng tubig at ng Espiritu, hindi siya makakapasok sa kaharian ng Diyos.
⁷Huwag kang magtaka sa sinabi ko sa iyo, 'kayong lahat ay kailangang ipanganak na muli.' "

Kaya't kung mayroon man tayong dapat na ipagmalaki, ang ipagmalaki natin ang ating buhay kay Kristo Hesus at hindi sa pisikal na anyo. Sapagkat ang tunay na pinakamahalaga ay ating pagkakilala sa Panginoong Hesu-Kristo at hindi ang mga bagay sa daigdig na ito. Sabi sa Filipos 3:3, 7-8;
"Tayo at hindi sila, ang tumanggap ng tunay na pagtutuli, tayong mga sumampalaya sa Diyos sa pamamagitan ng kanyang Espiritu. Ang ipinagmamalaki natin ay ang ating buhay kay Kristo Hesus at hindi tayo umaasa sa mga pisikal na bagay.
⁷Ngunit dahil kay Kristo, ang mga bagay na pinapahalagahan ko noon ay itinuring kong walang kabuluhan ngayon.
⁸Oo, itinuturing kong walang kabuluhan ang lahat ng bagay bilang kapalit ng lalong mahalaga, ang pagkakakilala kay Kristo Hesus na ating Panginoon. Ang lahat ng bagay ay ipinalagay kong walang kabuluhan at itinuring kong basura, makamtan ko lamang si Kristo."

Roma 6:6;
"Alam natin na ang dati nating pagkatao ay naipako na sa krus kasama niya, upang mamatay ang ating makasalanang pagkatao at nang hindi na tayo maalipin pa ng kasalanan."

07/09/2026

Tuesday Sept. 8, 2026

"Ang dinidiyos nila'y hindi maaasahan. Isang punongkahoy na pinutol sa gubat, inanyuan ng mga dalubhasang kamay,
at pinalamutian ng ginto at pilak. Idinikit at pinakuan upang hindi mabuwal.
Ang mga diyus-diyosang ito'y tulad sa panakot ng ibon sa gitna ng bukid, hindi nakakapagsalita; pinapasan pa sila sapagkat hindi nakakalakad. Huwag kayong matakot sa kanila sapagkat hindi sila makakagawa ng masama, at wala ring magagawang mabuti."
Jeremias 10:3-5

PAGBUBULAY:
Ang mga diyus-diyosang likha ng mga dalubhasang kamay ng tao ay walang kapangyarihang magsalita o gumawa. Sa iyong palagay ay dapat ka pa rin bang maniwala sa mga rebultong iyong niyuyukuran at pinapasan kung mismo ang Salita ng Panginoon ang siyang nagsasabi nito?

TURNING POINT:
Walang kuwenta ang mga taong gumagawa at naniniwala sa mga rebultong ating sinasamba sapagkat ginagawa tayo nitong bulag at hangal. Dahil dito tayo'y nagiging walang kabuluhan sapagkat tayo'y mapapahiya sa harapan ng Diyos. Sabi sa Isaias 44:9-11;
"Walang kuwentang tao ang mga gumagawa ng rebulto, at walang kabuluhan ang mga diyus-diyosang kanilang pinahahalagahan. Mga bulag at hangal ang mga sumasamba sa mga ito, kaya sila'y mapapahiya.
¹⁰Walang idudulot na mabuti ang paggawa ng mga rebulto upang sambahin.
¹¹Tandaan ninyo, ang sumasamba sa mga ito ay mapapahiya lamang. Ang mga gumagawa nito'y tao lamang, kaya't magsama-sama man sila at ako'y harapin, sila'y matatakot at mapapahiya."

