08/11/2025
ORATIO IMPERATA
Panalangin a Pamagsadia para caring Calamidad
Mayupayang Ibpa, tatas mi la ding pusu mi q***a qñg mitmung capasalamatan, para qñg macapagmulalang lelangan mu á macayabe cami, para qñg ganaca mu qñg pamamie caring cailangan mi, at para qñg q***ang cabiasnan á magpagalo qñg meto-sicluban. Balu mi la ding casalanan mi q***a ampon qñg q***ang lelangan, ali cami meguing mayap a talaingat ning Calicasan, aliua ing pamanintindi mi qñg q***ang utus a 'sacupan ya ing yatu'. Ing calicasan ngeni ing magdusa caring quequeng mali, antimurin, ngeni pupupulan mi ing tenam míng abusu at quealan paquialam.
Atiu na q***ami ngeni ing ausan dang 'Global Warming'; Bagyu, albug, pamamacbung ning bulcan at mialiua pang delubio ing magaganap, daraca'la deti at pabagsic nong pabagsic. Lalapit que q***a, O malugud a Ibpa, maniauad capatauaran caring quequeng calapastanganan. Aniauaran mi q***a, qñg ding quequeng cacaluguran at pipagalan a pibandian micabius la sana caring calamidad, natural at gauang-tau. Pagparalampu mi ing ipabal mu sana ing graciang maging tune caming talaingat quing q***ang lelangan, ampon maging mapaniaup caring capara míng mangailangan. Amen.
Sta Rita de Cascia, ipanalangin mu cami,
San Luis Gonzaga, ipanalangin mu cami.
