San Jose Manggagawa Chapel - San Jose, San Luis, Pampanga

09/05/2026

Paanyaya para sa Pag-aalay ng Bulaklak kay Mahal na Inang Maria

Inaanyayahan po ang lahat ng dadalo sa Banal na Misa ngayong araw na magdala ng bulaklak bilang munting handog at pagpapakita ng ating pagmamahal at debosyon kay Mahal na Inang Maria.

Sa ating sama-samang pag-aalay ng mga bulaklak, nawa’y maipahayag natin ang ating pasasalamat, pananalig, at taos-pusong panalangin sa ating mapagmahal na Ina na patuloy na gumagabay at nananalangin para sa atin

“Maria, Ina ng awa at pag-asa, ipanalangin mo kami.”

09/05/2026

Banal na Misa | Sabado, Mayo 9, 2026

Inaanyayahan po ang lahat na makiisa sa pagdiriwang ng Banal na Misa ngayong araw ng Sabado, Mayo 9, 2026 sa ganap na ika-4 ng hapon. Sama-sama nating ialay ang ating mga panalangin, pasasalamat, at mga intensyon sa Panginoon habang pinapalalim ang ating pananampalataya at debosyon.

Sa gitna ng ating mga gawain at pagsubok, nawa’y magsilbing paalala ang Banal na Misa na hindi tayo nag-iisa sapagkat ang Diyos ay laging gumagabay at nagbibigay lakas sa atin araw-araw.

Tayo po ay sama-samang magtipon bilang isang komunidad ng pananampalataya upang purihin at pasalamatan ang Panginoon sa Kanyang walang hanggang pagmamahal at biyaya.

📍Sabado, Mayo 9, 2026
🕓 Ika-4 ng Hapon

05/05/2026

𝐏𝐈𝐒𝐓𝐀𝐍𝐆 𝐒𝐀𝐍 𝐉𝐎𝐒𝐄 𝟐𝟎𝟐𝟔!

Mula sa Kapilya ng San Jose Manggagawa, aming ipinaaabot ang lubos na pasasalamat sa lahat ng mga indibidwal at debotong nakibahagi at nakikiisa sa pagdiriwang ng Pistang San Jose 2026. Ang inyong pagdating, pagsuporta, at taimtim na pananampalataya ay nagbigay ng malaking ambag sa ikatatagumpay at kabanalan ng aming kapistahan.

Bukod pa rito, ipinaaabot din namin ang aming taos-pusong pasasalamat sa mga indibidwal na buong-pusong nagkaloob ng mahahalagang kagamitan na labis na nakatulong at nagamit sa matagumpay na pagdiriwang ng kapistahan ni San Jose. Kabilang sa mga mapagbigay na donasyong ito ang sumusunod:

Isang bagong Flat-Screen TV na kaloob ni 𝐆𝐈𝐍𝐎𝐎𝐍𝐆 𝐑𝐄𝐆𝐈𝐄 𝐁𝐀𝐓𝐀𝐂.

Mga bagong Wireless Microphone na handog ng 𝐎𝐍𝐄 𝐓𝐎𝐔𝐂𝐇 𝐒𝐇𝐎𝐏 𝐀𝐓 𝐍𝐈 𝐆𝐈𝐍𝐎𝐎𝐍𝐆 𝐉𝐀𝐘𝐒𝐎𝐍 𝐅𝐋𝐎𝐑𝐄𝐒.

Ang ipinagmamalaki nating Fiesta Vestment ni Apong San Jose na kaloob ni 𝐆𝐈𝐍𝐎𝐎𝐍𝐆 𝐉𝐎𝐒𝐄𝐏𝐇 𝐀𝐋𝐋𝐀𝐍 𝐀𝐁𝐀𝐓.

At ang nagpaganda sa ating pagdiriwang, ang mga sariwang Bulaklak pangkapistahan na kaloob ni 𝐆𝐈𝐍𝐀𝐍𝐆 𝐌𝐈𝐂𝐇𝐄𝐋𝐋𝐄 𝐒𝐀𝐍𝐆𝐂𝐀𝐏..

Nawa'y ang ating Panginoon, sa pamamagitan ni San Jose, ang siyang magbalik at magbuhos ng siksik, liglig, at umaapaw na biyaya hindi lamang sa inyo, kundi maging sa inyong buong pamilya. Maraming salamat po!

HANGGANG SA SUSUNOD NA PISTA MGA KABARANGAY!

Viva San Jose!

Tema: "San Jose: Dakilang Huwaran ng mga Manggagawa at Matibay na Sandigan ng Sambayanan”

02/05/2026

𝐌𝐀𝐒𝐃𝐀𝐍:

Mga kuhang larawan sa ginanap na Maringal na Prusisyon para sa Dakilang Kapistahan ng ating pintakasing Patron si San Jose Manggagawa.

TEMA: San Jose: Dakilang Huwaran ng mga Manggagawa at Matibay na Sandigan ng Sambayanan

San Jose Manggagawa Chapel | San Jose, San Luis, Pampanga | May 1, 2026 |

02/05/2026

𝐌𝐀𝐒𝐃𝐀𝐍:

Mga kuhang larawan sa ginanap na Banal na Misa para sa Dakilang Kapistahan ng ating pintakasing Patron si San Jose Manggagawa.

TEMA: San Jose: Dakilang Huwaran ng mga Manggagawa at Matibay na Sandigan ng Sambayanan

San Jose Manggagawa Chapel | San Jose, San Luis, Pampanga | May 1, 2026 |

02/05/2026

Magandang araw po!!

Wala po tayong misa ngayong araw ng sabado, pasensya at salamat po!