APPLICATION:
Kaya't magbago na tayo ng isip ukol sa ating pagsamba sa mga rebultong likha ng tao sapagkat sa kahit anumang diyos na ating lilikhain ay hindi nito kayang tumbasan o higitan ang Diyos. Kaya sabi sa Isaias 40:18-20;
"Saan ba ninyo ihahambing ang Diyos at kanino ninyo siya itutulad?
¹⁹Siya ba'y maihahambing sa mga imaheng ginawa ng tao, na binalutan ng ginto, at ipinatong sa pilak?
²⁰Hindi rin siya maitutulad sa rebultong kahoy matigas man ang kahoy at hindi nabubulok, na nililok upang hindi tumumba at mabibili lang sa lumang halaga."

Isaias 45:20-21;
"Sinabi ni Yahweh, "Halikayong lahat na mga natitirang buhay mula sa lahat ng bansa; kayong mga mangmang na nagpapasan ng mga imaheng kahoy at dumadalangin sa mga diyus-diyosan na hindi makakapagligtas. Ang mga taong ito'y walang nalalaman.
²¹Ipagtanggol ninyo ang inyong panig. Magsanggunian kayo. Sino ang makakapagsabi ng mga bagay na magaganap? Hindi ba akong si Yahweh, ang Diyos na nagliligtas sa kanyang bayan? Walang ibang diyos maliban sa akin."

Kaya't huwag na tayong magpalagay na tama ang ating mga ginagawang pagsamba sapagkat katulad natin ang mga rebultong ating sinasamba ay may mata, tainga, ilong, etc; kahit saan man ito natin dalhin wala din naman itong magagawang mabuti sa atin sapagkat hindi pa rin ito maitutulad sa Makapangyarihang Diyos na may likha ng lahat. Kaya sabi sa Awit 135:16-18;
"Oo't mayro'n silang bibig, hindi naman maibuka, mga mata'y mayroon din, hindi naman makakita;
¹⁷mayroon silang mga tainga, ngunit hindi makarinig, hindi sila humihinga, sa ilong man o sa bibig.
¹⁸Ang gumagawa sa kanila, at lahat nang nagtiwala, matutulad sa idolong sila na rin ang lumikha!"

Isaias 46:7;
"Pinapasan nila ito para ilibot sa ibang lugar, pagkatapos ay ibabalik sa kanyang lalagyan. Mananatili ito roon at hindi makakakilos. Dalanginan man ito'y hindi makakasagot at hindi makatutulong sa panahon ng pagsubok."

06/09/2026

Monday Sept. 7, 2016

"Kaya nga, basta may pagkakataon ay gumawa tayo ng mabuti sa lahat ng tao, lalo na sa mga kapatid natin sa pananampalataya."
Galacia 6:10

PAGBUBULAY:
Habang tayong mga mananampalataya ay nag-aantay ng gantimpala, gumawa tayo ng mabuti sa lahat ng tao. Lalong-lalo na sa mga kabilang sa bahagi ng iglesya. Ang iyo bang pangunahing katapatan ay nasa kaharian ng Diyos?

TURNING POINT:
Bilang mga mananampalataya ang pangunahing katapatan natin ay sa kaharian ng Diyos, sa Diyos bilang ating Amang nasa langit higit pa sa kahit kanino, ng higit pa sa ating pamilya. Sabi sa Mateo 6:9, 32;
"Ganito kayo manalangin, "Ama naming nasa langit, sambahin nawa ang iyong pangalan.
³²Hindi ba't ang mga Hentil ang nababahala tungkol sa mga bagay na ito? Alam na ng inyong Ama na nasa langit ang kailangan ninyo ang lahat ng ito."

Mateo 12:50;
"Sapagkat ang sinumang sumusunod sa kalooban ng aking Ama na nasa langit, iyon ang aking ina at mga kapatid."

Mateo 8:21-22;
"Ngunit sinabi sa kanya ni Hesus, "Sumunod ka sa akin at ipaubaya mo sa mga patay ang paglilibing ng kanilang mga patay."

APPLICATION:
Kaya't huwag tayong magkakait sa ating kapwa upang ating magawa ang pinapagawa sa atin ng Diyos upang sa ating pagmamahal sa kapwa makilala ng lahat na tayo'y mga tagasunod ng Panginoon. Kaya sabi sa Kawikaan 3:27;
"Ang kagandahang-loob ay huwag ipagkakait sa kapwa, kung ika'y may kakayahan na ito ay magawa."

Juan 9:4;
"Kailangang gawin natin ang mga ipinapagawa ng nagsugo sa akin habang may araw pa; darating ang gabi, kung kailan wala nang makakapagtrabaho."

Kaya't bilang mga mananampalataya, gumawa tayo ng mabuti, at magpatuloy sa mga mabubuting gawa bilang bahagi ng sambahayan ng Diyos. Sabi sa 1 Timoteo 6:18;
"Utusan mo silang gumawa ng mabuti at magpakayaman sa mabubuting gawa, maging bukas-palad at matulungin sa kapwa.

Efeso 2:19;
"Samakatuwid, hindi na kayo mga dayuhan o taga-ibang bansa, kundi mga kababayan na ng mga hinirang ng Diyos at kabilang sa kanyang sambahayan."

Hebreo 3:6;
"Subalit si Kristo ay tapat bilang Anak na namumuno sa sambahayan ng Diyos. At tayo ang kanyang sambahayan, kung matibay ang ating pag-asa at hindi natin ito ikinahihiya."

06/09/2026

Saturday Sept. 6, 2026

"Sinabi ni Yahweh, "Darating ang panahong paparusahan ko ang lahat ng tinuli ngunit ang puso'y hindi naman nababago;
mga taga-Egipto, Juda, Edom, Ammon, Moab at lahat ng naninirahan sa disyerto at ang mga nagpuputol ng kanilang buhok. Sila at lahat ng mga taga-Israel ay hindi pa nagkakaroon ng panloob na pagbabago bagaman sila ay tinuli ayon sa laman."
Jeremias 9:25-26

PAGBUBULAY:
Pagdating ng Araw, parurusahan ng Diyos ang lahat ng mga Judio at mga Hentil na hindi nagkakaroon ng pagbabago sa kaibuturan ng puso. Nauunawaan mo ba ang nakakapangilabot na kapahayagan ng Diyos kung hindi tayo magbabago ng mga nilalaman ng ating mga puso?

TURNING POINT:
Ang nakakapangilabot na kapahayagan ng kaparusan ng Diyos ay para sa lahat, Judio man o Hentil kung tayo'y hindi magbabago sa ating puso't kalooban sapagkat ang pagbabago ay hindi nakikita sa panlabas na kaanyuan kundi sa nilalaman ng ating mga puso. Sabi sa Roma 2:28-29;
"Sapagkat ang pagiging isang tunay na Judio ay hindi sa panlabas na kaanyuan o dahil sa pagtutuli sa laman.
²⁹Ang tunay na Judio ay ang taong nagbago sa puso't kalooban ayon sa Espiritu at hindi ayon sa Kautusang nasusulat. Ang papuri sa taong iyon ay mula sa Diyos at hindi mula sa mga tao."

APPLICATION:
Kaya't kung hindi tayo magbabago ng puso't kalooban tiyak na mararanasan natin ang nakakakilabot na parusa ng Diyos dahil sa ating mga kasalanan. Kaya't maging masunurin tayo at italaga natin ang ating buhay sa paglilingkod sa Diyos sapagkat siya ay Diyos na hindi masusuhulan. Kaya sabi sa Jeremias 4:4;
"Tuparin ninyo ang inyong pangako sa akin, at italaga ang inyong buhay sa paglilingkod. Kung hindi, sisiklab ang aking p**t dahil sa inyong mga nagawang kasalanan."