02/05/2026

𝐌𝐀𝐒𝐃𝐀𝐍:

Mga kuhang larawan sa isang matagumpay at makabuluhang 1st San Jose Replica Procession sa ating bisita.

Ang aming taos-pusong pasasalamat sa mga kamarerong sumama at nakilahok, gayundin sa lahat ng mga deboto na masigasig na umilaw sa mga karosa. Ang inyong suporta at debosyon ang nagbigay-buhay at ganda sa ating prusisyon.

TEMA: San Jose: Dakilang Huwaran ng mga Manggagawa at Matibay na Sandigan ng Sambayanan

San Jose Manggagawa Chapel | San Jose, San Luis, Pampanga | April 30, 2026 |

01/05/2026

𝐌𝐀𝐒𝐃𝐀𝐍:

Mga kuhang larawan sa ginanap na Ikasiyam na araw ng Novena bilang parangal sa ating Pintakasi at Minamahal na Patron, San Jose.

TEMA: San Jose: Dakilang Huwaran ng mga Manggagawa at Matibay na Sandigan ng Sambayanan

San Jose Manggagawa Chapel | San Jose, San Luis, Pampanga | April 30, 2026 |

01/05/2026

𝐌𝐀𝐒𝐃𝐀𝐍:

Mga kuhang larawan sa ginanap na Ikawalong araw ng Novena bilang parangal sa ating Pintakasi at Minamahal na Patron, San Jose.

TEMA: San Jose: Dakilang Huwaran ng mga Manggagawa at Matibay na Sandigan ng Sambayanan

San Jose Manggagawa Chapel | San Jose, San Luis, Pampanga | April 29, 2026 |

01/05/2026

𝐕𝐈𝐕𝐀 𝐒𝐀𝐍 𝐉𝐎𝐒𝐄 𝐀𝐍𝐆 𝐏𝐈𝐍𝐓𝐀𝐊𝐀𝐒𝐈𝐍𝐆 𝐏𝐀𝐓𝐑𝐎𝐍 𝐍𝐆 𝐁𝐀𝐑𝐀𝐍𝐆𝐀𝐘 𝐒𝐀𝐍 𝐉𝐎𝐒𝐄 𝐀𝐓 𝐍𝐆 𝐌𝐆𝐀 𝐌𝐀𝐍𝐆𝐆𝐀𝐆𝐀𝐖𝐀!

Maraming Salamat sa pakikiisa sa Dakilang ni San Jose ang Patron ng mga Manggagawa | Mayo 1, 2026

Diocesan Shrine and Parish of Nuestra Señora de la Merced

Tema:”San Jose: Dakilang Huwaran ng mga Manggagawa at Matibay na Sandigan ng Sambayanan”

Viva San Jose! Viva

On this blessed Feast of Saint Joseph, we honor the humble carpenter of Nazareth, a model of dignity in labor and fidelity in silence. Through his steadfast hands and obedient heart, he sanctified work and offered it as a pleasing sacrifice to God.

May Saint Joseph teach us to labor not only for earthly gain, but for the glory of God—transforming our daily tasks into acts of love, patience, and devotion. Under his patronage, may all workers be strengthened, all families be protected, and all hearts be led closer to Christ.

St. Joseph the Worker, pray for us.

01/05/2026

𝐕𝐈𝐕𝐀 𝐒𝐀𝐍 𝐉𝐎𝐒𝐄 𝐀𝐍𝐆 𝐏𝐈𝐍𝐓𝐀𝐊𝐀𝐒𝐈𝐍𝐆 𝐏𝐀𝐓𝐑𝐎𝐍 𝐍𝐆 𝐁𝐀𝐑𝐀𝐍𝐆𝐀𝐘 𝐒𝐀𝐍 𝐉𝐎𝐒𝐄 𝐀𝐓 𝐍𝐆 𝐌𝐆𝐀 𝐌𝐀𝐍𝐆𝐆𝐀𝐆𝐀𝐖𝐀!

Maraming Salamat sa pakikiisa sa Dakilang ni San Jose ang Patron ng mga Manggagawa | Mayo 1, 2026

Santo Niño de Pasion Chapel

Tema:”San Jose: Dakilang Huwaran ng mga Manggagawa at Matibay na Sandigan ng Sambayanan”

Viva San Jose! Viva

𝔐𝔞𝔩𝔦𝔤𝔞𝔶𝔞𝔫𝔤 𝔎𝔞𝔭𝔦𝔰𝔱𝔞𝔥𝔞𝔫 𝔖𝔞𝔫 𝔍𝔬𝔰𝔢 𝔐𝔞𝔫𝔤𝔤𝔞𝔤𝔞𝔴𝔞.

Panalangin kay San Jose Manggagawa

Amang San Jose, ikaw na huwaran ng kasipagan, kababaang loob, at katapatan sa gawain, nilalapitan ka namin sa aming pang araw-araw na pagsusumikap. Gabayan mo kami sa aming mga trabaho at tungkulin upang magampanan namin ito nang may sipag, tiyaga, at pagmamahal. Tulungan mo kaming maging matapat at responsable lalo na sa mga hamon at pagsubok na aming kinakaharap. Ipanalangin mo kami sa Diyos na kami’y pagkalooban ng sapat na kabuhayan, lakas ng katawan, at kapayapaan ng isipan. Turuan mo kaming ialay ang aming paggawa bilang paglilingkod sa Diyos at sa kapwa. San Jose Manggagawa, ipanalangin mo kami. Amen.

Mula po sa pamunuan ng Santo Niño de Pasion Chapel, kabataan at mga lingkod ng mahal na poong Santo Niño, kami po ay taos-pusong Bumabati ng Mabiyayang Araw ng Kapistan. San Jose Manggagawa Chapel - San Jose, San Luis, Pampanga .