Deuteronomio 10:16-17, 20-22;
"Kaya nga, maging masunurin kayo at huwag maging matigas ang inyong ulo.
¹⁷Sapagkat si Yahweh na inyong Diyos ay Diyos ng mga diyos, Panginoon ng mga panginoon, makapangyarihan at kakila-kilabot, walang itinatangi, at hindi nasusuhulan.
²⁰Magkaroon kayo ng takot kay Yahweh. Siya lamang ang inyong sasambahin; huwag kayong hihiwalay sa kanya, at sa pangalan lang niya kayo manunumpa
²¹Siya lamang ang dapat ninyong purihin, siya ang inyong Diyos, ang gumawa ng marami at kakila-kilabot na mga bagay na inyong nasaksihan."

05/09/2026

Saturday Sept. 5, 2026

"Kaya't huwag tayong mapagod sa paggawa ng mabuti sapagkat pagdating ng takdang panahon tayo ay aani kung hindi tayo susuko."
Galacia 6:9

PAGBUBULAY:
Ang bawat mananampalataya ay may mga mabibigat na sitwasyong pinagdadaanan ngunit hindi ito dahilan upang tayo'y hindi na gumawa ng mabuti. Ang katatagan ba ng iyong pananampalataya ay matagumpay?

TURNING POINT:
Ang itinuturing na isang ganap na mananampalataya ay hindi natitinag sa mga pagsubok sapagkat ito'y kaparaanan ng Diyos bilang pagdisiplina upang sa ating mga pagtitiis ay masunod natin ang kanyang kalooban upang makagawa ng mabuti. Sabi sa Hebreo 12:3, 5;
"Isip-isipin ninyo kung gaano ang tiniis niyang pag-uusig sa kamay ng makasalanan, upang hindi kayo manlupaypay o panghinaan ng loob.
⁵Nalimutan na ba ninyo ang panawagan ng Diyos sa inyo bilang mga anak niya, mga salitang nagpapalakas ng loob? "Anak ko, huwag mong baliwalain ang pagtutuwid ng Panginoon, at huwag kang panghihinaan ng loob kapag ikaw ay dinidisiplina niya."

Hebreo 10:36;
"Kinakailangang kayo'y magtiis upang masunod ninyo ang kalooban ng Diyos at matanggap ninyo ang kanyang pangako."

APPLICATION:
Kaya't kap**tan man tayo ng sanlibutan, huwag nating kaliligtaan ang paggawa ng mabuti sapagkat ang mananatiling tapat hanggang wakas ay ang siyang maliligtas. Kaya sa sa 2 Tesalonica 3:13;
"Mga kapatid, huwag kayong magsasawa sa paggawa ng mabuti."

1 Corinto 15:58;
"Kaya nga, mga minamahal kong kapatid, magpakatatag kayo at huwag matitinag. Maging masipag kayo sa paglilingkod sa Panginoon, dahil alam ninyong hindi masasayang ang inyong pagpapagal para sa kanya."

Mateo 12:22;
"Kapop**tan kayo ng lahat dahil sa pagsunod sa akin, ngunit ang mananatiling tapat hanggang wakas ang siyang maliligtas."

03/09/2026

Friday September 4, 2026

"Ang sabi ni Yahweh: "Huwag ipagmayabang ng matatalino ang kanyang karunungan o ng malakas ang lakas na kanyang taglay ni ng mayaman ang kanyang kayamanan.
Kung may nais magmalaki, ang ipagmalaki niya ang pagkakakilala't pagkaunawa sa akin, sapagkat ang aking pag-ibig ay hindi nagbabago, makatarungan at matuwid ang mga ginagawa ko. Ako si Yahweh ang may sabi nito."
Jeremias 9:23-24

PAGBUBULAY:
Ang tunay na matalino ay pinag-aaralan kung ano ang itinuturo ng Diyos upang makilala siya. Isinasapuso at isinasabuhay mo ba ang mga salita ng Diyos na iyong napapakinggan at natutunan?

TURNING POINT:
Ang walang hangaring matuto at maka-alam ng Salita ng Diyos ay tiyak ang pagdating ng pagkabigo sapagkat ito'y nagpapakita na tayo'y mga hangal. Sabi sa Jeremias 4:22;
"At sinabi ni Yahweh, "Napakahangal ng aking bayan; hindi nila ako nakikilala. Tulad nila'y mga batang wala pang pang-unawa. Sana'y sila sa paggawa ng masama ngunit bigo sa paggawa ng mabuti."

Jeremias 8:8-9;
"Paano ninyo nasabing, 'Kami'y matatalino; nasa amin ang kautusan ni Yahweh'? Ang kautusan ay binago ng mga mandarayang eskriba.
⁹Mapapahiya ang kanilang mga matatalino; sila'y malilito at mabibigo. Sapagkat tinanggihan nila ang salita ni Yahweh, anong karunungan ang taglay nila ngayon."

APPLICATION:
Kaya't huwag nating talikuran ang hatid na katalinuhang dulot ng Salita ng Diyos upang mapag-ingatan at makilala natin ang kanyang hindi nagmamaliw na pag-ibig, katwiran at kabanalan. Kaya sabi sa Exodo 34:6-7;
"Si Yahweh ay nagdaan sa harapan ni Moises at sinabi niya, "Akong si Yahweh ay mahabagin at mapagmahal. Hindi ako madaling magalit; patuloy kong ipinadarama ang aking pag-ibig, at patuloy kong ipinapatawad ang kanilang kasamaan, pagsuway at pagkakasala. Ngunit hindi ko pinalalampas ang kasalanan ng ama at pagpaparusa koy hanggang sa ikatlo at ikaapat na salinlahi."

Kawikaan 3:5-6;
"Kay Yahweh ka magtiwala, buong puso at lubusan, at huwag kang mananangan sa sariling karunungan.
⁶Sa lahat ng iyong gawain siya nga'y alalahanin, upang ika'y patnubayan sa iyong mga tatahakin."

Kawikaan 21:30;
Ang kaalaman ng tao, unawa o karunungan ay di makakatulong kung si Yahweh ay kalaban.

Mangangaral 9:11-12;
"Ito pa ang isang bagay na napansin ko sa mundong ito: ang mabilis ay di siyang laging nananalo sa takbuhan ni ang malakas ay laging nagwawagi sa digmaan. Ang matatalino'y di laging nakakasumpong ng kanyang mga kailangan at di lahat ng marunong ay yumayaman. Napapansin ko rin na di lahat ng may kakayahan ay nagtatagumpay; lahat ay dinaratnan ng malas.
¹²Hindi alam ng tao kung kailan ang kanyang takdang oras. Siya'y tulad ng isdang nasusukluban ng lambat, at ibong nahuhuli sa bitag. Ang tao'y parang nahuhulog sa patibong sa biglang pagdating ng masamang pagkakataon."

Kaya't kung sa ganang ating sarili ay wala tayong anumang maipagmamalaki sa Diyos sa halip kung nais nating magpakatalino, at kung nais nating magmalaki; ipagmalaki natin ang ginawa ng Panginoon. Sabi sa 1 Corinto 1:31;
"Kaya nga, tulad ng nasusulat, "Ang sinumang nais magmalaki, ang ginawa ng Panginoon ang kanyang ipagmalaki."

Awit 34:2-3;
"Aking pupurihin kanyang mga gawa, kayong naaapi, makinig, matuwa!
³Ang kadakilaan niya ay ihayag, at ang ngalan niya'y purihin ng lahat!"

03/09/2026

Thursday Sept. 3, 2026

"Huwag ninyong linlangin ang inyong sarili; hindi maaaring tuyain ang Diyos. Kung ano ang itinanim ng tao, iyon din ang kanyang aanihin.
Ang nagtatanim para sa sarili niyang laman ay aani ng pagkabulok mula sa laman. Ngunit ang nagtatanim para sa Espiritu ay aani ng buhay na walang hanggan."
Galacia 6:7-8

PAGBUBULAY:
Ang kaugnay na kahulugan ng pagtukoy para sa pag-aani ay may kinalaman sa buhay na walang hanggan (sa halip na mga pansamantalang pagpapala) na aanihin ng mga mananampalataya, kung ang itinanim ng buhay natin ay para sa Espiritu. Ano ba ang iyong itinatanim, para sa kalayawan ng laman ba o para sa Espiritu?

TURNING POINT:
Sa ating buhay ay may mga paghihirap at lungkot, ngunit ang mga pansamantalang pagdurusa ay paghahanda para sa walang hanggan kaluwalhatian sa kabila ng walang katulad na biyaya ng Diyos sapagkat sa pamamagitan ng Panginoong Hesu-Kristo mapagtatagumpayan natin ang anumang mga kapighatian sa sanlibutang ito. Sabi sa 2 Corinto 4:17;
"Ang bahagya at panandaliang kapighatiang dinaranas namin ngayon ay magbubunga ng kagalakang walang hanggan at walang katulad.

Juan 16:33;
"Sinabi ko ito sa inyo upang sa inyong pakikipag-isa sa akin ay magkaroon kayo ng kapayapaan. Magdaranas kayo ng kapighatian sa sanlibutang ito, ngunit tibayan ninyo ang inyong loob! Napagtagumpayan ko na ang sanlibutan."

APPLICATION:
Kaya't upang mapagtagumpayan natin ang sanlibutan, talikuran na natin ang paggawa ng mga bagay sa sanlibutan; ang kasalanan upang magkaroon tayo ng bahagi sa Diyos. Mag-iingat tayo upang hindi tayo madaya ng sanlibutang ito. Kaya sabi sa 1 Corinto 6:9-10;
"Hindi ba ninyo alam na ang mga makasalanan ay walang bahagi sa kaharian ng Diyos? Huwag ninyong dayain ang inyong sarili! Ang mga nakikiapid, sumasamba sa diyus-diyosan, nangangalunya, nakikipagtalik sa kapwa lalaki o kapwa babae,
¹⁰nagnanakaw, sakim, naglalasing, nanlalait ng kapwa, o nandaraya, ay walang bahagi sa kaharian ng Diyos."

1 Corinto 15:33-34;
"Huwag kayong paloloko. "Ang masasamang kasama ay nakakasira ng mabuting pagkatao."
³⁴Magpakatino kayo at talikuran ang pagkakasala. Ang iba sa inyo'y hindi kilala ang Diyos. Sinasabi ko ito upang mapahiya kayo.

Santiago 1:16;
"Huwag kayong padaya, mga kapatid kong minamahal."

Kaya anuman ang ating itinatanim sa kasalukuyan, kung ano tayo ngayon sa sanlibutang ito ay siya nating aanihin pagdating ng panahon. Ngunit sa biyaya at habag ng Diyos nang tayo'y sumampalaya sa Panginoong Hesu-Kristo, pinalaya na tayo sa pagkaalipin sa kasalanan. Sabi sa Job 4:8;
"Ang alam ko'y ang mga naghahasik ng kasamaan ay siya ring nag-aani ng kaguluhan."

Hosea 8:7;
"Naghasik sila ng hangin, at ipu-ipo ang kanilang aanihin."

Roma 6:20-23;
"Noong alipin pa kayo ng kasalanan, hindi kayo saklaw ng katuwiran.
²¹Ano ang napala ninyo sa mga bagay na iyon na ikinahihiya ninyo ngayon? Kamatayan ang ibinubunga ng mga iyon.
²²Ngunit ngayong pinalaya na kayo mula sa kasalanan at naging alipin na ng Diyos, ang natamo ninyo'y isang buhay na banal at ang ibubunga nito'y buhay na walang hanggan.
²³Sapagkat kamatayan ang kabayaran ng kasalanan, ngunit ang walang bayad na kaloob ng Diyos ay buhay na walang hanggan sa pamamagitan ni Kristo Hesus na ating Panginoon."

01/09/2026

Tuesday Sept. 2, 2026

"Ang sabi ni Yahweh na Makapangyarihan sa lahat: "Isipin ninyo ang mga nangyari! Tawagin ninyo ang mga taga-iyak, ang mga babaing sanay managhoy."
Sabi ng mga tao, "Pagmadiliin sila upang managhoy para sa atin, hanggang sa bumalong ang ating mga luha at mamugto sa pag-iyak ang ating mga mata."
Jeremias 9:117-18

PAGBUBULAY:
Hindi mapapawi ng pakunwaring pag-iyak lamang upang mapawi ang p**t ng Diyos sa mga taong makasalan. Ikaw ba ay mapagkunwari sa iyong pagsisisi sa kasalanan, dinadaan mo ba sa paiyaka-iyak ang paglapit sa Diyos?

TURNING POINT:
Ang ganitong sistema ng mga taong mapagkunwari ay hindi makakaligtas sa matinding p**t ng Diyos sapagkat hindi mapipigilan ng pagkukunwaring pag-iyak katulad ng pag-iyak ng mga bayarang taga-iyak ang kaparusan sa pagdating ng Panginoon. Sabi sa Amos 5:16-17;
"Kaya't sinasabi ni Yahweh, ang Diyos na Makapangyarihan sa lahat, ang Panginoon, "Maririnig sa mga lansangan ang mga pagtangis; at ang mga paghihinagpis sa mga liwasan. Pati ang mga magsasaka ay makikidalamhati, kasama ng mga bayarang taga-iyak.
¹⁷May mga pagtangis sa bawat ubasan, sapagkat darating ako sa inyong kalagitnaan."

APPLICATION:
Kaya't maliban na ang lahat ay magsisi sa kasalanan ng buong puso at ganap na manumbalik sa Diyos, hindi natin mapipigilan ang parusa ng Diyos sa oras ng pagdating ng Panginoon. Sapagkat itinakda na ng Diyos ang kamatayan sa mga taong makasalanan. Kaya sabi sa Jeremias 14:17-20;
"Inutusan ni Yahweh si Jeremias na ipaalam sa bayan ang kanyang kalungkutan; at sabihin, "Araw-gabi'y hindi na ako titigil ng pag-iyak; sapagkat malalim ang sugat ng aking bayan, sila'y lubhang nasaktan.
¹⁸Kapag lumabas ako sa kabukiran, nakikita ko ang mga nasawi sa digmaan; kapag ako'y pumunta sa mga bayan, naroon naman ang mga taong namamatay sa gutom. Patuloy sa kanilang gawain ang mga propeta at mga pari, subalit hindi nila alam kung ano ang kanilang ginagawa."
¹⁹Yahweh, lubusan mo na bang itinakwil ang Juda? Kinap**tan mo na ba ang mga taga-Zion? Bakit ganito ang parusa mo sa amin, parang wala na kaming pag-asang gumaling? Naghanap kami ng kapayapaan ngunit nabigo kami; umasa kaming gagaling ngunit sa halip takot ang dumating.
²⁰Yahweh, kinikilala namin ang aming kasamaan, at ang pagtataksil ng aming mga magulang; kaming lahat ay nagkasala sa iyo."

Jeremias 15:1-2;
"Pagkatapos ay sinabi sa akin ni Yahweh, "Kahit na sina Moises at Samuel ang makiusap sa harapan ko, hindi ko kahahabagan kahit kaunti ang mga taong ito. Paalisin mo sila; ayoko na silang makita.
²Kapag itinanong nila sa iyo kung saan sila pupunta, sabihin mong itinakda na ang kanilang hantungan: Ang iba sa kanila'y mamamatay sa sakit. Masasawi naman sa digmaan ang iba. Ang iba ay sa matinding gutom. At bibihagin ng mga kaaway ang iba pa!"

Address

MCCID Compound 145 Mayor Jose F Diaz Ext
San Mateo
1850

Website

Alerts

Be the first to know and let us send you an email when Grace Overflowing Christian Community Fellowship posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Grace Overflowing Christian Community Fellowship:

Shortcuts

Share

Category